Mateus 15
15
L que ye ampuro i l que torna un home ampuro
(Marcos 7,1–13)
1Anton benírun, zde Jarusalen, a tener cun Jasus fariseus i scribas i dezírun-le: 2«Porquei ls tous deciplos nun guárdan las questumes de ls antigos? Eilhes nun lhában las manos quando cómen pan.» 3Anton el respundiu-le, dezindo: «I bós, porquei nun guardais l mandamento de Dius por bias de la buossa questume? 4Porque Dius dixo: Respeita a tou pai i a tue mai i Quien amaldiçonar l pai ou la mai, debe de ser castigado cula muorte. 5Mas bós dezis: “Quien le dezir al pai ou a la mai: Qualquiera cousa cun que you bos podira ajudar, ye ũa oufierta sagrada, 6nun stará oubrigado a respeitar l pai”; i tirestes-le l balor a la palabra de Dius por bias de la buossa questume. 7Falsos! Bien porfetizou subre bós Eisaías, dezindo:
8 Este pobo honra-me cun palabras,
mas l coraçon deilhes stá loinge de mi;
9 Ye ambalde que me adóran,
ansinando doutrinas
que son leis de ls homes.»
10I chamando l pobo para acerca del, dixo-le: «Oubi i antendei: 11Nun ye l que entra pula boca que fai un home ampuro, mas l que sal de la boca, esso si torna un home ampuro!» 12Apuis, ls deciplos achegórun-se a el i dezírun-le: «Queda sabendo que ls fariseus, quando oubírun las tues palabras, quedórun scandelizados.» 13Mas el respundiu-le dezindo: «Qualquiera arble que miu Pai celhestre nun puso, será arrincada. 14Deixai-los: son ciegos guias de ciegos. I se un ciego guia outro ciego, dambos a dous s’ambolcaran para ũa fóia.» 15Anton, Pedro respundiu-le, dezindo: «Splica-mos essa parábola.» 16Mas el dixo-le: «Tamien bós stais sien antendimiento? 17Nun antendeis que las cousas que éntran pula boca, ban pa la barriga i sálen a campo nun sítio scundido? 18Mas las cousas que sálen de la boca, bénen de l coraçon i eilhas fáien un home ampuro. 19Porque ye de l coraçon que sálen ls malos pensamientos, las muortes, ls adultérios, ls anganhos, ls roubos, ls falsos teçtemunhos, las malas palabras. 20Estas son las cousas que fáien un home ampuro, mas quemer culas manos por lhabar nun fai un home ampuro.»
Pedido de la mulhier cananeia
(Marcos 7,24–30)
21Jasus, salindo deilhi, fui-se pa ls lhados de Tiro i de Sidónia. 22Anton, ũa mulhier cananeia, benida daquel termo, ampeçou a boziar dezindo: «Tenei piadade de mi, Senhor, Filho de Dabide: la mie filha stá mui mal, atermentada por un demonho.» 23Mas el nun le respundiu nien ui nien ai. Ls deciplos, achegando-se a el, pedien-le, dezindo: «Çpacha-la, que ben a boziar atrás de nós.» 24El, anton, respundiu-le, dezindo: «You nun fui ambiado a nun ser pa las canhonas que se perdírun de la casa d’Eisrael.» 25Mas eilha bieno i botou-se por tierra delantre del, dezindo: «Senhor, balei-me!» 26El respundiu-le: «Nun ye cousa buona tirá-le l pan als filhos i botá-se-lo als perros.» 27Mas eilha dixo-le: «Mas, Senhor, tamien ls perricos cómen las forfalhas que se cáien de la mesa de ls sous duonhos.» 28Anton, respundendo-le, Jasus dixo-le: «Á mulhier, grande ye la tue fé! Faga-se tal i qual cumo tu quieres.» I zde aqueilha mesma hora, la filha deilha quedou sana.
Muitos malos son curados
29Jasus saliu daqueilha tierra i fui-se para acerca l mar de la Galileia. Chubiu-se a un cabeço i sentou-se alhá. 30I benírun a tener cun el grandes juntouros de pessonas que traien cun eilhas tolhidos, ciegos, mancos, tatos i mais que you sei alhá i atirórun cun eilhes als pies del i sanou-los. 31De modo que todos quedában admirados al ber ls tatos a falar, ls mancos sanos, ls tolhidos a andar i ls ciegos a ber. I dában grácias al Dius d’Eisrael.
Son fartadas quatro mil pessonas
(Marcos 8,1–10)
32Jasus, apuis, chamou ls sous deciplos i dixo-le: «Tengo pena desta giente, porque yá trés dies que ándan atrás de mi i nien raça ténen de quemer; i nun ls quiero ampuntar an ayunas, nun le baia a dar ũa fraqueza pul camino.» 33Dízen-le, anton, ls deciplos: «Adonde bamos a saber de pan, ne l zerto, que chegue pa le matar la fame a tanta giente?» 34Dixo-le Jasus: «Quantas fogaças teneis?» Eilhes respundírun-le: «Siete i alguns peixicos.» 35I dou-le orde a la giente pa que se sentara na tierra. 36Apuis, agarrou las sietes fogaças i ls peixes, agradeciu, partiu-los i dou-se-los als deciplos i ls deciplos al pobo. 37Quemírun todos até quedáren fartos i culs cachos que sobrórun anchírun siete cestas. 38Ls que quemírun éran quatro mil homes, sien cuntar cun mulhieres i garotos.
39Apuis de mandar ambora aquel juntouro de giente, chubiu-se nun barquito i fui-se pa l termo de Magadan.
Currently Selected:
Mateus 15: EM14
Highlight
Share
Copy
Want to have your highlights saved across all your devices? Sign up or sign in
Evangelhos em Mirandês © Sociedade Bíblica, 2014.
