Chivkeeb 25
25
Anplahaas Hab Ketulas Cov Xeebntxwv
(1 Xwmtxheej Vaajntxwv 1:32-33)
1Anplahaas yuav dlua ib tug quaspuj tshab, npe hu ua Ketulas. 2Ketulas yug tau Xeelaas, Yausaas, Medaas, Midias, Isinpaj, hab Suas, rua Anplahaas. 3Yausaas yog Senpas hab Dedaas obtug txiv, hab Dedaas cov xeebntxwv yog cov Asulees, cov Letusees hab cov Le-umees. 4Midias cov tub yog Efas, Efaws, Hanauj, Anpidas hab Eladas. Taagnrho cov nuav puavleej yog Ketulas cov xeebntxwv.
5Anplahaas tso txhua yaam kws yog nwg lub cuabtaam rua Ixaj; 6tabsis thaus Anplahaas tseem ua neej nyob, nwg tau muab qeeyaam khoomplig lug faib rua nwg ob tug namyau tej tub lawm hab. Tes nwg txhaj muab cov tub nuav cais moog nyob rua saab nubtuaj, kuas nyob nrug dleb ntawm nwg tug tub Ixaj.
Anplahaas Tuag Hab Muab Nwg Log
7-8Anplahaas ua neej nyob laug nkoog hab tuag thaus nwg noobnyoog muaj 175 xyoos. Nwg yog ib tug tuabneeg laug kws ua neej nyob puvntoob; nwg maam tuag moog nrug nwg tej kwvtij hab nwg tej yawmkoob kws tub xub tuag lawm nyob. 9Nwg ob tug tub, Ixaj hab Yisamayees coj nwg lub cev moog log rua huv lub Qhovtsua Makhepelas kws nyob ze rua ntawm Maales saab nubtuaj, huv Zauhas tug tub Efaloos kws yog tuabneeg Hitis thaaj teb. 10Yog thaaj teb kws yaav nraag ntej Anplahaas tub yuav lug ntawm cov tuabneeg Hitis lawm; Anplahaas hab nwg tug quaspuj kws yog Xalas obtug puavleej yog muab log uake rua ntawd. 11Tomqaab kws Anplahaas tuag lawm, Vaajtswv tau foom koobmoov rua nwg tug tub Ixaj. Thaus ntawd Ixaj nyob ze ntawm Npe-aws Lahais Lau-is.#25:11: Npe-aws Lahais Lau-is txhais has tas “Lub Qhovdlej ntawm Tug Muaj Sa Nyob Kws Pum Kuv.”
Yisamayees Caajceg
(1 Xwmtxheej Vaajntxwv 1:28-31)
12Ntawm nuav yog has txug Anplahaas tug tub Yisamayees caajceg kws yog Xalas tug ntxhais qhev Hankas kws yog tuabneeg Iziv yug rua Anplahaas. 13Yisamayees cov tub, pib tug tub hlub moog txug tug tub ntxawg yog muaj lawvle nuav: Nenpaiyaus, Kedas, Anpa-ees, Mixaas, 14Misemas, Dumas, Maxas, 15Hadas, Temas, Yetaws, Nafises hab Kedemas. 16Puab yog cov yawmkoob ntawm kaum-ob xeem tuabneeg, hab puab muab puab tej zog hab tej chaw nyob tis npe lawvle puab tej npe. 17Yisamayees muaj noobnyoog 137 xyoo nwg maam tuag moog nrug nwg tej kwvtij hab nwg tej yawmkoob kws tub xub tuag lawm nyob. 18Yisamayees cov xeebntxwv nyob rua huv cheebtsaam nruabnraab ntawm Havilas hab Saws kws nyob saab nubtuaj ntawm tebchaws Iziv txujkev moog rua peg tebchaws Axilias. Puab nyob puab rua ib qho tsi xyaw Anplahaas cov xeebntxwv.
