Yauhaas 16
16
1“Kuv qha tej nuav rua mej, sub mej txhaj tsi tso kev ntseeg tseg. 2Puab yuav muab mej ntab tawm huv tej tsev saablaaj moog, hab yuav muaj ib lub sijhawm thaus cov tuabneeg kws puab muab mej tua yuav xaav tas puab ua le ntawd yog puab ua Vaajtswv dlejnum. 3Puab yuav ua tej nuav rua mej, ruaqhov puab tsi paub Leejtxiv hab tsi paub Kuv. 4Kuv xub qha tej nuav rua mej, sub thaus txug lub sijhawm kws puab ua le ntawd rua mej, mej txhajle yuav ncu tej kws Kuv tub qha rua mej lawm.
Vaaj Ntsujplig Tug Dlawbhuv Tegnum
“Thaus chivthawj Kuv tsi tau qha tej nuav rua mej, ruaqhov Kuv tseem nrug mej nyob. 5Tabsis nwgnuav, Kuv yuav moog cuag tug kws khaiv Kuv lug, txawm le ntawd los mej tub tsi muaj ib tug nug has tas Kuv yuav moog qhovtwg. 6Nwgnuav vim Kuv qha zaaj nuav rua mej lawm, yuav ua rua mej ntxhuvsab heev. 7Tabsis Kuv qha tseeb rua mej has tas, qhov kws Kuv ncaim mej moog ntawd yuav zoo dlua; yog Kuv tsi moog, tug Paab yuav tsi lug cuag mej. Tabsis yog Kuv moog lawm, Kuv yuav khaiv Nwg lug nrug mej nyob. 8Thaus Nwg lug lawm, Nwg yuav qha kuas tuabneeg nplajteb paub txug kev txhum, kev ncaajnceeg, hab Vaajtswv txuj kev txavtxim. 9Has txug kev txhum, tes yog vim puab tsi ntseeg Kuv; 10has txug kev ncaajnceeg, tes yog vim Kuv yuav moog cuag Leejtxiv, hab mej yuav tsi pum Kuv ntxiv lawm; 11has txug kev txavtxim, vim tug kws kaav lub nplajteb nuav tub raug txavtxim lawm.
12“Tseem tshuav ntau zaaj kws Kuv xaav qha rua mej, tabsis taamsim nuav ntshe mej yuav ris tsi taug. 13Thaus Vaaj Ntsujplig tug kws qha qhov tseeb lug lawm, Nwg yuav coj mej moog rua huv txhua yaam kws yog qhov tseeb; Nwg yuav tsi has lawvle Nwg xaav, tabsis yuav has lawvle tej kws Nwg nov, hab yuav qha tej kws yaav tomntej yuav tshwm tuaj rua mej paub. 14Nwg yuav ua rua Kuv tau ntsejmuag, ruaqhov nwg yuav muab Kuv tej lug coj lug qha rua mej. 15Txhua yaam kws Leejtxiv muaj puavleej yog Kuv tug; vimle ntawd, Kuv txhaj has tas Vaaj Ntsujplig yuav coj tej kws Kuv muab rua nwg ntawd lug qha rua mej.
Kev Ntxhuvsab Yuav Hloov Ua Kev Zoosab
16“Tsi ntev nuav, mej yuav tsi pum Kuv lawm, hab tomqaab ntawd tsi ntev, mej yuav rov pum Kuv.”
17Tes Yexus cov thwjtim qeeleej txawm sisthaam has tas, “Qhov kws Nwg has tas, ‘Tsi ntev nuav, mej yuav tsi pum Kuv lawm, hab tomqaab ntawd tsi ntev, mej yuav rov pum Kuv,’ hab Nwg has tas, ‘Ruaqhov Kuv yuav moog cuag Leejtxiv,’ yog txhais lecaag? 18Qhov kws Nwg has tas, ‘Tsi ntev nuav,’ yog txhais lecaag? Peb tsi paub sov yog Nwg has dlaabtsi!”
