Utandiko 34
34
Syekemu walema Dina ku maka nu kulongozya nawe
1Lyene uwanda umwi Dina, umwana wino Yakobo waviile muli Leya, waile tandalila auze yamangu amu mpanga ilya. 2Lino Syekemu umwana wakwe Hamoli mwina Hivi, umukalamba uwamu muputule wa mpanga ilya wamulola, amulema ku maka nu kulongozya nawe. 3Lelo nanti wacisile vivyo wali nu lwiswa pali Dina umwana wakwe Yakobo. Watemilwe mukazyana nga atandika ku mulanzya na mazwi yakumulyongofya. 4Nga Syekemu afisya izwi kuli isi Hamoli ati, “Nkulonda kuti mukazyana wi aye umuci wane.”
5Yakobo auvwa ukuti Dina umwana wakwe yatiyamonona, lelo pano ana yakwe aonsi yala yacili mu mpanga mu kucema iviteekwa, amila umwenzo mpaka lino yawela. 6Hamoli isi wakwe Syekemu aya ukuyalandana na Yakobo. 7Nkumankuma ana yakwe Yakobo aonsi yawela ukufuma mu mpanga. Lino yuvwile ivyacitikile kaci wao ciyapezya amano yavulungana nu ukali pali cino Syekemu watacita ku mwana wakwe Yakobo ica muzewanya mu Izlaeli. 8Hamoli avwanga kunoyali ati, “Mwana wane Syekemu watatemwa umwana winu kaci. Napapata lekini amutwale. 9Lekini tuye akuvwana mu kutwalizyanya, twatwala ana inu yakaci namwe mwatwala ana itu. 10Lyene mungikala naswe, nga ni mpanga ingaya iyakwinu, mungaculuzya muno mutemilwe nu kulonka vyuma muno mpanga.”
11Lyene Syekemu anena isi wakwe Dina na yakalume yakwe ati, “Mukwai munjelele, namamulipa consi cino mumalonda. 12Landini consi cino mumalonda kuti ndipe. Mpelini mutengo wa mpango muno mukulondela pamwi ni cawila. Consi cino mumampingula ukulipa namalipa, cikulu sile muleke nemo inde mutwale.”
13Ana yakwe Yakobo aonsi yazumila Syekemu ni isi Hamoli mwi syente, pamulandu wakuti Syekemu wazewinye Dina. 14Yavwanga yati, “Tutangazumila kaci witu atwalwe ku monsi atasilamulwa pano cingaleta muzewanya kunotuli. 15Tungazumila ukulonda kwinu ndi mwazumila icintu conga sile, muye wakwe vino twaya, namwe mwasilamula aonsi akwinu onsi. 16Lyene tulatwalizyanya, mwemo mutwala yakaci itu naswe tutwala yakaci inu. Tungikala namwe nu kuya umutundu onga. 17Lelo ndi mutangazumila ukusilamulwa, tumatola kaci witu twapita.”
18Amazwi yaa yuvwika sile ningo kuli Hamoli nu ku mwana wakwe Syekemu. 19Nu mulumendo Syekemu atasumvile kasita ukucita vino ana yakwe Yakobo yamunenyile ukucita, pamulandu wa lukundo lwakwe lwa pa mwana wakwe Yakobo. Na amu ng'anda yakwe Hamoli yonsi yacindike Syekemu.
20Hamoli na Syekemu umwana wakwe umonsi yapita yaya ku cifulo caku konganilako ku mpongolo ya musumba, ku ikazi ya musumba yauze yati, 21“Antu ya, acuza itu. Lekini twikale muno mpanga itu pamwi nayo. Lekini yapita antungwa. Impanga ikulu cuze iyakwikalamo sweswe pamwi nayo. Lekini twatwala ana yao, nga nayo yatwala ana itu. 22Lelo antu yaa yangazumila ukwikala naswe, ukuya umutundu onga ndi twazumila ukusilamula aonsi yonsi ndi vino nayo yakacita. 23Uzye iviteekwa vyao ni vyuma vyonsi vino yakwata vitalaya ivyakwitu? Lekini tuzumile kuti ikale naswe.” 24Onsi aikazi amu musumba yazumila kuli cino Hamoli na Syekemu yalanda, nga aonsi yonsi yasilamulwa.
25Lino papita amanda yatatu ala aonsi yonsi yacili ni vilonda vyakusilamulwa, ana aonsi yakwe Yakobo yaili, Simeoni na Levi, yakalume yakwe Dina, yatoola impanga zyao ingila mu musumba ukwaula kutunganyiwa, nga yakoma aonsi onsi. 26Yakoma na Hamoli na Syekemu umwana wakwe umonsi, yasenda na Dina ukufuma mu ng'anda mwakwe Syekemu, yapita. 27Na ana yauze yakwe Yakobo aonsi yingila mu musumba, yaciluka vyala, yasampa vyuma pa kulandula pa muzewanya wakwe kaci wao Dina. 28Yasampa maufyo ya mfwele, ing'ombe, yapunda, ni vyuma vyonsi ivyali mu musumba nu ku vyalo. 29Yasenda vyuma vyonsi na anaci na ana, na consi cino yazanyile mu mang'anda yao.
30Yakobo anena Simeoni na Levi ati, “Yanamwe, vino mwandetelela ku ina Kenani, aina Pelizi nga nu muntu wensi mu mpanga ii amampata. Swemo aonsi tuli ncepelwa. Ndi antu yaa yalemana pamwi kuti yanzanze, lyene ang'anda itu yonsi yamalowa.”
31Lelo ana yaasuka yati, “Tutangazumilizya kaci witu yamucite wakwe cizelele.”
