Chivkeeb 33
33
Yakhauj Ntsib Exaus
1Thaus Yakhauj pum Exaus hab 400 leej kws nrug Exaus uake tuaj, nwg txawm muab nwg cov mivnyuas faib rua Le-as, Laxees, hab rua ob tug ntxhais qhev kws yog nwg ob tug namyau. 2Nwg tso ob tug namyau hab obtug cov mivnyuas moog uantej, tso Le-as hab nwg cov mivnyuas tuaj nruabnraab, tes maam tso Laxees hab Yauxej tuaj tomqaab kawg. 3Yakhauj moog ua puab ntej hab nwg txhuscaug ndlua huv aav pe xyaa pes moog rua ntawm nwg tug tijlaug. 4Tabsis Exaus dlha ceevnrooj moog cuag Yakhauj, puag nkaus hab nwj nwg. Obtug ob kwvtij sisqawg quaj. 5Thaus Exaus tsaa muag pum cov quaspuj hab cov mivnyuas, nwg txawm nug has tas, “Cov tuabneeg kws nrug koj lug nuav yog leejtwg?”
Yakhauj teb tas, “Tijlaug, cov mivnyuas nuav yog Vaajtswv tug kws muaj kev hlub luj kawg nkaus, pub rua kuv.” 6Tes ob tug ntxhais qhev kws yog ob tug namyau nrug rua obtug cov mivnyuas txawm txaav zog lug hab txhuscaug ndlua pe; 7Le-as hab nwg cov mivnyuas maam lug, hab thaus kawg Yauxej hab Laxees maamle txaav lug hab txhuscaug ndlua pe.
8Exaus rov nug has tas, “Ua le es paab kws kuv xub tuaj ntsib ne, ho yog dlaabtsi?”
Yakhauj teb tas, “Paab ntawd yog kuv muab pub rua koj, kuas koj txaussab rua kuv.”
9Tabsis Exaus has tas, “Kuv tug kwv 'e, kuv tub muaj txaus lawm, cale ceev tej ntawd rua koj xwb.”
10Yakhauj has tas, “Tijlaug, yog koj txaussab rua kuv thov koj txais yuav kuv qhov khoomplig nuav. Kuv tau rov lug pum koj lub ntsej lub muag mas zoo kuv sab npaum nkaus le kuv pum Vaajtswv lub ntsej lub muag ntaag, vim koj txaussab hlo txaistog kuv. 11Thov koj txais yuav qhov khoomplig kws kuv muab rua koj nuav; Vaajtswv hlub kuv hab Nwg pub txhua yaam kws kuv cheemtsum rua kuv.” Yakhauj tsi tseev le, tes thaus kawg Exaus kuj leeg yuav lawm hab.
12Exaus has tas, “Peb cale npaaj hab sawvkev moog. Kuv maam ua tug coj mej kev moog.”
13Yakhauj teb tas, “Tijlaug, koj yeej paub tas cov mivnyuas tseem yau hab tsi tau muajzug txaus, kuv tej yaaj hab tej tsajtxhu los tseem muaj mivnyuas mog. Yog peb yuav moog ceevnrooj, ntshe moog ib nub xwb kuv tej tsaj yuav tuag taag huvsi. 14Thov koj ua kuv ntej moog, es ca kuv yuav maam-maam lawv koj qaab lug; kuv tej tsajtxhu hab kuv cov mivnyuas moog tau ceev lecaag peb yuav moog le ntawd, txug thaus kuv lug cuag tau koj huv tebchaws Edoos.”
15Exaus has tas, “Yogle ntawd, kuv maamle tseg kuv cov tuabneeg ob-peb leeg nrug koj.”
Tabsis Yakhauj teb tas, “Tijlaug, tsi taag yuav ua le ntawd, tsuav yog koj txaussab rua kuv xwb tes tau lawm.”#33:15: tsuav yog koj txaussab rua kuv xwb tes tau lawm; lossis yog tas koj tsi xaav lecaag. 16Yogle ntawd, nub ntawd Exaus txhaj sawvkev uantej rov lug rua tebchaws Edoos lawm. 17Tabsis Yakhauj moog rua Xukhaus, tes nwg txawm moog ua ib lub tsev rua nwg nyob hab ua tej nkuaj rua nwg cov tsaj tau nyob. Tub yog vimle nuav txhaj muab thaaj chaw ntawd tis npe hu ua Xukhaus.#33:17: Xukhaus: Lub npe nuav lug Henplais txhais has tas “tej nkuaj.”
18Yakhauj rovqaab tim tebchaws Padaas Alaas#33:18: Padaas Alaas; lossis Mexuputamias. lug txug rua huv lub nroog Sekhees kws nyob huv tebchaws Kana-aas tsi ntsib kev nyuajsab dlaabtsi, hab nwg txawm moog tsaa nwg le tsevntaub nyob ze rua ntawm ntug nroog. 19Nwg muab tau 100 lub txajnyag yuav tau ib thaaj aav ntawm Sekhees txiv Hamaus cov xeebntxwv. #Yaus 24:32; Yauh 4:5 20Yakhauj txhaj teeb tau ib lub thaaj rua ntawd hab tis npe hu ua Ees Eelauhe Yixalayees.#33:20: Ees Eelauhe Yixalayees: Lub npe nuav lug Henplais txhais has tas “Vaajtswv kws yog cov Yixalayees tug Vaajtswv.”
