Chivkeeb 28
28
1Ixaj txhaj hu Yakhauj lug cuag nwg, foom koobmoov rua nwg, hab has rua nwg tas, “Koj tsi xob yuav cov tuabneeg Kana-aas tej ntxhais. 2Cale moog lawm tim tebchaws Padaas Alaas#28:2: Padaas Alaas; lossis Mexuputamias. kws yog koj yawm Npethuyees tsev, hab moog yuav cov ntxhais tid ib tug lug ua koj quaspuj, yuav koj txivdlaab Lanpaas cov ntxhais ib tug ntaag. 3Thov Vaajtswv tug kws muaj Fwjchim Luj Kawg Nkaus foom koobmoov rua koj hab pub koj muaj tubki coob, kuas koj dlhau moog ua ntau tsaav tuabneeg tug yawmkoob! 4Thov kuas Nwg foom koobmoov rua koj hab koj caajceg ib yaam le Nwg tau foom koobmoov rua Anplahaas lawm, hab thov kuas koj tau thaaj aav kws Vaajtswv muab pub rua Anplahaas kws koj tau lug nyob nuav lawm ua koj tug!” #Chiv 17:4-8 5Ixaj txhaj tso Yakhauj moog rua tim tebchaws Padaas Alaas, moog nrug Lanpaas kws yog Npethuyees kws yog tuabneeg Alamej tug tub, kws yog Yakhauj hab Exaus obtug nam Lenpekas tug nug hlub nyob.
Exaus Yuav Dlua Ib Tug Namyau
6Exaus paub tas Ixaj tau foom koobmoov rua Yakhauj hab tso nwg moog nrhav yuav quaspuj rua tim tebchaws Padaas Alaas lawm; hab nwg paub tas thaus Ixaj foom koobmoov rua Yakhauj ntawd, nwg tau xaaj tsi pub kuas Yakhauj moog yuav cov tuabneeg Kana-aas tej ntxhais lug ua quaspuj hab. 7Exaus paub tas Yakhauj yeej noog nwg nam hab nwg txiv lug, hab nwg tau moog rua tim tebchaws Padaas Alaas lawm tag. 8Tes Exaus txhaj pum tas nwg txiv Ixaj tsi nyam cov quaspuj kws yog tuabneeg Kana-aas. 9Yogle ntawd, nwg txhaj moog yuav Anplahaas tug tub Yisamayees tug ntxhais Mahalas kws yog Nenpaiyaus tug muam lug ua quaspuj.
Yakhauj Ua Npausuav
10Yakhauj sawvkev ntawm lub nroog Npe-awsenpas moog rua tim lub nroog Halaas. 11Thaus nub poobqho, nwg moog txug ntawm ib thaaj chaw,#28:11: thaaj chaw; lossis thaaj chaw dlawbhuv. nwg txhaj pw ib mos rua ntawd. Nwg muab ib lub pobzeb lug ua ncoo rua nwg pw tsaugzug. 12Nwg ua npausuav pum ib tug ntaiv tuam huv aav nuav moog nto ntuj plawg; muaj ib cov timtswv nce moog-moog lug-lug ntawm tug ntaiv ntawd. #Yauh 1:51 13Uacav txawm pum tug TSWV sawv nreg nreeg ntawm nwg ib saab.#28:13: ntawm nwg ib saab; lossis sau tug ntaiv. Tug TSWV has tas, “Kuv yog tug TSWV, kws yog Anplahaas hab Ixaj tug Vaajtswv. Kuv yuav muab thaaj aav kws koj taabtom pw ntawm ko pub rua koj hab koj caajceg. #Chiv 13:14-15 14Koj caajceg yuav coob npaum nkaus le cov moov aav huv nplajteb nuav. Puab yuav nthuav puab lub tebchaws kuas dlaav moog rua txhua faab, hab Kuv yuav foom koobmoov ntawm koj hab koj caajceg moog rua txhua tsaav tuabneeg.#28:14: ntawm koj … txhua tsaav tuabneeg; lossis txhua tsaav tuabneeg yuav thov Kuv foom koobmoov rua puab ib yaam le Kuv foom koobmoov rua koj hab koj caajceg. #Chiv 12:3; 22:18 15Ncuntsoov tas Kuv yuav nrugnraim koj hab tsomkwm koj txhua qhov chaw kws koj moog, hab Kuv yuav coj koj rov lug nyob rua ntawm thaaj aav nuav dlua. Kuv yuav tsi ncaim koj moog txug thaus Kuv ua txhua yaam tav taag lawvle Kuv tau coglug rua koj lawm.”
