Chivkeeb 32
32
Yakhauj Npaaj Moog Ntsib Exaus
1Thaus Yakhauj taabtom taug kev lug, Vaajtswv cov timtswv sau ntuj txawm lug ntsib nwg. 2Thaus nwg pum cov timtswv ntawd nwg has tas, “Ntawm nuav yog Vaajtswv lub yeej”; yogle ntawd, nwg txhaj tis npe rua thaaj chaw ntawd hu ua Mahana-ees.#32:2: Mahana-ees: Lub npe nuav lug Henplais txhais has tas “ob lub yeej.”
3Yakhauj tso tuabneeg ua nwg ntej moog has rua nwg tug tijlaug Exaus kws nyob huv tebchaws Edoos. 4Nwg kuas puab moog has rua Exaus has tas: “Kuv yog Yakhauj, yog koj tug tubkhai kws nooglug; thov has rua kuv tug tswv Exaus paub tas kuv moog nrug Lanpaas nyob tau ntev loo hab taamsim nuav kuv taabtom rovqaab lug lawm. 5Kuv muaj nyuj, neegluav, yaaj, tshis, hab tubmaab tubqhe coob heev. Kuv xaa xuv lug rua koj kws yog kuv tug tswv, kuv casab ntsoov has tas koj yuav txaussab rua kuv.”
6Thaus cov tuabneeg kws xaa xuv rovqaab lug cuag Yakhauj, puab has tas, “Peb tub moog cuag koj tug tijlaug Exaus lawm, mas nwg taabtom sawvkev tuaj tog koj lawm ntaag. Nwg coj 400 leej tuabneeg nrug nwg tuaj.” 7Yakhauj ntshai heev hab nyuajsab kawg le. Nwg txhaj muab nwg cov tuabneeg faib kag ua ob paab; nwg kuj muab nwg cov yaaj, tshis, nyuj hab ntxhuav faib ua ob paab hab. 8Nwg xaav tas, “Yog Exaus tuaj tua paab uantej los kuas paab uaqaab txhaj tsiv tau dlim.”
9Yakhauj txhaj thov Vaajtswv has tas, “Kuv yawmkoob Anplahaas tug Vaajtswv hab kuv txiv Ixaj tug Vaajtswv, thov Koj noog kuv tej lug thov lau! Tug TSWV, Koj has kuas kuv rovqaab moog rua kuv lub tebchaws hab kuv cov kwvtij, hab Koj yuav pub txhua yaam zoo rua kuv. 10Kuv kws yog Koj tug tubkhai, tub tsi tsimnyog tau txais Koj txuj kev hlub hab txuj kev ncaajnceeg hlo le. Thaus kuv hlaa tug dlej Yauladees tuaj, kuv tsi muaj ib yaam dlaabtsi le, tsuas yog muaj tuabtug nyuas paas nreg xwb, nwgnuav kuv muaj ob paab tuabneeg hab ob paab tsaj nrug kuv rovqaab lug. 11Kuv thov Koj paab cawm kuas kuv dlim ntawm kuv tug tijlaug Exaus lau. Kuv ntshai heev, ntshai nyobtsaam yog nwg tuaj tua peb hab ua rua peb raug kev puamtsuaj, tsi has tej quaspuj hab mivnyuas huv tuabsi. 12Thov Koj xob novqaab Koj tej lug cogtseg kws Koj tau has tas Koj yuav pub txhua yaam zoo rua kuv hab pub kuas kuv muaj caajceg coob kws suav tsi txheeb, ib yaam le tej xuabzeb nraag ntug havtxwv.” #Chiv 22:17
13Nwg txhaj pw ib mos ntawm thaaj chaw ntawd. Nwg xaiv tej tsaj kws nwg muaj ibtxha coj moog ua khoomplig rua nwg tug tijlaug Exaus: 14200 tug maum tshis hab 20 tug laug tshis, 200 tug maum yaaj hab 20 tug laug yaaj, 1530 tug maum ntxhuav nrug cov mivnyuas kws tseem mog, 40 tug maum nyuj hab 10 tug txiv nyuj, 20 tug maum neegluav hab 10 tug txiv neegluav. 16Nwg muab cov tsaj ntawd faib ua tej paab hab nwg kuas nwg cov tubkhai ib leeg moog saib ib paab. Nwg has rua puab tas, “Mej moog ua kuv ntej, ib paab moog kuas nrug ib paab dleb tsawv.”
