Yauhaas 17
17
Yexus Thov Vaajtswv Rua Nwg Cov Thwjtim
1Tomqaab kws Yexus has le ntawd taag, Nwg tsaa qhovmuag saib sau ntuj hab has tas, “Leejtxiv, tub txug lub sijhawm lawm; thov Koj ua kuas Koj Leejtub tau koobmeej, sub Leejtub txhaj yuav ua rua Koj tau koobmeej. 2Koj pub rua Leejtub ua tug kws muaj fwjchim luj dlua tej tuabneeg taagnrho, kuas Leejtub txhaj pub tau txujsa ntev dlhawv moog ibtxhis rua txhua tug kws Koj muab rua Nwg lawm. 3Txujsa ntev dlhawv moog ibtxhis yog qhov kws puab paub Koj has tas Koj tuableeg txhaj yog tug Vaajtswv tseeb, hab paub Yexus Khetos tug kws Koj khaiv lug. 4Kuv ua rua Koj tau koobmeej huv nplajteb nuav; tegnum kws Koj kuas Kuv ua, Kuv tub ua tav lawm. 5Txiv, nwgnuav Kuv nyob ntawm Koj lub xubndlag, thov Koj ua rua Kuv tau koobmeej; kws yog qhov koobmeej kws Kuv tau muaj nrug Koj uantej tsim lub nplajteb nuav.
6“Kuv tub qha Koj rua cov tuabneeg kws Koj rhu tawm huv nplajteb nuav lug pub rua Kuv huv tuabsi lawm. Puab yog Koj tug, Koj muab puab pub rua Kuv, hab puab ua lawvle Koj tej lug lawm. 7Nwgnuav puab paub tas ibpuas tsaavyaam kws Koj muab rua Kuv, puavleej yog lug ntawm Koj lug. 8Tej lug kws Koj has rua Kuv, Kuv muab qha rua puab hab puab khaws nkaus tej lug ntawd ca lawm. Puab paub tseeb has tas Kuv lug ntawm Koj lug, hab puab ntseeg tas Koj yog tug khaiv Kuv lug.
9“Kuv thov Koj paab puab. Kuv tsi yog thov Koj paab tuabneeg nplajteb, tabsis thov Koj paab rua cov kws Koj tub muab rua Kuv lawm, vim puab yog Koj tug. 10Txhua yaam kws Kuv muaj puavleej yog Koj tug, hab txhua yaam kws Koj muaj puavleej yog Kuv tug; hab Kuv tej koobmeej puavleej yog lug ntawm txhua yaam ntawd. 11Nwgnuav Kuv yuav rovqaab lug cuag Koj; Kuv yuav tsi nyob huv lub nplajteb nuav ntxiv lawm, tabsis puab tseem nyob huv lub nplajteb nuav. Leejtxiv tug kws dlawbhuv! Thov Koj tsomkwm puab huv Koj lub npe kws muaj fwjchim,#17:11: Thov Koj tsomkwm puab huv Koj lub npe kws muaj fwjchim; tej phoo ntawv qub kws xuas teg sau, muaj Thov Koj tsomkwm cov tuabneeg kws Koj muab pub rua Kuv ntawm Koj lub npe kws muaj fwjchim. kuas puab txhaj yuav koom tau ib lub sab ib yaam le Koj hab Kuv koom ib lub sab. 12Thaus Kuv tseem nrug puab nyob, Kuv yeej tsomkwm puab huv Koj lub npe kws muaj fwjchim,#17:12: Kuv yeej tsomkwm puab huv Koj lub npe kws muaj fwjchim; tej phoo ntawv qub kws xuas teg sau, muaj Kuv tsomkwm cov tuabneeg kws Koj muab rua Kuv huv Koj lub npe kws muaj fwjchim. kws yog lub npe Koj muab rua Kuv. Kuv tsomkwm puab, puab tsi muaj ib tug pluj le, tshwj hlo tug kws yeej yuav raug puamtsuaj, txhajle puamtsuaj xwb, sub txhajle muaj lawvle tej lug kws tau sau tseg lawm. #Nnkauj 41:9; Yauh 13:18
13“Nwgnuav Kuv taabtom yuav rovqaab lug cuag Koj, tabsis Kuv has tej nuav thaus Kuv tseem nyob huv nplajteb, sub puab txhaj yuav muaj Kuv txuj kev kaajsab puvnpo nyob rua huv puab lub sab. 14Kuv tub muab Koj tej lug cob rua puab lawm, tuabneeg nplajteb txhaj ntxub puab, ruaqhov puab tsi yog tuabneeg nplajteb le ib yaam le Kuv tsi yog tuabneeg nplajteb le. 15Kuv tsi yog thov kuas Koj coj puab tawm huv lub nplajteb nuav moog, tabsis Kuv thov Koj tsomkwm puab kuas dlhau ntawm dlaab ntxwgnyoog. 16Puab tsi yog tuabneeg nplajteb le, ib yaam le Kuv tsi yog tuabneeg nplajteb le. 17Koj Txujlug yog lug tseeb; thov Koj ntxuav kuas puab dlawbhuv lug ntawm Koj txuj kev tseeb. 18Koj khaiv Kuv lug rua huv lub nplajteb nuav lecaag, Kuv yuav khaiv puab moog qha tuabneeg nplajteb ib yaam le ntawd. 19Vim puab, Kuv txhaj ntxuav Kuv tugkheej, Kuv ua le ntawd, sub puab txhaj ntxuav puab tugkheej ib yaam nkaus hab.
