Mathayo 27

1Ɣɔn miakdur, ke bany dit ke ka ke Nhialic ku roordit ke kɔc, e ke jiɛm roth ne ke bik kek Yecu cɔk thou: 2ku derki, ku thelki, yinki Pilato gabana.

3Na ci Judath, man e nyiin yen, ye ŋem ne ci luɔkwei, go yepiɔu wel ku dhuk riɛl nhiim keethiɛrdiak dhuk ke bany dit ke ka ke Nhialic, ku roordit, 4jiɛm, Ye ɣan ci kerac loi ne nyiin can riɛm cin awac nyiɛn. Goki jam, Yi loi yede enɔŋ wɔ? Ee kedu. 5Go riɛr cuat telajik, ku jiɛl; le rɔt ruɔk. 6Go bany dit ke ka ke Nhialic riɛr loom, ku jamki, Yi kaci piath bi ke taau ne baŋkiic, ne kee cene ke ɣaac ne riɛm de raan. 7Goki roth jaam, ku ɣɔcki dom de mecueny de tony ne keek, bene alɛi ya thiɔk thin. 8Yedome ee bi ya cɔɔl, Dom de riɛm, agut ci yekole. 9Go ke ci luel ne Jeremia nebi ya yic, jiɛm, Ye kaa riɛl keethiɛrdiak loom, riɛr ye ciin de yen man ci kek ciinde kueen, yen yen man ci kɔc ke Yithrael ciinde kueen; 10ku ɣɔɔc kek ke dom de mecueny de tony, ci man e ci Bɛnydit ye lɛk ɣa.

11Go Yecu kɔɔc ne gabana nom: ku thiec ne gabana, jiɛm, Ye ye Meleŋ de Judai? Go Yecu luel, Ye yenekee ke ca luele. 12Te cene ye guɛɛl ne bany dit ke ka ke Nhialic ku roordit, ke cin ke dhuk. 13Go Pilato thiec, Ye kɛne kajuec gueele ke yin piŋ? 14Go ciɛn ke dhuk en, acin wɛt tok: go gabana go gai areet. 15Na ye miɛth dit ke gabana ee ran toŋ ci mac luɔny duut, ran de kepiɔth. 16Ku tɔ ran nyic tɔ ɣon de dom, ran cɔl Barabath. 17Ɣɔn acik gueer, e ke thiec Pilato keek, Ye yeŋa nɔŋ we piɔth ba luɔny week? Ye Barabath ka ye Yecu, man ye cɔɔl Kritho? 18Anyic ke cik yiɛn en ne man mɛɛn kek yen. 19Te ŋoot en ke rɛɛr ne thony de luɔk nom, ke tuce ne tiŋde, jiɛm, Ye duɔne nɔŋ ke luɔine yeran lajiŋe: an ci kajuec guum ne yekole ne nyuɔth ne yen. 20Go bany dit ke ka ke Nhialic ku roordit duut kɔɔk nom kɔrki Barabath, ku nɛk Yecu. 21Go gabana dhuk, thiec keek, Ye yeŋa ne ke keerou ba luɔny we? Goki yi Barabath. 22Go Pilato ke thiec, Ye ba Yecu loi yade man ye cɔɔl Kritho? Goki jam kedhia, Yi ne piɛte. 23Go ke thiec, Ye yeŋo, ye kerɛɛc ŋo ci loi? Goki coot areet, jamki, Yi ne piɛte. 24Na ci Pilato ye ŋem, go ciɛn ke loi, ku lɔ ajaak ke bɔ, go piu loom, ku piny yeciin ne duut nom, jiɛm, Ye an liu ne riɛm de yeran lajiŋeic: ŋemka ne gupkuɔn. 25Go raan ebɛn dhuk, jiɛm, Ye riɛmde abi ya tɔ ne wɔyeth ku wɛɛtkuɔ. 26Go ke luɔny Barabath: ku dui Yecu, ku yin ke bik lɔ piat.

27Go lathkeer ke gabana goki Yecu laar luaŋ de bɛny, ku kuut rem yenom ebɛn ne yen. 28Ku luunyki alɛthke bei, ku piothki ne alanh bɛɛr thith. 29Ku naiki gol de kuɔth, ku tɛɛuki ne yenom, ku aruɔr ne ciɛn cuenyde; ku tukki kenhiɔl ne yenom, ku buiki, jamki, Yi mathe, Meleŋ de Judai! 30Ku ŋuutki, ku lomki aruɔr yup kek yenom. 31Na ci ye jal bui, e ke luuny alanh baar bei, ku piothki ne alɛthke, ku thelki wei bik lɔ piat.