17Nwg has rua thawjtug tubkhai has tas, “Thaus kuv tug tijlaug Exaus tuaj ntsib koj hab nwg nug has tas, ‘Koj tug tswv yog leejtwg? Koj yuav moog qhovtwg? Leejtwg yog tug tswv ntawm cov tsaj kws ua koj ntej nuav?’ 18Koj yuavtsum teb tas, ‘Cov tsaj nuav yog koj tug tubkhai Yakhauj le. Nwg kuas coj cov tsaj nuav lug ua khoomplig rua Exaus kws yog nwg tug tswv. Yakhauj tseem taabtom lug ua peb qaab.’ ”
19Yakhauj kuj has rua tug tubkhai thib ob, hab tug thib peb, hab txhua tug kws saib cov tsaj ntawd ib yaam nkaus has tas: “Thaus mej ntsib Exaus mej yuavtsum has tej lug nuav rua nwg. 20Mej yuavtsum has tas, ‘Yakhauj kws yog koj tug tubkhai tseem lug ua peb qaab.’ ” Yakhauj xaav tas, “Kuv tub muab kuv tej khoomplig xaa uantej moog nplig nwg lawm, yogle ntawd, thaus kuv moog ntsib nwg, nyaj nwg yuav zaamtxim rua kuv.” 21Yakhauj xaa tej khoomplig ntawd moog uantej, tabsis mo ntawd nwg tseem rov pw ib mos ntawm lub yeej ntawd ntxiv.
Yakhauj Nrug Ib Tug Txivneej Sisqhau Ntawm Peniyees
22Mo ntawd Yakhauj sawv coj nwg ob tug quaspuj, nwg ob tug ntxhais qhev kws yog nwg ob tug namyau, hab nwg kaum-ib leeg mivnyuas moog hlaa tug Dlej Yanpaus. 23Thaus nwg xaa puab hlaa dlhau dlej taag lawm, nwg kuj muab txhua yaam khoom kws yog nwg tug xaa hlaa dlej rua saab tim u huv tuabsi hab, 24tabsis nwg tuableeg tseem nyob tomqaab.
Tes txawm muaj ib tug txivneej lug nrug Yakhauj sisqhau moog txug thaus kaajntug txoog. 25Thaus tug txivneej ntawd pum tas nwg yuav mos tsi yeej Yakhauj, nwg txhaj ntaus Yakhauj lub ntsaag kuas saav ua rua nwg lub pob qejtxhaa pluam plhuav. 26Tug txivneej ntawd has tas, “Nub tub yuav tawm, yogle ntawd, koj cale tso kuv moog.”
Yakhauj teb tas, “Kuv yuav tsi tso koj moog txug thaus koj foom koobmoov rua kuv tsaiv.” #Hauxe 12:3-4
27Tug txivneej ntawd nug has tas, “Koj lub npe hu lecaag?”
Nwg teb tas, “Kuv lub npe hu ua Yakhauj.”
28Tug txivneej ntawd has tas, “Koj lub npe yuav tsi hu ua Yakhauj ntxiv lawm, ruaqhov koj tau nrug Vaajtswv hab nrug tuabneeg sis tawmtsaam, hab koj yog tug yeej lawm. Yogle ntawd, koj lub npe yuav muab hu ua Yixalayees.” #32:28: Yixalayees: Lub npe nuav has muaj ntsiv thooj le lulug Henplais kws has tas “nwg nrug Vaajtswv sisqhau,” lossis “Vaajtswv qhau.” #Chiv 35:10
29Yakhauj has tas, “Thov koj qha koj lub npe rua kuv.”
Tabsis nwg teb Yakhauj has tas, “Vim lecaag koj xaav paub kuv lub npe?” Tes nwg txawm foom koobmoov rua Yakhauj. #Cthj 13:17-18
30Yakhauj has tas, “Kuv tub pum Vaajtswv timntsej timmuag lawm, tabsis kuv tseem muaj sa nyob”; yogle ntawd, nwg txhaj tis npe rua thaaj chaw ntawd hu ua Peniyees.#32:30: Peniyees: Lub npe nuav has muaj ntsiv thooj le lulug Henplais kws has tas “Vaajtswv lub ntsejmuag.” 31Lub nub tawm tuaj tes Yakhauj txawm sawvkev huv Peniyees moog lawm. Nwg moog kev cegtawv pluav ruaqhov mob nwg lub ntsaag heev. 32Vimle ntawd najnub nwgnuav cov Yixalayees txhaj tsi noj thooj nqaj leeg ntawm lub ntsaag, ruaqhov yog thooj kws tau raug ntaus lawm.