16Yakhauj tsim dlheev lug hab nwg has tas, “Tug TSWV nyob ntawm nuav! Nwg nyob rua ntawm thaaj chaw nuav, tabsis yog kuv tsi paub xwb!” 17Nwg ntshai heev hab nwg has tas, “Qhov chaw nuav txaus ntshai heev! Qhov chaw nuav yeej yuavtsum yog Vaajtswv lub tsev hab yog lub roojntug kws qheb moog rua ceebtsheej ntaag lauj.”
18Taagkig Yakhauj txawm sawvntxuv tseeg hab muab lub pobzeb kws nwg muab lug rau ncoo ntawd teeb ua ib tug ncej puavpheej ncu tseg. Tes nwg muab roj txivntoo laub rua sau lub pobzeb hab muab fij rua Vaajtswv. 19Nwg txhaj tis npe rua thaaj chaw ntawd hu ua Npethees#28:19: Npethees: Lub npe nuav lug Henplais txhais has tas “Vaajtswv lub tsev”. (Lub moos ntawd thaus u hu ua Lus.)
20Yakhauj txawm coglug rua tug TSWV has tas, “Yog Koj nrugnraim kuv hab tsomkwm kuv taug kev moog, pub mov rua kuv noj hab tsoogtsho rua kuv naav, 21moog txug thaus kuv rovqaab lug txug rua huv kuv txiv lub zej lub zog kaajsab lug, mas Koj txhaj yuav yog kuv tug Vaajtswv tag. 22Lub pobzeb kws kuv muab teeb ua puavpheej ncu txug nuav yuav yog qhov chaw kws pehawm Koj ntaag, hab kuv yuav muab ib feem kaum ntawm txhua yaam kws Koj muab rua kuv lawm rua koj.”
Currently Selected:
Chivkeeb 28: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 28
28
1Ixaj txhaj hu Yakhauj lug cuag nwg, foom koobmoov rua nwg, hab has rua nwg tas, “Koj tsi xob yuav cov tuabneeg Kana-aas tej ntxhais. 2Cale moog lawm tim tebchaws Padaas Alaas#28:2: Padaas Alaas; lossis Mexuputamias. kws yog koj yawm Npethuyees tsev, hab moog yuav cov ntxhais tid ib tug lug ua koj quaspuj, yuav koj txivdlaab Lanpaas cov ntxhais ib tug ntaag. 3Thov Vaajtswv tug kws muaj Fwjchim Luj Kawg Nkaus foom koobmoov rua koj hab pub koj muaj tubki coob, kuas koj dlhau moog ua ntau tsaav tuabneeg tug yawmkoob! 4Thov kuas Nwg foom koobmoov rua koj hab koj caajceg ib yaam le Nwg tau foom koobmoov rua Anplahaas lawm, hab thov kuas koj tau thaaj aav kws Vaajtswv muab pub rua Anplahaas kws koj tau lug nyob nuav lawm ua koj tug!” #Chiv 17:4-8 5Ixaj txhaj tso Yakhauj moog rua tim tebchaws Padaas Alaas, moog nrug Lanpaas kws yog Npethuyees kws yog tuabneeg Alamej tug tub, kws yog Yakhauj hab Exaus obtug nam Lenpekas tug nug hlub nyob.
Exaus Yuav Dlua Ib Tug Namyau
6Exaus paub tas Ixaj tau foom koobmoov rua Yakhauj hab tso nwg moog nrhav yuav quaspuj rua tim tebchaws Padaas Alaas lawm; hab nwg paub tas thaus Ixaj foom koobmoov rua Yakhauj ntawd, nwg tau xaaj tsi pub kuas Yakhauj moog yuav cov tuabneeg Kana-aas tej ntxhais lug ua quaspuj hab. 7Exaus paub tas Yakhauj yeej noog nwg nam hab nwg txiv lug, hab nwg tau moog rua tim tebchaws Padaas Alaas lawm tag. 8Tes Exaus txhaj pum tas nwg txiv Ixaj tsi nyam cov quaspuj kws yog tuabneeg Kana-aas. 9Yogle ntawd, nwg txhaj moog yuav Anplahaas tug tub Yisamayees tug ntxhais Mahalas kws yog Nenpaiyaus tug muam lug ua quaspuj.
