Chivkeeb 29
29
Yakhauj Moog Txug Huv Lanpaas Tsev
1Yakhauj txawm rausab ntso taug kev moog txug rua huv cov tuabneeg kws nyob saab nubtuaj lub tebchaws. 2Taamsim ntawd, nwg txawm pum ib lub qhovdlej nyob huv dlaim teb, hab muaj peb paab yaaj pw pawglug ncig lub qhovdlej ntawd. Cov yaaj ntawd yeej haus dlej huv lub qhovdlej ntawd; muaj ib dlaim txag zeb luj-luj npug lub qhovdlej ntawd. 3Thaus cov yaaj lug sissau rua ntawm lub qhovdlej lawm, tes cov tub yug yaaj maamle muab dlaim txag zeb ntawd tshem tawm hab ntaus dlej rua cov yaaj haus. Tomqaab ntawd puab maamle rov muab dlaim txag zeb lug npug lub qhovdlej rua.
4Yakhauj nug cov tuabneeg yug yaaj has tas, “Cov kwvtij, mej tuaj qhovtwg tuaj?”
Puab teb tas, “Peb tuaj tom lub nroog Halaas tuaj.”
5Nwg rov nug has tas, “Mej puas paub Lanpaas kws yog Nahaus tug tub?”
Puab teb tas, “Peb paub mas.”
6Nwg rov nug has tas, “Nwg puas nojqaab nyobzoo?”
Puab teb tas, “Nwg nojqaab nyobzoo. Koj saib tid maj, nwg tug ntxhais Laxees taabtom taav nwg paab yaaj tuaj txug tid.”
7Nwg has tas, “Taamsim nuav tseem ntxuv heev tsi tau txug lub caij taav tej tsaj moog tsev, uacaag mej tsi cug dlej rua cov tsaj haus hab coj rov moog noj zaub dlua?”
8Puab teb tas, “Peb tsi ua le ntawd; peb yuavtsum tog txug thaus cov tsaj lug txhij rua ntawm nuav tsaiv, peb maam muab dlaim txag zeb tshem tawm hab ntaus dlej rua cov tsaj haus.”
9Thaus Yakhauj taabtom nrug puab thaam, Laxees txawm taav nwg txiv paab yaaj lug txug ncua ntawd. 10Thaus Yakhauj pum Laxees coj nwg tug txivdlaab Lanpaas paab yaaj lug txug ntawd lawm, Yakhauj txawm moog rua ntawm lub qhovdlej, muab dlaim txag zeb tshem tawm, hab ntaus dlej rua cov yaaj haus. 11Nwg nwj kag Laxees hab cale tsaa suab hlo quaj vim zoosab heev. 12Nwg has rua Laxees has tas nwg yog Laxees txiv tug muam, kws yog Lenpekas tug tub.
Laxees txhaj dlha moog qha rua nwg txiv. 13Thaus Lanpaas nov tas nwg tug muam tug tub Yakhauj tuaj, nwg txawm dlha loo moog tog Yakhauj, muab Yakhauj khawm nkaus hab nwj, hab coj Yakhauj lug tsev. Yakhauj txhaj qha txhua yaam rua Lanpaas noog, 14tes Lanpaas has rua Yakhauj has tas, “Tseeb lawm lau, koj yeej yog kuv nqajtawv hab rojntshaa tag.” Yakhauj nrug Lanpaas nyob tau ib hlis nkaus.
Yakhauj Yuav Laxees Hab Le-as Ua Quaspuj
15Lanpaas has rua Yakhauj has tas, “Koj hab kuv wb txawm yog txheebze los tsi tsimnyog koj yuav cale ua num pub dlawb rua kuv xwb. Koj xaav yuav nqezug pistsawg?” 16Lanpaas muaj ob tug ntxhais, tug hlub hu ua Le-as, hab tug yau hu ua Laxees. 17Le-as ob lub qhovmuag tsi tshua ntxim nyam#29:17: tsi tshua ntxim nyam; lossis tsi zoo saismuag. pistsawg, tabsis Laxees lub cev ntaajntsug zoonkauj hab ntxim nyam heev.
18Yakhauj nyam Laxees dlua, yogle ntawd, nwg txhaj has tas, “Yog koj kaam kuv yuav Laxees ua quaspuj, kuv yuav ua num rua koj xyaa xyoo.”
