កោរាញអ៝សម៝ន 4
4
ពេត្រោស នទ្រែលយោហាន គុឞើសនាប់មពោលកោរាញឞ្រីយូដា
1ទោលពេត្រោស នទ្រែលយោហាន ហោមអែងើយមាផូងប៝នលាន ជេសរីគែសមពោលកោរាញជានឞ្រាស មពោលឆាដោឆី #៤:១៖ មពោលឆាដោឆី ជេងផូងអីឆ្រាអែល ដ៝ង់ ខាន់ពាង់ញអោតនាវវៃអេងឞើសផូងផារីឆី អាបាៈ។ គែសអ៝ក់ខាន់ពាង់ជេងផូងកោរាញតាឞ្រីយូដា ដ៝ង់។ នទ្រែលមាអីកោរាញតាហែនញីសជានឞ្រាសហាន់ត៝ត់តានៃ។ 2ខាន់ពាង់ជីនូយ្សហោងាន់មាឞារហៃកោរាញអ៝សម៝ននៃ ឆៃខាន់ពាង់នតុមនតីផូងប៝នលានមាឞ្រាសយេឆូ មឞើសមាឞូលាស៖ ឞូនុយ្សខឹតហោមទ៝ក់រេសដ៝ង់យ៝រមាលែៈគែសឞ្រាសយេឆូ ខឹតទ៝ក់រេស។#ការ ២៣:៦-៨; លក ២០:២៧ 3ជេសរីខាន់ពាង់ញុបឞារហៃកោរាញអ៝សម៝ននៃក្រុងតាត្រោមនទ្រូងទូនាង់រាអាង យ៝រលាសនោកនៃឞ្រីលែៈអុចង៝មោហោមអោសឞ្លាវផាតទោយ្ស។ 4យើនមាអ៝ក់ងាន់ឞូឆឹតញឆីងមាឞ្រាសយេឆូ ឞូនុយ្សអីតាង់នាវកោរាញអ៝សម៝នងើយនៃ។ ឞូនុយ្សអីញឆីងមាឞ្រាសយេឆូ អាបៃអ្យា ទឹងលែៈឞូក្លោក្លាប់លាសគែស ៥០០០ នុយ្ស ជេសរីគែសឞូអូរក៝នឆែដ៝ង់។
5ត៝ត់អោយតៃរី គែសមពោលកោរាញជានឞ្រាស ផូងនើមនតីនាវវៃផូងអីឆ្រាអែល នទ្រែលមាមពោលកោរាញអាបាៈអេងជឹត ខាន់ពាង់វាច់រាបុនទូនតុកតាប៝នយេរូឆាលឹម ។#លក ៣:២; យហ ១៨:១២-១៣ 6តានៃគែសកោរាញជានឞ្រាសរាញាអានាស រាញាកៃផាស រាញាយោហាន រាញាអាលេកឆាន់ត្រុស #៤:៦៖ អានាស អីឞូនុយ្សមហែឞាសជានកោរាញជានឞ្រាសទុតក្វ៝ង់ កៃផាស អីឞូនុយ្សមហែលាប់ជានកោរាញជានឞ្រាសទុតក្វ៝ង់ យោហាន នទ្រែលមាអាលេកឆាន់ត្រុស ខាន់ពាង់ជេងឞូនុយ្សជានកោរាញជានឞ្រាសទុតក្វ៝ង់អាល៝រនើស។ នទ្រែលមាលែៈរានាក់វ៝ល់មពោលកោរាញជានឞ្រាសលាប់រាបុននទ្រែលតារីដ៝ង់។ 7ខាន់ពាង់ដាៈឞូលែវឞារហៃកោរាញអ៝សម៝ននៃគុតាងក្លាងងគូលរី ជេសរីអោបខាន់ពាង់៖ “ឞើសតាៈនាវទើយខាន់មៃជានការអីនៃមេស? ឞូម៝សអ៝ន់ខាន់មៃជានការអីនៃ?”#លក ២០:២
