Chivkeeb 19
19
Lub Nroog Xaudoos Tej Kev Txhum
1Thaus yuav tsausntuj ob tug timtswv moog txug rua ntawm lub nroog Xaudoos, Lauj tseem taabtom nyob ntawm roojloog. Thaus nwg pum dlheev obtug, nwg txawm sawvtseeg moog txaistog obtug. Nwg moog txhuscaug ndlua ntawm obtug xubndlag 2hab has tas, “ob tug tswv, kuv nyob ntawm nuav yog yuav tam meb. Thov meb moog huv kuv tsev, moog ntxuav kutaw hab pw ib mos huv kuv tsev. Pigkig kaajntug meb maamle sawvntxuv moog.”
Tabsis obtug teb tas, “Tau lawm lau, mo nuav wb yuav pw ntawm tshaavpuam nuav xwb.”
3Tabsis Lauj caw obtug heev le, thaus kawg obtug txhaj nrug Lauj moog su huv nwg tsev. Lauj kuas nwg cov tubkhai ci ncuav tsi xyaw keeb hab ua ib pluag zaub-mov qaab-qaab rua ob tug qhua ntawd noj. Thaus ua tau sav lawm obtug txhajle noj mo.
4Uantej obtug yuav moog pw, taagnrho tej txivneej kws nyob huv lub nroog Xaudoos, tsi has laug hab hluas, txawm tuaj vij nkaus Lauj lub tsev. 5Puab qw rua Lauj hab nug has tas, “Ob tug txivneej kws mo nuav tuaj su huv koj tsev nyob qhovtwg? Cale coj obtug tawm tuaj rua peb, sub peb txhaj tau nrug obtug ua nkauj ua nraug!”
6Lauj txawm tawm moog rua saabnrau hab muab qhovrooj kaw nkaus rua. 7Nwg has rua puab tas, “Cov kwvtij, thov mej tsi xob ua phem le nuav! 8Mej noog kuv has nawb, kuv muaj ob tug ntxhais tseem yog nkaujxwb. Thov ca kuv coj obtug tawm tuaj rua mej, es mej xaav ua lecaag rua obtug los nyob ntawm mej sab nyam. Tabsis thov mej tsi xob ua lecaag rua ob tug txivneej nuav hlo le, obtug tuaj ua qhua txug huv kuv tsev, kuv yuavtsum tivthaiv obtug.” #Cthj 19:22-24
9Tabsis puab qw has tas, “Nyuas tuabneeg txawv tebchaws ko, cale txaav kev rua peb! Koj yog leejtwg es koj tseem yuav txavtxim rua peb hab? Cale txaav kev, yog tsi le ntawd, peb yuav ua phem rua koj tshaaj peb ua rua obtug hab.” Puab cale thawb ntag Lauj rovqaab hab naam zog moog tsoo kuas qhovrooj tawg. 10Tabsis ob tug txivneej kws nyob huv tsev qheb hlo qhovrooj moog nqug kag Lauj rovqaab lug rua huv tsev hab muab qhovrooj kaw nkaus rua. 11Tes obtug txawm ua rua cov txivneej kws nyob saabnrau dligmuag taag huv tuabsi, puab txhaj tsi pumkev nrhav lub qhovrooj lawm. #2Vaaj 6:18
Lauj Tsiv Tawm Huv Lub Nroog Xaudoos
12ob tug txivneej ntawd has rua Lauj has tas, “Yog koj tseem tshuav tej tub, tej ntxhais, tej vauv, lossis kwvtij neejtsaa kws nyob huv lub nroog nuav, koj cale coj puab tsiv tawm ntawm thaaj chaw nuav moog, 13ruaqhov wb taabtom yuav ua kuas lub nroog nuav puamtsuaj moog. Tug TSWV tub nov tej suab quaj qw luj heev kws tawmtsaam txug cov tuabneeg nuav tej kev phem kev qas lawm, Nwg txhaj khaiv wb lug rhuav lub nroog Xaudoos nuav kuas puamtsuaj.”
14Tes Lauj txawm moog has rua ob tug hluas kws tau qhab nwg ob tug ntxhais lawm has tas, “Meb cale kawg-kag hab tsiv tawm ntawm thaaj chaw nuav moog, ruaqhov tug TSWV taabtom yuav rhuav lub nroog nuav kuas puamtsuaj!” Tabsis obtug xaav tas yog Lauj laam tso dlaag xwb.