Currently Selected:
Utandiko 34: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
Utandiko 34
34
Syekemu walema Dina ku maka nu kulongozya nawe
1Lyene uwanda umwi Dina, umwana wino Yakobo waviile muli Leya, waile tandalila auze yamangu amu mpanga ilya. 2Lino Syekemu umwana wakwe Hamoli mwina Hivi, umukalamba uwamu muputule wa mpanga ilya wamulola, amulema ku maka nu kulongozya nawe. 3Lelo nanti wacisile vivyo wali nu lwiswa pali Dina umwana wakwe Yakobo. Watemilwe mukazyana nga atandika ku mulanzya na mazwi yakumulyongofya. 4Nga Syekemu afisya izwi kuli isi Hamoli ati, “Nkulonda kuti mukazyana wi aye umuci wane.”
5Yakobo auvwa ukuti Dina umwana wakwe yatiyamonona, lelo pano ana yakwe aonsi yala yacili mu mpanga mu kucema iviteekwa, amila umwenzo mpaka lino yawela. 6Hamoli isi wakwe Syekemu aya ukuyalandana na Yakobo. 7Nkumankuma ana yakwe Yakobo aonsi yawela ukufuma mu mpanga. Lino yuvwile ivyacitikile kaci wao ciyapezya amano yavulungana nu ukali pali cino Syekemu watacita ku mwana wakwe Yakobo ica muzewanya mu Izlaeli. 8Hamoli avwanga kunoyali ati, “Mwana wane Syekemu watatemwa umwana winu kaci. Napapata lekini amutwale. 9Lekini tuye akuvwana mu kutwalizyanya, twatwala ana inu yakaci namwe mwatwala ana itu. 10Lyene mungikala naswe, nga ni mpanga ingaya iyakwinu, mungaculuzya muno mutemilwe nu kulonka vyuma muno mpanga.”
11Lyene Syekemu anena isi wakwe Dina na yakalume yakwe ati, “Mukwai munjelele, namamulipa consi cino mumalonda. 12Landini consi cino mumalonda kuti ndipe. Mpelini mutengo wa mpango muno mukulondela pamwi ni cawila. Consi cino mumampingula ukulipa namalipa, cikulu sile muleke nemo inde mutwale.”
13Ana yakwe Yakobo aonsi yazumila Syekemu ni isi Hamoli mwi syente, pamulandu wakuti Syekemu wazewinye Dina. 14Yavwanga yati, “Tutangazumila kaci witu atwalwe ku monsi atasilamulwa pano cingaleta muzewanya kunotuli. 15Tungazumila ukulonda kwinu ndi mwazumila icintu conga sile, muye wakwe vino twaya, namwe mwasilamula aonsi akwinu onsi. 16Lyene tulatwalizyanya, mwemo mutwala yakaci itu naswe tutwala yakaci inu. Tungikala namwe nu kuya umutundu onga. 17Lelo ndi mutangazumila ukusilamulwa, tumatola kaci witu twapita.”
18Amazwi yaa yuvwika sile ningo kuli Hamoli nu ku mwana wakwe Syekemu. 19Nu mulumendo Syekemu atasumvile kasita ukucita vino ana yakwe Yakobo yamunenyile ukucita, pamulandu wa lukundo lwakwe lwa pa mwana wakwe Yakobo. Na amu ng'anda yakwe Hamoli yonsi yacindike Syekemu.
20Hamoli na Syekemu umwana wakwe umonsi yapita yaya ku cifulo caku konganilako ku mpongolo ya musumba, ku ikazi ya musumba yauze yati, 21“Antu ya, acuza itu. Lekini twikale muno mpanga itu pamwi nayo. Lekini yapita antungwa. Impanga ikulu cuze iyakwikalamo sweswe pamwi nayo. Lekini twatwala ana yao, nga nayo yatwala ana itu. 22Lelo antu yaa yangazumila ukwikala naswe, ukuya umutundu onga ndi twazumila ukusilamula aonsi yonsi ndi vino nayo yakacita. 23Uzye iviteekwa vyao ni vyuma vyonsi vino yakwata vitalaya ivyakwitu? Lekini tuzumile kuti ikale naswe.” 24Onsi aikazi amu musumba yazumila kuli cino Hamoli na Syekemu yalanda, nga aonsi yonsi yasilamulwa.
25Lino papita amanda yatatu ala aonsi yonsi yacili ni vilonda vyakusilamulwa, ana aonsi yakwe Yakobo yaili, Simeoni na Levi, yakalume yakwe Dina, yatoola impanga zyao ingila mu musumba ukwaula kutunganyiwa, nga yakoma aonsi onsi. 26Yakoma na Hamoli na Syekemu umwana wakwe umonsi, yasenda na Dina ukufuma mu ng'anda mwakwe Syekemu, yapita. 27Na ana yauze yakwe Yakobo aonsi yingila mu musumba, yaciluka vyala, yasampa vyuma pa kulandula pa muzewanya wakwe kaci wao Dina. 28Yasampa maufyo ya mfwele, ing'ombe, yapunda, ni vyuma vyonsi ivyali mu musumba nu ku vyalo. 29Yasenda vyuma vyonsi na anaci na ana, na consi cino yazanyile mu mang'anda yao.
30Yakobo anena Simeoni na Levi ati, “Yanamwe, vino mwandetelela ku ina Kenani, aina Pelizi nga nu muntu wensi mu mpanga ii amampata. Swemo aonsi tuli ncepelwa. Ndi antu yaa yalemana pamwi kuti yanzanze, lyene ang'anda itu yonsi yamalowa.”
31Lelo ana yaasuka yati, “Tutangazumilizya kaci witu yamucite wakwe cizelele.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013