Yòhánà 7
7
Yèésù lɔ káà dzɛ ɔɖɔ̃́-Awúrɛ́, tsí ó lɔ ńlé-Ɔ̀ɖáyé, tsí wà tsɛ̀kɔ́ fú ɔ̀nyà ŋa
1Náànyì-bɛ́ɛ̀ ró#ɛ́, Yèésù wà rɛ̃̀ wérí nérè-Gàlìlé. Kò wà wo kó gbé nérè-Yùɖéyà. Iŋɛ́ yèé tse#ɛ́, onùgbó-ɔma-Ìyúɖà† ŋa wà wòó, tsí ká kpaá nóòkú.
2Ńbɛ̀ɛ́, ɔɖɔ̃́-ɔma-Ìyúɖà ŋa-kã̀ sɔ́má. À náa kpe ɔɖɔ̃́#ɛ́ ní ɔɖɔ̃́-Awúrɛ́†. 3Tsí ìnàbí-Yèésù ŋa lɔ ńɖɔ̀‐ɛ̀, tsí wà wí fúu ní: Kó ǹɖe bí, tsí kó lɔ nérè-Yùɖéyà, tsí atɛ̀náànyì‐ɛ̀ ŋa kó rí iŋɛ́-àwùsì yèé ŋa ó wà tse#ɛ́. 4Ó ɖi, bí ɔ̀nyà-kã̀ wà wo ká màá rere, kà tse iŋɛ́-kã̀ kpókpó ńǹɖúkù. Tsí kíbí ó wà tse iŋɛ́ nyɛ̀ŋɛ̀ ŋa#á, kó tseé nódzú-ɔ̀nyà kpó. 5(Ìnàbí‐ɛ̀ ŋa wà wí fúu bɛ́ɛ̀, iŋɛ́ yèé tse#ɛ́, àŋa ká-ŋa gìɖì, à kò nɛ́ àkaralé si ńǹtá‐ɛ̀.)
6Tsí Yèésù wà wí fú ŋa ní: Ìwèrè tòŋu kò tó wòná. Ó ɖi, àŋa òŋu, ìwèrè ɔ̀kã̀lɔ́ɔ̀kã̀ kpó dzɛ́ ìwèrè-ire fú ŋa. 7À kò tse iŋɛ́-kã̀, tsí ɔ̀nyà ŋa kó wà nyà ŋá kãdzú. Òŋu, ɔ̀nyà ŋa wà nya òŋu kãdzú, iŋɛ́ yèé tse#ɛ́, òŋu náa yaá fú ŋa gãgã ní iŋɛ́ yèé à wà tse#ɛ́, iŋɛ́-íbàɖí ni. 8Ó ɖi, ká lɔ nɔ́ɖɔ̃́#ɛ́ ńYèrúsàlɛ́mì. Òŋu, òŋu kò làkóò, iŋɛ́ yèé tse#ɛ́, ìwèrè-òŋu kò tó wòná.
9Kíbí ó wí bɛ́ɛ̀ tã́#á, ó kí ńGàlìlé#ɛ́ si. 10Tsí kíbí ìnàbí‐ɛ̀ ŋa lɔ nɔ́ɖɔ̃́#ɛ́ tã́#á, òŋu gbo wáa rò ŋá lɔ ńǹɖúkù. Kò tse tsí ká mà.
11Ńbɛ̀ɛ́, ńbí à wà, tsí wà dzɛ ɔɖɔ̃́#ɛ́, onùgbó-ɔma-Ìyúɖà ŋa gbo wà bɛ̀, tsí à wà wo Yèésù. Tsí à wà fɔ̀ ní: Ńbisí ó wà ná?
12Ńǹwèrè nyɛ̀ŋɛ̀#ɛ́, ɔ̀nyà ŋa wà ɖìkpá fú ara-ŋa náàŋírĩ-èrò#ɛ́, tsí wà wíìnyɛ̀ ti nára-Yèésù. Ɔ̀nyà kã̀ŋa wà fɔ̀ ní: Ɔ̀nyà-ire ní ó dzɛ́#ɛ́. Tsí olòmírɛ̃̀ ŋa gbo wà fɔ̀ ní: Náa rúnɛ gé ni.
13Ɔ̀nyà-kã̀ kpókpó náàŋírĩ-ŋa kò nyáa wà wíìnyɛ̀‐ɛ̀ gãgã. Iŋɛ́ yèé tse#ɛ́, à wà sá fú onùgbó-ɔma-Ìyúɖà ŋa.
14Kíbí à wà nɔ́ɖɔ̃́#ɛ́ si làkóò#ɛ́, Yèésù lɔ nɔ́gbà-ilé-Ɔ̀ɖáyé†, tsí wà tsɛ̀kɔ́ fú ɔ̀nyà ŋa. 15Onùgbó-ɔma-Ìyúɖà ŋa yèé wà bɛ̀#ɛ́, kíbí à gbɔ́ ɛ̀kɔ́‐ɛ̀#ɛ́, ó mù ŋá, tsí à wà fɔ̀ ní: Ɛnɛ yèé kò gbé ńɖi-akɔ́nɛ nɛ́kpa-Ɔ̀ɖáyé†-kã̀ wòrí nɛ́! Bí ó tse fáà, tsí ma iŋɛ́ tó bɛ́ɛ̀?