15Thaus kaajntug txoog ob tug timtswv tau lug txhib kuas Lauj maajnroog. Obtug has tas, “Kawg-kag maj! Cale coj koj quaspuj hab koj ob tug ntxhais tawm taamsim nuav moog, mej txhaj yuav tsi tuag thaus lub nroog nuav raug kev puamtsuaj.” 16Lauj tseem pheej ua xyemxyaav, tes ob tug timtswv txhaj ntsab nkaus Lauj teg, nrug rua nwg quaspuj hab ob tug ntxhais, hab coj puab tawm huv lub nroog moog vim tug TSWV taabncuab Lauj heev. #2Pet 2:7 17Tes ib tug timtswv txawm has tas, “Tsiv tag kuas dlim nawb! Tsi xob tig saib qaab hab tsi xob nreg huv lub haav ib qho twg hlo le. Tsiv moog rua sau cov ncov roob mej txhaj yuav tsi tuag!”
18Tabsis Lauj teb tas, “Tug tswv, thov tsi xob ca peb tsiv moog rua tid. 19Koj yeej ua zoo rua kuv kawg nkaus le lawm kws yog cawm kuv txujsa, tabsis cov ncov roob ntawd nyob dleb heev; ntshai tsaam kev puamtsuaj lug caum cuag kuv, ua rua kuv tuag uantej moog txug tid. 20Koj puas pum lub nyuas moos miv-miv tid? Lub zog ntawd txhaj nyob ze mivntsiv xwb. Thov ca kuv moog lawm tid, koj yeej pum tas nwg yog ib lub nyuas moos miv-miv xwb, kuv txhaj yuav tsi tuag.”
21Nwg txhaj teb tas, “Tau kawg, ua le ntawd. Kuv yuav tsi rhuav lub moos tid. 22Kawg-kag! Cale moog! Kuv yuav tsi ua ib yaam dlaabtsi txug thaus kws koj tsiv moog txug tid tsaiv.”
Vim Lauj has tas lub moos tid yog ib lub moos kws miv, txhaj muab lub moos ntawd hu ua Xau-as.#19:22: Xau-as: Lub npe nuav has muaj ntsiv thooj le lulug Henplais kws has tas “miv.”
Xaudoos Hab Kaumaulas Raug Puamtsuaj
23Thaus Lauj tsiv moog txug tim lub moos Xau-as, nub taabtom tawm plawg tim npoo ntuj. 24Taamsim ntawd tug TSWV txawm tso suavtawg leejfaaj poob sau ntuj lug kub lub nroog Xaudoos hab lub nroog Kaumaulas, 25ua rua ob lub nroog ntawd hab taagnrho lub tajnraag, nrug rua tej tuabneeg kws nyob rua huv hab txhua yaam nrojtsuag qoobloo raug puamtsuaj taag. #Math 10:15; 11:23-24; Lukas 10:12; 17:29; 2Pet 2:6; Cthj 7 26Tabsis Lauj tug quaspuj kws lawv nwg qaab txawm tig saib rov tomqaab, tes nwg txawm cale khov kag ua ib tug ncej ntsev lawm. #Lukas 17:32
27Nub tomqaab, thaus sawvntxuv Anplahaas maaj ceevnrooj moog rua tom qhov chaw kws nwg sawv timntsej timmuag ntawm tug TSWV. 28Nwg saib moog rua huv lub nroog Xaudoos hab lub nroog Kaumaulas, hab saib moog thoobplawg lub tajnraag, nwg pum paatawg nchu auv nab huv thaajtsaam ntawd tuaj, cuag nkaus le ib cubtawg kws cig hlub heev. 29Tabsis thaus Vaajtswv rhuav ob lub nroog huv lub tajnraag kws Lauj nyob ntawd, Nwg yeej tseem ncuntsoov Anplahaas rua nruabsab hab tau paab Lauj kuas tsiv dlim txuj kev puamtsuaj.
