Yauhaas 21
21
Yexus Lug Tshwm Rua Xyaa Leej Thwjtim Pum
1Dlhau ntawd, Yexus rov lug tshwm rua Nwg cov thwjtim pum nraag ntug Havtxwv Tinpelias#21:1: Havtxwv Tinpelias kuj yog Havtxwv Kalilais hab. Zaaj nuav yog tshwmsim le nuav. 2Ximoos Petus, Thaumas (tug kws muaj dlua ib lub npe hu ua Ntxaib), Nathana-ees (tug kws nyob huv lub zog Kanas xeev Kalilais), Xenpedais ob tug tub, nrug rua Yexus ob tug thwjtim, puab tuaj nyob uake. 3Ximoos Petus has rua puab tas, “Kuv yuav moog ntaus ntseg.”
Puab has rua Petus tas, “Peb yuav nrug koj moog hab.” Yogle ntawd, puab txawm nce rua huv nkoj, tabsis mo ntawd puab ntaus ib mos tsi tau ib tug ntseg le. #Lukas 5:5 4Thaus lub nub pib tawm tuaj, Yexus lug sawv tim ntug dlej, tabsis cov thwjtim tsi paub tas yog Yexus. 5Yexus nug puab has tas, “Cov mivnyuas, mej ntaus puas tau ntseg le os?”
Puab teb tas, “Tsi tau ib tug kag le.”
6Yexus has rua puab tas, “Cale muab mej lub vaag ntaus moog rua saab xis ntawm mej lub nkoj, mej txhaj yuav tau ntseg.” Yogle ntawd, puab txhaj muab lub vaag ntaus moog rua huv hab maag ntseg ntau kawg le, ua rua puab nqug tsi taug lub vaag lug rua sau nkoj le. #Lukas 5:6
7Tug thwjtim kws Yexus hlub has rua Petus tas, “Tug kws nyavnyuas haslug rua peb nuav yog peb tug Tswv ntaag los sav!” Thaus Petus nov dlheev has tas yog tug Tswv, nwg txawm muab nwg lub tsho ntev lug naav (ruaqhov nwg muab hle lawm) tes nwg txawm dlha rua huv dlej. 8Cov thwjtim kws tseem nyob huv lub nkoj txhaj nkuam lub nkoj hab nqug lub vaag kws maag ntseg puvnkaus ntawd lug rua tim ntug, ruaqhov puab nyob tsi dleb ntawm ntug dlej kwvlaam le 100 mev xwb. 9Thaus puab moog txug rua tim ntug, puab pum ib cub thee cig-cig kws tub muaj ntseg hab ncuav ci nyob rua sau lawm. 10Yexus has rua puab tas, “Nqaa tug puav ntseg kws mej nyavnyuas ntaus tau lug ntawm nuav seb.”
11Ximoos Petus nce rua huv lub nkoj hab nqug lub vaag kws maag tau ntseg puvnkaus ntawd lug rua tim ntug. Cov ntseg ntawd yog tuab cov ntseg luj xwb, taagnrho muaj 153 tug; txawm yog maag tau ntseg ntau npaum le ntawd los lub vaag yeej tsi ndluag ib qho le. 12Yexus has rua puab tas, “Mej cale lug noj tshais.” Cov thwjtim yeej tsi muaj ib tug kws yuav muaj cuabkaav nug Yexus has tas, “Koj yog leejtwg?” ruaqhov puab tub paub lawm has tas Nwg yog puab tug Tswv. 13Yogle ntawd, Yexus txawm moog muab ncuav hab muab ntseg lug faib rua puab noj.
14Nuav yog zag thib peb kws Yexus tau lug tshwm rua cov thwjtim pum, tomqaab kws Nwg sawv huv qhovtuag rovqaab lug lawm.
Yexus Hab Petus
15Thaus puab noj tshais taag lawm, Yexus has rua Ximoos Petus tas, “Ximoos Yauhaas tug tub, koj hlub Kuv tshaaj puab cov nuav lov?”
Ximoos teb Yexus has tas, “Yog lau, tug Tswv, Koj yeej paub tas kuv hlub Koj.”
Yexus has rua nwg tas, “Cale yug Kuv cov mivnyuas yaaj nawb.” 16Yexus rov has dlua zag thib ob has tas, “Ximoos Yauhaas tug tub, koj puas hlub Kuv?”
Ximoos teb Yexus has tas, “Tug Tswv, Koj yeej paub tas kuv hlub Koj.”
Yexus has rua nwg tas, “Cale saib Kuv paab yaaj nawb.” 17Yexus rov has dlua zag thib peb has tas, “Ximoos Yauhaas tug tub, koj puas hlub Kuv?”
Petus nyuajsab heev ruaqhov Yexus nug nwg txug peb zag has tas, “Koj puas hlub Kuv?” Petus txhaj has rua Yexus tas, “Tug Tswv, Koj yeej paub ibpuas tsaavyaam huv tuabsi; Koj paub tas kuv yeej hlub Koj!”