16Tsí Yèésù wà wí fú ŋa ní: Ɛ̀kɔ́ yèé òŋu wà tse fú ŋa#á, kò ti ńǹsérè-òŋu. Ó ti ńɖi-ɛnɛ yèé bɛ òŋu wá#á ni. 17Ó ɖi, bí ó ɖé fú ɔ̀nyà-kã̀ ní òŋu kó tse awù-Ɔ̀ɖáyé, nákó ma òtítɔ́-ɛ̀kɔ́-òŋu. Bí ó tsi ó ti ńɖi-Ɔ̀ɖáyé nàmí òŋu wà wíìnyɛ̀-ìsérè tòŋu ká-òŋu ni nákó mà. 18Ɛnɛ yèé náa mú ìsérè tòŋu ká‐ɛ̀, tsí wà ń wíìnyɛ̀#ɛ́, náa wo kó wà nyɛ ara‐ɛ̀. Ó ɖi, bí ɔ̀nyà-kã̀ wà wo kó nyɛ ɛnɛ yèé bɛ̀ɛ́ wá#á, ɛnɛ nyɛ̀ŋɛ̀ náa fɔ òtítɔ́. À kà rí iŋɛ́ wérewère-kã̀ kpókpó nára‐ɛ̀. 19Mɔ̀ɔ́sè† ɖá ɛkpa fú ŋa nɔ̀, tsí ɔ̀kã̀-ŋa-kã̀ kpókpó kò rɛ̃̀ si ńnɛ̀ nɛ́! Bí kò tsi bɛ́ɛ̀#ɛ́, kí tse tsí à wà wo ká kpa òŋu?
20Kíbí ó fɔ̀ bɛ́ɛ̀#ɛ́, èrò#ɛ́ wà wí fúu ní: Edzò†-kã̀ wà ɖɔ́kpɔ fúu. Ó ɖi, nɛ̀ɛ́ bòkó kpaá?
21Tsí ó wà wí fú ŋa ní: Òŋu tse iŋɛ́-àwùsì lákṹ ɔ̀kã̀ntso gé, tsí ó mu àŋa kpó. 22Mɔ̀ɔ́sè ɖá orò fú ŋa ní bí à bíma, ɔdzɔ́-ɛ̀kɛ́ɛdzɔ‐ɛ̀, ká wà ɖákó† fúu. Ìɖéǹɖè#ɛ́, kò tsi Mɔ̀ɔ́sè ní ɖáa si#ɛ́. Gbágbóǹgbàgbò-ŋà ŋa yèé tsúwádzú-Mɔ̀ɔ́sè#ɛ́ ní ɖáa si#ɛ́. Tsí bí ɔdzɔ́#ɛ́ dzì nɔ́dzɔ́-ìmíra†#á, à náa sì ɖákó#ɛ́. 23Bí à tse àtsùgbée ká máa dzàbi-ɛkpa-Mɔ̀ɔ́sè, tsí wà ɖákó nɔ́dzɔ́-ìmíra fee, kí tse tsí à wà bínɔ́ fú òŋu yèé bɔnɛ dzálɛ̀ kpó nɔ́dzɔ́-ìmíra#á? 24Ó ɖi, ká máa wà rí iŋɛ́ yèé ɔ̀nyà wà tse gé#ɛ́, tsí wà kpɛdzɔ́ báa. Ká wà lɔ ńnɔ́‐ɛ̀ rere, tsí wà rí òtítɔ́ yèé wà ńnɛ̀#ɛ́ tã́ná.
Yèésù#ɛ́ fee, òŋu ní dzɛ́ Kírísítò Agbanɛlà yèé Ɔ̀ɖáyé tsã̀, tsí bɛ̀ wá#áà?
25Kíbí ó wí afɔ̀ nyɛ̀ŋɛ̀#ɛ́, ɔma-Yèrúsàlɛ́mì kã̀ŋa wà bere ara-ŋa ní: Kò tsi ɛnɛ yèé à wà wò, tsí ká kpa#á ńnɛ̀ɛ́ɛ̀? 26Ká rí gé! Ó wà wíìnyɛ̀ ńgbaŋgba, tsí à kò sì nyáa bèrèé náfɔ̀-kã̀ náa! Nàmí onùgbó-àŋa ŋa gbo gbà si ńǹtá‐ɛ̀ ní òŋu ní dzɛ́ Kírísítò, ɛnɛ yèé Ɔ̀ɖáyé tsã̀, tsí bɛ̀ wá#á ná? 27Kírísítò#ɛ́, bí ó wá, ɔ̀nyà-kã̀ kpókpó kàkó ma ńbí ó ti#ɛ́. Tsí àŋa sì ma ńbí ɛnɛ yèé òŋu ti#ɛ́ nɔ̀!