Cov Mau-am Hab Cov Amoos
30Vim qhov kws Lauj ntshai nyob huv lub zog Xau-as, nwg hab nwg ob tug ntxhais txhaj tsiv moog nyob huv lub qhovtsua peg cov ncov roob. 31Tug ntxhais hlub has rua nwg tug namhluas tas, “Wb txiv tub laug lawm, hab tsi muaj tej txivneej kws nyob huv lub nplajteb#19:31: lub nplajteb; lossis lub tebchaws. nuav tuaj yuav wb moog ua quaspuj kuas wb muaj taug mivnyuas. 32Cale lug, es wb muab cawv txivmaab rua txiv haus kuas qaug, sub wb txhaj moog nrug tau txiv pw hab muaj tau mivnyuas lug ntawm nwg.” 33Yogle ntawd, mo ntawd obtug txhaj muab cawv txivmaab rua obtug txiv haus, tes tug ntxhais hlub txawm moog nrug nwg txiv pw; tabsis vim leejtxiv qaugcawv heev nwg yeej tsi paub txug tej ntawd.
34Nub tomqaab tug ntxhais hlub has rua nwg tug namhluas tas, “Naagmo kuv tub moog nrug txiv pw lawm, ibchim tsausntuj wb rov muab cawv rua txiv haus dlua, tes koj ho moog nrug nwg pw, sub wb txhaj yuav muaj mivnyuas lug ntawm wb txiv.” 35Yogle ntawd, mo ntawd obtug txhaj rov muab cawv txivmaab rua leejtxiv haus dlua, tes tug ntxhais yau txawm moog nrug leejtxiv pw. Leejtxiv kuj rov qaugcawv heev nwg txhaj tsi paub txug tej ntawd. 36Yogle ntawd, Lauj ob tug ntxhais txhaj xeebtub lug ntawm obtug txiv. 37Lauj tug ntxhais hlub txawm yug tau ib tug tub, nwg muab tis npe hu ua Mau-am.#19:37: Mau-am: Lub npe nuav has muaj ntsiv thooj le lulug Henplais kws has tas “lug ntawm kuv txiv.” Nwg yog tsaav tuabneeg Mau-am nwgnuav tug yawmkoob. 38Lauj tug ntxhais yau kuj yug tau ib tug tub hab, nwg muab tis npe hu ua Npee-amis.#19:38: Npee-amis: Lub npe nuav lug Henplais txhais has tas “kuv tug txheebze le tub” hab has muaj ntsiv thooj le Henplais lulug “cov Amoos.” Nwg yog tsaav tuabneeg Amoos nwgnuav tug yawmkoob.
Currently Selected:
Chivkeeb 19: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 19
19
Lub Nroog Xaudoos Tej Kev Txhum
1Thaus yuav tsausntuj ob tug timtswv moog txug rua ntawm lub nroog Xaudoos, Lauj tseem taabtom nyob ntawm roojloog. Thaus nwg pum dlheev obtug, nwg txawm sawvtseeg moog txaistog obtug. Nwg moog txhuscaug ndlua ntawm obtug xubndlag 2hab has tas, “ob tug tswv, kuv nyob ntawm nuav yog yuav tam meb. Thov meb moog huv kuv tsev, moog ntxuav kutaw hab pw ib mos huv kuv tsev. Pigkig kaajntug meb maamle sawvntxuv moog.”
Tabsis obtug teb tas, “Tau lawm lau, mo nuav wb yuav pw ntawm tshaavpuam nuav xwb.”
3Tabsis Lauj caw obtug heev le, thaus kawg obtug txhaj nrug Lauj moog su huv nwg tsev. Lauj kuas nwg cov tubkhai ci ncuav tsi xyaw keeb hab ua ib pluag zaub-mov qaab-qaab rua ob tug qhua ntawd noj. Thaus ua tau sav lawm obtug txhajle noj mo.
4Uantej obtug yuav moog pw, taagnrho tej txivneej kws nyob huv lub nroog Xaudoos, tsi has laug hab hluas, txawm tuaj vij nkaus Lauj lub tsev. 5Puab qw rua Lauj hab nug has tas, “Ob tug txivneej kws mo nuav tuaj su huv koj tsev nyob qhovtwg? Cale coj obtug tawm tuaj rua peb, sub peb txhaj tau nrug obtug ua nkauj ua nraug!”