8ឞ្រាសហ្វេងអ្វែសអីក្ល៝សអ្វែសគុតាពេត្រោស អ៝ន់ពាង់ងើយកើតនអា៖ “ទាន់កោសមឞាសមាកោរាញឞ្រីយូដា នទ្រែលមាទឹងលែៈមពោលកោរាញអេងជឹត។#លក ២១:១៤-១៥ 9នារអ្យាខាន់មៃអោបហេនមានទើអ្វែសហេនជានមាទូហ្វេឞូនុយ្សរាវែនអ្យាឞើសតាៈនាវទើយ។ 10ទាន់មាខាន់មៃ នទ្រែលមាទឹងលែៈប៝នលានផូងអីឆ្រាអែល អ៝ន់គឹតមានាវអ្យា៖ ឞូក្លោអីទ៝ក់ឞើសនាប់ខាន់មៃអ្យាពាង់គែសអ្វែសឆាក់ជាន់ នាវទើយអីនៃតាៈឞើសកោរាញយេឆូក្រីស ប៝ននាឆារែត អីខាន់មៃលែៈងខឹតតាឆីតឹមរាកាង់នើស យើនមាកោរាញឞ្រាសរាក្លាយ្សអ៝ន់ពាង់ទ៝ក់រេសដ៝ង់។#ការ ៣:៦ 11តានាវកោរាញឞ្រាសងើយលែៈគែសញចីសកើតនអា៖
«លុឞ្ល៝នង្វាយអឹអីខាន់មៃអីឞូនុយ្សឞ្លាវជានជៃលែៈមអារ់លើយ
យើនមាលុឞ្ល៝នអីនៃជេងលុឞ្ល៝នទុតន៝ប់ខ្លៃរាលាវឞូច្រាវមាជានជៃ»#នម ១១៨:២២។ កោរាញយេឆូ ជេងលុឞ្ល៝នអីនៃ ជេសរីខាន់មៃជេងឞូនុយ្សឞ្លាវជានជៃអីនៃ។
12មោហោមអោសគែសឞូនុយ្សអេងជឹតមាទើយរាក្លាយ្សឞូនុយ្សតានែសនតូអ្យា មោហោមអោសគែសឞូនុយ្សអេងជឹតកោរាញឞ្រាសអ៝ន់មាឞូនុយ្សគៃមារាក្លាយ្សឞ៝ន់”។#ការ ១៥:១១; មថ ១:២១; ១កោ ៣:១១; ៦:១១; ១តម ២:៥
13ឆៃពេត្រោស នទ្រែលយោហាន គែសនូយ្សនហ៝ម់ឞាញ់ងើយកើតនៃ ខាន់ពាង់មោវ៝ត់អោសនទ្រ៝ត់ហីសរាហ៝ល់តានូយ្សនហ៝ម់ងាន់ យ៝រលាសឞូគឹតឞារហៃខាន់ពាង់នៃជេងឞូនុយ្សប៝នលានទើម មោអោសព្រ៝តលាប់នតី។ យើនមាឞូគឹតខាន់ពាង់នើសវៃគុនទ្រែលឞ្រាសយេឆូ ។ 14ឞូជ៝យនាវមាអើសមោហោមគែសអោស យ៝រលាសឆៃឞូនុយ្សរាវែនអីលែៈឞាសរីនើសទ៝ក់នទ្រែលតារីដ៝ង់។#ការ ៣:៧-៨ 15ជេសរីឞូដាៈខាន់ពាង់ពែនុយ្សនៃលោសឞើសនតុកផាតទោយ្សនៃទូនទ៝ម់ គៃមាតឹមញច្រាៈនាវ។ 16ផូងកោរាញអីនៃលាសកើតនអា៖ “មើមឞ៝ន់ជានមាឞារហៃឞូនុយ្សនៃ? ទឹងលែៈប៝នលានតាប៝នយេរូឆាលឹម អ្យាលែៈឞូគឹតនហេលងាន់នាវខ្លៃខាន់ពាង់ជាននៃលែៈនាវងាន់ ឞ៝ន់មោហោមអោសទើយរាលាច់ដ៝ង់។ 17គៃមាលើយអ៝ន់នាវអ្យាតាង់ត៝ត់មាឞូនុយ្សអាអេងដ៝ង់ លាសនទ្រីអ៝ន់ឞ៝ន់ឞ្វៃមឞ្រាមលើយហោមអ៝ន់ខាន់ពាង់មឞើសមាយេឆូ នៃជឹត”។ 18ជេសរីក្វាល់ឞារហៃខាន់ពាង់នៃលាប់ ឞ្វៃមោអ៝ន់ខាន់ពាង់មឞើសងក៝ច នតុមនតីឞូមាឞ្រាសយេឆូ ឞ្វៃទុតហោរ៝។ 19ជេសរីពេត្រោស នទ្រែលយោហាន អើសមាខាន់ពាង់៖ “ល៝ង់ខាន់មៃមឹនហែស ម៝សនាវអីទីតានាប់មាត់កោរាញឞ្រាស៖ អ៝ន់ហេនអ្យាត់តឹងនាវខាន់មៃ មោលាសអ្យាត់តឹងនាវកោរាញឞ្រាស?