20“Tsi yog Kuv thov Koj paab puab cov nuav xwb, tabsis Kuv thov Koj paab cov kws nov tej lug kws puab qha hab lug ntseeg Kuv. 21Kuv thov kuas puab ua tau ib lub sab. Txiv 'e, thov ca puab nyob huv wb, ib yaam le Koj nyob huv Kuv hab Kuv nyob huv Koj. Thov kuas puab ua tau ib lub sab, sub tuabneeg nplajteb txhaj ntseeg tas Koj khaiv Kuv lug. 22Kuv ua rua puab tau koobmeej ib yaam le Koj ua rua Kuv tau koobmeej, Kuv ua le ntawd kuas puab koom tau ib lub sab ib yaam le wb koom ib lub sab. 23Kuv nyob huv puab hab Koj nyob huv Kuv. Thov kuas puab koom tau ib lub sab tag-tag, tuabneeg nplajteb txhaj paub tas Koj khaiv Kuv lug, hab paub tas Koj hlub puab ib yaam le Koj hlub Kuv.
24“Txiv 'e, Kuv nyob qhovtwg, Kuv xaav kuas cov tuabneeg kws Koj muab pub rua Kuv lawm nrug Kuv nyob qhov ntawd, hab kuas puab pum Kuv tug tshwjchim kws Koj pub rua Kuv, ruaqhov Koj yeej hlub Kuv thaus tsi tau tsim lub nplajteb lug lawm.
25“Leejtxiv tug kws ncaajnceeg, tuabneeg nplajteb tsi paub Koj, tabsis Kuv paub Koj hab cov tuabneeg nuav puavleej paub tas Koj khaiv Kuv lug. 26Kuv tub qha Koj rua puab paub lawm, hab Kuv tseem yuav najnub qha Koj rua puab ntxiv, kuas txuj kev hlub kws Koj muaj pub rua Kuv txhaj yuav nyob tau rua huv puab, hab Kuv txhaj yuav nyob tau rua huv puab hab.”
Currently Selected:
Yauhaas 17: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Yauhaas 17
17
Yexus Thov Vaajtswv Rua Nwg Cov Thwjtim
1Tomqaab kws Yexus has le ntawd taag, Nwg tsaa qhovmuag saib sau ntuj hab has tas, “Leejtxiv, tub txug lub sijhawm lawm; thov Koj ua kuas Koj Leejtub tau koobmeej, sub Leejtub txhaj yuav ua rua Koj tau koobmeej. 2Koj pub rua Leejtub ua tug kws muaj fwjchim luj dlua tej tuabneeg taagnrho, kuas Leejtub txhaj pub tau txujsa ntev dlhawv moog ibtxhis rua txhua tug kws Koj muab rua Nwg lawm. 3Txujsa ntev dlhawv moog ibtxhis yog qhov kws puab paub Koj has tas Koj tuableeg txhaj yog tug Vaajtswv tseeb, hab paub Yexus Khetos tug kws Koj khaiv lug. 4Kuv ua rua Koj tau koobmeej huv nplajteb nuav; tegnum kws Koj kuas Kuv ua, Kuv tub ua tav lawm. 5Txiv, nwgnuav Kuv nyob ntawm Koj lub xubndlag, thov Koj ua rua Kuv tau koobmeej; kws yog qhov koobmeej kws Kuv tau muaj nrug Koj uantej tsim lub nplajteb nuav.
6“Kuv tub qha Koj rua cov tuabneeg kws Koj rhu tawm huv nplajteb nuav lug pub rua Kuv huv tuabsi lawm. Puab yog Koj tug, Koj muab puab pub rua Kuv, hab puab ua lawvle Koj tej lug lawm. 7Nwgnuav puab paub tas ibpuas tsaavyaam kws Koj muab rua Kuv, puavleej yog lug ntawm Koj lug. 8Tej lug kws Koj has rua Kuv, Kuv muab qha rua puab hab puab khaws nkaus tej lug ntawd ca lawm. Puab paub tseeb has tas Kuv lug ntawm Koj lug, hab puab ntseeg tas Koj yog tug khaiv Kuv lug.