6Lauj txawm tawm moog rua saabnrau hab muab qhovrooj kaw nkaus rua. 7Nwg has rua puab tas, “Cov kwvtij, thov mej tsi xob ua phem le nuav! 8Mej noog kuv has nawb, kuv muaj ob tug ntxhais tseem yog nkaujxwb. Thov ca kuv coj obtug tawm tuaj rua mej, es mej xaav ua lecaag rua obtug los nyob ntawm mej sab nyam. Tabsis thov mej tsi xob ua lecaag rua ob tug txivneej nuav hlo le, obtug tuaj ua qhua txug huv kuv tsev, kuv yuavtsum tivthaiv obtug.” #Cthj 19:22-24
9Tabsis puab qw has tas, “Nyuas tuabneeg txawv tebchaws ko, cale txaav kev rua peb! Koj yog leejtwg es koj tseem yuav txavtxim rua peb hab? Cale txaav kev, yog tsi le ntawd, peb yuav ua phem rua koj tshaaj peb ua rua obtug hab.” Puab cale thawb ntag Lauj rovqaab hab naam zog moog tsoo kuas qhovrooj tawg. 10Tabsis ob tug txivneej kws nyob huv tsev qheb hlo qhovrooj moog nqug kag Lauj rovqaab lug rua huv tsev hab muab qhovrooj kaw nkaus rua. 11Tes obtug txawm ua rua cov txivneej kws nyob saabnrau dligmuag taag huv tuabsi, puab txhaj tsi pumkev nrhav lub qhovrooj lawm. #2Vaaj 6:18
Lauj Tsiv Tawm Huv Lub Nroog Xaudoos
12ob tug txivneej ntawd has rua Lauj has tas, “Yog koj tseem tshuav tej tub, tej ntxhais, tej vauv, lossis kwvtij neejtsaa kws nyob huv lub nroog nuav, koj cale coj puab tsiv tawm ntawm thaaj chaw nuav moog, 13ruaqhov wb taabtom yuav ua kuas lub nroog nuav puamtsuaj moog. Tug TSWV tub nov tej suab quaj qw luj heev kws tawmtsaam txug cov tuabneeg nuav tej kev phem kev qas lawm, Nwg txhaj khaiv wb lug rhuav lub nroog Xaudoos nuav kuas puamtsuaj.”
14Tes Lauj txawm moog has rua ob tug hluas kws tau qhab nwg ob tug ntxhais lawm has tas, “Meb cale kawg-kag hab tsiv tawm ntawm thaaj chaw nuav moog, ruaqhov tug TSWV taabtom yuav rhuav lub nroog nuav kuas puamtsuaj!” Tabsis obtug xaav tas yog Lauj laam tso dlaag xwb.
15Thaus kaajntug txoog ob tug timtswv tau lug txhib kuas Lauj maajnroog. Obtug has tas, “Kawg-kag maj! Cale coj koj quaspuj hab koj ob tug ntxhais tawm taamsim nuav moog, mej txhaj yuav tsi tuag thaus lub nroog nuav raug kev puamtsuaj.” 16Lauj tseem pheej ua xyemxyaav, tes ob tug timtswv txhaj ntsab nkaus Lauj teg, nrug rua nwg quaspuj hab ob tug ntxhais, hab coj puab tawm huv lub nroog moog vim tug TSWV taabncuab Lauj heev. #2Pet 2:7 17Tes ib tug timtswv txawm has tas, “Tsiv tag kuas dlim nawb! Tsi xob tig saib qaab hab tsi xob nreg huv lub haav ib qho twg hlo le. Tsiv moog rua sau cov ncov roob mej txhaj yuav tsi tuag!”
18Tabsis Lauj teb tas, “Tug tswv, thov tsi xob ca peb tsiv moog rua tid. 19Koj yeej ua zoo rua kuv kawg nkaus le lawm kws yog cawm kuv txujsa, tabsis cov ncov roob ntawd nyob dleb heev; ntshai tsaam kev puamtsuaj lug caum cuag kuv, ua rua kuv tuag uantej moog txug tid. 20Koj puas pum lub nyuas moos miv-miv tid? Lub zog ntawd txhaj nyob ze mivntsiv xwb. Thov ca kuv moog lawm tid, koj yeej pum tas nwg yog ib lub nyuas moos miv-miv xwb, kuv txhaj yuav tsi tuag.”
21Nwg txhaj teb tas, “Tau kawg, ua le ntawd. Kuv yuav tsi rhuav lub moos tid. 22Kawg-kag! Cale moog! Kuv yuav tsi ua ib yaam dlaabtsi txug thaus kws koj tsiv moog txug tid tsaiv.”
Vim Lauj has tas lub moos tid yog ib lub moos kws miv, txhaj muab lub moos ntawd hu ua Xau-as.#19:22: Xau-as: Lub npe nuav has muaj ntsiv thooj le lulug Henplais kws has tas “miv.”