19Lanpaas teb tas, “Kuv zoosab muab Laxees rua koj, zoo dlua le kuv muab rua lwmtug, koj cale nrug kuv nyob ntawm nuav.” 20Yakhauj txhaj ua num xyaa xyoo kuas tau Laxees lug ua nwg quaspuj. Txawm yog sijhawm ntev npaum le ntawd los zoole ob-peb nyuas nub rua Yakhauj xwb, ruaqhov nwg hlub Laxees heev.
21Thaus puv sijhawm lawm Yakhauj txhaj has rua Lanpaas has tas, “Kuv tub ua num puv xyaa xyoo lawm, thov muab Laxees rua kuv yuav.” 22Yogle ntawd, Lanpaas txhaj ua ib rooj mov hab caw txhua tug tuaj nrug nwg noj tshoob. 23Yog tag mas yuavtsum muab Laxees rua Yakhauj, tabsis mo ntawd Lanpaas muab Le-as moog rua Yakhauj, tes Yakhauj txawm nrug Le-as pw. ( 24Lanpaas muab nwg tug ntxhais qhev kws hu ua Xilepas rua nwg tug ntxhais Le-as ua nwg tug ntxhais qhev.)
25Thaus kaajntug Yakhauj maamle paub tas tug kws nrug nwg pw ntawd yog Le-as. Nwg txhaj moog has rua Lanpaas has tas, “Vim lecaag koj txhaj ua le nuav rua kuv? Kuv ua num rua koj yog xaav yuav Laxees. Vim lecaag koj txhaj dlaag kuv?”
26Lanpaas teb tas, “Vim peb cov tuabneeg nyob tebchaws nuav, tsi muaj cai xub qua tug namhluas uantej tug taislaug. 27Tog xyaa nub kuas rooj tshoob dlhau tsaiv, kuv maamle muab Laxees rua koj, yog tas koj kaam rovqaab ua num rua kuv xyaa lub xyoo ntxiv.”
28Yakhauj kuj pumzoo ua le ntawd, tes thaus xyaa nub kws ua tshoob ntawd dlhau lawm, Lanpaas txhaj muab Laxees txis rua Yakhauj yuav ua quaspuj. ( 29Lanpaas muab nwg tug ntxhais qhev kws hu ua Npilehas rua nwg tug ntxhais Laxees ua ntxhais qhev.) 30Yakhauj nrug Laxees pw hab nwg hlub Laxees heev dlua le Le-as. Yakhauj rov ua num rua Lanpaas xyaa xyoo ntxiv.
Yakhauj Cov Mivnyuas
31Thaus Vaajtswv pum tas Yakhauj hlub Le-as tsi npaum le hlub Laxees, Nwg txhaj ca Le-as muaj mivnyuas xwb, tabsis tsi pub kuas Laxees muaj taug mivnyuas. 32Le-as txawm xeebtub hab yug tau ib tug tub. Nwg txhaj has tas, “Tug TSWV pum kuv tej kev lwjsab, zagnua kuv tug quasyawg yuav hlub kuv lau”; yogle ntawd, nwg txhaj tis tug tub ntawd lub npe hu ua Lunpees.#29:32: Lunpees: Lub npe nuav has muaj ntsiv thooj le lulug Henplais kws has tas “saib maj, yog ib tug tub” hab “pum kuv tej kev lwjsab.”
33Le-as rov xeebtub hab yug tau ib tug tub ntxiv. Nwg has tas, “Tug TSWV pub kuv rov muaj tug tub nuav hab, ruaqhov Nwg nov tas kuv tug quasyawg tsi hlub kuv”; yogle ntawd, nwg txhaj tis tug tub ntawd lub npe hu ua Xime-oos.#29:33: Xime-oos: Lub npe nuav has muaj ntsiv thooj le lulug Henplais kws has tas “nov.” 34Le-as rov xeebtub dlua hab yug tau ib tug tub ntxiv. Nwg has tas, “Zagnua kuv tug quasyawg lub sab yuav npuab rua ntawm kuv lawm xwb, ruaqhov kuv tub yug tau peb tug tub rua nwg lawm”; yogle ntawd, nwg txhaj tis tug tub ntawd lub npe hu ua Levis.#29:34: Levis: Lub npe nuav has muaj ntsiv thooj le lulug Henplais kws has tas “muab khi nkaus.” 35Le-as rov xeebtub hab yug tau ib tug tub ntxiv. Nwg has tas, “Zagnua kuv yuav qhuas tug TSWV”; yogle ntawd, nwg txhaj tis tug tub ntawd lub npe hu ua Yudas.#29:35: Yudas: Lub npe nuav has muaj ntsiv thooj le lulug Henplais kws has tas “qhuas”. Tes nwg txawm tseg tsi muaj mivnyuas lawm.
