Chivkeeb 27
27
Ixaj Foom Koobmoov Rua Yakhauj
1Thaus Ixaj laug hab qhovmuag tsi pumkev lawm, nwg tau tso tuabneeg moog hu nwg tug tub hlub Exaus lug hab nwg has tas, “Tub 'e!”
Exaus teb tas, “Txiv, kuv nyob ntawm nuav.”
2Ixaj has tas, “Koj pum tas kuv tub laug lawm hab kuv yuav tuag nub twg los tsi paub le. 3Nqaa koj raab neevnti hab cov xub, moog yos tom haavzoov hab tua ib cov nqaj nruabnraag lug rua kuv noj. 4Cale ua ib pluag zaub-mov qaab-qaab kws kuv nyam hab nqaa lug rua kuv noj. Tomqaab kws kuv noj taag lawm, kuv yuav foom koobmoov rua koj zag kawg uantej kuv tuag.”
5Thaus Ixaj taabtom has rua Exaus ntawd, Lenpekas txawm ua tuabywv noog. Yogle ntawd, thaus Exaus tawm moog yos tua nqaj lawm, 6Lenpekas txawm has rua Yakhauj tas, “Kuv nyavnyuas nov koj txiv has rua Exaus tas, 7‘Koj cale moog yos tua ib cov nqaj hab ua ib pluag mov qaab-qaab lug rua kuv noj. Tomqaab kws noj taag lawm, kuv yuav foom koobmoov rua koj taabmeeg tug TSWV uantej kuv tuag.’ ” 8Lenpekas has tas, “Zagnua nawb, mivtub, koj noog kuv has hab ua le kuv qha. 9Koj moog rua nraag cov tsaj hab nteg ob tug mivnyuas tshis kws puv-puv lug rua kuv, es kuv yuav muab tua ua ib pluag qaab-qaab kws koj txiv nyam heev rua koj txiv noj. 10Koj nqaa moog rua koj txiv noj, hab nwg yuav foom koobmoov rua koj uantej nwg tuag.”
11Yakhauj txawm has rua nwg nam has tas, “Koj paub tas kuv tug tijlaug Exaus yog tuabneeg tuaj plaub, tabsis kuv tej tawv nqaj dlu lug xwb. 12Nyobtsaam kuv txiv cev teg plhw kuv, es nwg paub tas yog kuv dlaag nwg xwb; yog ua le nuav, ntshe kuv yuav tau nwg lulug foom phem, hab yuav tsi tau koobmoov.”
13Nwg nam teb tas, “Kuv tub, txhua yaam kws koj txiv foom phem ca poob rua kuv ris huv tuabsi; cale ua lawvle qhov kuv has rua koj xwb, moog nteg ob tug mivnyuas tshis lug rua kuv.” 14Yogle ntawd, Yakhauj txhaj moog nteg tau ob tug mivnyuas tshis caab lug rua nwg nam, tes leejnam txhaj muab tua ua ib pluag nqaj qaab heev kws nwg txiv nyam noj. 15Tes Lenpekas txawm moog muab Exaus kws yog nwg tug tub hlub, cev tsoogtsho zoo tshaajplawg kws nwg khaws ca rua huv tsev, lug rua Yakhauj naav. 16Nwg muab ob dlaim tawv tshis lug qhwv Yakhauj ob txhais ncejnpaab hab Yakhauj lub cejdlaab qhov kws tsi tuaj plaub. 17Tes nwg txawm muab cov nqaj kws qaab-qaab ntawd hab cov ncuav ci kws nwg ua tau lawm, rua nwg tug tub Yakhauj.
18Yakhauj txhaj nqaa moog rua nwg txiv hab has tas, “Txiv!”
Ixaj teb tas, “Kuv nyob nuav os, koj yog leejtwg, Exaus los Yakhauj?”
19Yakhauj teb tas, “Kuv yog koj tug tub hlub Exaus os; kuv tub ua tav taag lawvle koj tau has rua kuv lawm. Koj cale sawv lug hab noj tej nqaj kws kuv nqaa lug, hab foom koobmoov rua kuv.”