Yakhauj Ua Npausuav
10Yakhauj sawvkev ntawm lub nroog Npe-awsenpas moog rua tim lub nroog Halaas. 11Thaus nub poobqho, nwg moog txug ntawm ib thaaj chaw,#28:11: thaaj chaw; lossis thaaj chaw dlawbhuv. nwg txhaj pw ib mos rua ntawd. Nwg muab ib lub pobzeb lug ua ncoo rua nwg pw tsaugzug. 12Nwg ua npausuav pum ib tug ntaiv tuam huv aav nuav moog nto ntuj plawg; muaj ib cov timtswv nce moog-moog lug-lug ntawm tug ntaiv ntawd. #Yauh 1:51 13Uacav txawm pum tug TSWV sawv nreg nreeg ntawm nwg ib saab.#28:13: ntawm nwg ib saab; lossis sau tug ntaiv. Tug TSWV has tas, “Kuv yog tug TSWV, kws yog Anplahaas hab Ixaj tug Vaajtswv. Kuv yuav muab thaaj aav kws koj taabtom pw ntawm ko pub rua koj hab koj caajceg. #Chiv 13:14-15 14Koj caajceg yuav coob npaum nkaus le cov moov aav huv nplajteb nuav. Puab yuav nthuav puab lub tebchaws kuas dlaav moog rua txhua faab, hab Kuv yuav foom koobmoov ntawm koj hab koj caajceg moog rua txhua tsaav tuabneeg.#28:14: ntawm koj … txhua tsaav tuabneeg; lossis txhua tsaav tuabneeg yuav thov Kuv foom koobmoov rua puab ib yaam le Kuv foom koobmoov rua koj hab koj caajceg. #Chiv 12:3; 22:18 15Ncuntsoov tas Kuv yuav nrugnraim koj hab tsomkwm koj txhua qhov chaw kws koj moog, hab Kuv yuav coj koj rov lug nyob rua ntawm thaaj aav nuav dlua. Kuv yuav tsi ncaim koj moog txug thaus Kuv ua txhua yaam tav taag lawvle Kuv tau coglug rua koj lawm.”
16Yakhauj tsim dlheev lug hab nwg has tas, “Tug TSWV nyob ntawm nuav! Nwg nyob rua ntawm thaaj chaw nuav, tabsis yog kuv tsi paub xwb!” 17Nwg ntshai heev hab nwg has tas, “Qhov chaw nuav txaus ntshai heev! Qhov chaw nuav yeej yuavtsum yog Vaajtswv lub tsev hab yog lub roojntug kws qheb moog rua ceebtsheej ntaag lauj.”
18Taagkig Yakhauj txawm sawvntxuv tseeg hab muab lub pobzeb kws nwg muab lug rau ncoo ntawd teeb ua ib tug ncej puavpheej ncu tseg. Tes nwg muab roj txivntoo laub rua sau lub pobzeb hab muab fij rua Vaajtswv. 19Nwg txhaj tis npe rua thaaj chaw ntawd hu ua Npethees#28:19: Npethees: Lub npe nuav lug Henplais txhais has tas “Vaajtswv lub tsev”. (Lub moos ntawd thaus u hu ua Lus.)
20Yakhauj txawm coglug rua tug TSWV has tas, “Yog Koj nrugnraim kuv hab tsomkwm kuv taug kev moog, pub mov rua kuv noj hab tsoogtsho rua kuv naav, 21moog txug thaus kuv rovqaab lug txug rua huv kuv txiv lub zej lub zog kaajsab lug, mas Koj txhaj yuav yog kuv tug Vaajtswv tag. 22Lub pobzeb kws kuv muab teeb ua puavpheej ncu txug nuav yuav yog qhov chaw kws pehawm Koj ntaag, hab kuv yuav muab ib feem kaum ntawm txhua yaam kws Koj muab rua kuv lawm rua koj.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.