19Yexus paub tej kws puab xaav nug Nwg, yogle ntawd, Yexus txhaj has rua puab tas, “Puas yog mej sisnug txug qhov kws Kuv has tas, ‘Tsi ntev nuav, mej yuav tsi pum Kuv lawm, hab tomqaab ntawd tsi ntev, mej yuav rov pum Kuv’? 20Kuv qha tseeb rua mej has tas, mej yuav tsaa suab quaj hab nca dlhawv, tabsis tuabneeg nplajteb yuav muaj kev zoosab; mej yuav muaj kev ntxhuvsab, tabsis mej tej kev ntxhuvsab ntawd yuav hloov ua kev zoosab. 21Thaus tug quaspuj taabtom yuav yug mivnyuas, nwg ntxhuvsab kawg le vim lub caij mob plaab lug txug nwg lawm. Tabsis thaus nwg yug tau tug mivnyuas lawm, nwg yeej tsi ncuqaab qhov kws nwg mob plaab ntawd lawm, ruaqhov nwg zoosab has tas muaj ib tug mivnyuas tau yug lug rua huv nplajteb nuav. 22Nwgnuav mej zoo ib yaam le ntawd hab; tabsis Kuv yuav rov lug cuag mej dlua, mas mej lub sab yuav puvnpo hab yuav zoosab kawg le. Txuj kev zoosab ntawd yuav tsi muaj leejtwg txeeb tau tawm ntawm mej moog.
23“Thaus txug nub ntawd, mej yuav tsi thov Kuv txug ib yaam dlaabtsi le. Kuv qha tseeb rua mej has tas, yog mej tuav Kuv lub npe thov ib yaam dlaabtsi ntawm Leejtxiv,#16:23: yog mej tuav Kuv lub npe thov ib yaam dlaabtsi ntawm Leejtxiv; tej phoo ntawv qub kws xuas teg sau, muaj yog thov ib yaam dlaabtsi ntawm Leejtxiv, Nwg yuav muab yaam ntawd rua mej huv Kuv lub npe. Nwg yuav pub yaam ntawd rua mej. 24Txug rua najnub nua los mej tub tsi tau thov ib yaam dlaabtsi lug ntawm Kuv lub npe; mej cale thov mej txhaj yuav tau, sub mej txuj kev zoosab txhaj yuav muaj puvnpo.
Yeej Lub Nplajteb Lawm
25“Tej kws Kuv has rua mej nuav, Kuv ua lug pevtxwv has xwb. Tabsis thaus txug lub sijhawm ntawd, Kuv yuav tsi ua lug pevtxwv has lawm, Kuv yuav qha ncaajnraim txug Leejtxiv zaaj rua mej lawm xwb. 26Thaus txug nub ntawd, mej yuav tuav Kuv lub npe thov Leejtxiv; tabsis Kuv tsi tau has tas, Kuv yuav sawvcev thov Leejtxiv paab mej, 27ruaqhov Leejtxiv yeej hlub mej. Nwg hlub mej ruaqhov mej hlub Kuv hab ntseeg tas Kuv yog tug kws Vaajtswv khaiv lug. 28Yeej yog Leejtxiv khaiv Kuv lug hab yog lug rua huv lub nplajteb nuav; zagnua Kuv ho yuav tawm huv lub nplajteb nuav moog hab rov moog cuag Leejtxiv.”
29Tes Yexus cov thwjtim has rua Nwg tas, “Zagnua Koj qha ncaajnraim rua peb lawm xwb, Koj yeej tsi ua lug pevtxwv qha le. 30Nwgnuav peb paub tas Koj paub ibpuas tsaavyaam huv tuabsi; tsi taag ib tug twg yuav nug Koj lawm; tej nuav ua rua peb ntseeg tau has tas, Koj yog tug kws Vaajtswv khaiv lug tag.”
31Yexus teb puab has tas, “Nwgnuav mej ntseeg lawm tag lov? 32Lub sijhawm taabtom lug, hab tub lug txug lawm, mej nyag yuav tsiv nyag moog tsev, hab mej yuav tso Kuv tseg ca nyob ib leeg. Tabsis yuav tsi yog tshuav Kuv tuableeg nyob xwb, ruaqhov Leejtxiv nrug Kuv nyob hab. 33Kuv qha tej nuav rua mej, kuas mej cov kws tub koom nrug Kuv lawm txhaj yuav muaj kev nyaabxeeb. Nyob huv nplajteb nuav mej yuav raug kev tsimtxom. Tabsis ua sab tawv qhawv! Kuv tub kovyeej lub nplajteb nuav lawm!”
