Chivkeeb 31
31
Yakhauj Tsiv Tawm Ntawm Lanpaas
1Yakhauj nov Lanpaas cov tub sisthaam has tas, “Yakhauj tau muab txhua yaam kws yog peb txiv le coj moog taag huv tuabsi lawm. Nwg muajtxag npluanuj tub yog lug ntawm tej kws yog peb txiv le nkaus xwb.” 2Hab nwg pum tas Lanpaas tsi tshua ua zoo rua nwg npaum le yaav taag lug lawm. 3Tes tug TSWV txhaj has rua Yakhauj has tas, “Koj cale rovqaab moog rua tim koj txiv hab koj cov kwvtij lub tebchaws. Kuv yuav nrug koj moog.”
4Yogle ntawd, Yakhauj txhaj tso tuabneeg moog has rua Laxees hab Le-as kuas obtug tuaj ntsib nwg rua tom teb kws yog qhov chaw cov tsaj nyob. 5Nwg has rua obtug tas, “Kuv pum tas meb txiv tsi tshua ua zoo rua kuv le yaav taag lug lawm, tabsis kuv txiv tug Vaajtswv yeej tseem nrugnraim kuv. 6Meb yeej paub zoo lawm has tas kuv rausab ntso ua num rua meb txiv kawg kuv tug dlaag tug zug. 7Txawm le ntawd los nwg tseem nyag hab hloov kuv tej nqezug kaum zag lawm. Tabsis Vaajtswv tsi pub nwg ua phem rua kuv. 8Thaus twg kws Lanpaas has tas, ‘Muab cov tshis kws txaij tej teev ua nqezug rua koj,’ tes cov tsaj txawm yug tau mivnyuas txaij tej teev taagnrho. Thaus twg kws nwg has tas, ‘Muab cov tshis kws txaij tej kaab ua nqezug rua koj,’ tes cov tsaj txawm yug tau mivnyuas txaij ua tej kaab taagnrho. 9Vimle nuav ntaag lau, Vaajtswv txhaj muab cov tsaj ntawd tshem tawm ntawm meb txiv hab coj lug rua kuv.
10“Thaus txug caij kws cov tsaj sisphuv kuv txawm ua ib zaaj npausuav; kuv pum cov laug tshis kws taabtom phuv maum ntawd yog cov txaij ua tej teev hab txaij ua tej kaab. 11Vaajtswv tug timtswv tau lug has rua kuv huv zaaj npausuav ntawd has tas, ‘Yakhauj!’ Kuv teb tas, ‘Kuv nyob ntawm nuav.’ 12Nwg has ntxiv tas, ‘Koj saib maj, cov laug tshis kws taabtom phuv maum ntawd puavleej yog cov txaij ua tej teev hab txaij ua tej kaab xwb. Kuv ua kuas muaj tej nuav tshwmsim lug, ruaqhov Kuv tub pum txhua yaam kws Lanpaas ua rua koj lawm. 13Kuv yog tug Vaajtswv kws lug tshwm rua koj pum nraag Npethees, ntawm thaaj chaw kws koj muab lub pobzeb lug teeb ua puavpheej ncu txug, kws koj muab roj txivntoo laub rua sau, hab yog thaaj chaw kws koj coglug rua Kuv ntaag. Zagnua koj cale npaaj kuas txhij hab rovqaab moog rua lub tebchaws kws yug koj.’ ” #Chiv 28:18-22
14Laxees hab Le-as teb Yakhauj has tas, “Wb los yeej tsi tshuav ib yaam qubtxeeg qubteg kws wb txiv tseg rua wb nyob huv nwg lub tsev le hab. 15Nwg saib wb ib yaam le yog tuabneeg txawv tebchaws xwb. Nwg muab wb muag, hab nwgnuav nwg muab tej nyaj kws yog wb tej nqe ntawd siv taag huv tuabsi lawm. 16Txhua yaam qubtxeeg qubteg kws Vaajtswv rhu tawm ntawm wb txiv lug, puavleej yog peb tug hab yog peb tej mivnyuas tug lawm. Seb Vaajtswv tau has lecaag rua koj lawm tes ua le ntawd xwb.”