28Ńbɛ̀ɛ́, Yèésù tɔ́ wà nɔ́gbà-ilé-Ɔ̀ɖáyé† si ró, tsí wà tsɛ̀kɔ́ fú ŋa, tsí ó wà ɖúgbe kũkũ fú ŋa ní: À ní àŋa ma òŋu, tsí ma ńbí òŋu ti#ɛ́ nɔ̀? Ó sã̀! Ó ɖi, kó yé ŋa ní kò tsi òŋu ká-òŋu ní bɛ ara-òŋu wá#á. Ɛnɛ yèé bɛ òŋu wá#á, olí-òtítɔ́ ni, tsí à kò màá. 29Ó ɖi, òŋu, òŋu màá. Ńɖɔ̀‐ɛ̀ ní òŋu ti#ɛ́, tsí òŋu ní bɛ òŋu wá#á.
30Kíbí à gbɔ́ bɛ́ɛ̀#ɛ́, à wà wo ká múu, tsí ɔ̀nyà-kã̀ kò sì nyáa mɔ́wɔ́ kã̀ã́. Iŋɛ́ yèé tse#ɛ́, ìwèrè‐ɛ̀ kò tó wòná. 31Náàŋírĩ-èrò#ɛ́ gìɖì#ɛ́, ɔ̀nyà kpíkpɔ̀ gbàá gbɔ́. Tsí à wà fɔ̀ ní: Bí Kírísítò wá, nákó tse iŋɛ́-àwùsì ŋa, tsí nákó lákṹ láre yèé ŋa ɛnɛ yèé tse#ɛ́ɛ̀?
32Ìkpá yèé ɔ̀nyà ŋa wà ɖì ti nára-Yèésù#ɛ́, ó ɖi igbe wérí títí ɔma-ɛgbɛ́-Fàrísì† ŋa gbo gbɔ́. Ńbɛ̀ɛ́, onùgbó-atsɛbɔ-Ɔ̀ɖáyé† ŋa òŋu ɔma-ɛgbɛ́-Fàrísì ŋa#á, à bɛ àɖèlé-ilé-Ɔ̀ɖáyé ŋa lɔ ní ká káà múu wá. 33Tsí Yèésù wà wí fú ŋa ní: Òŋu nákó gbé bá ŋa fú àsòkò tsígíɖí-kã̀ ró, tsí òŋu nákó sɛ̃̀ lɔ ńɖi-ɛnɛ yèé bɛ òŋu wá#á. 34À nákó wo òŋu, tsí à kàkó rí òŋu. Tsí ńbí òŋu nákó wà si#ɛ́, à kàkó nyáa lɔ bɛ̀.
35Ńbɛ̀ɛ́, onùgbó-ɔma-Ìyúɖà† ŋa wà bere ara-ŋa ní: Ńbisí ó làkóò, tsí àŋa kàkó ríi? Bóyá, ó wà wo kó ǹɖe ńɖi-àŋa, tsí kó lɔ ńǹlú-òmírɛ̃̀ ŋa, ńǹlú yèé ŋa ɔma-Ìyúɖà ŋa túùnkã́ lɔ si#ɛ́, tsí kó tsɛ̀kɔ́ fú ŋa, tsí tsɛ̀kɔ́ fú ɛnɛ yèé kò dzɛ́ ɔma-Ìyúɖà ŋa#á gbo. 36Bí kò tsi bɛ́ɛ̀#ɛ́, kíbí ó wà fɔ̀ ní: “À nákó wo òŋu, tsí à kàkó rí òŋu”, òŋu “ńbí òŋu nákó wà si#ɛ́, àŋa kàkó nyáa lɔ bɛ̀#ɛ́”, òkpì‐ɛ̀ fáà?
37Nɔ́ɖɔ̃́#ɛ́, ɔdzɔ́-ìtã̀ntã́‐ɛ̀ náa kpã́dzú láre ɔdzɔ́-àtíbɔ̀ ŋa kpó. Ńbɛ̀ɛ́, kíbí ɔdzɔ́ nyɛ̀ŋɛ̀ tó#ɛ́, Yèésù ǹɖe ɖóro ńwádzú-èrò#ɛ́, tsí wà wíìnyɛ̀ ɖúgbe, àtsùgbée ɔ̀nyà kpó kó gbɔ́. Tsí ó ní: Bí àŋgbɛ̃ wà gbɛ̃ ɔ̀nyà-kã̀, ni kó wá ńɖɔ̀-òŋu, tsí kó wáa mɔmi. 38Ó ɖi, bí ɔ̀nyà-kã̀ gba òŋu gbɔ́, kíbí à kɔɔ́ si ńǸwé-Ɔ̀ɖáyé†#ɛ́, nákó lɔ fúu bɛ́ɛ̀: “Omi nákó wà bɔ́ ńnɔ́‐ɛ̀ kíbí omi náa bɔ́ néwo-oɖò bɛ́#ɛ́, tsí omi#ɛ́ nákó wà fúnɛ náàyɛ̀.”
