Yauhaas 19
19
1Tes Philaj txawm coj Yexus moog rua cov tubrog nplawm. 2Cov tubrog muab xuavpaug ntsaaj qhab ua ib lub kausmom looj Yexus taubhau; hab muab ib lub tsho ntev tsaamxem rua Nwg naav. 3Puab lug rua ntawm Nwg hab has tas, “Thov kuas cov Yudais tug vaajntxwv muaj sa nyob ntev!” Hab puab xuas tawgncuav rua Nwg ntsejmuag.
4Philaj rov tawm tuaj ib zag ntxiv hab has rua cov tuabneeg ntawd tas, “Mej saib maj, kuv yuav coj Nwg tawm tuaj nrau nuav rua mej, kuas mej pum tas kuv yeej tsi pum Nwg tau ua ib qhov txhum kws yuav txaus rautxim le.” 5Yogle ntawd, Yexus txhaj tawm lug, Nwg ntoo rawv lub kausmom xuavpaug hab naav lub tsho ntev tsaamxem. Philaj has rua puab tas, “Mej saib! Tug txivneej kws kuv has ntawd nyob ntawm nuav!”
6Thaus cov thawj povthawj hlub hab cov tub ceevxwm pum Yexus, puab qw nrov-nrov has tas, “Muab Nwg ntsa rua sau ntoo khaublig! Muab Nwg ntsa rua sau ntoo khaublig!”
Philaj has rua puab tas, “Yogle ntawd tes mej cale coj Nwg moog hab muab Nwg ntsa rua sau ntoo khaublig. Ntawm kuv, kuv yeej tsi pum ib qho txhum kws yuav txaus rautxim rua Nwg le.”
7Cov Yudais teb Philaj has tas, “Peb muaj ib txuj kevcai kws has tas Nwg yuavtsum tuag, ruaqhov Nwg khaav has tas Nwg yog Vaajtswv tug Tub.”
8Thaus Philaj nov puab has le ntawd, ua rua Philaj yimfuab ntshai heev. 9Philaj rov moog huv lub loog hab nug Yexus has tas, “Koj nyob qhovtwg tuaj?”
Tabsis Yexus tsi teb ib lus le. 10Philaj has rua Yexus tas, “Koj txawm tsi teb kuv le lov? Koj puas paub tas kuv muaj fwjchim kws tso tau Koj, hab muab Koj ntsa rua sau ntoo khaublig?”
11Yexus teb tas, “Koj yuav tsi muaj fwjchim luj dlua Kuv, yog tas tsi yog Vaajtswv muab rua koj. Yogle ntawd, tug kws nteg Kuv tuaj rua koj, tseem muaj txim luj dlua koj hab.”
12Thaus Philaj nov le ntawd, nwg yeej xaav nrhav ib txujkev tso kuas tau Yexus. Tabsis cov Yudais has nrov-nrov tas, “Yog koj tseem muab Nwg tso moog hab, mas koj yeej tsi yog Xixas tug phoojywg ib zag le! Tug kws khaav has tas nwg yog vaajntxwv, tug ntawd yeej yog tawmtsaam Xixas xwb ntaag!”
13Thaus Philaj nov le ntawd, nwg txawm coj Yexus tawm lug rua saabnrau hab nwg moog nyob sau lub rooj txavtxim, kws hu ua “Pua Pobzeb.” (Lub npe ntawd lug Henplais hu ua “Nkanpathas.”) 14Nub ntawd kwvlaam taavsu, yog nub kws uantej nub ua kevcai Hlaa Dlhau. Philaj has rua cov Yudais tas, “Nuav yog mej tug vaajntxwv!”
15Puab qw nrov-nrov has tas, “Muab Nwg tua! Muab Nwg tua! Muab Nwg ntsa rua sau ntoo khaublig!”
Philaj txhaj nug puab has tas, “Mej xaav kuas kuv muab mej tug vaajntxwv ntsa rua sau ntoo khaublig lov?”