#ការ ៥:២៩-៣២ 20ហេនមោឞ្លាវអោសគុអ្យាត់ឆាក់ហ៝ៈនាវអីហេនឆៃហេនតាង់នៃ”។#១កោ ៩:១៦; ២កោ ៤:១៣ 21ឞូជ៝យនាវមាតេៈទោយ្សមោឆៃអោស យ៝រលាសលែៈប៝នលានអីគុតារីរានេកោរាញឞ្រាសទាទេយ៝រមាឆៃនាវអីនៃ។ ឞូក្លាចផូងប៝នលានជាននាវអុសអាស កើតនទ្រីឞូទែឞ្វៃមឞ្រាមខាន់ពាង់ទូតឹជឹតទើម ជេសរីបើកអ៝ន់ឆឹត។ 22ឞូនុយ្សអីឞាសយ៝រមានាវទើយលែៈនាវនៃ ពាង់លែៈរាលាវ ៤០ នាម់។
ផូងញឆីងមឞើសឆើមមានាវឞាញ់
23ជេសឞូបើកខាន់ពាង់នៃ ពេត្រោស នទ្រែលយោហាន ហាន់ម៝ប់តាមពោលខាន់ពាង់នើម មឞើសងក៝ចអីនាវមពោលកោរាញជានឞ្រាស នទ្រែលមាផូងកោរាញអេងជឹតអីឞ្វៃខាន់ពាង់រីនើស។ 24ជេសមពោលខាន់ពាង់តាង់កើតនៃ ខាន់ពាង់មឞើសឆើមក្វាល់កោរាញឞ្រាសទ្រើវទូនតោរនាវ៖ “ហើយកោរាញឞ្រាស មៃនើមញជេងត្រោក ញជេងនែសនតូ ញជេងទាកវាច់ទាកវារ់ នទ្រែលមាទឹងលែៈនទើអីគុតានៃដ៝ង់។ 25លែៈមៃងើយមាឞ្រាសហ្វេងអ្វែសអីក្ល៝សអ្វែសតាកាដាច់ដាវីត ហេនកាល់អែនើសជេងឞូនុយ្សជានការមាមៃ មៃលាសអ៝ន់ពាង់ញចីសកើតនអា៖
«មើមទឹងផូងអីមោទីផូងអីឆ្រាអែល ឞូជីនូយ្សទុតហោ?
មើមទឹងផូងអីនៃអុចតឹមលើសមានទើកោរាញឞ្រាសលែៈអុច? ខាន់ពាង់មោអោសឞ្លាវជានមានទើអីនៃ។
26មពោលកាដាច់តានែសនតូអ្យា
នទ្រែលមាមពោលកោរាញ
ឞូតឹមទីនាវតឹមរាទ៝ង់ដាសកោរាញឞ្រាស នទ្រែលមាដាសឞ្រាសក្រីស អីលែៈកោរាញឞ្រាសនើមកើយ្សមាជេងកោរាញ»#នម ២:១-២។
27នហេលនានេៈងាន់តាប៝នអ្យា កាដាច់ហេរោត នទ្រែលមាកោរាញក្វ៝ង់ពុនតេស-ពីលាត នអ៝ប់មាមពោលមោទីផូងអីឆ្រាអែល នទ្រែលមាមពោលប៝នលានផូងអីឆ្រាអែល នោកនៃនើសខាន់ពាង់តឹមទីនាវ គៃមាងខឹតកោរាញយេឆូ អីឞូនុយ្សក្ល៝សអ្វែសជានការមាមៃ អីមៃលែៈកើយ្សអ៝ន់ជេងឞ្រាសក្រីស ។#លក ២៣:១-១២ 28មៃគែសនាវទើយមាខាន់ពាង់ទឹងលែៈ នទ្រីខាន់ពាង់អីនៃលែវឞាល់ជានកើតលែៈនទើអីមៃលែៈអុចខាន់ពាង់ជានឞើសកាល់អែនើសទើម។ 29អាបៃអ្យា ហើយកោរាញឞ្រាស ទាន់មៃអ្វាញ់លែៈនាវឞូមឞ្រាមនៃ ជេសរីទាន់មៃអ៝ន់មាហេនអីឞូនុយ្សជានការមាមៃ អ៝ន់ហេននូយ្សនហ៝ម់ឞាញ់មឞើសងក៝ចនាវមៃងើយ។#អេផ ៦:១៩-២០; កោល ៤:៣-៤ 30ទាន់មៃញហើនាវទើយមៃអ៝ន់ហេនជានឞាសនាវជីឞូ នទ្រែលមាអ៝ន់ហេនជាននទើលែៈនាវអេងៗ។ ទាន់មៃជាននទើអីនៃយ៝រមាកោរាញយេឆូ អីឞូនុយ្សក្ល៝សអ្វែសជានការមាមៃបាបើ”។ 31លោចជេសនាវខាន់ពាង់មឞើសឆើមរី តាជៃខាន់ពាង់គុរាបុននៃគែសងគើ នហ៝មាឞ្រាសហ្វេងអ្វែសអីក្ល៝សអ្វែសគុតាខាន់ពាង់ទាទេងាន់។ ជេសរីខាន់ពាង់គែសនូយ្សនហ៝ម់ឞាញ់ងាន់ គៃមាមឞើសងក៝ចនាវកោរាញឞ្រាស។#ការ ២:៤
ផូងញឆីងតឹមពាៈទ្រាប់នទើខាន់ពាង់នើម
32ជេសរីទឹងលែៈផូងញឆីង ខាន់ពាង់គែសនូយ្សនហ៝ម់នាវមឹនទូនតោរនាវទើម មោគែសអោសទូហ្វេឞូនុយ្សអ្វាញ់ទ្រាប់នទើពាង់គែស ព្រាប់ទ៝ង់មាឆាក់ពាង់នើមទើម។ ខាន់ពាង់ឆ៝ៈលែៈទ្រាប់នទើគែសនៃទ៝ង់នទ្រែលទាទេ។#ការ ២:៤៤-៤៥; ២កោ ៨:១២-១៥ 33មពោលកោរាញអ៝សម៝នគែសនាវឞ្រាសងាន់ ខាន់ពាង់លែវឞាល់មឞើសងក៝ចឞ្រាសយេឆូ ទ៝ក់រេស។ កោរាញឞ្រាសអ៝ន់នាវអ្វែសលាង់អ៝ក់ងាន់មាខាន់ពាង់។#ការ ១:២២; ២:៣២; ៣:១៥ 34លែៈមពោលអីនៃមោគែសអោសទូហ្វេគុអ៝ត់ជីង៝ត យ៝រលាសឞូម៝សអីគែសនែស គែសជៃ ខាន់ពាង់តាច់លើយ ជេសរីលែវព្រាក់អីនៃ 35អ៝ន់តាមពោលកោរាញអ៝សម៝នរី។ ផូងញឆីងឆ៝ៈព្រាក់អីនៃតឹមពាៈម៝សនទើខាន់ពាង់មោគែសមោត៝ង់។ 36គែសទូហ្វេឞូក្លោរាញាយោឆែប មពោលលេវី តាៈឞើសគោលទាកកីព្រ៝ស មពោលកោរាញអ៝សម៝នរាញាពាង់បារនាបាស រាញាអីនៃគែសនាវខ្លៃលាស «ឞូនុយ្សកើលឞ៝ញលែងឞូ»។#ការ ៩:២៧; ១១:២២-២៥; ១៣:១-៣; ១៤:២៣; ១៥:៣៦-៤០; ១កោ ៩:៦; កាល ២:៩, ១៣ 37ពាង់អីនៃគែសនែសដ៝ង់ ជេសរីពាង់តាច់នែសពាង់នើម ឆ៝ៈព្រាក់អ៝ន់តាមពោលកោរាញអ៝សម៝នរី។
Currently Selected:
កោរាញអ៝សម៝ន 4: cmoK
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
