Utandiko 46
46
Yakobo na amu ng'anda yakwe yapita ukuya ku Eguputo
1Caleka Yakobo alonga vyonsi vino wakweti, nga atenuka aya ku Eguputo. Lino wafika ku Belisyeba apeela impolelwa kuli Leza wakwe Isaki isi wakwe. 2Usiku Leza avwanga kunoli mu cilolwa, amwama ati, “Yakobo, Yakobo!”
Nawe aasuka ati, “Endi, indi pano.”
3Leza avwanga ati, “Anene Leza, Leza wakwe so. Utuvwa intete zya kutentemukila ku Eguputo, pano kuku akuno ndalenga amu mupanda wako ukuya uluko lukulu cuze. 4Nemo ndatentemukila ku Eguputo, nga nene kwene ndakuwezya pali pamwi nawe, nga na amu mupanda wako ndayawezya kuno mpanga kwene ii. Lino ulafwa Yosefu alakufunda.”
5Lyene Yakobo akatuka ukufuma ku Belisyeba, nga ana yakwe aonsi yamusenda yasenda na ana yao, anono, nga na aci yao mu maceleta yano Falao watumile. 6#Mil 7:15 Yatoola ni viteekwa kwene na vyonsi vino yalonsile mu Kenani, nga Yakobo na amu mupanda wakwe yonsi yapita, yaya ku Eguputo. 7Caleka Yakobo asenda ana yakwe aonsi ku Eguputo, na aizikulu yakwe aonsi, na ana yakwe anaci nga na aizikulu yakwe anaci.
8Yaa ali mazina ya ina Izlaeli aonsi (kuli kuti Yakobo na amu mupanda wakwe) yao apisile nawe ku Eguputo. Pali Lubeni iyeli lyakwe. 9Nga na ana yakwe Lubeni aonsi yali a Hanoki, Palu, Heziloni, na Kalimi. 10Ana yakwe Simeoni aonsi a Yemueli, Yamini, Oadi, Yakini, Zoyali, nga na Syauli, umwana umonsi wino waviile mu mwanaci waku Kenani. 11Ana yakwe Levi aonsi yali a Gelisyoni, Koati, na Melali. 12Ana yakwe Yuda aonsi yali a Ele, Onani, Syela, Pelezi, na Zela. (Lelo ana yakwe Yuda yauze aonsi a Ele na Onani yene yafwile ala yacili mu mpanga ya Kenani.) Ana yakwe Pelezi aonsi yali a Heziloni na Hamuli. 13Ana yakwe Isakali aonsi yali a Tola, Puwa, Yasyubu na Syimuloni. 14Ana yakwe Zebuluni aonsi yali a Seledi, Eloni, nga na Yaleeli. 15Ya, ali ana yakwe Yakobo aonsi amuli Leya yano yamuvyalile ku Mesopotamya, ukwikapo nu mwana umwanaci Dina. Onsi pamwi amu mupanda wakwe Leya yali amakumi yatatu na yatatu.
16Ana yakwe Gadi aonsi yali a Zefoni, Hagi, Syuni, Eziboni, Ele, Alodi na Aleli. 17Ana yakwe Asyeli aonsi yali a Imuna, Isyiva, Isyivi, Beliya na kaci wao Selaa. Ana yakwe Beliya aonsi yali a Hebeli na Malikieli. 18Yaa ikumi na mutanda ali amu mupanda wakwe Yakobo, amuli Zilipa. Zilipa umwanaci muzya wino Labani wapeezile kuli Leya umwana wakwe umwanaci.
19Lakeli wavyalile Yakobo ana yaili aonsi, Yosefu na Benjamini. 20#Uta 41:50-52 Asenati umwana umwanaci wakwe Potifela, simapepo waku Oni, wavyalile Yosefu ana yaili aonsi mu Eguputo. Ana yaa a Manase na Efulemu. 21Ana yakwe Benjamini aonsi yali a Bela, Bekeli, Asyibeli, Gela, Namani, Ei, Losyi, Mupimu, Hupimu na Alidi. 22Yaa ikumi na yani ali amu mupanda wakwe Yakobo muli Lakeli.