39Afɔ̀ yèé Yèésù wà fɔ̀ bɛ́ɛ̀#ɛ́, afɔ̀-Mímí-Ɔ̀ɖáyé† ní ó wà fɔ̀#ɛ́. Bí ɔ̀nyà-kã̀ gba Yèésù gbɔ́#ɛ́, Ɔ̀ɖáyé nákó tse tsí Mímí‐ɛ̀ nákó tì wɔ̀ ńǹtá-ɛnɛ nyɛ̀ŋɛ̀. Ó ɖi, ńǹwèrè nyɛ̀ŋɛ̀#ɛ́, Ɔ̀ɖáyé kò tse tsí Mímí‐ɛ̀#ɛ́ kó tì wɔ̀ ńǹtá-ŋa wòná. Iŋɛ́ yèé tse#ɛ́, Yèésù kò lɔ nɔ́ɔ̀rɔ̃ ńɖi-Boba‐ɛ̀ wòná.
40Kíbí à gbɔ́ afɔ̀ nyɛ̀ŋɛ̀#ɛ́, ɔ̀nyà kã̀ŋa wà fɔ̀ ní: Ìɖéǹɖè#ɛ́, Agbáfɔ̀-Ɔ̀ɖáyé fɔ̀†, ɛnɛ yèé odzú-àŋa wà nɔ́ɔ̀nà si fú ní nákó wá#á ní.
41Tsí ɔ̀nyà kã̀ŋa gbo wà fɔ̀ ní: Òò, Kírísítò ni.
Tsí olòmírɛ̃̀ ŋa gìɖì wà dzìnyà, tsí wà fɔ̀ ní: Kírísítò nákó nyáa ti ńGàlìléè? 42Ó ɖi, à kɔ si ńǸwé-Ɔ̀ɖáyé ní Kírísítò nákó dzɛ́ ɔmalɔ́ma-ólú Ɖàfíɖì†, tsí nákó ti ńBɛ̀tɛ̀lɛ̀hɛ́mì, ìlú-Ɖàfíɖì òŋu ká‐ɛ̀ ni nɔ̀!
43Ńbɛ̀ɛ́, ìsérè-ɔ̀nyà ŋa kpɛ̃́ náàtsùgbé-Yèésù. 44Tsí ɔ̀nyà kã̀ŋa wà wo ká múu. Ó ɖi, ɔ̀nyà-kã̀ kpókpó kò sì nyáa mɔ́wɔ́ kã̀ã́.
45Ńbɛ̀ɛ́, àɖèlé-ilé-Ɔ̀ɖáyé ŋa#á sɛ̃̀ lɔ ńɖi-onùgbó-atsɛbɔ-Ɔ̀ɖáyé ŋa òŋu ɔma-ɛgbɛ́-Fàrísì ŋa#á. Tsí à wà bèrè ŋá ní: Kí tse tsí à kò mú Yèésù wá?
46Tsí àɖèlé ŋa#á wà wí fú ŋa ní: Àŋa kò rí ɔ̀nyà-kã̀, tsí kó wíìnyɛ̀ bɛ́ɛ̀ wòrí.
47Tsí ɔma-ɛgbɛ́-Fàrísì ŋa#á wà bèrè ŋá ní: Àŋa gbo, à dzɛ́, tsí Yèésù rú ŋaà? 48À rí onùgbó-ɔma-Ìyúɖà ŋa-kã̀ nàmí ɔma-ɛgbɛ́-Fàrísì-kã̀, tsí ó gbàá gbɔ́ wòríì? 49Ó ɖi, ɔ̀nyà ɛ̀gbɛ̀lɛ́ɛ̀gbɛ̀ nyɛ̀ŋɛ̀#ɛ́, à kò ma ɛkpa-Ɔ̀ɖáyé†, tsí Ɔ̀ɖáyé ré fú ŋa, tsí ó má ŋa si.
50Ńbɛ̀ɛ́, ɔ̀nyà-kã̀ wà náàŋírĩ-onùgbó-ɔma-Ìyúɖà ŋa#á, tsí à náa kpèé ní Nìkòɖɛ́mì. Òŋu ní wáa lɔ káà rí Yèésù ńǹwèrè-kã̀ dzɔ̀ɔ́ dzɔ̀ɔ́#ɛ́. Tsí ó ǹɖe, tsí wà wí fú ŋa ní: 51Ńnɔ́-ɛkpa-àŋa#á, kò wà ní àŋa kó ɖáàbi fú ɔ̀nyà-kã̀ náàrìmáa gbɔ́ afɔ̀-arũ‐ɛ̀ nàmí náàrì ma iŋɛ́ yèé ó tse#ɛ́.
52Tsí ɛnɛ-àtíbɔ̀ ŋa wà bèrèé ní: Òŋu gbo dzɛ́ ɔma-Gàlìlé ŋa niì? Ó ɖi, kó tã inɔ́-Ìwé-Ɔ̀ɖáyé† wò rere. Nákó rí ní agbáfɔ̀-Ɔ̀ɖáyé fɔ̀-kã̀ kàkó nyáa ti ńGàlìlé láyé.
Ɔnɔbɛ̃̀ɛ̃-kã̀ káà tsolè sũ̀ ńɖi-ɔkɔ, tsí à múu, tsí gbɛ̃́ɛ̃ wá fú Yèésù
[ 53Ńbɛ̀ɛ́, ɛnɛ kṹnukṹ ǹɖe, tsí dzì nɔ́ɔ̀nà-ilé‐ɛ̀.