Cov thawj povthawj hlub teb tas, “Peb tsi muaj lwmtug vaajntxwv le, tsuas yog muaj Xixas xwb!”
16Tes thaus kawg, Philaj txhajle muab Yexus cob rua puab coj moog ntsa rua sau ntoo khaublig.
Yexus Raug Ntsa Rua Sau Ntoo Khaublig
(Mathais 27:32-44; Malakaus 15:21-32; Lukas 23:26-43)
Yogle ntawd, cov tubrog txhajle coj Yexus tawm moog; 17Yexus kwv Nwg tug ntoo khaublig tawm moog txug ntawm qhov chaw kws hu ua “Pobtxhaa Taubhau.” (Lug Henplais hu ua “Khaulakhauthas.”) 18Nyob qhov ntawd, puab muab Yexus ntsa rua sau ntoo khaublig; puab kuj muab ob tug txivneej tuaj ntsa rua sau ntoo khaublig hab; ib leeg nyob ib saab hab Yexus nyob nruabnraab. 19Philaj sau ib cov lug ntsa rua sau tug ntoo khaublig, nyeem has tas: “Yexus tuabneeg Naxalev, kws yog cov Yudais tug Vaajntxwv.” 20Cov Yudais coob leej yeej tau nyeem dlaim ntawv ntawd, ruaqhov thaaj chaw kws muab Yexus ntsa rua ntawd nyob tsi dleb ntawm lub nroog. Dlaim ntawv ntawd tau muab sau ua lug Henplais, lug Latees, hab lug Kilis. 21Cov thawj povthawj hlub has rua Philaj tas, “Tsi xob sau has tas, ‘Cov Yudais tug Vaajntxwv,’ tabsis sau has tas, ‘Tug txivneej nuav has tas, Kuv yog cov Yudais tug Vaajntxwv.’ ”
22Philaj teb tas, “Kuv sau lecaag, yuav le ntawd xwb.”
23Tomqaab kws cov tubrog muab Yexus ntsa rua sau ntoo khaublig lawm, puab muab Yexus tej rigtsho faib ua plaub feem, ib leeg yuav ib feem. Puab tseem muab Yexus lub tsho ntev saabhuv lawm hab, lub tsho ntev ntawd yeej ntus thoobplawg tsi muaj kaab lejleeg le. 24Cov tubrog sisthaam has tas, “Peb tsi xob muab lub tsho nuav dlua, tabsis ca peb muab twv seb leejtwg tau.” Tej kws puab ua nuav, muaj tav lawvle Vaajtswv Txujlug kws has tas:
“Puab muab Kuv tej rigtsho sisfaib rua puab,
hab twv seb leejtwg tau Kuv lub tsho ntev.”
Yogle, cov tubrog yeej tau ua le ntawd tag. #Nnkauj 22:18
25Thaus ntawd Yexus nam, Yexus nam tug namhluas, Malis kws yog Kelupas tug quaspuj, hab Malis Madalas, puab sawv ze ntawm Yexus tug ntoo khaublig. 26Thaus Yexus pum Nwg nam hab tug thwjtim kws Nwg hlub sawv uake ze ntawd, Yexus has rua Nwg nam tas, “Tug ntawm ko yog koj tug tub.”
27Yexus has rua tug thwjtim ntawd tas, “Tug ntawm ko yog koj nam.” Txij thaus ntawd lug, tug thwjtim ntawd txawm coj Yexus nam moog nrug nwg nyob lawm.
Yexus Txuj Kev Tuag
(Mathais 27:45-56; Malakaus 15:33-41; Lukas 23:44-49)
28Yexus paub tas zagnua txhua yaam tav taag lawm, hab qhov kws yuav ua kuas Vaajtswv Txujlug tav, Nwg txhaj has tas, “Kuv nqhes dlej.” #Nnkauj 69:21; 22:15
29Nyob rua ntawd muaj ib taig cawv txivmaab qaub, puab txawm muab ib lub taub ntxuavyag lug raus cov cawv txivmaab qaub ntawd hab muab chob rua ntawm ib tug paas kws yog ntoo hixauv, hab muab cev moog rua ntawm Yexus qhovncauj. 30Thaus Yexus haus cov cawv txivmaab qaub ntawd taag, Nwg has tas, “Tav lawm lau!”