20Ixaj nug has tas, “Mivtub, uacaag koj yuav nrhav tau nqaj sai ualuaj le?”
Yakhauj teb tas, “Tug TSWV kws yog koj tug Vaajtswv ua tug paab kuv nrhav xwb.”
21Ixaj has rua Yakhauj has tas, “Koj cale txaav lug kuas ze, kuas kuv cev teg plhw tau koj seb koj puas yog Exaus tag los tsi yog?” 22Yakhauj txhaj txaav zog moog rua ntawm nwg txiv; Ixaj txhaj cev teg tuaj plhw Yakhauj hab has tas, “Koj lub suab haslug mas zoole Yakhauj lub, tabsis koj ob txhais npaab ho zoole Exaus ob txhais.” 23Nwg tsi paub Yakhauj lawm ruaqhov Yakhauj ob txhais npaab tuaj plaub nplwg loo zoole Exaus ob txhais hab. Nwg tub yuav pib foom koobmoov rua Yakhauj, 24tabsis nwg tseem rov nug ntxiv has tas, “Koj yog kuv tug tub Exaus tag-tag lov?”
Yakhauj teb tas, “Kuv yog tag-tag os.”
25Ixaj has tas, “Tsaws cov nqaj lug rua kuv noj. Thaus kuv noj taag lawm, kuv maamle foom koobmoov rua koj.” Yakhauj txhaj tsaws lug rua nwg txiv noj hab tseem nqaa cawv lug rua nwg txiv haus huv tuabsi. 26Tes Ixaj has rua Yakhauj has tas, “Tub 'e, koj txaav lug kuas ze zog hab nwj kuv.” 27Thaus Yakhauj txaav zog lug nwj Ixaj, Ixaj na Yakhauj lub tsho tsw Exaus tug ntxhab lawm tag, nwg txhaj foom koobmoov rua Yakhauj. Nwg has tas, “Kuv tug tub nuav tug ntxhab tsw ib yaam le thaaj teb kws tug TSWV tub foom koobmoov rua lawm.#Henpl 11:20 28Thov Vaajtswv tso lwgdlej sau ntuj lug rua koj tej teb kuas zoo qoobloo! Thov Nwg pub rua koj tej nplej hab tej txivmaab kuas ntsu! 29Thov kuas ntau tsaav tuabneeg lug ua koj le tubkhai, hab thov kuas tej pejxeem qhau cev qhau hau lug hawm koj. Thov kuas koj tau ua tug kaav taagnrho koj tsoom kwvtij, hab thov kuas koj nam cov xeebntxwv qhau cev qhau hau lug hawm koj. Thov kuas cov kws foom phem rua koj raug foom phem, hab thov kuas cov kws foom koobmoov rua koj tau txais koobmoov ib yaam nkaus.”#Chiv 12:3
Exaus Thov Ixaj Foom Koobmoov Rua Nwg
30Ixaj foom koobmoov taagnrho xwb, Yakhauj tawm plawg lawm, tes nwg tug tijlaug Exaus kws moog yos tua nqaj txawm lug txug ncua. 31Nwg kuj muab cov nqaj ntawd ua tau qaab-qaab hab nqaa moog rua nwg txiv. Nwg has tas, “Kuv txiv, sawv lug hab noj tej nqaj kws kuv moog tua tau hab ua nqaa lug rua koj, es koj yuav foom koobmoov rua kuv.”
32Ixaj nug has tas, “Koj yog leejtwg?”
Exaus teb tas, “Kuv yog koj tug tub hlub, Exaus.”
33Ixaj poobsab nthaav hab ua ibce tsheenyo, nwg txhaj nug has tas, “Tug puastaab kws tua tau nqaj hab ua lug rua kuv noj taag lawm, ho yog leejtwg? Kuv nyavnyuas noj taagnrho uantej koj lug nuav xwb. Kuv tub foom taagnrho tej koobmoov rua nwg lawm, tes tej koobmoov ntawd yuav yog nwg tug moog ibtxhis le lawm.”