Currently Selected:
Yòhánà 7: ngl
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Yòhánà 7
7
Yèésù lɔ káà dzɛ ɔɖɔ̃́-Awúrɛ́, tsí ó lɔ ńlé-Ɔ̀ɖáyé, tsí wà tsɛ̀kɔ́ fú ɔ̀nyà ŋa
1Náànyì-bɛ́ɛ̀ ró#ɛ́, Yèésù wà rɛ̃̀ wérí nérè-Gàlìlé. Kò wà wo kó gbé nérè-Yùɖéyà. Iŋɛ́ yèé tse#ɛ́, onùgbó-ɔma-Ìyúɖà† ŋa wà wòó, tsí ká kpaá nóòkú.
2Ńbɛ̀ɛ́, ɔɖɔ̃́-ɔma-Ìyúɖà ŋa-kã̀ sɔ́má. À náa kpe ɔɖɔ̃́#ɛ́ ní ɔɖɔ̃́-Awúrɛ́†. 3Tsí ìnàbí-Yèésù ŋa lɔ ńɖɔ̀‐ɛ̀, tsí wà wí fúu ní: Kó ǹɖe bí, tsí kó lɔ nérè-Yùɖéyà, tsí atɛ̀náànyì‐ɛ̀ ŋa kó rí iŋɛ́-àwùsì yèé ŋa ó wà tse#ɛ́. 4Ó ɖi, bí ɔ̀nyà-kã̀ wà wo ká màá rere, kà tse iŋɛ́-kã̀ kpókpó ńǹɖúkù. Tsí kíbí ó wà tse iŋɛ́ nyɛ̀ŋɛ̀ ŋa#á, kó tseé nódzú-ɔ̀nyà kpó. 5(Ìnàbí‐ɛ̀ ŋa wà wí fúu bɛ́ɛ̀, iŋɛ́ yèé tse#ɛ́, àŋa ká-ŋa gìɖì, à kò nɛ́ àkaralé si ńǹtá‐ɛ̀.)
6Tsí Yèésù wà wí fú ŋa ní: Ìwèrè tòŋu kò tó wòná. Ó ɖi, àŋa òŋu, ìwèrè ɔ̀kã̀lɔ́ɔ̀kã̀ kpó dzɛ́ ìwèrè-ire fú ŋa. 7À kò tse iŋɛ́-kã̀, tsí ɔ̀nyà ŋa kó wà nyà ŋá kãdzú. Òŋu, ɔ̀nyà ŋa wà nya òŋu kãdzú, iŋɛ́ yèé tse#ɛ́, òŋu náa yaá fú ŋa gãgã ní iŋɛ́ yèé à wà tse#ɛ́, iŋɛ́-íbàɖí ni. 8Ó ɖi, ká lɔ nɔ́ɖɔ̃́#ɛ́ ńYèrúsàlɛ́mì. Òŋu, òŋu kò làkóò, iŋɛ́ yèé tse#ɛ́, ìwèrè-òŋu kò tó wòná.
9Kíbí ó wí bɛ́ɛ̀ tã́#á, ó kí ńGàlìlé#ɛ́ si. 10Tsí kíbí ìnàbí‐ɛ̀ ŋa lɔ nɔ́ɖɔ̃́#ɛ́ tã́#á, òŋu gbo wáa rò ŋá lɔ ńǹɖúkù. Kò tse tsí ká mà.
11Ńbɛ̀ɛ́, ńbí à wà, tsí wà dzɛ ɔɖɔ̃́#ɛ́, onùgbó-ɔma-Ìyúɖà ŋa gbo wà bɛ̀, tsí à wà wo Yèésù. Tsí à wà fɔ̀ ní: Ńbisí ó wà ná?
12Ńǹwèrè nyɛ̀ŋɛ̀#ɛ́, ɔ̀nyà ŋa wà ɖìkpá fú ara-ŋa náàŋírĩ-èrò#ɛ́, tsí wà wíìnyɛ̀ ti nára-Yèésù. Ɔ̀nyà kã̀ŋa wà fɔ̀ ní: Ɔ̀nyà-ire ní ó dzɛ́#ɛ́. Tsí olòmírɛ̃̀ ŋa gbo wà fɔ̀ ní: Náa rúnɛ gé ni.
13Ɔ̀nyà-kã̀ kpókpó náàŋírĩ-ŋa kò nyáa wà wíìnyɛ̀‐ɛ̀ gãgã. Iŋɛ́ yèé tse#ɛ́, à wà sá fú onùgbó-ɔma-Ìyúɖà ŋa.
14Kíbí à wà nɔ́ɖɔ̃́#ɛ́ si làkóò#ɛ́, Yèésù lɔ nɔ́gbà-ilé-Ɔ̀ɖáyé†, tsí wà tsɛ̀kɔ́ fú ɔ̀nyà ŋa. 15Onùgbó-ɔma-Ìyúɖà ŋa yèé wà bɛ̀#ɛ́, kíbí à gbɔ́ ɛ̀kɔ́‐ɛ̀#ɛ́, ó mù ŋá, tsí à wà fɔ̀ ní: Ɛnɛ yèé kò gbé ńɖi-akɔ́nɛ nɛ́kpa-Ɔ̀ɖáyé†-kã̀ wòrí nɛ́! Bí ó tse fáà, tsí ma iŋɛ́ tó bɛ́ɛ̀?