17-18Yogle ntawd, Yakhauj txhaj sawbsim txhij hab rovqaab moog cuag nwg txiv rua huv lub tebchaws Kana-aas. Nwg muab nwg cov mivnyuas hab nwg ob tug quaspuj caij sau cov ntxhuav nrauqaum, hab lawv taagnrho nwg cov tsaj moog ua nwg ntej, hab coj txhua yaam kws nwg khwv tau huv tebchaws Padaas Alaas#31:17-18 Padaas Alaas; lossis Mexuputamias. lug. 19Lanpaas taabtom moog txav plaub yaaj lawm, tes thaus kws nwg tsi nyob huv tsev lawm, Laxees txawm moog nyag tau nwg txiv cov mlom zuv tsev coj moog lawm. 20Yakhauj nyagkev tsiv ntsagtu tsi qha rua Lanpaas paub tas nwg tsiv moog lawm. 21Nwg coj txhua yaam kws yog nwg tug hab maaj ceevnrooj moog hlaa tug Dlej Yufatis hab taug kev moog rua tim lub laaj roob Nkile-as.
Lanpaas Caum Yakhauj
22Tau peb nub tomqaab muaj tuabneeg moog qha rua Lanpaas paub tas Yakhauj tub tsiv lawm. 23Nwg txhaj txhij nwg cov tuabneeg nrug nwg moog caum Yakhauj qaab tau xyaa nub, puab txhaj caum cuag Yakhauj rua ntawm lub laaj roob Nkile-as. 24Mo ntawd Vaajtswv lug has rua Lanpaas huv nruab npausuav has tas, “Koj ceevfaaj tsi xob moog has dlaabtsi rua Yakhauj hlo le, txawm yuav has zoo hab has phem los xij.” 25Yakhauj txhaj tsaa tsevntaub su rua sau laaj roob, Lanpaas hab nwg cov tuabneeg kuj tsaa tsevntaub su rua sau lub laaj roob Nkile-as ntawd hab.
26Lanpaas has rua Yakhauj has tas, “Koj ua dlaabtsi le ko? Koj dlaag kuv hab coj kuv ob tug ntxhais tsiv cuag le tsiv rog? 27Vim lecaag koj txhaj nyagkev tsiv ntsagtu es tsi qha rua kuv paub? Yog koj qha kuv paub, kuv yuav xaa koj sawvkev lug ntawm kev zoosab nrug tej suab hunkauj lomzem kws ntaus tej nruag npuaj hab nkauj nogncaas. 28Koj txawm tsi pub kuv nwj kuv cov xeebntxwv hab kuv ob tug ntxhais ua kev sisncaim le. Qhov koj ua taag lug ntawd yog ib yaam kws ruag kawg nkaus! 29Kuv muaj cuabkaav ua rua koj raug kev puamtsuaj tau, tabsis naagmo koj txiv tug Vaajtswv lug txwv tsi pub kuv ua lecaag rua koj hlo le. 30Kuv paub tas qhov kws koj tsiv ntawd yog vim koj maaj rovqaab moog tsev heev, tabsis vim lecaag koj ho nyag kuv cov mlom lug lawm hab?”
31Yakhauj teb tas, “Ruaqhov kuv ntshai nyobtsaam koj coj koj ob tug ntxhais tsiv tawm ntawm kuv moog. 32Tabsis yog koj nrhav tau peb cov ntawm nuav leejtwg tau coj koj cov mlom lug lawm, cale muab tug ntawd tua kuas tuag. Peb cov tuabneeg puavleej nyob ntawm nuav nrug ua timkhawv, tshawb txhua yaam kws nyob ntawm nuav seb puas muaj tej yaam kws yog koj tug; yog muaj, koj cale nqaa huv tuabsi moog.” Yakhauj tsi paub tas Laxees yog tug nyag Lanpaas cov mlom ntawd lug lawm.
33Lanpaas xub moog tshawb huv Yakhauj lub tsevntaub, tes nwg maam moog tshawb huv Le-as lub tsevntaub, hab huv ob tug ntxhais qhev ob lub tsevntaub, tabsis nwg nrhav tsi tau nwg cov mlom le. Tes nwg moog tshawb huv Laxees lub tsevntaub. 34Laxees tau muab cov mlom zuv tsev ntawd qhwv ntsaws rua huv lub eeb kws txawb sau tug ntxhuav hab nwg nyob rua sau. Lanpaas moog tshawb thoobplawg huv lub tsevntaub, tabsis nwg nrhav tsi pum cov mlom ntawd le. 35Laxees has rua nwg txiv tas, “Txiv, thov koj tsi xob chim rua kuv, qhov kws kuv tsi muaj peevxwm lug sawv ntawm koj xubndlag, tub yog kuv tseem taabtom coj khaubdluag.” Lanpaas nrhav kawg, tabsis tsi pum nwg cov mlom zuv tsev ntawd le.