Currently Selected:
Chivkeeb 29: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 29
29
Yakhauj Moog Txug Huv Lanpaas Tsev
1Yakhauj txawm rausab ntso taug kev moog txug rua huv cov tuabneeg kws nyob saab nubtuaj lub tebchaws. 2Taamsim ntawd, nwg txawm pum ib lub qhovdlej nyob huv dlaim teb, hab muaj peb paab yaaj pw pawglug ncig lub qhovdlej ntawd. Cov yaaj ntawd yeej haus dlej huv lub qhovdlej ntawd; muaj ib dlaim txag zeb luj-luj npug lub qhovdlej ntawd. 3Thaus cov yaaj lug sissau rua ntawm lub qhovdlej lawm, tes cov tub yug yaaj maamle muab dlaim txag zeb ntawd tshem tawm hab ntaus dlej rua cov yaaj haus. Tomqaab ntawd puab maamle rov muab dlaim txag zeb lug npug lub qhovdlej rua.
4Yakhauj nug cov tuabneeg yug yaaj has tas, “Cov kwvtij, mej tuaj qhovtwg tuaj?”
Puab teb tas, “Peb tuaj tom lub nroog Halaas tuaj.”
5Nwg rov nug has tas, “Mej puas paub Lanpaas kws yog Nahaus tug tub?”
Puab teb tas, “Peb paub mas.”
6Nwg rov nug has tas, “Nwg puas nojqaab nyobzoo?”
Puab teb tas, “Nwg nojqaab nyobzoo. Koj saib tid maj, nwg tug ntxhais Laxees taabtom taav nwg paab yaaj tuaj txug tid.”
7Nwg has tas, “Taamsim nuav tseem ntxuv heev tsi tau txug lub caij taav tej tsaj moog tsev, uacaag mej tsi cug dlej rua cov tsaj haus hab coj rov moog noj zaub dlua?”
8Puab teb tas, “Peb tsi ua le ntawd; peb yuavtsum tog txug thaus cov tsaj lug txhij rua ntawm nuav tsaiv, peb maam muab dlaim txag zeb tshem tawm hab ntaus dlej rua cov tsaj haus.”
9Thaus Yakhauj taabtom nrug puab thaam, Laxees txawm taav nwg txiv paab yaaj lug txug ncua ntawd. 10Thaus Yakhauj pum Laxees coj nwg tug txivdlaab Lanpaas paab yaaj lug txug ntawd lawm, Yakhauj txawm moog rua ntawm lub qhovdlej, muab dlaim txag zeb tshem tawm, hab ntaus dlej rua cov yaaj haus. 11Nwg nwj kag Laxees hab cale tsaa suab hlo quaj vim zoosab heev. 12Nwg has rua Laxees has tas nwg yog Laxees txiv tug muam, kws yog Lenpekas tug tub.
Laxees txhaj dlha moog qha rua nwg txiv. 13Thaus Lanpaas nov tas nwg tug muam tug tub Yakhauj tuaj, nwg txawm dlha loo moog tog Yakhauj, muab Yakhauj khawm nkaus hab nwj, hab coj Yakhauj lug tsev. Yakhauj txhaj qha txhua yaam rua Lanpaas noog, 14tes Lanpaas has rua Yakhauj has tas, “Tseeb lawm lau, koj yeej yog kuv nqajtawv hab rojntshaa tag.” Yakhauj nrug Lanpaas nyob tau ib hlis nkaus.
Yakhauj Yuav Laxees Hab Le-as Ua Quaspuj
15Lanpaas has rua Yakhauj has tas, “Koj hab kuv wb txawm yog txheebze los tsi tsimnyog koj yuav cale ua num pub dlawb rua kuv xwb. Koj xaav yuav nqezug pistsawg?” 16Lanpaas muaj ob tug ntxhais, tug hlub hu ua Le-as, hab tug yau hu ua Laxees. 17Le-as ob lub qhovmuag tsi tshua ntxim nyam#29:17: tsi tshua ntxim nyam; lossis tsi zoo saismuag. pistsawg, tabsis Laxees lub cev ntaajntsug zoonkauj hab ntxim nyam heev.
18Yakhauj nyam Laxees dlua, yogle ntawd, nwg txhaj has tas, “Yog koj kaam kuv yuav Laxees ua quaspuj, kuv yuav ua num rua koj xyaa xyoo.”