Tes Nwg txawm nyo hau ntshis hab tusav nrho lawm.
Muab Muv Nkaug Yexus Saab Taav
31Cov Yudais tej numtswv moog thov Philaj kuas tsocai rua puab muab cov tuabneeg kws ntsa sau ntoo khaublig ntawd tsoo ceg kuas luv hab muab puab lub cev txu sau ntoo khaublig lug. Puab ua le nuav ruaqhov nub ntawd yog nub Npaaj ua kevcai; cov Yudais tsi xaav ca cov tuabneeg tuag nyob sau ntoo khaublig rua nub Xanpataus, ruaqhov nub Xanpataus yog nub kws tseemceeb heev. 32Yogle ntawd, cov tubrog txawm moog muab ob tug kws puab muab ntsa rua sau ntoo khaublig nrug Yexus ntawd tsoo ceg kuas luv; puab xub tsoo ib tug uantej, puab maamle tsoo ib tug tomqaab. 33Tabsis thaus puab moog txug ntawm Yexus, puab pum tas Nwg tub tuag lawm, puab txhaj tsi tsoo Nwg ob txhais ceg.
34Txawm le ntawd los muaj ib tug tubrog muab nwg raab muv nkaug Yexus saab taav to ntshua, ua rua ntshaav hab dlej cale lug si quas laim taamsim ntawd. ( 35Tug kws pum zaaj nuav, nwg tau ua timkhawv qha rua suavdlawg sub mej txhaj yuav ntseeg.#19:35: ntseeg; tej phoo ntawv qub kws xuas teg sau, muaj ntseeg taag moog le. Tej kws nwg has yeej muaj tseeb, hab nwg yeej paub tas nwg has qhov tseeb xwb.) 36Qhov nuav muaj lawvle Vaajtswv Txujlug kws has tas, “Nwg tej txhaa yeej tsi muaj ib yaag yuav luv le.” #Tsiv 12:46; Teev 9:12; Nnkauj 34:20 37Hab Vaajtswv Txujlug muaj dlua ib nqai has tas, “Yuav muaj tuabneeg saibntsoov tug kws puab xuas muv nkaug.” #Xekhali 12:10; Tshwm 1:7
Log Yexus
(Mathais 27:57-61; Malakaus 15:42-47; Lukas 23:50-56)
38Tomqaab ntawd, Yauxej kws yog tuabneeg Alimathias, tau moog thov kuas Philaj muab Yexus lub cev rua nwg. (Yauxej yog Yexus ib tug thwjtim hab, tabsis nwg tsi qha rua leejtwg paub, ruaqhov nwg ntshai cov Yudais.) Philaj txawm tsocai, tes Yauxej txhaj moog muab Yexus lub cev txu hab coj moog lawm. #Yauh 3:1-2 39Nikaudemaus tug kws tau moog cuag Yexus ib zag thaus montuj, nrug Yauxej moog; nwg nqaa ib cov roj ntoos tswqaab kws yog muab maules hab alaus sistov uake, kws nyaav kwvlaam le 30 tawm kilus. 40Obtug muab Yexus lub cev txu lug, muab cov tshuaj tswqaab pleev hab muab ib chaws ntaub maag qhwv Yexus lub cev lawvle cov Yudais txuj kevcai log tuag kws puab ibtxwm ua. 41Muaj ib lub vaaj nyob ntawm qhov chaw kws puab muab Yexus ntsa rua sau ntoo khaublig. Nyob huv lub vaaj ntawd muaj ib lub qhovntxaa tshab kws tseem tsi tau muaj leejtwg muab tuabneeg tuag log rua huv dlua le. 42Vim nub ntawd yog nub kws uantej nub Xanpataus hab vim lub qhovntxaa ntawd nyob ze, puab txhaj coj Yexus lub cev moog tso rua ntawd.