32Na yi biki bei, e ke yok muɔny Kurene cɔl Thimon: goki cɔk lɔ ke ke bi tiɛm ageerde ɣaac. 33Na cik ɣet te cɔl Golgotha, luelde ee Te de apet, 34ke yinki piukeabiɛi cike liap kene keth: go ye thieep ke reec ne dek, 35Na cik ye piat, e ke tek roth alɛthke, cɔrki ne keek: bi ke ci luel ne nebi bi ya yic, Ye kaa roth tɛk alɛthcie, ku cɔrki ne kedien de ceŋ. 36Ku nyuucki eeti dɛɛiki ne yen. 37Ku gɛɛrki guelde nhial, ya yekene kee yecu meleŋ de judai. 38Ku rueny keerou aa piat kene yen, tok cuec, ku tok ciɛm. 39Ku bui ne ciɛth yiki kenhiim bɛŋ, 40jamki, Yi yin ye yekalu riɔɔk, ku yee bɛɛr yik ne akol keediak, luak rɔt: te yin Wen de Nhialic, ke yin bar bei ne tiɛm ageer kɔu. 41Ku bui eya yala ne bany dit ke ka ke Nhialic ku dugɛɛr ku roordit, jamki, 42Yi kee kɔc kɔk luɔk; ku cii rɔt ye leu ne luak. Yeneka ye Meleŋ de Yithraelne; ne bɔ bei emane ne tiɛm ageer kɔu, ku kabuk gam. 43Ee rɔt gɛi Nhialic; ne luɛk emane, te kɔɔr en en: ee jam, Ye ɣan ye Wen de Nhialic. 44Ku rueny cike piat kene yen eya, aa ye bui yiya.

45Ɣɔn ne thaa de dhetem ke piny col agut en dheŋuan. 46Na jɔl ye ye thaa dheŋuan ke Yecu cot areet, jiɛm, Ye Eli, Eli, lama thabakthani? te luele ye, ke ye Nhialinydie, Nhialinydie, yeŋo nyiɛŋ yin ɣa wei? 47Go kɔc kɔk ke keek kaac eeti, te cik kek ye piŋ, goki jam, Yi yerane acɔl Elija. 48Go ran toŋ de keek dac riŋ nelantoŋtɛi, ku loom ponj, ku jool ne binegaric, ku tɛɛu ne aruɔr nom, ku yin en bi dek. 49Ku jam kɔk, Yi ne tɔ; ŋemku lan bii Elija bɛn bi luɔk. 50Go Yecu bɛɛr coot ne ror dit, ku gɛm tiɛpde. 51Ku ŋemka, alanh diit de yekalu ee yic rɛɛt ciɛk ne yenom gut piny; ku met piny rɔt, ku ɣar kur yic; 52ku liep rɛŋ liepki roth; ku jɔt gup juec ke kɔc lajik ci thou jɔtki roth; 53ku biki bei ne rɛŋ yic te cen rɔt jɔt, ku leki pan lajik, yiki tuɔl enɔŋ kɔc juec. 54Go bɛny de rem, kene kɔc tɔ kene yen, daai ne Yecu, te cik kek piny ŋem ne mɛt, ku ka cike loi, e ke riɔc areet, jamki, Yi kee ye Wen de Nhialic neyic. 55Ku diar juec aatɔ eeti, dɛɛiki ne yen, diar eke kueny Yecu cok ne Galili, ye ye luɔi: 56yi Mari Magdalene, ku Mari man e Jakob ku Jothe, ku man e wɛɛt ke Dhebedayo.

57Ɣɔn thei ke ran nɔŋ kaŋ ke bɔ ne Arimathaya, ran cɔl Jothep, ee ye ranpioce Yecu eya: 58ku leer enɔŋ Pilato, thiec guɔp de Yecu. Go Pilato luel bi yiɛn en. 59Go Jothep guɔp laar, ku duut ne alanh linon ɣer, 60ku lee taau ne raŋden jotic, ci guaŋ ne kuuric: ku leer kuur dit ne raŋ thok, ku jiɛl. 61Ku tɔ Mari Magdalene thin, ku Mari dɛne, reerki ne raŋ nom.

62Ɣɔn miak, ke ye kol biɔth kol de Juɛr, go bany dit ke ka ke Nhialic ku Parithai gueer enɔŋ Pilato, 63jamki, Yi Bɛny, acuk tak, dudhum ee ci jam, ke ŋoot ke piir, Ye na ci akol ya diak, ke an bi rɔt bɛɛr jɔt. 64Yen luel wu raŋ abene nyiin tiit agut en akol keediak, kɛlke kɔckek piocke bi yen bɛn, ku kuɛlki wei, ku yookki kɔc, Yi kee rɔt jɔt ne thouic: ke awany ciɛn abi awany tueŋ wuɔr. 65Go ke yɔɔk ne Pilato, Ye we nɔŋ dutiit: laka, la luɔika ke lɛuka. 66Goki lɔ ku cɔkki raŋ ye tiit, ku tɛɛuki cin de adok ne kuur nom, ku tɔ dutiit kene keek.

Currently Selected:

Mathayo 27: LEKJOT

Highlight

Copy