Yauhaas 20
20
Yexus Sawv Huv Qhovtuag Rov Lug
(Mathais 28:1-20; Malakaus 16:1-8; Lukas 24:1-12)
1Nubkaaj#20:1: Nubkaaj yog nub ib. thaus kaajntug txoog kws tseem tsi tau pumkev pistsawg, Malis Madalas moog tom lub qhovntxaa hab pum dlaim laagzeb kws npug lub rooj ntxaas tub muab rhu rua ib saab lawm. 2Malis txawm dlha rovqaab lug cuag Ximoos Petus hab tug thwjtim kws Yexus hlub, hab has rua obtug tas, “Puab tub muab tug Tswv nqaa tawm huv lub qhovntxaa lawm, peb tsi paub sov puab coj Nwg moog tso rua qhovtwg lawm!”
3Petus hab tug thwjtim ntawd txawm moog rua tom lub qhovntxaa. 4Obtug dlha moog tabsis tug thwjtim ntawd dlha ceev dlua Petus, nwg txhaj xub moog txug ntawm lub qhovntxaa. 5Nwg nyo ntshis moog xauj hab pum dlaim ntaub maag nyob huv, tabsis nwg tsi nkaag moog rua huv. 6Thaus Ximoos Petus lawv qaab moog txug, nwg txawm nkaag plawg moog saib huv lub qhovntxaa. Nwg pum dlaim ntaub maag hle ua ib pawg rua huv, 7hab nwg pum txuj phuam kws qhwv Yexus taubhau tais nyob rua ibcaag, tsi nyob nrug dlaim ntaub maag kws qhwv Yexus lub cev. 8Thaus ntawd tug thwjtim kws xub moog txug ntawm lub qhovntxaa kuj nkaag rua huv hab, nwg tau pum hab ntseeg. ( 9Obtug tseem tsi tau totaub Vaajtswv Txujlug kws has tas, Yexus yuav sawv huv qhovtuag rovqaab lug.) 10Tes obtug txawm rovqaab moog tsev lawm.
Yexus Tshwm Rua Malis Madalas Pum
(Mathais 28:9-10; Malakaus 16:9-11)
11Malis tseem sawv quaj ntawm lub qhovntxaa saabnrau. Thaus nwg tseem quaj-quaj, nwg txawm nyo ntshis xauj huv lub qhovntxaa; 12nwg pum ob tug timtswv ceebtsheej naav rigtsho dlawbpaug nyob quastsawg ntawm qhov chaw kws tso Yexus lub cev rua, ib tug nyob peg taubhau hab ib tug nyob nraag kutaw. 13Obtug nug Malis has tas, “Uacaag koj quaj?”
Malis teb obtug has tas, “Puab tau muab kuv tug Tswv nqaa tawm moog lawm, hab kuv tsi paub sov puab muab Nwg coj moog tso rua qhovtwg le lawm!”
14Thaus ntawd nwg tig hlo lug pum Yexus sawvntsug nyob ntawd, tabsis nwg tsi paub tas yog Yexus. 15Yexus nug Malis has tas, “Uacaag koj quaj? Koj taabtom tuaj nrhav leejtwg?”
Malis xaav tas tug txivneej nuav yog tug kws tu lub vaaj ntawd, nwg txhaj nug has tas, “Tug tswv, yog koj muab Nwg coj moog tso rua qhovtwg lawm, thov koj qha rua kuv, kuv yuav moog muab Nwg lub cev.”
16Yexus has rua Malis tas, “Malis 'e!”
Malis tig hlo moog rua ntawm Yexus, hab ua lug Henplais has tas, “Lanpaunis!” (Lulug nuav txhais has tas, “Xwbfwb.”)
17Yexus has rua Malis tas, “Tsi xob tuav Kuv, ruaqhov Kuv tseem tsi tau rov moog cuag Kuv Txiv. Koj cale moog has rua Kuv cov kwvtij tas, Kuv yuav rov moog cuag tug kws yog Kuv Txiv hab yog mej Txiv, nwg yog Kuv tug Vaajtswv hab yog mej tug Vaajtswv.”