36Yakhauj chim heev tswj tsi tau nwg lub sab le lawm. Nwg txhaj nug npautawg vog has tas, “Kuv tau ua txhum koj dlaabtsi? Kuv tau ua txhum txujcai twg es txhaj ua rua koj muaj cai tuaj caum kuv? 37Zagnua koj tub tshawb taag kuv tej khoom huv tuabsi lawm, koj puas pum muaj ib yaam khoom twg kws yog koj le? Cale muab rhu tawm lug tso taabmeeg rua koj cov tuabneeg hab kuv cov tuabneeg, hab ca puab txavtxim rua wb seb leejtwg yog tug kws ua yog.
38“Kuv nrug koj nyob tau neegnkaum xyoo, koj tej yaaj tej tshis fuamvaam tsi tuncua, hab kuv yeej tsi tau tua koj tej yaaj ib tug noj le. 39Thaus ib tug yaaj twg raug tsaj qus tum lawm, kuv yeej ibtxwm muab kuv le ib tug lug them rua koj. Kuv tsi tau coj lug qha rua koj has tas tsi yog tim kuv. Koj tseem yuam kuas kuv them tej tsaj kws tubsaab nyag nruabnub hab montuj lawm huv tuabsi rua koj. 40Ntau zag kuv tiv tshaav nruabnub hab tiv no montuj, kuv yeej pw tsi tsaugzug hlo le. 41Yeej zoole nuav lug tau neegnkaum xyoo kws kuv nrug koj nyob. Kuv ua num kaum-plaub xyoo lug pauv koj ob tug ntxhais, hab rau xyoo lug tu koj cov tsaj. Npaum le ntawd los koj tseem muab kuv tej nqezug hloov txug kaum zag. 42Yog kuv txiv tug Vaajtswv, Anplahaas hab Ixaj tug Vaajtswv, tsi nrug kuv nyob, ntshe koj tub muab kuv xaa rovqaab teg dlawb teg nplag lawm. Tabsis Vaajtswv pum kuv tej kev nyuajsab hab tej num kws kuv tau ua taag lug lawm, vimle ntawd, naagmo Nwg txhaj lug txavtxim rua koj!”
Yakhauj Hab Lanpaas Sishas Hum
43Lanpaas teb Yakhauj has tas, “Ob tug ntxhais nuav yog kuv ob tug ntxhais, obtug cov mivnyuas los yeej yog kuv cov mivnyuas, hab tej tsaj nuav los puavleej yog kuv le. Txhua yaam kws koj qhovmuag pum nuav puavleej yog kuv tug. Tabsis nubnua kuv taav tsi tau kuv ob tug ntxhais hab obtug cov mivnyuas kev lawm, 44yogle ntawd, kuv txhaj npaajsab kws yuav nrug koj sishas kuas hum. Ca wb muab ib cov pobzeb lug teeb ua ib qhov kev ncu txug wb cov lug cogtseg nuav.”
45Yogle ntawd, Yakhauj txhaj khaws tau ib lub pobzeb lug teeb ca ua puavpheej ncu txug. 46Nwg txawm has kuas nwg cov tuabneeg moog khaws ib cov pobzeb lug teeb ua ib pawg ca. Tes puab txawm noj ib pluag mov uake nyob ntawd pawg pobzeb ntawd ib saab. 47Lanpaas txhaj tis npe rua pawg pobzeb ntawd hu ua Yenkas Xahaduthas,#31:47: Yenkas Xahaduthas: Lub npe nuav lug Alamej txhais has tas “ib pawg pobzeb kws ua lub cim rua wb ncu ca.” tabsis Yakhauj tis npe rua pawg pobzeb ntawd hu ua Nkale-es.#31:47: Nkale-es: Lub npe nuav lug Henplais txhais has tas “ib pawg pobzeb kws ua lub cim rua wb ncu ca.” 48Lanpaas has rua Yakhauj has tas, “Pawg pobzeb nuav yuav ua lub cim rua wb ncu ca.” Vimle ntawd thaaj chaw ntawd txhaj muab hu ua Nkale-es.
