Nisikawlane 1
1
1Mabelenge ka Thiwpilu:
Ikai kwidra ki aswalala ku pacaseli ku hungu, matiakainga naku patuelre ku takaungane si tabulrwane ki Yesu, twalai ku tapathagilaneini kaungu, 2pakeela ku takipusubelebelenganeini, nipacasanenga pelaela. Sa kaiana kipusubelebelenge, makaalra ku pelaela pangukai ki puku ki Siri si baai kudra ki pilrini ka lanisikawlane. 3Sa kipapacainga si ikai ki tinara masupatelane ka vai, nakingikalrale mutaluvaivai adrelane liniane, arakai ku makaelaela ku tapangimiane ngipapelaela ala ka panianiake, la pelaela matikai liniane ku patharukai ki kuni ki Twaumase. 4Kwini lalasu sataelreana#1.4 “Kwini lalasu sataelreana” ku wahunyake madu iya kai “Kai lasu sataelre liniane kalringulringulu”., ku Yesu peaelaela liniane iya kai, “Madha katwatwase kidaili Yerusalrime, singikaiya kudra nataiyaneli numiane, ukalavalava kudra nipalrainganenga ka abaadhane ki Ama. 5Ku Yuhani arakai ku acilai pabanau, ai kunumi kai lri maka pialenga ku vai si lai lri kipabanau numi ki Siri.”
Ku Yesu kiatarumara kipusubelebelenge
6Ku lanisikawlane si Yesu sa yelrelre, kiavaga ki Yesu iya kai, “Tamatama, lri kamaninga kikai ku apasiwlrianesu ku puku ki kuni ki swa Iseraylri?”
7Ku Yesu la iya kai liniane, “Kudra zikange si vai Ama ka lri singikai ku pukuini kelrete, kaika athingalane numi. 8Ai ku Siri lu mulebe mwa numiane, lri kisuete numi ku puku, si ikai Yerusalrime, Yuda kidruanga, si Samaria palraelre, pakela sanaka ininiinunga kai kawmasane, pasikaikai nakwane akasi.” 9Sa maka kawrivanga kikai vaga, ku Yesu la ikai cucubungu ki maca lini kimalra pusubelebelenge; yakai ku vaeva ku ememe ku wakabungu liniane, la kai maka drelenga kwini lalasu.
10Ku Yesu sa katwasenga, kwini lalasu yacengecenge paswabelenge drele. La pangitutuluku, ikai ku tadrusa ku umawmase sialaimai ku lrawlrapungu ku laimai si acegecege ikai thili liniane, 11la iya kai, “Swa Galrilri, anu acegecege ikai kai si dredrele belenge? Ki kikai matwase numiane, si kimalra pusubelebelenge ka Yesu, wadrele numi ku tapianeini musubelebelenge, lai lri mialri tungimiyaiya kainganai.”
Amani ku mwabalrithi ki Yuda
12Ku lanisikawlane twalai Ulrive lregelrege si siwlri mwa Yerusalrime; ku tadailane ki Ulrive lregelrege ki cekele lri ikaai kau vaeva ka kunlri. 13Kwini lalasu sa mucekele, la mubelenge mwa ki nikai ka taikaikaiyane lini; ikai kwini yakai ku Pitiru, Yuhani, Yakubu si Anederiu, Pilripi si Tumase, Barethulumiu si Matai, Yakubu ka lalake ki Alepaiuse, Simune ka Cicintu, si Yuda ka lalake ki Yakubu. 14Kwini lalasu tayelrelrelreeane si masiasiasilange ku kidremedreme inulri, ikai liniane yakai ku tapiya ku labaibai si tina ki Yesu ka Malria, si labetakane ki Yesu.
15Sangilribatenga ku minaka pialane ku vai yakai ku tayelrelreane ki lasinzia, lri ikai ku ta 120 ku kiapaelre. Ku Pitiru la acegecege si iya kai, 16“Laretesane! Ku Siri pangwakai ki ngudui ki Davidi si pikai ki Sisiu sakalai ku ngwakai ki Yuda ku taililukaneini ki umawmase si pwalra ki Yesu yai lri tara ngimia. 17Kai Yuda ku patengatengane kiapilri kipaelre siamece kai awnganeta, ka amani ku papalrata.”