Currently Selected:
Chivkeeb 33: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 33
33
Yakhauj Ntsib Exaus
1Thaus Yakhauj pum Exaus hab 400 leej kws nrug Exaus uake tuaj, nwg txawm muab nwg cov mivnyuas faib rua Le-as, Laxees, hab rua ob tug ntxhais qhev kws yog nwg ob tug namyau. 2Nwg tso ob tug namyau hab obtug cov mivnyuas moog uantej, tso Le-as hab nwg cov mivnyuas tuaj nruabnraab, tes maam tso Laxees hab Yauxej tuaj tomqaab kawg. 3Yakhauj moog ua puab ntej hab nwg txhuscaug ndlua huv aav pe xyaa pes moog rua ntawm nwg tug tijlaug. 4Tabsis Exaus dlha ceevnrooj moog cuag Yakhauj, puag nkaus hab nwj nwg. Obtug ob kwvtij sisqawg quaj. 5Thaus Exaus tsaa muag pum cov quaspuj hab cov mivnyuas, nwg txawm nug has tas, “Cov tuabneeg kws nrug koj lug nuav yog leejtwg?”
Yakhauj teb tas, “Tijlaug, cov mivnyuas nuav yog Vaajtswv tug kws muaj kev hlub luj kawg nkaus, pub rua kuv.” 6Tes ob tug ntxhais qhev kws yog ob tug namyau nrug rua obtug cov mivnyuas txawm txaav zog lug hab txhuscaug ndlua pe; 7Le-as hab nwg cov mivnyuas maam lug, hab thaus kawg Yauxej hab Laxees maamle txaav lug hab txhuscaug ndlua pe.
8Exaus rov nug has tas, “Ua le es paab kws kuv xub tuaj ntsib ne, ho yog dlaabtsi?”
Yakhauj teb tas, “Paab ntawd yog kuv muab pub rua koj, kuas koj txaussab rua kuv.”
9Tabsis Exaus has tas, “Kuv tug kwv 'e, kuv tub muaj txaus lawm, cale ceev tej ntawd rua koj xwb.”
10Yakhauj has tas, “Tijlaug, yog koj txaussab rua kuv thov koj txais yuav kuv qhov khoomplig nuav. Kuv tau rov lug pum koj lub ntsej lub muag mas zoo kuv sab npaum nkaus le kuv pum Vaajtswv lub ntsej lub muag ntaag, vim koj txaussab hlo txaistog kuv. 11Thov koj txais yuav qhov khoomplig kws kuv muab rua koj nuav; Vaajtswv hlub kuv hab Nwg pub txhua yaam kws kuv cheemtsum rua kuv.” Yakhauj tsi tseev le, tes thaus kawg Exaus kuj leeg yuav lawm hab.
12Exaus has tas, “Peb cale npaaj hab sawvkev moog. Kuv maam ua tug coj mej kev moog.”
13Yakhauj teb tas, “Tijlaug, koj yeej paub tas cov mivnyuas tseem yau hab tsi tau muajzug txaus, kuv tej yaaj hab tej tsajtxhu los tseem muaj mivnyuas mog. Yog peb yuav moog ceevnrooj, ntshe moog ib nub xwb kuv tej tsaj yuav tuag taag huvsi. 14Thov koj ua kuv ntej moog, es ca kuv yuav maam-maam lawv koj qaab lug; kuv tej tsajtxhu hab kuv cov mivnyuas moog tau ceev lecaag peb yuav moog le ntawd, txug thaus kuv lug cuag tau koj huv tebchaws Edoos.”
15Exaus has tas, “Yogle ntawd, kuv maamle tseg kuv cov tuabneeg ob-peb leeg nrug koj.”
Tabsis Yakhauj teb tas, “Tijlaug, tsi taag yuav ua le ntawd, tsuav yog koj txaussab rua kuv xwb tes tau lawm.”#33:15: tsuav yog koj txaussab rua kuv xwb tes tau lawm; lossis yog tas koj tsi xaav lecaag. 16Yogle ntawd, nub ntawd Exaus txhaj sawvkev uantej rov lug rua tebchaws Edoos lawm. 17Tabsis Yakhauj moog rua Xukhaus, tes nwg txawm moog ua ib lub tsev rua nwg nyob hab ua tej nkuaj rua nwg cov tsaj tau nyob. Tub yog vimle nuav txhaj muab thaaj chaw ntawd tis npe hu ua Xukhaus.#33:17: Xukhaus: Lub npe nuav lug Henplais txhais has tas “tej nkuaj.”
18Yakhauj rovqaab tim tebchaws Padaas Alaas#33:18: Padaas Alaas; lossis Mexuputamias. lug txug rua huv lub nroog Sekhees kws nyob huv tebchaws Kana-aas tsi ntsib kev nyuajsab dlaabtsi, hab nwg txawm moog tsaa nwg le tsevntaub nyob ze rua ntawm ntug nroog. 19Nwg muab tau 100 lub txajnyag yuav tau ib thaaj aav ntawm Sekhees txiv Hamaus cov xeebntxwv. #Yaus 24:32; Yauh 4:5 20Yakhauj txhaj teeb tau ib lub thaaj rua ntawd hab tis npe hu ua Ees Eelauhe Yixalayees.#33:20: Ees Eelauhe Yixalayees: Lub npe nuav lug Henplais txhais has tas “Vaajtswv kws yog cov Yixalayees tug Vaajtswv.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.