23Dani wakweti umwana umonsi wenga, Husyimu. 24Ana yakwe Nafutali yali a Yazeeli, Guni, Yezeli, na Syilemu. 25Yaa cinimbali ali amu mupanda wakwe Yakobo muli Bilaa. Bilaa umwanaci muzya wino Labani wapeezile kuli Lakeli umwana wakwe umwanaci. 26Antu amu mupanda wakwe Yakobo yonsi pamwi yali amakumi mutanda na mutanda yano yaile ku Eguputo. Aci ya ana yakwe Yakobo yene yatapenzilweko. 27#Mil 7:14 Yosefu waviile ana yaili aonsi mu Eguputo. Caleka impendwa yakwe yao amu mupanda wakwe Yakobo, yano aile ku Eguputo, ikumana amakumi cinimbali.#46:27 AMAKUMI CINIMBALI: Ukupendelako Yosefu na ana yakwe yaili pamwi na Yakobo umwisikulu.
Yakobo na amu ng'anda yakwe yikala mu mpanga ya Eguputo
28Yakobo inkolelo atuma Yuda kukunena Yosefu kuti akayazengele ku Gosyeni. Lino yafika, 29Yosefu anena aomvi yakwe kuti yateyanye celeta nga aya ku kuzengela isi ku Gosyeni. Lino Yosefu walola isi asimwilila kunoli amukumbatila nga alila pa nsita itali. 30Yakobo anena Yosefu ati, “Awe lyene ningafwa, pano natinjilolela na manso yane ukuti ucili mumi.”
31Lyene Yosefu anena aina yakwe nga na amu ng'anda yakwe isi yonsi ati, “Ndinzile nje kuli Falao, imunene inti, ‘Aina yane na amu ng'anda yakwe tata, yano ikalanga mu Kenani yatiyiza kuti ikale nani. 32Ndaya nkamunene ukuti mwemwe yakacema, pano mwateeka iviteekwa. Nupya ndaya nkamunene ukuti mwatimwiza na maufyo ya mfwele, ing'ombe zino mukasunga nga na vyonsi vino mwakwata.’ 33Lino Falao alamwama kwi sano nu kumuuzya imilimo ino mukaomba, 34mukamunene cumi ukuti ukufuma ku kuvyalwa kwinu mwemwe atesi ya viteekwa wakwe vino ivikolwe vinu vyali. Ndi mwaca mwamunena vii, lyene alamuzumilizya kuti mwikale mu muputule wa Gosyeni.” Yosefu wavwanzile vii pamulandu wakuti wamanyile ukuti aina Eguputo yakalola yakacema wa cintu cawinyi.
Currently Selected:
Utandiko 46: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
Utandiko 46
46
Yakobo na amu ng'anda yakwe yapita ukuya ku Eguputo
1Caleka Yakobo alonga vyonsi vino wakweti, nga atenuka aya ku Eguputo. Lino wafika ku Belisyeba apeela impolelwa kuli Leza wakwe Isaki isi wakwe. 2Usiku Leza avwanga kunoli mu cilolwa, amwama ati, “Yakobo, Yakobo!”
Nawe aasuka ati, “Endi, indi pano.”
3Leza avwanga ati, “Anene Leza, Leza wakwe so. Utuvwa intete zya kutentemukila ku Eguputo, pano kuku akuno ndalenga amu mupanda wako ukuya uluko lukulu cuze. 4Nemo ndatentemukila ku Eguputo, nga nene kwene ndakuwezya pali pamwi nawe, nga na amu mupanda wako ndayawezya kuno mpanga kwene ii. Lino ulafwa Yosefu alakufunda.”
5Lyene Yakobo akatuka ukufuma ku Belisyeba, nga ana yakwe aonsi yamusenda yasenda na ana yao, anono, nga na aci yao mu maceleta yano Falao watumile. 6#Mil 7:15 Yatoola ni viteekwa kwene na vyonsi vino yalonsile mu Kenani, nga Yakobo na amu mupanda wakwe yonsi yapita, yaya ku Eguputo. 7Caleka Yakobo asenda ana yakwe aonsi ku Eguputo, na aizikulu yakwe aonsi, na ana yakwe anaci nga na aizikulu yakwe anaci.