19Lanpaas teb tas, “Kuv zoosab muab Laxees rua koj, zoo dlua le kuv muab rua lwmtug, koj cale nrug kuv nyob ntawm nuav.” 20Yakhauj txhaj ua num xyaa xyoo kuas tau Laxees lug ua nwg quaspuj. Txawm yog sijhawm ntev npaum le ntawd los zoole ob-peb nyuas nub rua Yakhauj xwb, ruaqhov nwg hlub Laxees heev.
21Thaus puv sijhawm lawm Yakhauj txhaj has rua Lanpaas has tas, “Kuv tub ua num puv xyaa xyoo lawm, thov muab Laxees rua kuv yuav.” 22Yogle ntawd, Lanpaas txhaj ua ib rooj mov hab caw txhua tug tuaj nrug nwg noj tshoob. 23Yog tag mas yuavtsum muab Laxees rua Yakhauj, tabsis mo ntawd Lanpaas muab Le-as moog rua Yakhauj, tes Yakhauj txawm nrug Le-as pw. ( 24Lanpaas muab nwg tug ntxhais qhev kws hu ua Xilepas rua nwg tug ntxhais Le-as ua nwg tug ntxhais qhev.)
25Thaus kaajntug Yakhauj maamle paub tas tug kws nrug nwg pw ntawd yog Le-as. Nwg txhaj moog has rua Lanpaas has tas, “Vim lecaag koj txhaj ua le nuav rua kuv? Kuv ua num rua koj yog xaav yuav Laxees. Vim lecaag koj txhaj dlaag kuv?”
26Lanpaas teb tas, “Vim peb cov tuabneeg nyob tebchaws nuav, tsi muaj cai xub qua tug namhluas uantej tug taislaug. 27Tog xyaa nub kuas rooj tshoob dlhau tsaiv, kuv maamle muab Laxees rua koj, yog tas koj kaam rovqaab ua num rua kuv xyaa lub xyoo ntxiv.”
28Yakhauj kuj pumzoo ua le ntawd, tes thaus xyaa nub kws ua tshoob ntawd dlhau lawm, Lanpaas txhaj muab Laxees txis rua Yakhauj yuav ua quaspuj. ( 29Lanpaas muab nwg tug ntxhais qhev kws hu ua Npilehas rua nwg tug ntxhais Laxees ua ntxhais qhev.) 30Yakhauj nrug Laxees pw hab nwg hlub Laxees heev dlua le Le-as. Yakhauj rov ua num rua Lanpaas xyaa xyoo ntxiv.
Yakhauj Cov Mivnyuas
31Thaus Vaajtswv pum tas Yakhauj hlub Le-as tsi npaum le hlub Laxees, Nwg txhaj ca Le-as muaj mivnyuas xwb, tabsis tsi pub kuas Laxees muaj taug mivnyuas. 32Le-as txawm xeebtub hab yug tau ib tug tub. Nwg txhaj has tas, “Tug TSWV pum kuv tej kev lwjsab, zagnua kuv tug quasyawg yuav hlub kuv lau”; yogle ntawd, nwg txhaj tis tug tub ntawd lub npe hu ua Lunpees.#29:32: Lunpees: Lub npe nuav has muaj ntsiv thooj le lulug Henplais kws has tas “saib maj, yog ib tug tub” hab “pum kuv tej kev lwjsab.”
33Le-as rov xeebtub hab yug tau ib tug tub ntxiv. Nwg has tas, “Tug TSWV pub kuv rov muaj tug tub nuav hab, ruaqhov Nwg nov tas kuv tug quasyawg tsi hlub kuv”; yogle ntawd, nwg txhaj tis tug tub ntawd lub npe hu ua Xime-oos.#29:33: Xime-oos: Lub npe nuav has muaj ntsiv thooj le lulug Henplais kws has tas “nov.” 34Le-as rov xeebtub dlua hab yug tau ib tug tub ntxiv. Nwg has tas, “Zagnua kuv tug quasyawg lub sab yuav npuab rua ntawm kuv lawm xwb, ruaqhov kuv tub yug tau peb tug tub rua nwg lawm”; yogle ntawd, nwg txhaj tis tug tub ntawd lub npe hu ua Levis.#29:34: Levis: Lub npe nuav has muaj ntsiv thooj le lulug Henplais kws has tas “muab khi nkaus.” 35Le-as rov xeebtub hab yug tau ib tug tub ntxiv. Nwg has tas, “Zagnua kuv yuav qhuas tug TSWV”; yogle ntawd, nwg txhaj tis tug tub ntawd lub npe hu ua Yudas.#29:35: Yudas: Lub npe nuav has muaj ntsiv thooj le lulug Henplais kws has tas “qhuas”. Tes nwg txawm tseg tsi muaj mivnyuas lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.