49Lanpaas has ntxiv tas, “Thov kuas tug TSWV tsomkwm wb thaus wb sisncaim ib leeg moog nyob rua ib qho lawm.” Yogle ntawd, txhaj muab thaaj chaw ntawd tis npe hu ua Mixepas.#31:49: Mixepas: Lub npe nuav has muaj ntsiv thooj le lulug Henplais kws has tas “qhov chaw kws saibntsoov.” 50Lanpaas tseem has ntxiv tas, “Yog koj ua phem rua kuv ob tug ntxhais lossis yog koj moog yuav namyau, txawm yog kuv tsi paub txug tej kws koj ua ntawd los xij, kuas koj ncuntsoov tas Vaajtswv yeej saibntsoov wb. 51Ntawm nuav yog cov pobzeb kws kuv sau lug teeb nruabnraab ntawm koj hab kuv, hab ntawm nuav yog tug ncej zeb kws ua lub cim tseg ca. 52Pawg pobzeb hab tug ncej zeb nuav, yog ua lub cim kws ncuntsoov ca. Kuv yuav tsi hlaa pawg pobzeb nuav tuaj tua koj, hab koj yuav tsi hlaa pawg pobzeb nuav lossis tug nce zeb kws yog lub cim ncu txug nuav tuaj tua kuv. 53Ca Anplahaas tug Vaajtswv hab Nahaus#31:53: Anplahaas … Nahaus: Anplahaas yog Yakhauj yawm hab Nahaus yog Lanpaas yawm. tug Vaajtswv ua tug txavtxim rua wb.” Tes Yakhauj txhaj tuav Vaajtswv tug kws nwg txiv Ixaj pehawm lub npe coglug tseg has tas nwg yuav ua lawvle ntawd.
54Yakhauj txhaj muab ib tug tsaj lug tua fij rua sau lub roob ntawd, hab caw taagnrho nwg cov tuabneeg lug noj. Tomqaab kws puab noj mov taag lawm, puab txhaj rov pw ib mos sau lub roob ntawd ntxiv. 55Nub tomqaab thaus sawvntxuv Lanpaas txhaj moog nwj nwg cov xeebntxwv hab nwg ob tug ntxhais hab foom koobmoov rua puab taag, tes nwg txawm ncaim puab rovqaab moog tsev lawm.
Currently Selected:
Chivkeeb 31: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 31
31
Yakhauj Tsiv Tawm Ntawm Lanpaas
1Yakhauj nov Lanpaas cov tub sisthaam has tas, “Yakhauj tau muab txhua yaam kws yog peb txiv le coj moog taag huv tuabsi lawm. Nwg muajtxag npluanuj tub yog lug ntawm tej kws yog peb txiv le nkaus xwb.” 2Hab nwg pum tas Lanpaas tsi tshua ua zoo rua nwg npaum le yaav taag lug lawm. 3Tes tug TSWV txhaj has rua Yakhauj has tas, “Koj cale rovqaab moog rua tim koj txiv hab koj cov kwvtij lub tebchaws. Kuv yuav nrug koj moog.”
4Yogle ntawd, Yakhauj txhaj tso tuabneeg moog has rua Laxees hab Le-as kuas obtug tuaj ntsib nwg rua tom teb kws yog qhov chaw cov tsaj nyob. 5Nwg has rua obtug tas, “Kuv pum tas meb txiv tsi tshua ua zoo rua kuv le yaav taag lug lawm, tabsis kuv txiv tug Vaajtswv yeej tseem nrugnraim kuv. 6Meb yeej paub zoo lawm has tas kuv rausab ntso ua num rua meb txiv kawg kuv tug dlaag tug zug. 7Txawm le ntawd los nwg tseem nyag hab hloov kuv tej nqezug kaum zag lawm. Tabsis Vaajtswv tsi pub nwg ua phem rua kuv. 8Thaus twg kws Lanpaas has tas, ‘Muab cov tshis kws txaij tej teev ua nqezug rua koj,’ tes cov tsaj txawm yug tau mivnyuas txaij tej teev taagnrho. Thaus twg kws nwg has tas, ‘Muab cov tshis kws txaij tej kaab ua nqezug rua koj,’ tes cov tsaj txawm yug tau mivnyuas txaij ua tej kaab taagnrho. 9Vimle nuav ntaag lau, Vaajtswv txhaj muab cov tsaj ntawd tshem tawm ntawm meb txiv hab coj lug rua kuv.