Currently Selected:
Yauhaas 19: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Yauhaas 19
19
1Tes Philaj txawm coj Yexus moog rua cov tubrog nplawm. 2Cov tubrog muab xuavpaug ntsaaj qhab ua ib lub kausmom looj Yexus taubhau; hab muab ib lub tsho ntev tsaamxem rua Nwg naav. 3Puab lug rua ntawm Nwg hab has tas, “Thov kuas cov Yudais tug vaajntxwv muaj sa nyob ntev!” Hab puab xuas tawgncuav rua Nwg ntsejmuag.
4Philaj rov tawm tuaj ib zag ntxiv hab has rua cov tuabneeg ntawd tas, “Mej saib maj, kuv yuav coj Nwg tawm tuaj nrau nuav rua mej, kuas mej pum tas kuv yeej tsi pum Nwg tau ua ib qhov txhum kws yuav txaus rautxim le.” 5Yogle ntawd, Yexus txhaj tawm lug, Nwg ntoo rawv lub kausmom xuavpaug hab naav lub tsho ntev tsaamxem. Philaj has rua puab tas, “Mej saib! Tug txivneej kws kuv has ntawd nyob ntawm nuav!”
6Thaus cov thawj povthawj hlub hab cov tub ceevxwm pum Yexus, puab qw nrov-nrov has tas, “Muab Nwg ntsa rua sau ntoo khaublig! Muab Nwg ntsa rua sau ntoo khaublig!”
Philaj has rua puab tas, “Yogle ntawd tes mej cale coj Nwg moog hab muab Nwg ntsa rua sau ntoo khaublig. Ntawm kuv, kuv yeej tsi pum ib qho txhum kws yuav txaus rautxim rua Nwg le.”
7Cov Yudais teb Philaj has tas, “Peb muaj ib txuj kevcai kws has tas Nwg yuavtsum tuag, ruaqhov Nwg khaav has tas Nwg yog Vaajtswv tug Tub.”
8Thaus Philaj nov puab has le ntawd, ua rua Philaj yimfuab ntshai heev. 9Philaj rov moog huv lub loog hab nug Yexus has tas, “Koj nyob qhovtwg tuaj?”
Tabsis Yexus tsi teb ib lus le. 10Philaj has rua Yexus tas, “Koj txawm tsi teb kuv le lov? Koj puas paub tas kuv muaj fwjchim kws tso tau Koj, hab muab Koj ntsa rua sau ntoo khaublig?”
11Yexus teb tas, “Koj yuav tsi muaj fwjchim luj dlua Kuv, yog tas tsi yog Vaajtswv muab rua koj. Yogle ntawd, tug kws nteg Kuv tuaj rua koj, tseem muaj txim luj dlua koj hab.”
12Thaus Philaj nov le ntawd, nwg yeej xaav nrhav ib txujkev tso kuas tau Yexus. Tabsis cov Yudais has nrov-nrov tas, “Yog koj tseem muab Nwg tso moog hab, mas koj yeej tsi yog Xixas tug phoojywg ib zag le! Tug kws khaav has tas nwg yog vaajntxwv, tug ntawd yeej yog tawmtsaam Xixas xwb ntaag!”
13Thaus Philaj nov le ntawd, nwg txawm coj Yexus tawm lug rua saabnrau hab nwg moog nyob sau lub rooj txavtxim, kws hu ua “Pua Pobzeb.” (Lub npe ntawd lug Henplais hu ua “Nkanpathas.”) 14Nub ntawd kwvlaam taavsu, yog nub kws uantej nub ua kevcai Hlaa Dlhau. Philaj has rua cov Yudais tas, “Nuav yog mej tug vaajntxwv!”
15Puab qw nrov-nrov has tas, “Muab Nwg tua! Muab Nwg tua! Muab Nwg ntsa rua sau ntoo khaublig!”
Philaj txhaj nug puab has tas, “Mej xaav kuas kuv muab mej tug vaajntxwv ntsa rua sau ntoo khaublig lov?”