Mateus 15
15
L que ye ampuro i l que torna un home ampuro
(Marcos 7,1–13)
1Anton benírun, zde Jarusalen, a tener cun Jasus fariseus i scribas i dezírun-le: 2«Porquei ls tous deciplos nun guárdan las questumes de ls antigos? Eilhes nun lhában las manos quando cómen pan.» 3Anton el respundiu-le, dezindo: «I bós, porquei nun guardais l mandamento de Dius por bias de la buossa questume? 4Porque Dius dixo: Respeita a tou pai i a tue mai i Quien amaldiçonar l pai ou la mai, debe de ser castigado cula muorte. 5Mas bós dezis: “Quien le dezir al pai ou a la mai: Qualquiera cousa cun que you bos podira ajudar, ye ũa oufierta sagrada, 6nun stará oubrigado a respeitar l pai”; i tirestes-le l balor a la palabra de Dius por bias de la buossa questume. 7Falsos! Bien porfetizou subre bós Eisaías, dezindo:
8 Este pobo honra-me cun palabras,
mas l coraçon deilhes stá loinge de mi;
9 Ye ambalde que me adóran,
ansinando doutrinas
que son leis de ls homes.»
10I chamando l pobo para acerca del, dixo-le: «Oubi i antendei: 11Nun ye l que entra pula boca que fai un home ampuro, mas l que sal de la boca, esso si torna un home ampuro!» 12Apuis, ls deciplos achegórun-se a el i dezírun-le: «Queda sabendo que ls fariseus, quando oubírun las tues palabras, quedórun scandelizados.» 13Mas el respundiu-le dezindo: «Qualquiera arble que miu Pai celhestre nun puso, será arrincada. 14Deixai-los: son ciegos guias de ciegos. I se un ciego guia outro ciego, dambos a dous s’ambolcaran para ũa fóia.» 15Anton, Pedro respundiu-le, dezindo: «Splica-mos essa parábola.» 16Mas el dixo-le: «Tamien bós stais sien antendimiento? 17Nun antendeis que las cousas que éntran pula boca, ban pa la barriga i sálen a campo nun sítio scundido? 18Mas las cousas que sálen de la boca, bénen de l coraçon i eilhas fáien un home ampuro. 19Porque ye de l coraçon que sálen ls malos pensamientos, las muortes, ls adultérios, ls anganhos, ls roubos, ls falsos teçtemunhos, las malas palabras. 20Estas son las cousas que fáien un home ampuro, mas quemer culas manos por lhabar nun fai un home ampuro.»
Pedido de la mulhier cananeia
(Marcos 7,24–30)
21Jasus, salindo deilhi, fui-se pa ls lhados de Tiro i de Sidónia. 22Anton, ũa mulhier cananeia, benida daquel termo, ampeçou a boziar dezindo: «Tenei piadade de mi, Senhor, Filho de Dabide: la mie filha stá mui mal, atermentada por un demonho.» 23Mas el nun le respundiu nien ui nien ai. Ls deciplos, achegando-se a el, pedien-le, dezindo: «Çpacha-la, que ben a boziar atrás de nós.» 24El, anton, respundiu-le, dezindo: «You nun fui ambiado a nun ser pa las canhonas que se perdírun de la casa d’Eisrael.» 25Mas eilha bieno i botou-se por tierra delantre del, dezindo: «Senhor, balei-me!» 26El respundiu-le: «Nun ye cousa buona tirá-le l pan als filhos i botá-se-lo als perros.» 27Mas eilha dixo-le: «Mas, Senhor, tamien ls perricos cómen las forfalhas que se cáien de la mesa de ls sous duonhos.» 28Anton, respundendo-le, Jasus dixo-le: «Á mulhier, grande ye la tue fé! Faga-se tal i qual cumo tu quieres.» I zde aqueilha mesma hora, la filha deilha quedou sana.
Muitos malos son curados
29Jasus saliu daqueilha tierra i fui-se para acerca l mar de la Galileia. Chubiu-se a un cabeço i sentou-se alhá. 30I benírun a tener cun el grandes juntouros de pessonas que traien cun eilhas tolhidos, ciegos, mancos, tatos i mais que you sei alhá i atirórun cun eilhes als pies del i sanou-los. 31De modo que todos quedában admirados al ber ls tatos a falar, ls mancos sanos, ls tolhidos a andar i ls ciegos a ber. I dában grácias al Dius d’Eisrael.
Son fartadas quatro mil pessonas
(Marcos 8,1–10)
32Jasus, apuis, chamou ls sous deciplos i dixo-le: «Tengo pena desta giente, porque yá trés dies que ándan atrás de mi i nien raça ténen de quemer; i nun ls quiero ampuntar an ayunas, nun le baia a dar ũa fraqueza pul camino.» 33Dízen-le, anton, ls deciplos: «Adonde bamos a saber de pan, ne l zerto, que chegue pa le matar la fame a tanta giente?» 34Dixo-le Jasus: «Quantas fogaças teneis?» Eilhes respundírun-le: «Siete i alguns peixicos.» 35I dou-le orde a la giente pa que se sentara na tierra. 36Apuis, agarrou las sietes fogaças i ls peixes, agradeciu, partiu-los i dou-se-los als deciplos i ls deciplos al pobo. 37Quemírun todos até quedáren fartos i culs cachos que sobrórun anchírun siete cestas. 38Ls que quemírun éran quatro mil homes, sien cuntar cun mulhieres i garotos.
39Apuis de mandar ambora aquel juntouro de giente, chubiu-se nun barquito i fui-se pa l termo de Magadan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Evangelhos em Mirandês © Sociedade Bíblica, 2014.