10“Thaus txug caij kws cov tsaj sisphuv kuv txawm ua ib zaaj npausuav; kuv pum cov laug tshis kws taabtom phuv maum ntawd yog cov txaij ua tej teev hab txaij ua tej kaab. 11Vaajtswv tug timtswv tau lug has rua kuv huv zaaj npausuav ntawd has tas, ‘Yakhauj!’ Kuv teb tas, ‘Kuv nyob ntawm nuav.’ 12Nwg has ntxiv tas, ‘Koj saib maj, cov laug tshis kws taabtom phuv maum ntawd puavleej yog cov txaij ua tej teev hab txaij ua tej kaab xwb. Kuv ua kuas muaj tej nuav tshwmsim lug, ruaqhov Kuv tub pum txhua yaam kws Lanpaas ua rua koj lawm. 13Kuv yog tug Vaajtswv kws lug tshwm rua koj pum nraag Npethees, ntawm thaaj chaw kws koj muab lub pobzeb lug teeb ua puavpheej ncu txug, kws koj muab roj txivntoo laub rua sau, hab yog thaaj chaw kws koj coglug rua Kuv ntaag. Zagnua koj cale npaaj kuas txhij hab rovqaab moog rua lub tebchaws kws yug koj.’ ” #Chiv 28:18-22
14Laxees hab Le-as teb Yakhauj has tas, “Wb los yeej tsi tshuav ib yaam qubtxeeg qubteg kws wb txiv tseg rua wb nyob huv nwg lub tsev le hab. 15Nwg saib wb ib yaam le yog tuabneeg txawv tebchaws xwb. Nwg muab wb muag, hab nwgnuav nwg muab tej nyaj kws yog wb tej nqe ntawd siv taag huv tuabsi lawm. 16Txhua yaam qubtxeeg qubteg kws Vaajtswv rhu tawm ntawm wb txiv lug, puavleej yog peb tug hab yog peb tej mivnyuas tug lawm. Seb Vaajtswv tau has lecaag rua koj lawm tes ua le ntawd xwb.”
17-18Yogle ntawd, Yakhauj txhaj sawbsim txhij hab rovqaab moog cuag nwg txiv rua huv lub tebchaws Kana-aas. Nwg muab nwg cov mivnyuas hab nwg ob tug quaspuj caij sau cov ntxhuav nrauqaum, hab lawv taagnrho nwg cov tsaj moog ua nwg ntej, hab coj txhua yaam kws nwg khwv tau huv tebchaws Padaas Alaas#31:17-18 Padaas Alaas; lossis Mexuputamias. lug. 19Lanpaas taabtom moog txav plaub yaaj lawm, tes thaus kws nwg tsi nyob huv tsev lawm, Laxees txawm moog nyag tau nwg txiv cov mlom zuv tsev coj moog lawm. 20Yakhauj nyagkev tsiv ntsagtu tsi qha rua Lanpaas paub tas nwg tsiv moog lawm. 21Nwg coj txhua yaam kws yog nwg tug hab maaj ceevnrooj moog hlaa tug Dlej Yufatis hab taug kev moog rua tim lub laaj roob Nkile-as.
Lanpaas Caum Yakhauj
22Tau peb nub tomqaab muaj tuabneeg moog qha rua Lanpaas paub tas Yakhauj tub tsiv lawm. 23Nwg txhaj txhij nwg cov tuabneeg nrug nwg moog caum Yakhauj qaab tau xyaa nub, puab txhaj caum cuag Yakhauj rua ntawm lub laaj roob Nkile-as. 24Mo ntawd Vaajtswv lug has rua Lanpaas huv nruab npausuav has tas, “Koj ceevfaaj tsi xob moog has dlaabtsi rua Yakhauj hlo le, txawm yuav has zoo hab has phem los xij.” 25Yakhauj txhaj tsaa tsevntaub su rua sau laaj roob, Lanpaas hab nwg cov tuabneeg kuj tsaa tsevntaub su rua sau lub laaj roob Nkile-as ntawd hab.