Cov thawj povthawj hlub teb tas, “Peb tsi muaj lwmtug vaajntxwv le, tsuas yog muaj Xixas xwb!”
16Tes thaus kawg, Philaj txhajle muab Yexus cob rua puab coj moog ntsa rua sau ntoo khaublig.
Yexus Raug Ntsa Rua Sau Ntoo Khaublig
(Mathais 27:32-44; Malakaus 15:21-32; Lukas 23:26-43)
Yogle ntawd, cov tubrog txhajle coj Yexus tawm moog; 17Yexus kwv Nwg tug ntoo khaublig tawm moog txug ntawm qhov chaw kws hu ua “Pobtxhaa Taubhau.” (Lug Henplais hu ua “Khaulakhauthas.”) 18Nyob qhov ntawd, puab muab Yexus ntsa rua sau ntoo khaublig; puab kuj muab ob tug txivneej tuaj ntsa rua sau ntoo khaublig hab; ib leeg nyob ib saab hab Yexus nyob nruabnraab. 19Philaj sau ib cov lug ntsa rua sau tug ntoo khaublig, nyeem has tas: “Yexus tuabneeg Naxalev, kws yog cov Yudais tug Vaajntxwv.” 20Cov Yudais coob leej yeej tau nyeem dlaim ntawv ntawd, ruaqhov thaaj chaw kws muab Yexus ntsa rua ntawd nyob tsi dleb ntawm lub nroog. Dlaim ntawv ntawd tau muab sau ua lug Henplais, lug Latees, hab lug Kilis. 21Cov thawj povthawj hlub has rua Philaj tas, “Tsi xob sau has tas, ‘Cov Yudais tug Vaajntxwv,’ tabsis sau has tas, ‘Tug txivneej nuav has tas, Kuv yog cov Yudais tug Vaajntxwv.’ ”
22Philaj teb tas, “Kuv sau lecaag, yuav le ntawd xwb.”
23Tomqaab kws cov tubrog muab Yexus ntsa rua sau ntoo khaublig lawm, puab muab Yexus tej rigtsho faib ua plaub feem, ib leeg yuav ib feem. Puab tseem muab Yexus lub tsho ntev saabhuv lawm hab, lub tsho ntev ntawd yeej ntus thoobplawg tsi muaj kaab lejleeg le. 24Cov tubrog sisthaam has tas, “Peb tsi xob muab lub tsho nuav dlua, tabsis ca peb muab twv seb leejtwg tau.” Tej kws puab ua nuav, muaj tav lawvle Vaajtswv Txujlug kws has tas:
“Puab muab Kuv tej rigtsho sisfaib rua puab,
hab twv seb leejtwg tau Kuv lub tsho ntev.”
Yogle, cov tubrog yeej tau ua le ntawd tag. #Nnkauj 22:18
25Thaus ntawd Yexus nam, Yexus nam tug namhluas, Malis kws yog Kelupas tug quaspuj, hab Malis Madalas, puab sawv ze ntawm Yexus tug ntoo khaublig. 26Thaus Yexus pum Nwg nam hab tug thwjtim kws Nwg hlub sawv uake ze ntawd, Yexus has rua Nwg nam tas, “Tug ntawm ko yog koj tug tub.”
27Yexus has rua tug thwjtim ntawd tas, “Tug ntawm ko yog koj nam.” Txij thaus ntawd lug, tug thwjtim ntawd txawm coj Yexus nam moog nrug nwg nyob lawm.
Yexus Txuj Kev Tuag
(Mathais 27:45-56; Malakaus 15:33-41; Lukas 23:44-49)
28Yexus paub tas zagnua txhua yaam tav taag lawm, hab qhov kws yuav ua kuas Vaajtswv Txujlug tav, Nwg txhaj has tas, “Kuv nqhes dlej.” #Nnkauj 69:21; 22:15
29Nyob rua ntawd muaj ib taig cawv txivmaab qaub, puab txawm muab ib lub taub ntxuavyag lug raus cov cawv txivmaab qaub ntawd hab muab chob rua ntawm ib tug paas kws yog ntoo hixauv, hab muab cev moog rua ntawm Yexus qhovncauj. 30Thaus Yexus haus cov cawv txivmaab qaub ntawd taag, Nwg has tas, “Tav lawm lau!”