Yug Exaus Hab Yakhauj
19Ntawm nuav yog has txug Anplahaas tug tub Ixaj lub neej. 20Ixaj noobnyoog muaj plaubcaug xyoo rua thaus nwg yuav Lanpaas tug muam Lenpekas kws yog Npethuyees tug ntxhais. Npethuyees yog tuabneeg Alamej kws nyob peg tebchaws Padaas Alaas.#25:20: Padaas Alaas; lossis Mexuputamias. 21Vim Lenpekas xeeb tsi taug tub le, Ixaj txhaj thov tug TSWV pub rua Lenpekas. Tug TSWV txhaj teb Ixaj tej lug thov, hab Lenpekas txawm xeebtub lawm. 22Nwg suab ob tug mivnyuas ntxaib. Thaus tseem tsi tau yug, obtug tub sis tawmtsaam huv leejnam plaab lawm. Lenpekas txhaj has tas, “Vim lecaag txhaj muaj tej yaam zoole nuav tshwmsim rua kuv?” Yogle ntawd, nwg txhaj moog nug tug TSWV seb yog vim lecaag.
23Tug TSWV has rua nwg has tas,
“Muaj ob tsaav tuabneeg nyob rua huv koj plaab;
Koj yuav yug tau ob tsaav tuabneeg kws yuav sis tawmtsaam.
Ib tug yuav muajzug tshaaj ib tug;
Tug tij yuav ua tug kwv qhev.” #Loos 9:12
24Thaus txug caij yug lawm, nwg txhaj yug tau ob tug tub ntxaib. 25Thawjtug nqajtawv lab, hab tuaj plaub nplwg loo zoole lub tsho ntev kws muab tej plaub tsaj ua. Yogle ntawd, txhaj tis nwg lub npe hu ua Exaus.#25:25: Exaus: Lub npe nuav tis lawvle Xe-aws, kws yog ib thaaj chaw kws tomqaab nuav Exaus cov xeebntxwv tau moog nyob; lub npe Xe-aws nuav has muaj ntsiv thooj le lulug Henplais kws has tas “tuaj plaub.” 26Tug thib ob yug lug, nwg txawm tuav rawv Exaus lub laujtaws. Yogle ntawd, txhaj tis nwg lub npe hu ua Yakhauj.#25:26: Yakhauj: Lub npe nuav has muaj ntsiv thooj le Henplais lulug kws has tas “laujtaws.” Ixaj muaj noobnyoog raucaum xyoo rua thaus yug ob tug tub ntxaib ntawd.
Exaus Muag Nwg Lub Meejmom Tijlaug Rua Yakhauj
27Thaus ob tug tub ntawd lujhlub tav hluas lawm, Exaus yog ib tug kws txawj tua nqaj, nwg yog ib tug tuabneeg nyam plhob haavzoov heev, tabsis Yakhauj yog ib tug tuabneeg ncaujlug tsawg hab nwg nyam nyob huv tsev xwb. 28Ixaj nyam Exaus dlua, ruaqhov nwg nyam noj tej nqaj tsaj qus kws Exaus moog tua tau lug, tabsis Lenpekas nyam Yakhauj dlua.
29Muaj ib nub thaus Yakhauj taabtom hau mivntsiv taum rua huv qhovcub, Exaus moog plhob tua nqaj lug txug, nwg tshaib plaab heev. 30Nwg has rua Yakhauj tas, “Kuv tshaib plaab kawg le, thov muab koj cov taum lab mivntsiv pub rua kuv noj.” (Tub yog vimle ntawd txhaj muab Exaus tis npe hu ua Edoos.#25:30: Edoos: Lub npe nuav has muaj ntsiv thooj le lulug Henplais kws has tas “lab.”)
31Yakhauj teb tas, “Yog koj muab koj lub meejmom tub hlub pauv rua kuv, kuv txhaj yuav pub rua koj noj.”
32Exaus teb tas, “Ua le kag! Kuv tub yuav tuag tshaib ntawm nuav, lub nyuas meejmom tub hlub xwb yuav muaj nujnqes dlaabtsi rua kuv?”
33Yakhauj teb tas, “Koj yuavtsum coglug uantej rua kuv tsaiv has tas koj yuav muab lub meejmom tub hlub rua kuv.”
Exaus txhaj coglug hab muab nwg lub meejmom tub hlub rua Yakhauj. #Henpl 12:16 34Tes Yakhauj txawm muab mivntsiv ncuav hab mivntsiv kua taum rua Exaus. Thaus nwg noj hab haus taag, tes nwg txawm sawv moog lawm. Qhov ntawd tub yog Exaus ua saib tsi taug nwg lub meejmom kws ua tug tub hlub.