9“Kuv thov Koj paab puab. Kuv tsi yog thov Koj paab tuabneeg nplajteb, tabsis thov Koj paab rua cov kws Koj tub muab rua Kuv lawm, vim puab yog Koj tug. 10Txhua yaam kws Kuv muaj puavleej yog Koj tug, hab txhua yaam kws Koj muaj puavleej yog Kuv tug; hab Kuv tej koobmeej puavleej yog lug ntawm txhua yaam ntawd. 11Nwgnuav Kuv yuav rovqaab lug cuag Koj; Kuv yuav tsi nyob huv lub nplajteb nuav ntxiv lawm, tabsis puab tseem nyob huv lub nplajteb nuav. Leejtxiv tug kws dlawbhuv! Thov Koj tsomkwm puab huv Koj lub npe kws muaj fwjchim,#17:11: Thov Koj tsomkwm puab huv Koj lub npe kws muaj fwjchim; tej phoo ntawv qub kws xuas teg sau, muaj Thov Koj tsomkwm cov tuabneeg kws Koj muab pub rua Kuv ntawm Koj lub npe kws muaj fwjchim. kuas puab txhaj yuav koom tau ib lub sab ib yaam le Koj hab Kuv koom ib lub sab. 12Thaus Kuv tseem nrug puab nyob, Kuv yeej tsomkwm puab huv Koj lub npe kws muaj fwjchim,#17:12: Kuv yeej tsomkwm puab huv Koj lub npe kws muaj fwjchim; tej phoo ntawv qub kws xuas teg sau, muaj Kuv tsomkwm cov tuabneeg kws Koj muab rua Kuv huv Koj lub npe kws muaj fwjchim. kws yog lub npe Koj muab rua Kuv. Kuv tsomkwm puab, puab tsi muaj ib tug pluj le, tshwj hlo tug kws yeej yuav raug puamtsuaj, txhajle puamtsuaj xwb, sub txhajle muaj lawvle tej lug kws tau sau tseg lawm. #Nnkauj 41:9; Yauh 13:18
13“Nwgnuav Kuv taabtom yuav rovqaab lug cuag Koj, tabsis Kuv has tej nuav thaus Kuv tseem nyob huv nplajteb, sub puab txhaj yuav muaj Kuv txuj kev kaajsab puvnpo nyob rua huv puab lub sab. 14Kuv tub muab Koj tej lug cob rua puab lawm, tuabneeg nplajteb txhaj ntxub puab, ruaqhov puab tsi yog tuabneeg nplajteb le ib yaam le Kuv tsi yog tuabneeg nplajteb le. 15Kuv tsi yog thov kuas Koj coj puab tawm huv lub nplajteb nuav moog, tabsis Kuv thov Koj tsomkwm puab kuas dlhau ntawm dlaab ntxwgnyoog. 16Puab tsi yog tuabneeg nplajteb le, ib yaam le Kuv tsi yog tuabneeg nplajteb le. 17Koj Txujlug yog lug tseeb; thov Koj ntxuav kuas puab dlawbhuv lug ntawm Koj txuj kev tseeb. 18Koj khaiv Kuv lug rua huv lub nplajteb nuav lecaag, Kuv yuav khaiv puab moog qha tuabneeg nplajteb ib yaam le ntawd. 19Vim puab, Kuv txhaj ntxuav Kuv tugkheej, Kuv ua le ntawd, sub puab txhaj ntxuav puab tugkheej ib yaam nkaus hab.
20“Tsi yog Kuv thov Koj paab puab cov nuav xwb, tabsis Kuv thov Koj paab cov kws nov tej lug kws puab qha hab lug ntseeg Kuv. 21Kuv thov kuas puab ua tau ib lub sab. Txiv 'e, thov ca puab nyob huv wb, ib yaam le Koj nyob huv Kuv hab Kuv nyob huv Koj. Thov kuas puab ua tau ib lub sab, sub tuabneeg nplajteb txhaj ntseeg tas Koj khaiv Kuv lug. 22Kuv ua rua puab tau koobmeej ib yaam le Koj ua rua Kuv tau koobmeej, Kuv ua le ntawd kuas puab koom tau ib lub sab ib yaam le wb koom ib lub sab. 23Kuv nyob huv puab hab Koj nyob huv Kuv. Thov kuas puab koom tau ib lub sab tag-tag, tuabneeg nplajteb txhaj paub tas Koj khaiv Kuv lug, hab paub tas Koj hlub puab ib yaam le Koj hlub Kuv.
24“Txiv 'e, Kuv nyob qhovtwg, Kuv xaav kuas cov tuabneeg kws Koj muab pub rua Kuv lawm nrug Kuv nyob qhov ntawd, hab kuas puab pum Kuv tug tshwjchim kws Koj pub rua Kuv, ruaqhov Koj yeej hlub Kuv thaus tsi tau tsim lub nplajteb lug lawm.
25“Leejtxiv tug kws ncaajnceeg, tuabneeg nplajteb tsi paub Koj, tabsis Kuv paub Koj hab cov tuabneeg nuav puavleej paub tas Koj khaiv Kuv lug. 26Kuv tub qha Koj rua puab paub lawm, hab Kuv tseem yuav najnub qha Koj rua puab ntxiv, kuas txuj kev hlub kws Koj muaj pub rua Kuv txhaj yuav nyob tau rua huv puab, hab Kuv txhaj yuav nyob tau rua huv puab hab.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.