16Tsí Yèésù wà wí fú ŋa ní: Ɛ̀kɔ́ yèé òŋu wà tse fú ŋa#á, kò ti ńǹsérè-òŋu. Ó ti ńɖi-ɛnɛ yèé bɛ òŋu wá#á ni. 17Ó ɖi, bí ó ɖé fú ɔ̀nyà-kã̀ ní òŋu kó tse awù-Ɔ̀ɖáyé, nákó ma òtítɔ́-ɛ̀kɔ́-òŋu. Bí ó tsi ó ti ńɖi-Ɔ̀ɖáyé nàmí òŋu wà wíìnyɛ̀-ìsérè tòŋu ká-òŋu ni nákó mà. 18Ɛnɛ yèé náa mú ìsérè tòŋu ká‐ɛ̀, tsí wà ń wíìnyɛ̀#ɛ́, náa wo kó wà nyɛ ara‐ɛ̀. Ó ɖi, bí ɔ̀nyà-kã̀ wà wo kó nyɛ ɛnɛ yèé bɛ̀ɛ́ wá#á, ɛnɛ nyɛ̀ŋɛ̀ náa fɔ òtítɔ́. À kà rí iŋɛ́ wérewère-kã̀ kpókpó nára‐ɛ̀. 19Mɔ̀ɔ́sè† ɖá ɛkpa fú ŋa nɔ̀, tsí ɔ̀kã̀-ŋa-kã̀ kpókpó kò rɛ̃̀ si ńnɛ̀ nɛ́! Bí kò tsi bɛ́ɛ̀#ɛ́, kí tse tsí à wà wo ká kpa òŋu?
20Kíbí ó fɔ̀ bɛ́ɛ̀#ɛ́, èrò#ɛ́ wà wí fúu ní: Edzò†-kã̀ wà ɖɔ́kpɔ fúu. Ó ɖi, nɛ̀ɛ́ bòkó kpaá?
21Tsí ó wà wí fú ŋa ní: Òŋu tse iŋɛ́-àwùsì lákṹ ɔ̀kã̀ntso gé, tsí ó mu àŋa kpó. 22Mɔ̀ɔ́sè ɖá orò fú ŋa ní bí à bíma, ɔdzɔ́-ɛ̀kɛ́ɛdzɔ‐ɛ̀, ká wà ɖákó† fúu. Ìɖéǹɖè#ɛ́, kò tsi Mɔ̀ɔ́sè ní ɖáa si#ɛ́. Gbágbóǹgbàgbò-ŋà ŋa yèé tsúwádzú-Mɔ̀ɔ́sè#ɛ́ ní ɖáa si#ɛ́. Tsí bí ɔdzɔ́#ɛ́ dzì nɔ́dzɔ́-ìmíra†#á, à náa sì ɖákó#ɛ́. 23Bí à tse àtsùgbée ká máa dzàbi-ɛkpa-Mɔ̀ɔ́sè, tsí wà ɖákó nɔ́dzɔ́-ìmíra fee, kí tse tsí à wà bínɔ́ fú òŋu yèé bɔnɛ dzálɛ̀ kpó nɔ́dzɔ́-ìmíra#á? 24Ó ɖi, ká máa wà rí iŋɛ́ yèé ɔ̀nyà wà tse gé#ɛ́, tsí wà kpɛdzɔ́ báa. Ká wà lɔ ńnɔ́‐ɛ̀ rere, tsí wà rí òtítɔ́ yèé wà ńnɛ̀#ɛ́ tã́ná.
Yèésù#ɛ́ fee, òŋu ní dzɛ́ Kírísítò Agbanɛlà yèé Ɔ̀ɖáyé tsã̀, tsí bɛ̀ wá#áà?
25Kíbí ó wí afɔ̀ nyɛ̀ŋɛ̀#ɛ́, ɔma-Yèrúsàlɛ́mì kã̀ŋa wà bere ara-ŋa ní: Kò tsi ɛnɛ yèé à wà wò, tsí ká kpa#á ńnɛ̀ɛ́ɛ̀? 26Ká rí gé! Ó wà wíìnyɛ̀ ńgbaŋgba, tsí à kò sì nyáa bèrèé náfɔ̀-kã̀ náa! Nàmí onùgbó-àŋa ŋa gbo gbà si ńǹtá‐ɛ̀ ní òŋu ní dzɛ́ Kírísítò, ɛnɛ yèé Ɔ̀ɖáyé tsã̀, tsí bɛ̀ wá#á ná? 27Kírísítò#ɛ́, bí ó wá, ɔ̀nyà-kã̀ kpókpó kàkó ma ńbí ó ti#ɛ́. Tsí àŋa sì ma ńbí ɛnɛ yèé òŋu ti#ɛ́ nɔ̀!