26Lanpaas has rua Yakhauj has tas, “Koj ua dlaabtsi le ko? Koj dlaag kuv hab coj kuv ob tug ntxhais tsiv cuag le tsiv rog? 27Vim lecaag koj txhaj nyagkev tsiv ntsagtu es tsi qha rua kuv paub? Yog koj qha kuv paub, kuv yuav xaa koj sawvkev lug ntawm kev zoosab nrug tej suab hunkauj lomzem kws ntaus tej nruag npuaj hab nkauj nogncaas. 28Koj txawm tsi pub kuv nwj kuv cov xeebntxwv hab kuv ob tug ntxhais ua kev sisncaim le. Qhov koj ua taag lug ntawd yog ib yaam kws ruag kawg nkaus! 29Kuv muaj cuabkaav ua rua koj raug kev puamtsuaj tau, tabsis naagmo koj txiv tug Vaajtswv lug txwv tsi pub kuv ua lecaag rua koj hlo le. 30Kuv paub tas qhov kws koj tsiv ntawd yog vim koj maaj rovqaab moog tsev heev, tabsis vim lecaag koj ho nyag kuv cov mlom lug lawm hab?”
31Yakhauj teb tas, “Ruaqhov kuv ntshai nyobtsaam koj coj koj ob tug ntxhais tsiv tawm ntawm kuv moog. 32Tabsis yog koj nrhav tau peb cov ntawm nuav leejtwg tau coj koj cov mlom lug lawm, cale muab tug ntawd tua kuas tuag. Peb cov tuabneeg puavleej nyob ntawm nuav nrug ua timkhawv, tshawb txhua yaam kws nyob ntawm nuav seb puas muaj tej yaam kws yog koj tug; yog muaj, koj cale nqaa huv tuabsi moog.” Yakhauj tsi paub tas Laxees yog tug nyag Lanpaas cov mlom ntawd lug lawm.
33Lanpaas xub moog tshawb huv Yakhauj lub tsevntaub, tes nwg maam moog tshawb huv Le-as lub tsevntaub, hab huv ob tug ntxhais qhev ob lub tsevntaub, tabsis nwg nrhav tsi tau nwg cov mlom le. Tes nwg moog tshawb huv Laxees lub tsevntaub. 34Laxees tau muab cov mlom zuv tsev ntawd qhwv ntsaws rua huv lub eeb kws txawb sau tug ntxhuav hab nwg nyob rua sau. Lanpaas moog tshawb thoobplawg huv lub tsevntaub, tabsis nwg nrhav tsi pum cov mlom ntawd le. 35Laxees has rua nwg txiv tas, “Txiv, thov koj tsi xob chim rua kuv, qhov kws kuv tsi muaj peevxwm lug sawv ntawm koj xubndlag, tub yog kuv tseem taabtom coj khaubdluag.” Lanpaas nrhav kawg, tabsis tsi pum nwg cov mlom zuv tsev ntawd le.
36Yakhauj chim heev tswj tsi tau nwg lub sab le lawm. Nwg txhaj nug npautawg vog has tas, “Kuv tau ua txhum koj dlaabtsi? Kuv tau ua txhum txujcai twg es txhaj ua rua koj muaj cai tuaj caum kuv? 37Zagnua koj tub tshawb taag kuv tej khoom huv tuabsi lawm, koj puas pum muaj ib yaam khoom twg kws yog koj le? Cale muab rhu tawm lug tso taabmeeg rua koj cov tuabneeg hab kuv cov tuabneeg, hab ca puab txavtxim rua wb seb leejtwg yog tug kws ua yog.
38“Kuv nrug koj nyob tau neegnkaum xyoo, koj tej yaaj tej tshis fuamvaam tsi tuncua, hab kuv yeej tsi tau tua koj tej yaaj ib tug noj le. 39Thaus ib tug yaaj twg raug tsaj qus tum lawm, kuv yeej ibtxwm muab kuv le ib tug lug them rua koj. Kuv tsi tau coj lug qha rua koj has tas tsi yog tim kuv. Koj tseem yuam kuas kuv them tej tsaj kws tubsaab nyag nruabnub hab montuj lawm huv tuabsi rua koj. 40Ntau zag kuv tiv tshaav nruabnub hab tiv no montuj, kuv yeej pw tsi tsaugzug hlo le. 41Yeej zoole nuav lug tau neegnkaum xyoo kws kuv nrug koj nyob. Kuv ua num kaum-plaub xyoo lug pauv koj ob tug ntxhais, hab rau xyoo lug tu koj cov tsaj. Npaum le ntawd los koj tseem muab kuv tej nqezug hloov txug kaum zag. 42Yog kuv txiv tug Vaajtswv, Anplahaas hab Ixaj tug Vaajtswv, tsi nrug kuv nyob, ntshe koj tub muab kuv xaa rovqaab teg dlawb teg nplag lawm. Tabsis Vaajtswv pum kuv tej kev nyuajsab hab tej num kws kuv tau ua taag lug lawm, vimle ntawd, naagmo Nwg txhaj lug txavtxim rua koj!”