Currently Selected:
Yauhaas 16: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Yauhaas 16
16
1“Kuv qha tej nuav rua mej, sub mej txhaj tsi tso kev ntseeg tseg. 2Puab yuav muab mej ntab tawm huv tej tsev saablaaj moog, hab yuav muaj ib lub sijhawm thaus cov tuabneeg kws puab muab mej tua yuav xaav tas puab ua le ntawd yog puab ua Vaajtswv dlejnum. 3Puab yuav ua tej nuav rua mej, ruaqhov puab tsi paub Leejtxiv hab tsi paub Kuv. 4Kuv xub qha tej nuav rua mej, sub thaus txug lub sijhawm kws puab ua le ntawd rua mej, mej txhajle yuav ncu tej kws Kuv tub qha rua mej lawm.
Vaaj Ntsujplig Tug Dlawbhuv Tegnum
“Thaus chivthawj Kuv tsi tau qha tej nuav rua mej, ruaqhov Kuv tseem nrug mej nyob. 5Tabsis nwgnuav, Kuv yuav moog cuag tug kws khaiv Kuv lug, txawm le ntawd los mej tub tsi muaj ib tug nug has tas Kuv yuav moog qhovtwg. 6Nwgnuav vim Kuv qha zaaj nuav rua mej lawm, yuav ua rua mej ntxhuvsab heev. 7Tabsis Kuv qha tseeb rua mej has tas, qhov kws Kuv ncaim mej moog ntawd yuav zoo dlua; yog Kuv tsi moog, tug Paab yuav tsi lug cuag mej. Tabsis yog Kuv moog lawm, Kuv yuav khaiv Nwg lug nrug mej nyob. 8Thaus Nwg lug lawm, Nwg yuav qha kuas tuabneeg nplajteb paub txug kev txhum, kev ncaajnceeg, hab Vaajtswv txuj kev txavtxim. 9Has txug kev txhum, tes yog vim puab tsi ntseeg Kuv; 10has txug kev ncaajnceeg, tes yog vim Kuv yuav moog cuag Leejtxiv, hab mej yuav tsi pum Kuv ntxiv lawm; 11has txug kev txavtxim, vim tug kws kaav lub nplajteb nuav tub raug txavtxim lawm.
12“Tseem tshuav ntau zaaj kws Kuv xaav qha rua mej, tabsis taamsim nuav ntshe mej yuav ris tsi taug. 13Thaus Vaaj Ntsujplig tug kws qha qhov tseeb lug lawm, Nwg yuav coj mej moog rua huv txhua yaam kws yog qhov tseeb; Nwg yuav tsi has lawvle Nwg xaav, tabsis yuav has lawvle tej kws Nwg nov, hab yuav qha tej kws yaav tomntej yuav tshwm tuaj rua mej paub. 14Nwg yuav ua rua Kuv tau ntsejmuag, ruaqhov nwg yuav muab Kuv tej lug coj lug qha rua mej. 15Txhua yaam kws Leejtxiv muaj puavleej yog Kuv tug; vimle ntawd, Kuv txhaj has tas Vaaj Ntsujplig yuav coj tej kws Kuv muab rua nwg ntawd lug qha rua mej.
Kev Ntxhuvsab Yuav Hloov Ua Kev Zoosab
16“Tsi ntev nuav, mej yuav tsi pum Kuv lawm, hab tomqaab ntawd tsi ntev, mej yuav rov pum Kuv.”
17Tes Yexus cov thwjtim qeeleej txawm sisthaam has tas, “Qhov kws Nwg has tas, ‘Tsi ntev nuav, mej yuav tsi pum Kuv lawm, hab tomqaab ntawd tsi ntev, mej yuav rov pum Kuv,’ hab Nwg has tas, ‘Ruaqhov Kuv yuav moog cuag Leejtxiv,’ yog txhais lecaag? 18Qhov kws Nwg has tas, ‘Tsi ntev nuav,’ yog txhais lecaag? Peb tsi paub sov yog Nwg has dlaabtsi!”