Currently Selected:
Chivkeeb 32: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 32
32
Yakhauj Npaaj Moog Ntsib Exaus
1Thaus Yakhauj taabtom taug kev lug, Vaajtswv cov timtswv sau ntuj txawm lug ntsib nwg. 2Thaus nwg pum cov timtswv ntawd nwg has tas, “Ntawm nuav yog Vaajtswv lub yeej”; yogle ntawd, nwg txhaj tis npe rua thaaj chaw ntawd hu ua Mahana-ees.#32:2: Mahana-ees: Lub npe nuav lug Henplais txhais has tas “ob lub yeej.”
3Yakhauj tso tuabneeg ua nwg ntej moog has rua nwg tug tijlaug Exaus kws nyob huv tebchaws Edoos. 4Nwg kuas puab moog has rua Exaus has tas: “Kuv yog Yakhauj, yog koj tug tubkhai kws nooglug; thov has rua kuv tug tswv Exaus paub tas kuv moog nrug Lanpaas nyob tau ntev loo hab taamsim nuav kuv taabtom rovqaab lug lawm. 5Kuv muaj nyuj, neegluav, yaaj, tshis, hab tubmaab tubqhe coob heev. Kuv xaa xuv lug rua koj kws yog kuv tug tswv, kuv casab ntsoov has tas koj yuav txaussab rua kuv.”
6Thaus cov tuabneeg kws xaa xuv rovqaab lug cuag Yakhauj, puab has tas, “Peb tub moog cuag koj tug tijlaug Exaus lawm, mas nwg taabtom sawvkev tuaj tog koj lawm ntaag. Nwg coj 400 leej tuabneeg nrug nwg tuaj.” 7Yakhauj ntshai heev hab nyuajsab kawg le. Nwg txhaj muab nwg cov tuabneeg faib kag ua ob paab; nwg kuj muab nwg cov yaaj, tshis, nyuj hab ntxhuav faib ua ob paab hab. 8Nwg xaav tas, “Yog Exaus tuaj tua paab uantej los kuas paab uaqaab txhaj tsiv tau dlim.”
9Yakhauj txhaj thov Vaajtswv has tas, “Kuv yawmkoob Anplahaas tug Vaajtswv hab kuv txiv Ixaj tug Vaajtswv, thov Koj noog kuv tej lug thov lau! Tug TSWV, Koj has kuas kuv rovqaab moog rua kuv lub tebchaws hab kuv cov kwvtij, hab Koj yuav pub txhua yaam zoo rua kuv. 10Kuv kws yog Koj tug tubkhai, tub tsi tsimnyog tau txais Koj txuj kev hlub hab txuj kev ncaajnceeg hlo le. Thaus kuv hlaa tug dlej Yauladees tuaj, kuv tsi muaj ib yaam dlaabtsi le, tsuas yog muaj tuabtug nyuas paas nreg xwb, nwgnuav kuv muaj ob paab tuabneeg hab ob paab tsaj nrug kuv rovqaab lug. 11Kuv thov Koj paab cawm kuas kuv dlim ntawm kuv tug tijlaug Exaus lau. Kuv ntshai heev, ntshai nyobtsaam yog nwg tuaj tua peb hab ua rua peb raug kev puamtsuaj, tsi has tej quaspuj hab mivnyuas huv tuabsi. 12Thov Koj xob novqaab Koj tej lug cogtseg kws Koj tau has tas Koj yuav pub txhua yaam zoo rua kuv hab pub kuas kuv muaj caajceg coob kws suav tsi txheeb, ib yaam le tej xuabzeb nraag ntug havtxwv.” #Chiv 22:17
13Nwg txhaj pw ib mos ntawm thaaj chaw ntawd. Nwg xaiv tej tsaj kws nwg muaj ibtxha coj moog ua khoomplig rua nwg tug tijlaug Exaus: 14200 tug maum tshis hab 20 tug laug tshis, 200 tug maum yaaj hab 20 tug laug yaaj, 1530 tug maum ntxhuav nrug cov mivnyuas kws tseem mog, 40 tug maum nyuj hab 10 tug txiv nyuj, 20 tug maum neegluav hab 10 tug txiv neegluav. 16Nwg muab cov tsaj ntawd faib ua tej paab hab nwg kuas nwg cov tubkhai ib leeg moog saib ib paab. Nwg has rua puab tas, “Mej moog ua kuv ntej, ib paab moog kuas nrug ib paab dleb tsawv.”
