Utandiko 33
33
Yakobo wakomanya Esau
1Yakobo asanzula amanso nga alola Esau akwiza na antu yakwe imyanda ini. Caleka aankanya ana yakwe muli yanyina, Leya, Lakeli nga na azya yakwe anaci yoili. 2Yakobo akolezya azya yakwe anaci na ana yao. Lyene Leya na ana yakwe nayo yalondelela, nga Lakeli na Yosefu aika icisila. 3Yakobo ayakolelela yonsi nga lino wapalama pipi na Esau afukama pansi afupime maila cinimbali. 4Lelo Esau asimula ku kukomanya Yakobo. Lino wafika amukukula, amutonsola nga lyene yoili iyatandika ukulila. 5Esau acelecensya monsi, nga alola ana na yanyina, nga auzya ati, “Uzye ya yonsi yano uli nayo aaweni?”
Yakobo aasuka ati, “Mukwai, ya ana yane yano Leza wampa mu usuma wakwe.” 6Lyene azya yaya anaci pamwi na ana yao iyafika nga yafukama pansi yafupime. 7Leya na ana yakwe nayo iyafika icisila ca azya yafukama pansi yafupime, pa kusyalikizya Lakeli na Yosefu iyafika nga yafukama pansi yafupime.
8Nupya Esau auzya ati, “Uzye antu na maufyo yano nkomenkinye cikusenula cani?”
Yakobo aasuka ati, “Musambazi, cikusenula ukuti nkulonda kuzana uluse kunuli.”
9Lelo Esau avwanga ati, “Vino nkweti vivule mutowane, sunga vino ukweti.”
10Yakobo nawe ati, “Awe napapata ndi wati unjela luse, pokelela uwila uno napeela kunuli. Ukulola impumi yako, kunondi cili ndi wakulola impumi yakwe Leza, na muli cii wemo walanga ukutemwa kunondi. 11Napapata pokelela uwila wane uno natindeta kunuli. Mwene Leza wali nu luse kunondi nu kumpela vyonsi vino nkulonda.” Yakobo watwalilile ukumupapata mpaka lino Esau wazumile apokelela uwila.
12Lyene Esau anena Yakobo ati, “Katukatuke twapita. Nene namakolela.”
13Yakobo ati, “Musambazi, mumanyile ukuti ana anono yatiyatonta, lyene indinzile nsakamale iviteekwa ivili nu twana, imfwele pamwi ni ng'ombe kwene. Ndi twapita ulwendo uwanda upuma mu kupatikizya ufyo onsi ungafwa. 14Musambazi, napapata munkolelele ne muomvi winu. Namaizanga icisila panono panono kulingana nu kucincila kwa viteekwa na ana anono, mpaka muzane pa Seili.”
15Esau avwanga ati, “Fwandi leka nkusile antu yane yamwi!”
Lelo Yakobo avwanga ati, “Musambazi cico cingaya pa luse lwako, lelo citakulondekwa.”
16Caleka uwanda ulya Esau akatuka ulendo wakuswilila ku Seili. 17Lelo Yakobo aya ku Sukoti kuno waile akuula ng'anda, nga ni vyakuuwamo ing'ombe ni vitata vya viteekwa vyuze. Uli mulandu uno watemile cifulo cici ati Sukoti.
18Yakobo pakuwela ukufuma ku Mesopotamya afika ulumi ku musumba wa Syekemu mu mpanga ya Kenani. Akuula insakwe yakwe kunzi ya musumba. 19#Yoa 4:5 Akala ciputulwa ca calo ku ana yakwe Hamoli, isi wakwe Syekemu, pa mpiya zyakwe siluva umwanda, apano aimika itaalu lyakwe. 20Akuula kavuwa, nga akatemela izina Eli Eloe Izlaeli, kuli kuti Leza wane, Leza wakwe Izlaeli.
Currently Selected:
Utandiko 33: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
Utandiko 33
33
Yakobo wakomanya Esau
1Yakobo asanzula amanso nga alola Esau akwiza na antu yakwe imyanda ini. Caleka aankanya ana yakwe muli yanyina, Leya, Lakeli nga na azya yakwe anaci yoili. 2Yakobo akolezya azya yakwe anaci na ana yao. Lyene Leya na ana yakwe nayo yalondelela, nga Lakeli na Yosefu aika icisila. 3Yakobo ayakolelela yonsi nga lino wapalama pipi na Esau afukama pansi afupime maila cinimbali. 4Lelo Esau asimula ku kukomanya Yakobo. Lino wafika amukukula, amutonsola nga lyene yoili iyatandika ukulila. 5Esau acelecensya monsi, nga alola ana na yanyina, nga auzya ati, “Uzye ya yonsi yano uli nayo aaweni?”
Yakobo aasuka ati, “Mukwai, ya ana yane yano Leza wampa mu usuma wakwe.” 6Lyene azya yaya anaci pamwi na ana yao iyafika nga yafukama pansi yafupime. 7Leya na ana yakwe nayo iyafika icisila ca azya yafukama pansi yafupime, pa kusyalikizya Lakeli na Yosefu iyafika nga yafukama pansi yafupime.
8Nupya Esau auzya ati, “Uzye antu na maufyo yano nkomenkinye cikusenula cani?”
Yakobo aasuka ati, “Musambazi, cikusenula ukuti nkulonda kuzana uluse kunuli.”
9Lelo Esau avwanga ati, “Vino nkweti vivule mutowane, sunga vino ukweti.”
10Yakobo nawe ati, “Awe napapata ndi wati unjela luse, pokelela uwila uno napeela kunuli. Ukulola impumi yako, kunondi cili ndi wakulola impumi yakwe Leza, na muli cii wemo walanga ukutemwa kunondi. 11Napapata pokelela uwila wane uno natindeta kunuli. Mwene Leza wali nu luse kunondi nu kumpela vyonsi vino nkulonda.” Yakobo watwalilile ukumupapata mpaka lino Esau wazumile apokelela uwila.
12Lyene Esau anena Yakobo ati, “Katukatuke twapita. Nene namakolela.”
13Yakobo ati, “Musambazi, mumanyile ukuti ana anono yatiyatonta, lyene indinzile nsakamale iviteekwa ivili nu twana, imfwele pamwi ni ng'ombe kwene. Ndi twapita ulwendo uwanda upuma mu kupatikizya ufyo onsi ungafwa. 14Musambazi, napapata munkolelele ne muomvi winu. Namaizanga icisila panono panono kulingana nu kucincila kwa viteekwa na ana anono, mpaka muzane pa Seili.”
15Esau avwanga ati, “Fwandi leka nkusile antu yane yamwi!”
Lelo Yakobo avwanga ati, “Musambazi cico cingaya pa luse lwako, lelo citakulondekwa.”
16Caleka uwanda ulya Esau akatuka ulendo wakuswilila ku Seili. 17Lelo Yakobo aya ku Sukoti kuno waile akuula ng'anda, nga ni vyakuuwamo ing'ombe ni vitata vya viteekwa vyuze. Uli mulandu uno watemile cifulo cici ati Sukoti.
18Yakobo pakuwela ukufuma ku Mesopotamya afika ulumi ku musumba wa Syekemu mu mpanga ya Kenani. Akuula insakwe yakwe kunzi ya musumba. 19#Yoa 4:5 Akala ciputulwa ca calo ku ana yakwe Hamoli, isi wakwe Syekemu, pa mpiya zyakwe siluva umwanda, apano aimika itaalu lyakwe. 20Akuula kavuwa, nga akatemela izina Eli Eloe Izlaeli, kuli kuti Leza wane, Leza wakwe Izlaeli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013