28Ńbɛ̀ɛ́, Yèésù tɔ́ wà nɔ́gbà-ilé-Ɔ̀ɖáyé† si ró, tsí wà tsɛ̀kɔ́ fú ŋa, tsí ó wà ɖúgbe kũkũ fú ŋa ní: À ní àŋa ma òŋu, tsí ma ńbí òŋu ti#ɛ́ nɔ̀? Ó sã̀! Ó ɖi, kó yé ŋa ní kò tsi òŋu ká-òŋu ní bɛ ara-òŋu wá#á. Ɛnɛ yèé bɛ òŋu wá#á, olí-òtítɔ́ ni, tsí à kò màá. 29Ó ɖi, òŋu, òŋu màá. Ńɖɔ̀‐ɛ̀ ní òŋu ti#ɛ́, tsí òŋu ní bɛ òŋu wá#á.
30Kíbí à gbɔ́ bɛ́ɛ̀#ɛ́, à wà wo ká múu, tsí ɔ̀nyà-kã̀ kò sì nyáa mɔ́wɔ́ kã̀ã́. Iŋɛ́ yèé tse#ɛ́, ìwèrè‐ɛ̀ kò tó wòná. 31Náàŋírĩ-èrò#ɛ́ gìɖì#ɛ́, ɔ̀nyà kpíkpɔ̀ gbàá gbɔ́. Tsí à wà fɔ̀ ní: Bí Kírísítò wá, nákó tse iŋɛ́-àwùsì ŋa, tsí nákó lákṹ láre yèé ŋa ɛnɛ yèé tse#ɛ́ɛ̀?
32Ìkpá yèé ɔ̀nyà ŋa wà ɖì ti nára-Yèésù#ɛ́, ó ɖi igbe wérí títí ɔma-ɛgbɛ́-Fàrísì† ŋa gbo gbɔ́. Ńbɛ̀ɛ́, onùgbó-atsɛbɔ-Ɔ̀ɖáyé† ŋa òŋu ɔma-ɛgbɛ́-Fàrísì ŋa#á, à bɛ àɖèlé-ilé-Ɔ̀ɖáyé ŋa lɔ ní ká káà múu wá. 33Tsí Yèésù wà wí fú ŋa ní: Òŋu nákó gbé bá ŋa fú àsòkò tsígíɖí-kã̀ ró, tsí òŋu nákó sɛ̃̀ lɔ ńɖi-ɛnɛ yèé bɛ òŋu wá#á. 34À nákó wo òŋu, tsí à kàkó rí òŋu. Tsí ńbí òŋu nákó wà si#ɛ́, à kàkó nyáa lɔ bɛ̀.
35Ńbɛ̀ɛ́, onùgbó-ɔma-Ìyúɖà† ŋa wà bere ara-ŋa ní: Ńbisí ó làkóò, tsí àŋa kàkó ríi? Bóyá, ó wà wo kó ǹɖe ńɖi-àŋa, tsí kó lɔ ńǹlú-òmírɛ̃̀ ŋa, ńǹlú yèé ŋa ɔma-Ìyúɖà ŋa túùnkã́ lɔ si#ɛ́, tsí kó tsɛ̀kɔ́ fú ŋa, tsí tsɛ̀kɔ́ fú ɛnɛ yèé kò dzɛ́ ɔma-Ìyúɖà ŋa#á gbo. 36Bí kò tsi bɛ́ɛ̀#ɛ́, kíbí ó wà fɔ̀ ní: “À nákó wo òŋu, tsí à kàkó rí òŋu”, òŋu “ńbí òŋu nákó wà si#ɛ́, àŋa kàkó nyáa lɔ bɛ̀#ɛ́”, òkpì‐ɛ̀ fáà?
37Nɔ́ɖɔ̃́#ɛ́, ɔdzɔ́-ìtã̀ntã́‐ɛ̀ náa kpã́dzú láre ɔdzɔ́-àtíbɔ̀ ŋa kpó. Ńbɛ̀ɛ́, kíbí ɔdzɔ́ nyɛ̀ŋɛ̀ tó#ɛ́, Yèésù ǹɖe ɖóro ńwádzú-èrò#ɛ́, tsí wà wíìnyɛ̀ ɖúgbe, àtsùgbée ɔ̀nyà kpó kó gbɔ́. Tsí ó ní: Bí àŋgbɛ̃ wà gbɛ̃ ɔ̀nyà-kã̀, ni kó wá ńɖɔ̀-òŋu, tsí kó wáa mɔmi. 38Ó ɖi, bí ɔ̀nyà-kã̀ gba òŋu gbɔ́, kíbí à kɔɔ́ si ńǸwé-Ɔ̀ɖáyé†#ɛ́, nákó lɔ fúu bɛ́ɛ̀: “Omi nákó wà bɔ́ ńnɔ́‐ɛ̀ kíbí omi náa bɔ́ néwo-oɖò bɛ́#ɛ́, tsí omi#ɛ́ nákó wà fúnɛ náàyɛ̀.”