34Thaus Exaus nov le ntawd, nwg mobsab heev, nwg tsaa suab hlo quaj hab has tas, “Txiv, thov koj foom koobmoov rua kuv ib yaam nkaus hab los mas!”
35Ixaj teb tas, “Koj tug kwv lug dlaag kuv, hab nwg tau txais koj tej koobmoov taag lawm.”
36Exaus has tas, “Zag nuav yog zag thib ob kws nwg txhaav kuv tug. Nwg lub npe yeej phim hu ua Yakhauj lawm tag.#27:36: Yakhauj: Lub npe nuav has muaj ntsiv thooj le lulug Henplais kws has tas “txhaav luas tug.” Nwg tub txeeb kuv lub meejmom tub hlub lawm, zagnua nwg tseem txeeb kuv tej koobmoov lawm hab. Koj txawm tsi tshuav ib qhov koobmoov seem rua kuv le lawm lov?” #Chiv 25:29-34
37Ixaj teb tas, “Kuv tub tsaa nwg lug ua num ua tswv kaav koj, hab kuv tub foom kuas taagnrho nwg cov kwvtij lug ua nwg tubkhai huv tuabsi lawm. Kuv tau foom koobmoov kuas nwg tej nplej hab txivmaab kuas ntsu. Mivtub, taamsim nuav tes kuv tsi tshuav ib yaam dlaabtsi kws yuav ua tau rua koj ntxiv le lawm!”
38Exaus rov taij nwg txiv has tas, “Txiv, koj tsuas muaj tuabqhov koobmoov nkaus xwb lov? Thov foom koobmoov rua kuv hab los mas txiv!” Tes nwg txawm tsaa suab hlo quaj. #Henpl 12:17
39Tes Ixaj has rua Exaus has tas,
“Yuav tsi muaj lwgdlej sau ntuj lug rua koj,
Koj tej teb yuav tsi zoo qoob.
40Koj yuav ua neej lug ntawm koj raab ntaaj,
Hab koj yuav ua koj tug kwv qhev.
Yog thaus twg koj nti tag-tag,#27:40: nti tag-tag; lossis ntxeevsab.
Koj txhajle dlim ntawm nwg kev tswjfwm.” #Henpl 11:20 #Chiv 36:8; 2Vaaj 8:20
41Exaus txawm ntxub Yakhauj heev, vim tej koobmoov kws nwg txiv tau foom rua Yakhauj lawm. Nwg xaav tas, “Lub sijhawm quajntsuag rua kuv txiv nub tuag tub lug ze lawm, dlhau ntawd kuv yuav muab Yakhauj tua povtseg.”
42Tabsis thaus Lenpekas nov txug Exaus tej tswvyim ntawd, nwg txhaj has kuas Yakhauj lug ntsib nwg hab has tas, “Koj noog nawb, koj tug tijlaug Exaus tuav tswvyim yuav tua koj povtseg pauj kev chim. 43Mivtub, zagnua koj ua le kuv has nawb. Koj cale tsiv moog rua tim kuv tug nug Lanpaas kws nyob rua lub nroog Halaas, 44hab nrug nwg nyob ib ntus, kuas koj tug tijlaug xaam chim 45hab novqaab txug tej kws koj ua rua nwg lawm tsaiv. Thaus ntawd kuv maam nrhav tuabneeg tuaj tog koj rovqaab lug. Kuv txawm yuav nplaam kuv ob tug tub uake rua tuabnub le ntaag lov?”
Ixaj Tso Yakhauj Moog Nrug Lanpaas Nyob
46Lenpekas has rua Ixaj tas, “Kuv dlhuav Exaus ob tug quaspuj kws yog cov tuabneeg Hitis ntawd hwv lawm. Yog Yakhauj tseem moog yuav cov tuabneeg Hitis nuav ib tug ntxhais lug ua quaspuj hab, ntshe kuv yeem tuag moog zoo dlua.”