Currently Selected:
Chivkeeb 25: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 25
25
Anplahaas Hab Ketulas Cov Xeebntxwv
(1 Xwmtxheej Vaajntxwv 1:32-33)
1Anplahaas yuav dlua ib tug quaspuj tshab, npe hu ua Ketulas. 2Ketulas yug tau Xeelaas, Yausaas, Medaas, Midias, Isinpaj, hab Suas, rua Anplahaas. 3Yausaas yog Senpas hab Dedaas obtug txiv, hab Dedaas cov xeebntxwv yog cov Asulees, cov Letusees hab cov Le-umees. 4Midias cov tub yog Efas, Efaws, Hanauj, Anpidas hab Eladas. Taagnrho cov nuav puavleej yog Ketulas cov xeebntxwv.
5Anplahaas tso txhua yaam kws yog nwg lub cuabtaam rua Ixaj; 6tabsis thaus Anplahaas tseem ua neej nyob, nwg tau muab qeeyaam khoomplig lug faib rua nwg ob tug namyau tej tub lawm hab. Tes nwg txhaj muab cov tub nuav cais moog nyob rua saab nubtuaj, kuas nyob nrug dleb ntawm nwg tug tub Ixaj.
Anplahaas Tuag Hab Muab Nwg Log
7-8Anplahaas ua neej nyob laug nkoog hab tuag thaus nwg noobnyoog muaj 175 xyoos. Nwg yog ib tug tuabneeg laug kws ua neej nyob puvntoob; nwg maam tuag moog nrug nwg tej kwvtij hab nwg tej yawmkoob kws tub xub tuag lawm nyob. 9Nwg ob tug tub, Ixaj hab Yisamayees coj nwg lub cev moog log rua huv lub Qhovtsua Makhepelas kws nyob ze rua ntawm Maales saab nubtuaj, huv Zauhas tug tub Efaloos kws yog tuabneeg Hitis thaaj teb. 10Yog thaaj teb kws yaav nraag ntej Anplahaas tub yuav lug ntawm cov tuabneeg Hitis lawm; Anplahaas hab nwg tug quaspuj kws yog Xalas obtug puavleej yog muab log uake rua ntawd. 11Tomqaab kws Anplahaas tuag lawm, Vaajtswv tau foom koobmoov rua nwg tug tub Ixaj. Thaus ntawd Ixaj nyob ze ntawm Npe-aws Lahais Lau-is.#25:11: Npe-aws Lahais Lau-is txhais has tas “Lub Qhovdlej ntawm Tug Muaj Sa Nyob Kws Pum Kuv.”
Yisamayees Caajceg
(1 Xwmtxheej Vaajntxwv 1:28-31)
12Ntawm nuav yog has txug Anplahaas tug tub Yisamayees caajceg kws yog Xalas tug ntxhais qhev Hankas kws yog tuabneeg Iziv yug rua Anplahaas. 13Yisamayees cov tub, pib tug tub hlub moog txug tug tub ntxawg yog muaj lawvle nuav: Nenpaiyaus, Kedas, Anpa-ees, Mixaas, 14Misemas, Dumas, Maxas, 15Hadas, Temas, Yetaws, Nafises hab Kedemas. 16Puab yog cov yawmkoob ntawm kaum-ob xeem tuabneeg, hab puab muab puab tej zog hab tej chaw nyob tis npe lawvle puab tej npe. 17Yisamayees muaj noobnyoog 137 xyoo nwg maam tuag moog nrug nwg tej kwvtij hab nwg tej yawmkoob kws tub xub tuag lawm nyob. 18Yisamayees cov xeebntxwv nyob rua huv cheebtsaam nruabnraab ntawm Havilas hab Saws kws nyob saab nubtuaj ntawm tebchaws Iziv txujkev moog rua peg tebchaws Axilias. Puab nyob puab rua ib qho tsi xyaw Anplahaas cov xeebntxwv.