39Afɔ̀ yèé Yèésù wà fɔ̀ bɛ́ɛ̀#ɛ́, afɔ̀-Mímí-Ɔ̀ɖáyé† ní ó wà fɔ̀#ɛ́. Bí ɔ̀nyà-kã̀ gba Yèésù gbɔ́#ɛ́, Ɔ̀ɖáyé nákó tse tsí Mímí‐ɛ̀ nákó tì wɔ̀ ńǹtá-ɛnɛ nyɛ̀ŋɛ̀. Ó ɖi, ńǹwèrè nyɛ̀ŋɛ̀#ɛ́, Ɔ̀ɖáyé kò tse tsí Mímí‐ɛ̀#ɛ́ kó tì wɔ̀ ńǹtá-ŋa wòná. Iŋɛ́ yèé tse#ɛ́, Yèésù kò lɔ nɔ́ɔ̀rɔ̃ ńɖi-Boba‐ɛ̀ wòná.
40Kíbí à gbɔ́ afɔ̀ nyɛ̀ŋɛ̀#ɛ́, ɔ̀nyà kã̀ŋa wà fɔ̀ ní: Ìɖéǹɖè#ɛ́, Agbáfɔ̀-Ɔ̀ɖáyé fɔ̀†, ɛnɛ yèé odzú-àŋa wà nɔ́ɔ̀nà si fú ní nákó wá#á ní.
41Tsí ɔ̀nyà kã̀ŋa gbo wà fɔ̀ ní: Òò, Kírísítò ni.
Tsí olòmírɛ̃̀ ŋa gìɖì wà dzìnyà, tsí wà fɔ̀ ní: Kírísítò nákó nyáa ti ńGàlìléè? 42Ó ɖi, à kɔ si ńǸwé-Ɔ̀ɖáyé ní Kírísítò nákó dzɛ́ ɔmalɔ́ma-ólú Ɖàfíɖì†, tsí nákó ti ńBɛ̀tɛ̀lɛ̀hɛ́mì, ìlú-Ɖàfíɖì òŋu ká‐ɛ̀ ni nɔ̀!
43Ńbɛ̀ɛ́, ìsérè-ɔ̀nyà ŋa kpɛ̃́ náàtsùgbé-Yèésù. 44Tsí ɔ̀nyà kã̀ŋa wà wo ká múu. Ó ɖi, ɔ̀nyà-kã̀ kpókpó kò sì nyáa mɔ́wɔ́ kã̀ã́.
45Ńbɛ̀ɛ́, àɖèlé-ilé-Ɔ̀ɖáyé ŋa#á sɛ̃̀ lɔ ńɖi-onùgbó-atsɛbɔ-Ɔ̀ɖáyé ŋa òŋu ɔma-ɛgbɛ́-Fàrísì ŋa#á. Tsí à wà bèrè ŋá ní: Kí tse tsí à kò mú Yèésù wá?
46Tsí àɖèlé ŋa#á wà wí fú ŋa ní: Àŋa kò rí ɔ̀nyà-kã̀, tsí kó wíìnyɛ̀ bɛ́ɛ̀ wòrí.
47Tsí ɔma-ɛgbɛ́-Fàrísì ŋa#á wà bèrè ŋá ní: Àŋa gbo, à dzɛ́, tsí Yèésù rú ŋaà? 48À rí onùgbó-ɔma-Ìyúɖà ŋa-kã̀ nàmí ɔma-ɛgbɛ́-Fàrísì-kã̀, tsí ó gbàá gbɔ́ wòríì? 49Ó ɖi, ɔ̀nyà ɛ̀gbɛ̀lɛ́ɛ̀gbɛ̀ nyɛ̀ŋɛ̀#ɛ́, à kò ma ɛkpa-Ɔ̀ɖáyé†, tsí Ɔ̀ɖáyé ré fú ŋa, tsí ó má ŋa si.
50Ńbɛ̀ɛ́, ɔ̀nyà-kã̀ wà náàŋírĩ-onùgbó-ɔma-Ìyúɖà ŋa#á, tsí à náa kpèé ní Nìkòɖɛ́mì. Òŋu ní wáa lɔ káà rí Yèésù ńǹwèrè-kã̀ dzɔ̀ɔ́ dzɔ̀ɔ́#ɛ́. Tsí ó ǹɖe, tsí wà wí fú ŋa ní: 51Ńnɔ́-ɛkpa-àŋa#á, kò wà ní àŋa kó ɖáàbi fú ɔ̀nyà-kã̀ náàrìmáa gbɔ́ afɔ̀-arũ‐ɛ̀ nàmí náàrì ma iŋɛ́ yèé ó tse#ɛ́.
52Tsí ɛnɛ-àtíbɔ̀ ŋa wà bèrèé ní: Òŋu gbo dzɛ́ ɔma-Gàlìlé ŋa niì? Ó ɖi, kó tã inɔ́-Ìwé-Ɔ̀ɖáyé† wò rere. Nákó rí ní agbáfɔ̀-Ɔ̀ɖáyé fɔ̀-kã̀ kàkó nyáa ti ńGàlìlé láyé.
Ɔnɔbɛ̃̀ɛ̃-kã̀ káà tsolè sũ̀ ńɖi-ɔkɔ, tsí à múu, tsí gbɛ̃́ɛ̃ wá fú Yèésù
[ 53Ńbɛ̀ɛ́, ɛnɛ kṹnukṹ ǹɖe, tsí dzì nɔ́ɔ̀nà-ilé‐ɛ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.