18Yogle ntawd, Malis Madalas txhaj rovqaab moog qha rua cov thwjtim has tas, “Kuv tub pum tug Tswv lawm”; hab nwg qha puab has tas Yexus tau qha tej ntawd rua nwg.
Yexus Lug Tshwm Rua Nwg Cov Thwjtim Pum
(Mathais 28:16-20; Malakaus 16:14-18; Lukas 24:36-49)
19Nubkaaj thaus tsausntuj, cov thwjtim sissau uake rua huv ib lub tsev hab laag qhovrooj khovkho, ruaqhov puab ntshai cov Yudais tej numtswv. Thaus ntawd, Yexus txawm lug sawv nruabnraab huv puab hab has rua puab tas, “Thov kuas mej muaj kev nyaabxeeb!” 20Thaus Yexus has le ntawd taag, Nwg cev Nwg ob txhais teg hab thws Nwg saab taav rua puab saib. Thaus cov thwjtim pum tug Tswv lawm, puab zoosab kawg le. 21Yexus rov has rua puab dlua tas, “Thov kuas mej tau zoo nyob kaajsab lug! Leejtxiv khaiv Kuv lug lecaag, Kuv yuav khaiv mej moog le ntawd.” 22Tes Nwg txawm tshuab paa rua puab hab has tas, “Mej cale txais yuav Vaaj Ntsujplig tug Dlawbhuv. 23Yog mej zaamtxim rua leejtwg, Vaajtswv yuav zaamtxim rua tug ntawd; yog mej tsi zaamtxim rua leejtwg, Vaajtswv yuav tsi zaam rua tug ntawd hab.” #Math 16:19; 18:18
Yexus Hab Thaumas
24Thaumas (tug kws muaj dlua ib lub npe hu ua Ntxaib) yog ib tug ntawm kaum-ob tug thwjtim, nwg tsi tau nrug cov thwjtim nyob uake thaus Yexus lug tshwm rua puab pum. 25Cov thwjtim qha rua Thaumas has tas, “Peb tub pum tug Tswv lawm!”
Thaumas has rua puab tas, “Yog kuv tsi pum cov qhov ntsa hlau ntawm Nwg xibteg, hab tsi tau muab kuv tug ntivteg lij cov qhov ntsa hlau hab yog kuv tsi tau xuas lub qhov kws puab nkaug Nwg saab taav, mas kuv yeej tsi ntseeg le.”
26Tau ib lub limtam tomqaab Yexus cov thwjtim rov tuaj sissau rua huv tsev dlua, zag nuav Thaumas nrug puab nyob. Puab laag qhovrooj khovkho, tabsis Yexus cale lug sawv nruabnraab huv puab hab has tas, “Thov kuas mej tau zoo nyob kaajsab lug!” 27Tes Yexus has rua Thaumas tas, “Koj cale cev koj tug ntivteg lug rua ntawm nuav hab lug saib Kuv ob txhais teg. Cev koj txhais teg lug xuas lub qhov ntawm kuv saab taav. Tsi xob ua xyemxyaav, cale ntseeg!”
28Thaumas teb Yexus has tas, “Kuv tug Tswv hab kuv tug Vaajtswv!”
29Yexus has rua nwg tas, “Koj ntseeg vim koj pum Kuv lawm puas yog? Tug kws tsi tau pum Kuv tabsis nwg tub ntseeg lawm, tug ntawd muaj kev kaajsab kawg nkaus!”
Lub Homphaj Ntawm Phoo Ntawv Nuav
30Yexus tau ua ntau yaam txujci tseemceeb rua Nwg cov thwjtim pum, kws tsi tau muab sau ca rua huv phoo ntawv nuav. 31Tabsis tej kws sau ca rua huv phoo ntawv nuav yog sau lug qha kuas mej ntseeg#20:31: ntseeg; tej phoo ntawv qub kws xuas teg sau, muaj rausab ntseeg moog le. has tas, Yexus yog tug Mexiyas kws yog Vaajtswv tug Tub, lug ntawm qhov kws mej ntseeg Nwg, mej yuav tau txujsa.