Currently Selected:
Chivkeeb 27: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 27
27
Ixaj Foom Koobmoov Rua Yakhauj
1Thaus Ixaj laug hab qhovmuag tsi pumkev lawm, nwg tau tso tuabneeg moog hu nwg tug tub hlub Exaus lug hab nwg has tas, “Tub 'e!”
Exaus teb tas, “Txiv, kuv nyob ntawm nuav.”
2Ixaj has tas, “Koj pum tas kuv tub laug lawm hab kuv yuav tuag nub twg los tsi paub le. 3Nqaa koj raab neevnti hab cov xub, moog yos tom haavzoov hab tua ib cov nqaj nruabnraag lug rua kuv noj. 4Cale ua ib pluag zaub-mov qaab-qaab kws kuv nyam hab nqaa lug rua kuv noj. Tomqaab kws kuv noj taag lawm, kuv yuav foom koobmoov rua koj zag kawg uantej kuv tuag.”
5Thaus Ixaj taabtom has rua Exaus ntawd, Lenpekas txawm ua tuabywv noog. Yogle ntawd, thaus Exaus tawm moog yos tua nqaj lawm, 6Lenpekas txawm has rua Yakhauj tas, “Kuv nyavnyuas nov koj txiv has rua Exaus tas, 7‘Koj cale moog yos tua ib cov nqaj hab ua ib pluag mov qaab-qaab lug rua kuv noj. Tomqaab kws noj taag lawm, kuv yuav foom koobmoov rua koj taabmeeg tug TSWV uantej kuv tuag.’ ” 8Lenpekas has tas, “Zagnua nawb, mivtub, koj noog kuv has hab ua le kuv qha. 9Koj moog rua nraag cov tsaj hab nteg ob tug mivnyuas tshis kws puv-puv lug rua kuv, es kuv yuav muab tua ua ib pluag qaab-qaab kws koj txiv nyam heev rua koj txiv noj. 10Koj nqaa moog rua koj txiv noj, hab nwg yuav foom koobmoov rua koj uantej nwg tuag.”
11Yakhauj txawm has rua nwg nam has tas, “Koj paub tas kuv tug tijlaug Exaus yog tuabneeg tuaj plaub, tabsis kuv tej tawv nqaj dlu lug xwb. 12Nyobtsaam kuv txiv cev teg plhw kuv, es nwg paub tas yog kuv dlaag nwg xwb; yog ua le nuav, ntshe kuv yuav tau nwg lulug foom phem, hab yuav tsi tau koobmoov.”
13Nwg nam teb tas, “Kuv tub, txhua yaam kws koj txiv foom phem ca poob rua kuv ris huv tuabsi; cale ua lawvle qhov kuv has rua koj xwb, moog nteg ob tug mivnyuas tshis lug rua kuv.” 14Yogle ntawd, Yakhauj txhaj moog nteg tau ob tug mivnyuas tshis caab lug rua nwg nam, tes leejnam txhaj muab tua ua ib pluag nqaj qaab heev kws nwg txiv nyam noj. 15Tes Lenpekas txawm moog muab Exaus kws yog nwg tug tub hlub, cev tsoogtsho zoo tshaajplawg kws nwg khaws ca rua huv tsev, lug rua Yakhauj naav. 16Nwg muab ob dlaim tawv tshis lug qhwv Yakhauj ob txhais ncejnpaab hab Yakhauj lub cejdlaab qhov kws tsi tuaj plaub. 17Tes nwg txawm muab cov nqaj kws qaab-qaab ntawd hab cov ncuav ci kws nwg ua tau lawm, rua nwg tug tub Yakhauj.
18Yakhauj txhaj nqaa moog rua nwg txiv hab has tas, “Txiv!”
Ixaj teb tas, “Kuv nyob nuav os, koj yog leejtwg, Exaus los Yakhauj?”
19Yakhauj teb tas, “Kuv yog koj tug tub hlub Exaus os; kuv tub ua tav taag lawvle koj tau has rua kuv lawm. Koj cale sawv lug hab noj tej nqaj kws kuv nqaa lug, hab foom koobmoov rua kuv.”