Tes Nwg txawm nyo hau ntshis hab tusav nrho lawm.
Muab Muv Nkaug Yexus Saab Taav
31Cov Yudais tej numtswv moog thov Philaj kuas tsocai rua puab muab cov tuabneeg kws ntsa sau ntoo khaublig ntawd tsoo ceg kuas luv hab muab puab lub cev txu sau ntoo khaublig lug. Puab ua le nuav ruaqhov nub ntawd yog nub Npaaj ua kevcai; cov Yudais tsi xaav ca cov tuabneeg tuag nyob sau ntoo khaublig rua nub Xanpataus, ruaqhov nub Xanpataus yog nub kws tseemceeb heev. 32Yogle ntawd, cov tubrog txawm moog muab ob tug kws puab muab ntsa rua sau ntoo khaublig nrug Yexus ntawd tsoo ceg kuas luv; puab xub tsoo ib tug uantej, puab maamle tsoo ib tug tomqaab. 33Tabsis thaus puab moog txug ntawm Yexus, puab pum tas Nwg tub tuag lawm, puab txhaj tsi tsoo Nwg ob txhais ceg.
34Txawm le ntawd los muaj ib tug tubrog muab nwg raab muv nkaug Yexus saab taav to ntshua, ua rua ntshaav hab dlej cale lug si quas laim taamsim ntawd. ( 35Tug kws pum zaaj nuav, nwg tau ua timkhawv qha rua suavdlawg sub mej txhaj yuav ntseeg.#19:35: ntseeg; tej phoo ntawv qub kws xuas teg sau, muaj ntseeg taag moog le. Tej kws nwg has yeej muaj tseeb, hab nwg yeej paub tas nwg has qhov tseeb xwb.) 36Qhov nuav muaj lawvle Vaajtswv Txujlug kws has tas, “Nwg tej txhaa yeej tsi muaj ib yaag yuav luv le.” #Tsiv 12:46; Teev 9:12; Nnkauj 34:20 37Hab Vaajtswv Txujlug muaj dlua ib nqai has tas, “Yuav muaj tuabneeg saibntsoov tug kws puab xuas muv nkaug.” #Xekhali 12:10; Tshwm 1:7
Log Yexus
(Mathais 27:57-61; Malakaus 15:42-47; Lukas 23:50-56)
38Tomqaab ntawd, Yauxej kws yog tuabneeg Alimathias, tau moog thov kuas Philaj muab Yexus lub cev rua nwg. (Yauxej yog Yexus ib tug thwjtim hab, tabsis nwg tsi qha rua leejtwg paub, ruaqhov nwg ntshai cov Yudais.) Philaj txawm tsocai, tes Yauxej txhaj moog muab Yexus lub cev txu hab coj moog lawm. #Yauh 3:1-2 39Nikaudemaus tug kws tau moog cuag Yexus ib zag thaus montuj, nrug Yauxej moog; nwg nqaa ib cov roj ntoos tswqaab kws yog muab maules hab alaus sistov uake, kws nyaav kwvlaam le 30 tawm kilus. 40Obtug muab Yexus lub cev txu lug, muab cov tshuaj tswqaab pleev hab muab ib chaws ntaub maag qhwv Yexus lub cev lawvle cov Yudais txuj kevcai log tuag kws puab ibtxwm ua. 41Muaj ib lub vaaj nyob ntawm qhov chaw kws puab muab Yexus ntsa rua sau ntoo khaublig. Nyob huv lub vaaj ntawd muaj ib lub qhovntxaa tshab kws tseem tsi tau muaj leejtwg muab tuabneeg tuag log rua huv dlua le. 42Vim nub ntawd yog nub kws uantej nub Xanpataus hab vim lub qhovntxaa ntawd nyob ze, puab txhaj coj Yexus lub cev moog tso rua ntawd.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.