19Yexus paub tej kws puab xaav nug Nwg, yogle ntawd, Yexus txhaj has rua puab tas, “Puas yog mej sisnug txug qhov kws Kuv has tas, ‘Tsi ntev nuav, mej yuav tsi pum Kuv lawm, hab tomqaab ntawd tsi ntev, mej yuav rov pum Kuv’? 20Kuv qha tseeb rua mej has tas, mej yuav tsaa suab quaj hab nca dlhawv, tabsis tuabneeg nplajteb yuav muaj kev zoosab; mej yuav muaj kev ntxhuvsab, tabsis mej tej kev ntxhuvsab ntawd yuav hloov ua kev zoosab. 21Thaus tug quaspuj taabtom yuav yug mivnyuas, nwg ntxhuvsab kawg le vim lub caij mob plaab lug txug nwg lawm. Tabsis thaus nwg yug tau tug mivnyuas lawm, nwg yeej tsi ncuqaab qhov kws nwg mob plaab ntawd lawm, ruaqhov nwg zoosab has tas muaj ib tug mivnyuas tau yug lug rua huv nplajteb nuav. 22Nwgnuav mej zoo ib yaam le ntawd hab; tabsis Kuv yuav rov lug cuag mej dlua, mas mej lub sab yuav puvnpo hab yuav zoosab kawg le. Txuj kev zoosab ntawd yuav tsi muaj leejtwg txeeb tau tawm ntawm mej moog.
23“Thaus txug nub ntawd, mej yuav tsi thov Kuv txug ib yaam dlaabtsi le. Kuv qha tseeb rua mej has tas, yog mej tuav Kuv lub npe thov ib yaam dlaabtsi ntawm Leejtxiv,#16:23: yog mej tuav Kuv lub npe thov ib yaam dlaabtsi ntawm Leejtxiv; tej phoo ntawv qub kws xuas teg sau, muaj yog thov ib yaam dlaabtsi ntawm Leejtxiv, Nwg yuav muab yaam ntawd rua mej huv Kuv lub npe. Nwg yuav pub yaam ntawd rua mej. 24Txug rua najnub nua los mej tub tsi tau thov ib yaam dlaabtsi lug ntawm Kuv lub npe; mej cale thov mej txhaj yuav tau, sub mej txuj kev zoosab txhaj yuav muaj puvnpo.
Yeej Lub Nplajteb Lawm
25“Tej kws Kuv has rua mej nuav, Kuv ua lug pevtxwv has xwb. Tabsis thaus txug lub sijhawm ntawd, Kuv yuav tsi ua lug pevtxwv has lawm, Kuv yuav qha ncaajnraim txug Leejtxiv zaaj rua mej lawm xwb. 26Thaus txug nub ntawd, mej yuav tuav Kuv lub npe thov Leejtxiv; tabsis Kuv tsi tau has tas, Kuv yuav sawvcev thov Leejtxiv paab mej, 27ruaqhov Leejtxiv yeej hlub mej. Nwg hlub mej ruaqhov mej hlub Kuv hab ntseeg tas Kuv yog tug kws Vaajtswv khaiv lug. 28Yeej yog Leejtxiv khaiv Kuv lug hab yog lug rua huv lub nplajteb nuav; zagnua Kuv ho yuav tawm huv lub nplajteb nuav moog hab rov moog cuag Leejtxiv.”
29Tes Yexus cov thwjtim has rua Nwg tas, “Zagnua Koj qha ncaajnraim rua peb lawm xwb, Koj yeej tsi ua lug pevtxwv qha le. 30Nwgnuav peb paub tas Koj paub ibpuas tsaavyaam huv tuabsi; tsi taag ib tug twg yuav nug Koj lawm; tej nuav ua rua peb ntseeg tau has tas, Koj yog tug kws Vaajtswv khaiv lug tag.”
31Yexus teb puab has tas, “Nwgnuav mej ntseeg lawm tag lov? 32Lub sijhawm taabtom lug, hab tub lug txug lawm, mej nyag yuav tsiv nyag moog tsev, hab mej yuav tso Kuv tseg ca nyob ib leeg. Tabsis yuav tsi yog tshuav Kuv tuableeg nyob xwb, ruaqhov Leejtxiv nrug Kuv nyob hab. 33Kuv qha tej nuav rua mej, kuas mej cov kws tub koom nrug Kuv lawm txhaj yuav muaj kev nyaabxeeb. Nyob huv nplajteb nuav mej yuav raug kev tsimtxom. Tabsis ua sab tawv qhawv! Kuv tub kovyeej lub nplajteb nuav lawm!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.