Mathayo 16
16
1Ku bɔ Parithai kene Thadokai, ku themki, thiecki bi ke nyuɔth cin nhial. 2Go dhuk yook keek, Ye na yee thei, ke we jam, Wuɔ kabi yiel: ne kethiith tɔ nhial. 3Na ye run, ke wuɔ kabi tuɛny ne yekole; ne kethiith tɔ nhial ku kecol. We ye jier nhial ayaka nyic, ku yaka ciit ke run kuc. 4Kuan rac ku kuan mekor ee cit kɔɔr; ku kacin cin bi yiɛn ke, ee cin de Jona. Ku wɛɛn ke, ku jiɛl.
5Go kɔcpiocke lɔ lɔŋti, ku cik monoi ruɔi. 6Go Yecu ke yɔɔk, Ye yaka roth ŋem ne awuro de Parithai ku Thadokai. 7Goki teer ne gupken, jamki, Yi kacin monoi cukke bɛi. 8Go Yecu nyic, ku jiɛm, Ye we kɔc koore gamke, yeŋo teer we ne roth ne ke cin we monoi? 9Kɛnka guɔ nyic, ku kɛnka wenhiim ciɛt ne monoi keedhiec ke bianabur dhiec, ku cak akuɔp laar keede? 10Ku monoi keedherou ke bianabur ŋuan, cak akuɔp laar keede? 11Yeŋo ci we ye ye nyic, wuɔ kace jam ne monoi? Yaka roth ŋem ne awuro de Parithai ku Thadokai. 12Goki jal dot, lan cen ke lek ne awuro de monoi, ee awuro de pioc e Parithai ku Thadokai.
13Na ci Yecu bɛn piny de Kaithareia de Pilip, ke thiec kɔcpiocke, jiɛm, Ye ye kɔc Wen de raan cɔk ye ŋa? 14Goki, Yi ka yee kɔk luel yi ye Jɔn Baptith; ku luel kɔk yi ye Elija; ku luel kɔk yi ye Jeremia, ka yee toŋ de nebii. 15Go ke thiec, Ye yaka luel wuɔ ya ŋa? 16Go Thimon Petero dhuk jiɛm, Ye yin ye Kritho, Wen de Nhialiny ye piir. 17Go Yecu dhuk yook, Ye yin ci thiei, Thimon Barjona: acie riŋ ku riɛm kek ke nyuth e yin, ee Awa man tɔ pan nhial. 18Ku yin yɔɔk, Ya yin Petero, yekuure aban kanithadie buth ne yenom; ku kacii riɛr de pan de tip ke kɔc bi ya leu ne tiɛm. 19Ku yin ba yiɛn muktaar ke ceŋ de pan nhial: ku ke ba ya deer piiny abi ya deer pan nhial: ku ke ba ya lony piiny abi ya lony pan nhial. 20Go kɔcpiocke lom thook duɔke cin ran bik lɛk e yi ke Kritho.
21Yekole aci Yecu kɔcpiocke gɔl ne nyuuth ne lɔ ben rɔt dhiɛɛl Jeruthalem, ku bi kajuec ke roordit, ku bany ke ka ke Nhialic, ku dugɛɛr, bi ke guum, ku bi nɔk, ku bi rɔt bɛɛr jɔt ne kol e diak. 22Go Petero loom, ku wɛɛi, jiɛm, Ye kabi mɛc ke yi, Bɛny: yekene aci kɔn bɛn enɔŋ yin. 23Go rɔt wel, ku yook Petero, Ye waane rɔt ne ɣakɔu, Catan: yin ye ke yan kɔth: ne tɛŋ yin ka ke kɔc tak, ku cie ka ke Nhialic. 24Go Yecu kɔcpiocke yɔɔk, Ye na ye raan piɔu naŋ bɛn ne acok, ke ne ye rɔt nyɔŋ, ku ye tiɛm ageerde jɔt, ku yee ɣa biɔth. 25Raan ebɛn ran ye piɔu naŋ luɛk weike abi weike wuɔc: ku raan ebɛn ran ye weike wuɔc ne ɣan abi weike yok. 26Piɛth yede te dhole raan piny nom ku mɛr weike? bi weike waar ne ŋo? 27Wen de raan abi bɛn ne nuɔm de Wun kene malaikaike; ku bi raan ebɛn tɛk ne luɔide. 28We ya yɔɔk neyic, Ya kɔc kɔk kaac ne keekɔcke yic, aaci thou bi yok, agut te bik kek Wen de raan ŋem ne bɔ ne ceŋdeic.
Currently Selected:
Mathayo 16: LEKJOT
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1940, 2017
Learn More About Lek Jot de Jecu Kritho 1940
