Utandiko 45
45
Yosefu wailondolola ku ina yakwe
1 #
Mil 7:13
Lino Yuda wamala kuvwanga, Yosefu aposiwa kuzizimizya pa manso ya aomvi yakwe. Caleka apeela ilamulo ku yaomvi yonsi ali mu muputule wa ng'anda kuti yafumemo. Lino Yosefu wasyalamo wenga sile na ina yakwe, ailondolola kunoyali. 2Yosefu alila, apongomoka cakuti aina Eguputo yuvwa impoma. Landwe lyapali ci lyuvwika kwi sano kuli Falao. 3Yosefu anena aina yakwe ati, “Nene Yosefu! Uzye tata acili umumi?” Lelo lino aina yakwe yuvwa ci, yuvwa intete, yamangala cakuti yaposiwa kwasuka. 4Lyene Yosefu avwanga kunoyali ati, “Napapata palamilini kunondi.” Lino yapalama kunoli, nupya avwanga ati, “Anene muto winu Yosefu wino mwakazizye ku ina Eguputo. 5Ndakai mutasakamikwa nanti kuivunuka mweisikulu pamulandu wakuti mwankazizye kuno. Cumi kwene, Leza umwisikulu ali wino wankolezizye kuno pakuti umi wa antu usungwe. 6Uu, umwaka wakwe ciili wa cipowe muno mpanga. Lelo kukwiza nupya imyaka nayuze isano ino kutalaya kulima nanti kuzombola. 7Leza uwandesile inkolelo inu kuti nkatuule mwemwe umu nzila ya cizungusyo nga nakuti mwemwe na amu mupanda winu yapusuke. 8Caleka Leza umwisikulu uwandesile kuno, asi mwemwe foo. Leza wandenga ukuya cilolo mukulu wakwe Falao. Nupya nene ntunguluzi yamu Eguputo monsi.
9 #
Mil 7:14
“Ndakai kalaukini muswilile kuli tata nga mukamunene ukuti Yosefu umwana wako umonsi walanda wati, ‘Leza wandenga ukuya kateeka uwamu Eguputo monsi. Kwaula ukusumba insita iza kuno zuwa. 10Ulikala mu muputule wa mpanga ya Gosyeni, kuno ulaya pipi nani, wewe na ana yako, na aizikulu yako, ni mfwele zyako, ni mbuzi zyako, ni ng'ombe zyako, na vyonsi vino wakwata. 11Ndi mwikala ku Gosyeni ndamusunga. Kuliza imyaka nayuze isano ya cipowe. Ntakulonda wewe na amu ng'anda yako nga ni viteekwa vinu mukafwe ni nzala.’ ”
12Yosefu atwalilila kuvwanga ati, “Ndakai mwensi pyu, nga nawe kwene Benjamini, mwasininkizya ukuti nene Yosefu. 13Munene tata ukuti nalasikwa cifulo cikulu cicindame kuno ku Eguputo, nga mumunene pali vyonsi vino mwatimulola. Lyene kalaukini mukize nawe kuno.”
14Alino Yosefu aya kuli Benjamini muto wakwe, iyakukulana, nga oili iyatandika kulila pamulandu nu luzango. 15Lino Yosefu acili akulila akukula nu kutonsola cila wenga mu ina yakwe. Pacisila cakwe ci aina yakwe yatekeziwa iyatandika kulanda nawe.
16Lino ilandwe lyafika kwi sano lyakwe Falao ukuti aina yakwe Yosefu yatiyiza, Falao na aomvi yakwe yazanga. 17Falao anena Yosefu ati, “Nena anyonko kuti yanyepe viya pa nyama zyao nga yaswilile ku mpanga ya Kenani. 18Leka yakatole isi na amu ng'anda zyao, nga yakawele kuno. Ndayapeela muputule wa mpanga ya Eguputo usuma cuze, nga yalakwata ivyakulya vivule visuma cuze. 19Uyanene yasende maceleta ukufuma kuno ku Eguputo kuti yakasendelemo aci yao, na ana yao, nga na isi, yakize nawe kuno. 20Vintu visuma cuze, ivyaya muno Eguputo monsi, vyonsi vilaya ivyakwao. Caleka yatasakamala pa viya vyao vino vilasyala kuku.”
21Lyene ana yakwe Yakobo iyacita wakwe vino yanenyilwe. Yosefu ayapeela maceleta, kulingana vino Falao wapeezile ilamulo. Ayapeela ni mpao. 22Nupya Yosefu ayapeela ni vyakuzwala ivipya. Lelo Benjamini amupeela impiya imyanda itatu zyakwe siluva ni vyakuzwala ivipya visano. 23Atumila isi yapunda ikumi yano asenzile viya visuma cuze vino vyapangwa mu Eguputo. Yapunda yauze ikumi iyasenda ingano, imikate, nga ni mpao zyuze. 24Lyene anena aina yakwe kuti yapita, nga lino yatiyakatuka avwanga kunoyali ati, “Mutalemanila mu nzila.”
25Caleka yafuma mu Eguputo, nga yaswilila ku Kenani kuli isi Yakobo. 26Lino yafika, iyalondolwela isi yati, “Yosefu acili umumi! Wene ali ntunguluzi yamu Eguputo monsi.” Yakobo amangala, nga atataile ukulanda kwao.
27Lelo lino yamulondolwela amazwi yonsi yano Yosefu wavwanzile, nga alola na maceleta yano Yosefu watumile akumusendelamo ku Eguputo, alino amano yawela, ataila. 28Lyene Yakobo avwanga ati, “Mwana wane umonsi Yosefu acili umumi! Ntakweti amazwi nayauze! Ndinzile ukupita nu kuyamulola lino ntacili imfwe.”