20Ixaj nug has tas, “Mivtub, uacaag koj yuav nrhav tau nqaj sai ualuaj le?”
Yakhauj teb tas, “Tug TSWV kws yog koj tug Vaajtswv ua tug paab kuv nrhav xwb.”
21Ixaj has rua Yakhauj has tas, “Koj cale txaav lug kuas ze, kuas kuv cev teg plhw tau koj seb koj puas yog Exaus tag los tsi yog?” 22Yakhauj txhaj txaav zog moog rua ntawm nwg txiv; Ixaj txhaj cev teg tuaj plhw Yakhauj hab has tas, “Koj lub suab haslug mas zoole Yakhauj lub, tabsis koj ob txhais npaab ho zoole Exaus ob txhais.” 23Nwg tsi paub Yakhauj lawm ruaqhov Yakhauj ob txhais npaab tuaj plaub nplwg loo zoole Exaus ob txhais hab. Nwg tub yuav pib foom koobmoov rua Yakhauj, 24tabsis nwg tseem rov nug ntxiv has tas, “Koj yog kuv tug tub Exaus tag-tag lov?”
Yakhauj teb tas, “Kuv yog tag-tag os.”
25Ixaj has tas, “Tsaws cov nqaj lug rua kuv noj. Thaus kuv noj taag lawm, kuv maamle foom koobmoov rua koj.” Yakhauj txhaj tsaws lug rua nwg txiv noj hab tseem nqaa cawv lug rua nwg txiv haus huv tuabsi. 26Tes Ixaj has rua Yakhauj has tas, “Tub 'e, koj txaav lug kuas ze zog hab nwj kuv.” 27Thaus Yakhauj txaav zog lug nwj Ixaj, Ixaj na Yakhauj lub tsho tsw Exaus tug ntxhab lawm tag, nwg txhaj foom koobmoov rua Yakhauj. Nwg has tas, “Kuv tug tub nuav tug ntxhab tsw ib yaam le thaaj teb kws tug TSWV tub foom koobmoov rua lawm.#Henpl 11:20 28Thov Vaajtswv tso lwgdlej sau ntuj lug rua koj tej teb kuas zoo qoobloo! Thov Nwg pub rua koj tej nplej hab tej txivmaab kuas ntsu! 29Thov kuas ntau tsaav tuabneeg lug ua koj le tubkhai, hab thov kuas tej pejxeem qhau cev qhau hau lug hawm koj. Thov kuas koj tau ua tug kaav taagnrho koj tsoom kwvtij, hab thov kuas koj nam cov xeebntxwv qhau cev qhau hau lug hawm koj. Thov kuas cov kws foom phem rua koj raug foom phem, hab thov kuas cov kws foom koobmoov rua koj tau txais koobmoov ib yaam nkaus.”#Chiv 12:3
Exaus Thov Ixaj Foom Koobmoov Rua Nwg
30Ixaj foom koobmoov taagnrho xwb, Yakhauj tawm plawg lawm, tes nwg tug tijlaug Exaus kws moog yos tua nqaj txawm lug txug ncua. 31Nwg kuj muab cov nqaj ntawd ua tau qaab-qaab hab nqaa moog rua nwg txiv. Nwg has tas, “Kuv txiv, sawv lug hab noj tej nqaj kws kuv moog tua tau hab ua nqaa lug rua koj, es koj yuav foom koobmoov rua kuv.”
32Ixaj nug has tas, “Koj yog leejtwg?”
Exaus teb tas, “Kuv yog koj tug tub hlub, Exaus.”
33Ixaj poobsab nthaav hab ua ibce tsheenyo, nwg txhaj nug has tas, “Tug puastaab kws tua tau nqaj hab ua lug rua kuv noj taag lawm, ho yog leejtwg? Kuv nyavnyuas noj taagnrho uantej koj lug nuav xwb. Kuv tub foom taagnrho tej koobmoov rua nwg lawm, tes tej koobmoov ntawd yuav yog nwg tug moog ibtxhis le lawm.”