18(Ku Yuda arakai ku ngilisiananeini kipaisu si langai ku taingeane ku kadaengane; la ikai kwini, tubakebake apece, la kalutu ku barangeini si ababuru pacai. 19Ku Yakai kai Yerusalrime ku umawmase kialalra makanaelre ki kikai ngwakai kai, lakamani lu arakaiyane ku vaga lini kwini kadaengane sia Akeledama, ku pacugane “Erai ka umawma” amia.)
20Mararaamau ku tapacasane ikai ki Lasenai:
Ani akinaburukane ku daaneini,
ka kadrwa ku umawmase ku yakaikai daane.
La ikaiyana ku taluvaale ku amia kai pacase:
Ku palrapalra ani ubalrithi ku takipuawngananeini.
21-22Ku Pitiru la pacungulu iya kai, “Ngwalai kikai, lri tara ikai ku drumane ku tangea ku wadrima mitane, si tupapalra ka amani ku peaelaelaela pangukai ki Tamatama ka siaela ka Kirisitu. Kikai umawmase lukamaani kudra sa ikaiyana mitane ku Yesu, twalai sapathagili pabanau ku Yuhani pakela sa kimalra pusubelebelenge ku Yesu, ikai kwini ka taikaiyane tupapapalra mitane.”
23Ku laumawmase ala pilri ku tadrusa ku umawmase, amani ku Yusepe (ku kisunaganeini ku drumane sia Baresabase, la si Yusetu) si Mathiase. 24Kwini lalasu wainulri iya kai, “Tamatama, wathingalesu ku kidremedreme sanaka aneanenga; ala pelaela naiane, kai ki tadrusa aneane ku pilrisu 25ku lri ubalrithi ku kipuawngane kikai ki nisikawlane. Kikai awngane ku Yuda wacilringa, si katwase mwa kudra ki lrika amwaneini.” 26Sa maka iyanga kikai, kwi lalasu la pilri ara pakiau, ikai kwini ki nagane ki tadrusa lakamani ku Mathiase ku kiapacengecenge; kwi lasu la mwanga kipaelre ki ta 11 ka lanisikawlane.
Currently Selected:
Nisikawlane 1: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Nisikawlane 1
1
1Mabelenge ka Thiwpilu:
Ikai kwidra ki aswalala ku pacaseli ku hungu, matiakainga naku patuelre ku takaungane si tabulrwane ki Yesu, twalai ku tapathagilaneini kaungu, 2pakeela ku takipusubelebelenganeini, nipacasanenga pelaela. Sa kaiana kipusubelebelenge, makaalra ku pelaela pangukai ki puku ki Siri si baai kudra ki pilrini ka lanisikawlane. 3Sa kipapacainga si ikai ki tinara masupatelane ka vai, nakingikalrale mutaluvaivai adrelane liniane, arakai ku makaelaela ku tapangimiane ngipapelaela ala ka panianiake, la pelaela matikai liniane ku patharukai ki kuni ki Twaumase. 4Kwini lalasu sataelreana#1.4 “Kwini lalasu sataelreana” ku wahunyake madu iya kai “Kai lasu sataelre liniane kalringulringulu”., ku Yesu peaelaela liniane iya kai, “Madha katwatwase kidaili Yerusalrime, singikaiya kudra nataiyaneli numiane, ukalavalava kudra nipalrainganenga ka abaadhane ki Ama. 5Ku Yuhani arakai ku acilai pabanau, ai kunumi kai lri maka pialenga ku vai si lai lri kipabanau numi ki Siri.”
Ku Yesu kiatarumara kipusubelebelenge
6Ku lanisikawlane si Yesu sa yelrelre, kiavaga ki Yesu iya kai, “Tamatama, lri kamaninga kikai ku apasiwlrianesu ku puku ki kuni ki swa Iseraylri?”