Currently Selected:
Utandiko 45: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
Utandiko 45
45
Yosefu wailondolola ku ina yakwe
1 #
Mil 7:13
Lino Yuda wamala kuvwanga, Yosefu aposiwa kuzizimizya pa manso ya aomvi yakwe. Caleka apeela ilamulo ku yaomvi yonsi ali mu muputule wa ng'anda kuti yafumemo. Lino Yosefu wasyalamo wenga sile na ina yakwe, ailondolola kunoyali. 2Yosefu alila, apongomoka cakuti aina Eguputo yuvwa impoma. Landwe lyapali ci lyuvwika kwi sano kuli Falao. 3Yosefu anena aina yakwe ati, “Nene Yosefu! Uzye tata acili umumi?” Lelo lino aina yakwe yuvwa ci, yuvwa intete, yamangala cakuti yaposiwa kwasuka. 4Lyene Yosefu avwanga kunoyali ati, “Napapata palamilini kunondi.” Lino yapalama kunoli, nupya avwanga ati, “Anene muto winu Yosefu wino mwakazizye ku ina Eguputo. 5Ndakai mutasakamikwa nanti kuivunuka mweisikulu pamulandu wakuti mwankazizye kuno. Cumi kwene, Leza umwisikulu ali wino wankolezizye kuno pakuti umi wa antu usungwe. 6Uu, umwaka wakwe ciili wa cipowe muno mpanga. Lelo kukwiza nupya imyaka nayuze isano ino kutalaya kulima nanti kuzombola. 7Leza uwandesile inkolelo inu kuti nkatuule mwemwe umu nzila ya cizungusyo nga nakuti mwemwe na amu mupanda winu yapusuke. 8Caleka Leza umwisikulu uwandesile kuno, asi mwemwe foo. Leza wandenga ukuya cilolo mukulu wakwe Falao. Nupya nene ntunguluzi yamu Eguputo monsi.
9 #
Mil 7:14
“Ndakai kalaukini muswilile kuli tata nga mukamunene ukuti Yosefu umwana wako umonsi walanda wati, ‘Leza wandenga ukuya kateeka uwamu Eguputo monsi. Kwaula ukusumba insita iza kuno zuwa. 10Ulikala mu muputule wa mpanga ya Gosyeni, kuno ulaya pipi nani, wewe na ana yako, na aizikulu yako, ni mfwele zyako, ni mbuzi zyako, ni ng'ombe zyako, na vyonsi vino wakwata. 11Ndi mwikala ku Gosyeni ndamusunga. Kuliza imyaka nayuze isano ya cipowe. Ntakulonda wewe na amu ng'anda yako nga ni viteekwa vinu mukafwe ni nzala.’ ”
12Yosefu atwalilila kuvwanga ati, “Ndakai mwensi pyu, nga nawe kwene Benjamini, mwasininkizya ukuti nene Yosefu. 13Munene tata ukuti nalasikwa cifulo cikulu cicindame kuno ku Eguputo, nga mumunene pali vyonsi vino mwatimulola. Lyene kalaukini mukize nawe kuno.”
14Alino Yosefu aya kuli Benjamini muto wakwe, iyakukulana, nga oili iyatandika kulila pamulandu nu luzango. 15Lino Yosefu acili akulila akukula nu kutonsola cila wenga mu ina yakwe. Pacisila cakwe ci aina yakwe yatekeziwa iyatandika kulanda nawe.
16Lino ilandwe lyafika kwi sano lyakwe Falao ukuti aina yakwe Yosefu yatiyiza, Falao na aomvi yakwe yazanga. 17Falao anena Yosefu ati, “Nena anyonko kuti yanyepe viya pa nyama zyao nga yaswilile ku mpanga ya Kenani. 18Leka yakatole isi na amu ng'anda zyao, nga yakawele kuno. Ndayapeela muputule wa mpanga ya Eguputo usuma cuze, nga yalakwata ivyakulya vivule visuma cuze. 19Uyanene yasende maceleta ukufuma kuno ku Eguputo kuti yakasendelemo aci yao, na ana yao, nga na isi, yakize nawe kuno. 20Vintu visuma cuze, ivyaya muno Eguputo monsi, vyonsi vilaya ivyakwao. Caleka yatasakamala pa viya vyao vino vilasyala kuku.”
21Lyene ana yakwe Yakobo iyacita wakwe vino yanenyilwe. Yosefu ayapeela maceleta, kulingana vino Falao wapeezile ilamulo. Ayapeela ni mpao. 22Nupya Yosefu ayapeela ni vyakuzwala ivipya. Lelo Benjamini amupeela impiya imyanda itatu zyakwe siluva ni vyakuzwala ivipya visano. 23Atumila isi yapunda ikumi yano asenzile viya visuma cuze vino vyapangwa mu Eguputo. Yapunda yauze ikumi iyasenda ingano, imikate, nga ni mpao zyuze. 24Lyene anena aina yakwe kuti yapita, nga lino yatiyakatuka avwanga kunoyali ati, “Mutalemanila mu nzila.”
25Caleka yafuma mu Eguputo, nga yaswilila ku Kenani kuli isi Yakobo. 26Lino yafika, iyalondolwela isi yati, “Yosefu acili umumi! Wene ali ntunguluzi yamu Eguputo monsi.” Yakobo amangala, nga atataile ukulanda kwao.
27Lelo lino yamulondolwela amazwi yonsi yano Yosefu wavwanzile, nga alola na maceleta yano Yosefu watumile akumusendelamo ku Eguputo, alino amano yawela, ataila. 28Lyene Yakobo avwanga ati, “Mwana wane umonsi Yosefu acili umumi! Ntakweti amazwi nayauze! Ndinzile ukupita nu kuyamulola lino ntacili imfwe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013