Currently Selected:
Yauhaas 20: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Yauhaas 20
20
Yexus Sawv Huv Qhovtuag Rov Lug
(Mathais 28:1-20; Malakaus 16:1-8; Lukas 24:1-12)
1Nubkaaj#20:1: Nubkaaj yog nub ib. thaus kaajntug txoog kws tseem tsi tau pumkev pistsawg, Malis Madalas moog tom lub qhovntxaa hab pum dlaim laagzeb kws npug lub rooj ntxaas tub muab rhu rua ib saab lawm. 2Malis txawm dlha rovqaab lug cuag Ximoos Petus hab tug thwjtim kws Yexus hlub, hab has rua obtug tas, “Puab tub muab tug Tswv nqaa tawm huv lub qhovntxaa lawm, peb tsi paub sov puab coj Nwg moog tso rua qhovtwg lawm!”
3Petus hab tug thwjtim ntawd txawm moog rua tom lub qhovntxaa. 4Obtug dlha moog tabsis tug thwjtim ntawd dlha ceev dlua Petus, nwg txhaj xub moog txug ntawm lub qhovntxaa. 5Nwg nyo ntshis moog xauj hab pum dlaim ntaub maag nyob huv, tabsis nwg tsi nkaag moog rua huv. 6Thaus Ximoos Petus lawv qaab moog txug, nwg txawm nkaag plawg moog saib huv lub qhovntxaa. Nwg pum dlaim ntaub maag hle ua ib pawg rua huv, 7hab nwg pum txuj phuam kws qhwv Yexus taubhau tais nyob rua ibcaag, tsi nyob nrug dlaim ntaub maag kws qhwv Yexus lub cev. 8Thaus ntawd tug thwjtim kws xub moog txug ntawm lub qhovntxaa kuj nkaag rua huv hab, nwg tau pum hab ntseeg. ( 9Obtug tseem tsi tau totaub Vaajtswv Txujlug kws has tas, Yexus yuav sawv huv qhovtuag rovqaab lug.) 10Tes obtug txawm rovqaab moog tsev lawm.
Yexus Tshwm Rua Malis Madalas Pum
(Mathais 28:9-10; Malakaus 16:9-11)
11Malis tseem sawv quaj ntawm lub qhovntxaa saabnrau. Thaus nwg tseem quaj-quaj, nwg txawm nyo ntshis xauj huv lub qhovntxaa; 12nwg pum ob tug timtswv ceebtsheej naav rigtsho dlawbpaug nyob quastsawg ntawm qhov chaw kws tso Yexus lub cev rua, ib tug nyob peg taubhau hab ib tug nyob nraag kutaw. 13Obtug nug Malis has tas, “Uacaag koj quaj?”
Malis teb obtug has tas, “Puab tau muab kuv tug Tswv nqaa tawm moog lawm, hab kuv tsi paub sov puab muab Nwg coj moog tso rua qhovtwg le lawm!”
14Thaus ntawd nwg tig hlo lug pum Yexus sawvntsug nyob ntawd, tabsis nwg tsi paub tas yog Yexus. 15Yexus nug Malis has tas, “Uacaag koj quaj? Koj taabtom tuaj nrhav leejtwg?”
Malis xaav tas tug txivneej nuav yog tug kws tu lub vaaj ntawd, nwg txhaj nug has tas, “Tug tswv, yog koj muab Nwg coj moog tso rua qhovtwg lawm, thov koj qha rua kuv, kuv yuav moog muab Nwg lub cev.”
16Yexus has rua Malis tas, “Malis 'e!”
Malis tig hlo moog rua ntawm Yexus, hab ua lug Henplais has tas, “Lanpaunis!” (Lulug nuav txhais has tas, “Xwbfwb.”)
17Yexus has rua Malis tas, “Tsi xob tuav Kuv, ruaqhov Kuv tseem tsi tau rov moog cuag Kuv Txiv. Koj cale moog has rua Kuv cov kwvtij tas, Kuv yuav rov moog cuag tug kws yog Kuv Txiv hab yog mej Txiv, nwg yog Kuv tug Vaajtswv hab yog mej tug Vaajtswv.”