34Thaus Exaus nov le ntawd, nwg mobsab heev, nwg tsaa suab hlo quaj hab has tas, “Txiv, thov koj foom koobmoov rua kuv ib yaam nkaus hab los mas!”
35Ixaj teb tas, “Koj tug kwv lug dlaag kuv, hab nwg tau txais koj tej koobmoov taag lawm.”
36Exaus has tas, “Zag nuav yog zag thib ob kws nwg txhaav kuv tug. Nwg lub npe yeej phim hu ua Yakhauj lawm tag.#27:36: Yakhauj: Lub npe nuav has muaj ntsiv thooj le lulug Henplais kws has tas “txhaav luas tug.” Nwg tub txeeb kuv lub meejmom tub hlub lawm, zagnua nwg tseem txeeb kuv tej koobmoov lawm hab. Koj txawm tsi tshuav ib qhov koobmoov seem rua kuv le lawm lov?” #Chiv 25:29-34
37Ixaj teb tas, “Kuv tub tsaa nwg lug ua num ua tswv kaav koj, hab kuv tub foom kuas taagnrho nwg cov kwvtij lug ua nwg tubkhai huv tuabsi lawm. Kuv tau foom koobmoov kuas nwg tej nplej hab txivmaab kuas ntsu. Mivtub, taamsim nuav tes kuv tsi tshuav ib yaam dlaabtsi kws yuav ua tau rua koj ntxiv le lawm!”
38Exaus rov taij nwg txiv has tas, “Txiv, koj tsuas muaj tuabqhov koobmoov nkaus xwb lov? Thov foom koobmoov rua kuv hab los mas txiv!” Tes nwg txawm tsaa suab hlo quaj. #Henpl 12:17
39Tes Ixaj has rua Exaus has tas,
“Yuav tsi muaj lwgdlej sau ntuj lug rua koj,
Koj tej teb yuav tsi zoo qoob.
40Koj yuav ua neej lug ntawm koj raab ntaaj,
Hab koj yuav ua koj tug kwv qhev.
Yog thaus twg koj nti tag-tag,#27:40: nti tag-tag; lossis ntxeevsab.
Koj txhajle dlim ntawm nwg kev tswjfwm.” #Henpl 11:20 #Chiv 36:8; 2Vaaj 8:20
41Exaus txawm ntxub Yakhauj heev, vim tej koobmoov kws nwg txiv tau foom rua Yakhauj lawm. Nwg xaav tas, “Lub sijhawm quajntsuag rua kuv txiv nub tuag tub lug ze lawm, dlhau ntawd kuv yuav muab Yakhauj tua povtseg.”
42Tabsis thaus Lenpekas nov txug Exaus tej tswvyim ntawd, nwg txhaj has kuas Yakhauj lug ntsib nwg hab has tas, “Koj noog nawb, koj tug tijlaug Exaus tuav tswvyim yuav tua koj povtseg pauj kev chim. 43Mivtub, zagnua koj ua le kuv has nawb. Koj cale tsiv moog rua tim kuv tug nug Lanpaas kws nyob rua lub nroog Halaas, 44hab nrug nwg nyob ib ntus, kuas koj tug tijlaug xaam chim 45hab novqaab txug tej kws koj ua rua nwg lawm tsaiv. Thaus ntawd kuv maam nrhav tuabneeg tuaj tog koj rovqaab lug. Kuv txawm yuav nplaam kuv ob tug tub uake rua tuabnub le ntaag lov?”
Ixaj Tso Yakhauj Moog Nrug Lanpaas Nyob
46Lenpekas has rua Ixaj tas, “Kuv dlhuav Exaus ob tug quaspuj kws yog cov tuabneeg Hitis ntawd hwv lawm. Yog Yakhauj tseem moog yuav cov tuabneeg Hitis nuav ib tug ntxhais lug ua quaspuj hab, ntshe kuv yeem tuag moog zoo dlua.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.