8Yaa ali mazina ya ina Izlaeli aonsi (kuli kuti Yakobo na amu mupanda wakwe) yao apisile nawe ku Eguputo. Pali Lubeni iyeli lyakwe. 9Nga na ana yakwe Lubeni aonsi yali a Hanoki, Palu, Heziloni, na Kalimi. 10Ana yakwe Simeoni aonsi a Yemueli, Yamini, Oadi, Yakini, Zoyali, nga na Syauli, umwana umonsi wino waviile mu mwanaci waku Kenani. 11Ana yakwe Levi aonsi yali a Gelisyoni, Koati, na Melali. 12Ana yakwe Yuda aonsi yali a Ele, Onani, Syela, Pelezi, na Zela. (Lelo ana yakwe Yuda yauze aonsi a Ele na Onani yene yafwile ala yacili mu mpanga ya Kenani.) Ana yakwe Pelezi aonsi yali a Heziloni na Hamuli. 13Ana yakwe Isakali aonsi yali a Tola, Puwa, Yasyubu na Syimuloni. 14Ana yakwe Zebuluni aonsi yali a Seledi, Eloni, nga na Yaleeli. 15Ya, ali ana yakwe Yakobo aonsi amuli Leya yano yamuvyalile ku Mesopotamya, ukwikapo nu mwana umwanaci Dina. Onsi pamwi amu mupanda wakwe Leya yali amakumi yatatu na yatatu.
16Ana yakwe Gadi aonsi yali a Zefoni, Hagi, Syuni, Eziboni, Ele, Alodi na Aleli. 17Ana yakwe Asyeli aonsi yali a Imuna, Isyiva, Isyivi, Beliya na kaci wao Selaa. Ana yakwe Beliya aonsi yali a Hebeli na Malikieli. 18Yaa ikumi na mutanda ali amu mupanda wakwe Yakobo, amuli Zilipa. Zilipa umwanaci muzya wino Labani wapeezile kuli Leya umwana wakwe umwanaci.
19Lakeli wavyalile Yakobo ana yaili aonsi, Yosefu na Benjamini. 20#Uta 41:50-52 Asenati umwana umwanaci wakwe Potifela, simapepo waku Oni, wavyalile Yosefu ana yaili aonsi mu Eguputo. Ana yaa a Manase na Efulemu. 21Ana yakwe Benjamini aonsi yali a Bela, Bekeli, Asyibeli, Gela, Namani, Ei, Losyi, Mupimu, Hupimu na Alidi. 22Yaa ikumi na yani ali amu mupanda wakwe Yakobo muli Lakeli.
23Dani wakweti umwana umonsi wenga, Husyimu. 24Ana yakwe Nafutali yali a Yazeeli, Guni, Yezeli, na Syilemu. 25Yaa cinimbali ali amu mupanda wakwe Yakobo muli Bilaa. Bilaa umwanaci muzya wino Labani wapeezile kuli Lakeli umwana wakwe umwanaci. 26Antu amu mupanda wakwe Yakobo yonsi pamwi yali amakumi mutanda na mutanda yano yaile ku Eguputo. Aci ya ana yakwe Yakobo yene yatapenzilweko. 27#Mil 7:14 Yosefu waviile ana yaili aonsi mu Eguputo. Caleka impendwa yakwe yao amu mupanda wakwe Yakobo, yano aile ku Eguputo, ikumana amakumi cinimbali.#46:27 AMAKUMI CINIMBALI: Ukupendelako Yosefu na ana yakwe yaili pamwi na Yakobo umwisikulu.
Yakobo na amu ng'anda yakwe yikala mu mpanga ya Eguputo
28Yakobo inkolelo atuma Yuda kukunena Yosefu kuti akayazengele ku Gosyeni. Lino yafika, 29Yosefu anena aomvi yakwe kuti yateyanye celeta nga aya ku kuzengela isi ku Gosyeni. Lino Yosefu walola isi asimwilila kunoli amukumbatila nga alila pa nsita itali. 30Yakobo anena Yosefu ati, “Awe lyene ningafwa, pano natinjilolela na manso yane ukuti ucili mumi.”
31Lyene Yosefu anena aina yakwe nga na amu ng'anda yakwe isi yonsi ati, “Ndinzile nje kuli Falao, imunene inti, ‘Aina yane na amu ng'anda yakwe tata, yano ikalanga mu Kenani yatiyiza kuti ikale nani. 32Ndaya nkamunene ukuti mwemwe yakacema, pano mwateeka iviteekwa. Nupya ndaya nkamunene ukuti mwatimwiza na maufyo ya mfwele, ing'ombe zino mukasunga nga na vyonsi vino mwakwata.’ 33Lino Falao alamwama kwi sano nu kumuuzya imilimo ino mukaomba, 34mukamunene cumi ukuti ukufuma ku kuvyalwa kwinu mwemwe atesi ya viteekwa wakwe vino ivikolwe vinu vyali. Ndi mwaca mwamunena vii, lyene alamuzumilizya kuti mwikale mu muputule wa Gosyeni.” Yosefu wavwanzile vii pamulandu wakuti wamanyile ukuti aina Eguputo yakalola yakacema wa cintu cawinyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013