Yexus has rua Petus tas, “Cale yug Kuv paab yaaj nawb. 18Kuv qha tseeb rua koj has tas, thaus koj tseem hluas koj xaav moog qhovtwg, koj cale tu cev zoj zeeg moog xwb. Tabsis thaus koj laug lawm, koj yuav xyaab teg rua luas khi, muaj tuabneeg yuav khu khaubdluag rua koj naav hab luas yuav coj koj moog rua qhov chaw kws koj tsi xaav moog.” 19(Yexus has le nuav yog Nwg qha txug Petus txuj kev tuag kws yuav ua rua Vaajtswv tau koobmeej.) Tes Yexus has rua Petus tas, “Cale nrug Kuv moog!”
Yexus Hab Tug Thwjtim Kws Nwg Hlub
20Petus tig lug pum tug thwjtim kws Yexus hlub nyob tom obtug qaab; nwg yog tug kws nyob pheeb rua ntawm Yexus thaus puab noj mo hab nug has tas, “Tug Tswv, leejtwg yog tug kws yuav ntxeevsab rua Koj?” #Yauh 13:25 21Thaus Petus pum tug thwjtim ntawd, nwg txawm nug Yexus has tas, “Tug Tswv, ua le tug txivneej nuav ne, yuav ua lecaag?”
22Yexus teb Petus has tas, “Yog Kuv xaav ca nwg nyob moog txug nub kws Kuv rovqaab lug, los yuav txug koj nkig dlaabtsi? Koj cale nrug Kuv moog!”
23Zaaj nuav nrov-nchaa moog thoobplawg rua tej kwvtij suavdlawg has tas, tug thwjtim ntawd yuav tsi tuag. Tabsis Yexus tsi tau has tas, tug thwjtim ntawd yuav tsi tuag; Nwg tsuas has tas, “Yog Kuv xaav ca nwg nyob moog txug nub kws Kuv rovqaab lug, los yuav txug koj nkig dlaabtsi?” nua xwb.
24Tug thwjtim ntawd ntaag yog tug kws ua timkhawv txug tej nuav, hab muab tej nuav sau tseg ca rua huv ntawv; hab peb paub tas tej lug kws nwg has nuav yog lug tseeb xwb.
Lug Xaus
25Tseem muaj ntau yaam kws Yexus tau ua taag lug lawm. Yog yuav muab tej ntawd sau taagnrho ca rua huv ntawv, kuv xaav tas lub nplajteb nuav yuav tsi muaj chaw txaus ntim tej ntawv ntawd.
Currently Selected:
Yauhaas 21: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Yauhaas 21
21
Yexus Lug Tshwm Rua Xyaa Leej Thwjtim Pum
1Dlhau ntawd, Yexus rov lug tshwm rua Nwg cov thwjtim pum nraag ntug Havtxwv Tinpelias#21:1: Havtxwv Tinpelias kuj yog Havtxwv Kalilais hab. Zaaj nuav yog tshwmsim le nuav. 2Ximoos Petus, Thaumas (tug kws muaj dlua ib lub npe hu ua Ntxaib), Nathana-ees (tug kws nyob huv lub zog Kanas xeev Kalilais), Xenpedais ob tug tub, nrug rua Yexus ob tug thwjtim, puab tuaj nyob uake. 3Ximoos Petus has rua puab tas, “Kuv yuav moog ntaus ntseg.”
Puab has rua Petus tas, “Peb yuav nrug koj moog hab.” Yogle ntawd, puab txawm nce rua huv nkoj, tabsis mo ntawd puab ntaus ib mos tsi tau ib tug ntseg le. #Lukas 5:5 4Thaus lub nub pib tawm tuaj, Yexus lug sawv tim ntug dlej, tabsis cov thwjtim tsi paub tas yog Yexus. 5Yexus nug puab has tas, “Cov mivnyuas, mej ntaus puas tau ntseg le os?”
Puab teb tas, “Tsi tau ib tug kag le.”
6Yexus has rua puab tas, “Cale muab mej lub vaag ntaus moog rua saab xis ntawm mej lub nkoj, mej txhaj yuav tau ntseg.” Yogle ntawd, puab txhaj muab lub vaag ntaus moog rua huv hab maag ntseg ntau kawg le, ua rua puab nqug tsi taug lub vaag lug rua sau nkoj le. #Lukas 5:6
7Tug thwjtim kws Yexus hlub has rua Petus tas, “Tug kws nyavnyuas haslug rua peb nuav yog peb tug Tswv ntaag los sav!” Thaus Petus nov dlheev has tas yog tug Tswv, nwg txawm muab nwg lub tsho ntev lug naav (ruaqhov nwg muab hle lawm) tes nwg txawm dlha rua huv dlej. 8Cov thwjtim kws tseem nyob huv lub nkoj txhaj nkuam lub nkoj hab nqug lub vaag kws maag ntseg puvnkaus ntawd lug rua tim ntug, ruaqhov puab nyob tsi dleb ntawm ntug dlej kwvlaam le 100 mev xwb. 9Thaus puab moog txug rua tim ntug, puab pum ib cub thee cig-cig kws tub muaj ntseg hab ncuav ci nyob rua sau lawm. 10Yexus has rua puab tas, “Nqaa tug puav ntseg kws mej nyavnyuas ntaus tau lug ntawm nuav seb.”