Yug Exaus Hab Yakhauj
19Ntawm nuav yog has txug Anplahaas tug tub Ixaj lub neej. 20Ixaj noobnyoog muaj plaubcaug xyoo rua thaus nwg yuav Lanpaas tug muam Lenpekas kws yog Npethuyees tug ntxhais. Npethuyees yog tuabneeg Alamej kws nyob peg tebchaws Padaas Alaas.#25:20: Padaas Alaas; lossis Mexuputamias. 21Vim Lenpekas xeeb tsi taug tub le, Ixaj txhaj thov tug TSWV pub rua Lenpekas. Tug TSWV txhaj teb Ixaj tej lug thov, hab Lenpekas txawm xeebtub lawm. 22Nwg suab ob tug mivnyuas ntxaib. Thaus tseem tsi tau yug, obtug tub sis tawmtsaam huv leejnam plaab lawm. Lenpekas txhaj has tas, “Vim lecaag txhaj muaj tej yaam zoole nuav tshwmsim rua kuv?” Yogle ntawd, nwg txhaj moog nug tug TSWV seb yog vim lecaag.
23Tug TSWV has rua nwg has tas,
“Muaj ob tsaav tuabneeg nyob rua huv koj plaab;
Koj yuav yug tau ob tsaav tuabneeg kws yuav sis tawmtsaam.
Ib tug yuav muajzug tshaaj ib tug;
Tug tij yuav ua tug kwv qhev.” #Loos 9:12
24Thaus txug caij yug lawm, nwg txhaj yug tau ob tug tub ntxaib. 25Thawjtug nqajtawv lab, hab tuaj plaub nplwg loo zoole lub tsho ntev kws muab tej plaub tsaj ua. Yogle ntawd, txhaj tis nwg lub npe hu ua Exaus.#25:25: Exaus: Lub npe nuav tis lawvle Xe-aws, kws yog ib thaaj chaw kws tomqaab nuav Exaus cov xeebntxwv tau moog nyob; lub npe Xe-aws nuav has muaj ntsiv thooj le lulug Henplais kws has tas “tuaj plaub.” 26Tug thib ob yug lug, nwg txawm tuav rawv Exaus lub laujtaws. Yogle ntawd, txhaj tis nwg lub npe hu ua Yakhauj.#25:26: Yakhauj: Lub npe nuav has muaj ntsiv thooj le Henplais lulug kws has tas “laujtaws.” Ixaj muaj noobnyoog raucaum xyoo rua thaus yug ob tug tub ntxaib ntawd.
Exaus Muag Nwg Lub Meejmom Tijlaug Rua Yakhauj
27Thaus ob tug tub ntawd lujhlub tav hluas lawm, Exaus yog ib tug kws txawj tua nqaj, nwg yog ib tug tuabneeg nyam plhob haavzoov heev, tabsis Yakhauj yog ib tug tuabneeg ncaujlug tsawg hab nwg nyam nyob huv tsev xwb. 28Ixaj nyam Exaus dlua, ruaqhov nwg nyam noj tej nqaj tsaj qus kws Exaus moog tua tau lug, tabsis Lenpekas nyam Yakhauj dlua.
29Muaj ib nub thaus Yakhauj taabtom hau mivntsiv taum rua huv qhovcub, Exaus moog plhob tua nqaj lug txug, nwg tshaib plaab heev. 30Nwg has rua Yakhauj tas, “Kuv tshaib plaab kawg le, thov muab koj cov taum lab mivntsiv pub rua kuv noj.” (Tub yog vimle ntawd txhaj muab Exaus tis npe hu ua Edoos.#25:30: Edoos: Lub npe nuav has muaj ntsiv thooj le lulug Henplais kws has tas “lab.”)
31Yakhauj teb tas, “Yog koj muab koj lub meejmom tub hlub pauv rua kuv, kuv txhaj yuav pub rua koj noj.”
32Exaus teb tas, “Ua le kag! Kuv tub yuav tuag tshaib ntawm nuav, lub nyuas meejmom tub hlub xwb yuav muaj nujnqes dlaabtsi rua kuv?”
33Yakhauj teb tas, “Koj yuavtsum coglug uantej rua kuv tsaiv has tas koj yuav muab lub meejmom tub hlub rua kuv.”
Exaus txhaj coglug hab muab nwg lub meejmom tub hlub rua Yakhauj. #Henpl 12:16 34Tes Yakhauj txawm muab mivntsiv ncuav hab mivntsiv kua taum rua Exaus. Thaus nwg noj hab haus taag, tes nwg txawm sawv moog lawm. Qhov ntawd tub yog Exaus ua saib tsi taug nwg lub meejmom kws ua tug tub hlub.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.