Xaudoos Hab Kaumaulas Raug Puamtsuaj
23Thaus Lauj tsiv moog txug tim lub moos Xau-as, nub taabtom tawm plawg tim npoo ntuj. 24Taamsim ntawd tug TSWV txawm tso suavtawg leejfaaj poob sau ntuj lug kub lub nroog Xaudoos hab lub nroog Kaumaulas, 25ua rua ob lub nroog ntawd hab taagnrho lub tajnraag, nrug rua tej tuabneeg kws nyob rua huv hab txhua yaam nrojtsuag qoobloo raug puamtsuaj taag. #Math 10:15; 11:23-24; Lukas 10:12; 17:29; 2Pet 2:6; Cthj 7 26Tabsis Lauj tug quaspuj kws lawv nwg qaab txawm tig saib rov tomqaab, tes nwg txawm cale khov kag ua ib tug ncej ntsev lawm. #Lukas 17:32
27Nub tomqaab, thaus sawvntxuv Anplahaas maaj ceevnrooj moog rua tom qhov chaw kws nwg sawv timntsej timmuag ntawm tug TSWV. 28Nwg saib moog rua huv lub nroog Xaudoos hab lub nroog Kaumaulas, hab saib moog thoobplawg lub tajnraag, nwg pum paatawg nchu auv nab huv thaajtsaam ntawd tuaj, cuag nkaus le ib cubtawg kws cig hlub heev. 29Tabsis thaus Vaajtswv rhuav ob lub nroog huv lub tajnraag kws Lauj nyob ntawd, Nwg yeej tseem ncuntsoov Anplahaas rua nruabsab hab tau paab Lauj kuas tsiv dlim txuj kev puamtsuaj.
Cov Mau-am Hab Cov Amoos
30Vim qhov kws Lauj ntshai nyob huv lub zog Xau-as, nwg hab nwg ob tug ntxhais txhaj tsiv moog nyob huv lub qhovtsua peg cov ncov roob. 31Tug ntxhais hlub has rua nwg tug namhluas tas, “Wb txiv tub laug lawm, hab tsi muaj tej txivneej kws nyob huv lub nplajteb#19:31: lub nplajteb; lossis lub tebchaws. nuav tuaj yuav wb moog ua quaspuj kuas wb muaj taug mivnyuas. 32Cale lug, es wb muab cawv txivmaab rua txiv haus kuas qaug, sub wb txhaj moog nrug tau txiv pw hab muaj tau mivnyuas lug ntawm nwg.” 33Yogle ntawd, mo ntawd obtug txhaj muab cawv txivmaab rua obtug txiv haus, tes tug ntxhais hlub txawm moog nrug nwg txiv pw; tabsis vim leejtxiv qaugcawv heev nwg yeej tsi paub txug tej ntawd.
34Nub tomqaab tug ntxhais hlub has rua nwg tug namhluas tas, “Naagmo kuv tub moog nrug txiv pw lawm, ibchim tsausntuj wb rov muab cawv rua txiv haus dlua, tes koj ho moog nrug nwg pw, sub wb txhaj yuav muaj mivnyuas lug ntawm wb txiv.” 35Yogle ntawd, mo ntawd obtug txhaj rov muab cawv txivmaab rua leejtxiv haus dlua, tes tug ntxhais yau txawm moog nrug leejtxiv pw. Leejtxiv kuj rov qaugcawv heev nwg txhaj tsi paub txug tej ntawd. 36Yogle ntawd, Lauj ob tug ntxhais txhaj xeebtub lug ntawm obtug txiv. 37Lauj tug ntxhais hlub txawm yug tau ib tug tub, nwg muab tis npe hu ua Mau-am.#19:37: Mau-am: Lub npe nuav has muaj ntsiv thooj le lulug Henplais kws has tas “lug ntawm kuv txiv.” Nwg yog tsaav tuabneeg Mau-am nwgnuav tug yawmkoob. 38Lauj tug ntxhais yau kuj yug tau ib tug tub hab, nwg muab tis npe hu ua Npee-amis.#19:38: Npee-amis: Lub npe nuav lug Henplais txhais has tas “kuv tug txheebze le tub” hab has muaj ntsiv thooj le Henplais lulug “cov Amoos.” Nwg yog tsaav tuabneeg Amoos nwgnuav tug yawmkoob.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.