11Ximoos Petus nce rua huv lub nkoj hab nqug lub vaag kws maag tau ntseg puvnkaus ntawd lug rua tim ntug. Cov ntseg ntawd yog tuab cov ntseg luj xwb, taagnrho muaj 153 tug; txawm yog maag tau ntseg ntau npaum le ntawd los lub vaag yeej tsi ndluag ib qho le. 12Yexus has rua puab tas, “Mej cale lug noj tshais.” Cov thwjtim yeej tsi muaj ib tug kws yuav muaj cuabkaav nug Yexus has tas, “Koj yog leejtwg?” ruaqhov puab tub paub lawm has tas Nwg yog puab tug Tswv. 13Yogle ntawd, Yexus txawm moog muab ncuav hab muab ntseg lug faib rua puab noj.
14Nuav yog zag thib peb kws Yexus tau lug tshwm rua cov thwjtim pum, tomqaab kws Nwg sawv huv qhovtuag rovqaab lug lawm.
Yexus Hab Petus
15Thaus puab noj tshais taag lawm, Yexus has rua Ximoos Petus tas, “Ximoos Yauhaas tug tub, koj hlub Kuv tshaaj puab cov nuav lov?”
Ximoos teb Yexus has tas, “Yog lau, tug Tswv, Koj yeej paub tas kuv hlub Koj.”
Yexus has rua nwg tas, “Cale yug Kuv cov mivnyuas yaaj nawb.” 16Yexus rov has dlua zag thib ob has tas, “Ximoos Yauhaas tug tub, koj puas hlub Kuv?”
Ximoos teb Yexus has tas, “Tug Tswv, Koj yeej paub tas kuv hlub Koj.”
Yexus has rua nwg tas, “Cale saib Kuv paab yaaj nawb.” 17Yexus rov has dlua zag thib peb has tas, “Ximoos Yauhaas tug tub, koj puas hlub Kuv?”
Petus nyuajsab heev ruaqhov Yexus nug nwg txug peb zag has tas, “Koj puas hlub Kuv?” Petus txhaj has rua Yexus tas, “Tug Tswv, Koj yeej paub ibpuas tsaavyaam huv tuabsi; Koj paub tas kuv yeej hlub Koj!”
Yexus has rua Petus tas, “Cale yug Kuv paab yaaj nawb. 18Kuv qha tseeb rua koj has tas, thaus koj tseem hluas koj xaav moog qhovtwg, koj cale tu cev zoj zeeg moog xwb. Tabsis thaus koj laug lawm, koj yuav xyaab teg rua luas khi, muaj tuabneeg yuav khu khaubdluag rua koj naav hab luas yuav coj koj moog rua qhov chaw kws koj tsi xaav moog.” 19(Yexus has le nuav yog Nwg qha txug Petus txuj kev tuag kws yuav ua rua Vaajtswv tau koobmeej.) Tes Yexus has rua Petus tas, “Cale nrug Kuv moog!”
Yexus Hab Tug Thwjtim Kws Nwg Hlub
20Petus tig lug pum tug thwjtim kws Yexus hlub nyob tom obtug qaab; nwg yog tug kws nyob pheeb rua ntawm Yexus thaus puab noj mo hab nug has tas, “Tug Tswv, leejtwg yog tug kws yuav ntxeevsab rua Koj?” #Yauh 13:25 21Thaus Petus pum tug thwjtim ntawd, nwg txawm nug Yexus has tas, “Tug Tswv, ua le tug txivneej nuav ne, yuav ua lecaag?”
22Yexus teb Petus has tas, “Yog Kuv xaav ca nwg nyob moog txug nub kws Kuv rovqaab lug, los yuav txug koj nkig dlaabtsi? Koj cale nrug Kuv moog!”
23Zaaj nuav nrov-nchaa moog thoobplawg rua tej kwvtij suavdlawg has tas, tug thwjtim ntawd yuav tsi tuag. Tabsis Yexus tsi tau has tas, tug thwjtim ntawd yuav tsi tuag; Nwg tsuas has tas, “Yog Kuv xaav ca nwg nyob moog txug nub kws Kuv rovqaab lug, los yuav txug koj nkig dlaabtsi?” nua xwb.
24Tug thwjtim ntawd ntaag yog tug kws ua timkhawv txug tej nuav, hab muab tej nuav sau tseg ca rua huv ntawv; hab peb paub tas tej lug kws nwg has nuav yog lug tseeb xwb.
Lug Xaus
25Tseem muaj ntau yaam kws Yexus tau ua taag lug lawm. Yog yuav muab tej ntawd sau taagnrho ca rua huv ntawv, kuv xaav tas lub nplajteb nuav yuav tsi muaj chaw txaus ntim tej ntawv ntawd.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.