17Nwg has rua thawjtug tubkhai has tas, “Thaus kuv tug tijlaug Exaus tuaj ntsib koj hab nwg nug has tas, ‘Koj tug tswv yog leejtwg? Koj yuav moog qhovtwg? Leejtwg yog tug tswv ntawm cov tsaj kws ua koj ntej nuav?’ 18Koj yuavtsum teb tas, ‘Cov tsaj nuav yog koj tug tubkhai Yakhauj le. Nwg kuas coj cov tsaj nuav lug ua khoomplig rua Exaus kws yog nwg tug tswv. Yakhauj tseem taabtom lug ua peb qaab.’ ”
19Yakhauj kuj has rua tug tubkhai thib ob, hab tug thib peb, hab txhua tug kws saib cov tsaj ntawd ib yaam nkaus has tas: “Thaus mej ntsib Exaus mej yuavtsum has tej lug nuav rua nwg. 20Mej yuavtsum has tas, ‘Yakhauj kws yog koj tug tubkhai tseem lug ua peb qaab.’ ” Yakhauj xaav tas, “Kuv tub muab kuv tej khoomplig xaa uantej moog nplig nwg lawm, yogle ntawd, thaus kuv moog ntsib nwg, nyaj nwg yuav zaamtxim rua kuv.” 21Yakhauj xaa tej khoomplig ntawd moog uantej, tabsis mo ntawd nwg tseem rov pw ib mos ntawm lub yeej ntawd ntxiv.
Yakhauj Nrug Ib Tug Txivneej Sisqhau Ntawm Peniyees
22Mo ntawd Yakhauj sawv coj nwg ob tug quaspuj, nwg ob tug ntxhais qhev kws yog nwg ob tug namyau, hab nwg kaum-ib leeg mivnyuas moog hlaa tug Dlej Yanpaus. 23Thaus nwg xaa puab hlaa dlhau dlej taag lawm, nwg kuj muab txhua yaam khoom kws yog nwg tug xaa hlaa dlej rua saab tim u huv tuabsi hab, 24tabsis nwg tuableeg tseem nyob tomqaab.
Tes txawm muaj ib tug txivneej lug nrug Yakhauj sisqhau moog txug thaus kaajntug txoog. 25Thaus tug txivneej ntawd pum tas nwg yuav mos tsi yeej Yakhauj, nwg txhaj ntaus Yakhauj lub ntsaag kuas saav ua rua nwg lub pob qejtxhaa pluam plhuav. 26Tug txivneej ntawd has tas, “Nub tub yuav tawm, yogle ntawd, koj cale tso kuv moog.”
Yakhauj teb tas, “Kuv yuav tsi tso koj moog txug thaus koj foom koobmoov rua kuv tsaiv.” #Hauxe 12:3-4
27Tug txivneej ntawd nug has tas, “Koj lub npe hu lecaag?”
Nwg teb tas, “Kuv lub npe hu ua Yakhauj.”
28Tug txivneej ntawd has tas, “Koj lub npe yuav tsi hu ua Yakhauj ntxiv lawm, ruaqhov koj tau nrug Vaajtswv hab nrug tuabneeg sis tawmtsaam, hab koj yog tug yeej lawm. Yogle ntawd, koj lub npe yuav muab hu ua Yixalayees.” #32:28: Yixalayees: Lub npe nuav has muaj ntsiv thooj le lulug Henplais kws has tas “nwg nrug Vaajtswv sisqhau,” lossis “Vaajtswv qhau.” #Chiv 35:10
29Yakhauj has tas, “Thov koj qha koj lub npe rua kuv.”
Tabsis nwg teb Yakhauj has tas, “Vim lecaag koj xaav paub kuv lub npe?” Tes nwg txawm foom koobmoov rua Yakhauj. #Cthj 13:17-18
30Yakhauj has tas, “Kuv tub pum Vaajtswv timntsej timmuag lawm, tabsis kuv tseem muaj sa nyob”; yogle ntawd, nwg txhaj tis npe rua thaaj chaw ntawd hu ua Peniyees.#32:30: Peniyees: Lub npe nuav has muaj ntsiv thooj le lulug Henplais kws has tas “Vaajtswv lub ntsejmuag.” 31Lub nub tawm tuaj tes Yakhauj txawm sawvkev huv Peniyees moog lawm. Nwg moog kev cegtawv pluav ruaqhov mob nwg lub ntsaag heev. 32Vimle ntawd najnub nwgnuav cov Yixalayees txhaj tsi noj thooj nqaj leeg ntawm lub ntsaag, ruaqhov yog thooj kws tau raug ntaus lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.