Yakhauj Hab Lanpaas Sishas Hum
43Lanpaas teb Yakhauj has tas, “Ob tug ntxhais nuav yog kuv ob tug ntxhais, obtug cov mivnyuas los yeej yog kuv cov mivnyuas, hab tej tsaj nuav los puavleej yog kuv le. Txhua yaam kws koj qhovmuag pum nuav puavleej yog kuv tug. Tabsis nubnua kuv taav tsi tau kuv ob tug ntxhais hab obtug cov mivnyuas kev lawm, 44yogle ntawd, kuv txhaj npaajsab kws yuav nrug koj sishas kuas hum. Ca wb muab ib cov pobzeb lug teeb ua ib qhov kev ncu txug wb cov lug cogtseg nuav.”
45Yogle ntawd, Yakhauj txhaj khaws tau ib lub pobzeb lug teeb ca ua puavpheej ncu txug. 46Nwg txawm has kuas nwg cov tuabneeg moog khaws ib cov pobzeb lug teeb ua ib pawg ca. Tes puab txawm noj ib pluag mov uake nyob ntawd pawg pobzeb ntawd ib saab. 47Lanpaas txhaj tis npe rua pawg pobzeb ntawd hu ua Yenkas Xahaduthas,#31:47: Yenkas Xahaduthas: Lub npe nuav lug Alamej txhais has tas “ib pawg pobzeb kws ua lub cim rua wb ncu ca.” tabsis Yakhauj tis npe rua pawg pobzeb ntawd hu ua Nkale-es.#31:47: Nkale-es: Lub npe nuav lug Henplais txhais has tas “ib pawg pobzeb kws ua lub cim rua wb ncu ca.” 48Lanpaas has rua Yakhauj has tas, “Pawg pobzeb nuav yuav ua lub cim rua wb ncu ca.” Vimle ntawd thaaj chaw ntawd txhaj muab hu ua Nkale-es.
49Lanpaas has ntxiv tas, “Thov kuas tug TSWV tsomkwm wb thaus wb sisncaim ib leeg moog nyob rua ib qho lawm.” Yogle ntawd, txhaj muab thaaj chaw ntawd tis npe hu ua Mixepas.#31:49: Mixepas: Lub npe nuav has muaj ntsiv thooj le lulug Henplais kws has tas “qhov chaw kws saibntsoov.” 50Lanpaas tseem has ntxiv tas, “Yog koj ua phem rua kuv ob tug ntxhais lossis yog koj moog yuav namyau, txawm yog kuv tsi paub txug tej kws koj ua ntawd los xij, kuas koj ncuntsoov tas Vaajtswv yeej saibntsoov wb. 51Ntawm nuav yog cov pobzeb kws kuv sau lug teeb nruabnraab ntawm koj hab kuv, hab ntawm nuav yog tug ncej zeb kws ua lub cim tseg ca. 52Pawg pobzeb hab tug ncej zeb nuav, yog ua lub cim kws ncuntsoov ca. Kuv yuav tsi hlaa pawg pobzeb nuav tuaj tua koj, hab koj yuav tsi hlaa pawg pobzeb nuav lossis tug nce zeb kws yog lub cim ncu txug nuav tuaj tua kuv. 53Ca Anplahaas tug Vaajtswv hab Nahaus#31:53: Anplahaas … Nahaus: Anplahaas yog Yakhauj yawm hab Nahaus yog Lanpaas yawm. tug Vaajtswv ua tug txavtxim rua wb.” Tes Yakhauj txhaj tuav Vaajtswv tug kws nwg txiv Ixaj pehawm lub npe coglug tseg has tas nwg yuav ua lawvle ntawd.
54Yakhauj txhaj muab ib tug tsaj lug tua fij rua sau lub roob ntawd, hab caw taagnrho nwg cov tuabneeg lug noj. Tomqaab kws puab noj mov taag lawm, puab txhaj rov pw ib mos sau lub roob ntawd ntxiv. 55Nub tomqaab thaus sawvntxuv Lanpaas txhaj moog nwj nwg cov xeebntxwv hab nwg ob tug ntxhais hab foom koobmoov rua puab taag, tes nwg txawm ncaim puab rovqaab moog tsev lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.