18Yogle ntawd, Malis Madalas txhaj rovqaab moog qha rua cov thwjtim has tas, “Kuv tub pum tug Tswv lawm”; hab nwg qha puab has tas Yexus tau qha tej ntawd rua nwg.
Yexus Lug Tshwm Rua Nwg Cov Thwjtim Pum
(Mathais 28:16-20; Malakaus 16:14-18; Lukas 24:36-49)
19Nubkaaj thaus tsausntuj, cov thwjtim sissau uake rua huv ib lub tsev hab laag qhovrooj khovkho, ruaqhov puab ntshai cov Yudais tej numtswv. Thaus ntawd, Yexus txawm lug sawv nruabnraab huv puab hab has rua puab tas, “Thov kuas mej muaj kev nyaabxeeb!” 20Thaus Yexus has le ntawd taag, Nwg cev Nwg ob txhais teg hab thws Nwg saab taav rua puab saib. Thaus cov thwjtim pum tug Tswv lawm, puab zoosab kawg le. 21Yexus rov has rua puab dlua tas, “Thov kuas mej tau zoo nyob kaajsab lug! Leejtxiv khaiv Kuv lug lecaag, Kuv yuav khaiv mej moog le ntawd.” 22Tes Nwg txawm tshuab paa rua puab hab has tas, “Mej cale txais yuav Vaaj Ntsujplig tug Dlawbhuv. 23Yog mej zaamtxim rua leejtwg, Vaajtswv yuav zaamtxim rua tug ntawd; yog mej tsi zaamtxim rua leejtwg, Vaajtswv yuav tsi zaam rua tug ntawd hab.” #Math 16:19; 18:18
Yexus Hab Thaumas
24Thaumas (tug kws muaj dlua ib lub npe hu ua Ntxaib) yog ib tug ntawm kaum-ob tug thwjtim, nwg tsi tau nrug cov thwjtim nyob uake thaus Yexus lug tshwm rua puab pum. 25Cov thwjtim qha rua Thaumas has tas, “Peb tub pum tug Tswv lawm!”
Thaumas has rua puab tas, “Yog kuv tsi pum cov qhov ntsa hlau ntawm Nwg xibteg, hab tsi tau muab kuv tug ntivteg lij cov qhov ntsa hlau hab yog kuv tsi tau xuas lub qhov kws puab nkaug Nwg saab taav, mas kuv yeej tsi ntseeg le.”
26Tau ib lub limtam tomqaab Yexus cov thwjtim rov tuaj sissau rua huv tsev dlua, zag nuav Thaumas nrug puab nyob. Puab laag qhovrooj khovkho, tabsis Yexus cale lug sawv nruabnraab huv puab hab has tas, “Thov kuas mej tau zoo nyob kaajsab lug!” 27Tes Yexus has rua Thaumas tas, “Koj cale cev koj tug ntivteg lug rua ntawm nuav hab lug saib Kuv ob txhais teg. Cev koj txhais teg lug xuas lub qhov ntawm kuv saab taav. Tsi xob ua xyemxyaav, cale ntseeg!”
28Thaumas teb Yexus has tas, “Kuv tug Tswv hab kuv tug Vaajtswv!”
29Yexus has rua nwg tas, “Koj ntseeg vim koj pum Kuv lawm puas yog? Tug kws tsi tau pum Kuv tabsis nwg tub ntseeg lawm, tug ntawd muaj kev kaajsab kawg nkaus!”
Lub Homphaj Ntawm Phoo Ntawv Nuav
30Yexus tau ua ntau yaam txujci tseemceeb rua Nwg cov thwjtim pum, kws tsi tau muab sau ca rua huv phoo ntawv nuav. 31Tabsis tej kws sau ca rua huv phoo ntawv nuav yog sau lug qha kuas mej ntseeg#20:31: ntseeg; tej phoo ntawv qub kws xuas teg sau, muaj rausab ntseeg moog le. has tas, Yexus yog tug Mexiyas kws yog Vaajtswv tug Tub, lug ntawm qhov kws mej ntseeg Nwg, mej yuav tau txujsa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.