7Ku Yesu la iya kai liniane, “Kudra zikange si vai Ama ka lri singikai ku pukuini kelrete, kaika athingalane numi. 8Ai ku Siri lu mulebe mwa numiane, lri kisuete numi ku puku, si ikai Yerusalrime, Yuda kidruanga, si Samaria palraelre, pakela sanaka ininiinunga kai kawmasane, pasikaikai nakwane akasi.” 9Sa maka kawrivanga kikai vaga, ku Yesu la ikai cucubungu ki maca lini kimalra pusubelebelenge; yakai ku vaeva ku ememe ku wakabungu liniane, la kai maka drelenga kwini lalasu.
10Ku Yesu sa katwasenga, kwini lalasu yacengecenge paswabelenge drele. La pangitutuluku, ikai ku tadrusa ku umawmase sialaimai ku lrawlrapungu ku laimai si acegecege ikai thili liniane, 11la iya kai, “Swa Galrilri, anu acegecege ikai kai si dredrele belenge? Ki kikai matwase numiane, si kimalra pusubelebelenge ka Yesu, wadrele numi ku tapianeini musubelebelenge, lai lri mialri tungimiyaiya kainganai.”
Amani ku mwabalrithi ki Yuda
12Ku lanisikawlane twalai Ulrive lregelrege si siwlri mwa Yerusalrime; ku tadailane ki Ulrive lregelrege ki cekele lri ikaai kau vaeva ka kunlri. 13Kwini lalasu sa mucekele, la mubelenge mwa ki nikai ka taikaikaiyane lini; ikai kwini yakai ku Pitiru, Yuhani, Yakubu si Anederiu, Pilripi si Tumase, Barethulumiu si Matai, Yakubu ka lalake ki Alepaiuse, Simune ka Cicintu, si Yuda ka lalake ki Yakubu. 14Kwini lalasu tayelrelrelreeane si masiasiasilange ku kidremedreme inulri, ikai liniane yakai ku tapiya ku labaibai si tina ki Yesu ka Malria, si labetakane ki Yesu.
15Sangilribatenga ku minaka pialane ku vai yakai ku tayelrelreane ki lasinzia, lri ikai ku ta 120 ku kiapaelre. Ku Pitiru la acegecege si iya kai, 16“Laretesane! Ku Siri pangwakai ki ngudui ki Davidi si pikai ki Sisiu sakalai ku ngwakai ki Yuda ku taililukaneini ki umawmase si pwalra ki Yesu yai lri tara ngimia. 17Kai Yuda ku patengatengane kiapilri kipaelre siamece kai awnganeta, ka amani ku papalrata.”
18(Ku Yuda arakai ku ngilisiananeini kipaisu si langai ku taingeane ku kadaengane; la ikai kwini, tubakebake apece, la kalutu ku barangeini si ababuru pacai. 19Ku Yakai kai Yerusalrime ku umawmase kialalra makanaelre ki kikai ngwakai kai, lakamani lu arakaiyane ku vaga lini kwini kadaengane sia Akeledama, ku pacugane “Erai ka umawma” amia.)
20Mararaamau ku tapacasane ikai ki Lasenai:
Ani akinaburukane ku daaneini,
ka kadrwa ku umawmase ku yakaikai daane.
La ikaiyana ku taluvaale ku amia kai pacase:
Ku palrapalra ani ubalrithi ku takipuawngananeini.
21-22Ku Pitiru la pacungulu iya kai, “Ngwalai kikai, lri tara ikai ku drumane ku tangea ku wadrima mitane, si tupapalra ka amani ku peaelaelaela pangukai ki Tamatama ka siaela ka Kirisitu. Kikai umawmase lukamaani kudra sa ikaiyana mitane ku Yesu, twalai sapathagili pabanau ku Yuhani pakela sa kimalra pusubelebelenge ku Yesu, ikai kwini ka taikaiyane tupapapalra mitane.”
23Ku laumawmase ala pilri ku tadrusa ku umawmase, amani ku Yusepe (ku kisunaganeini ku drumane sia Baresabase, la si Yusetu) si Mathiase. 24Kwini lalasu wainulri iya kai, “Tamatama, wathingalesu ku kidremedreme sanaka aneanenga; ala pelaela naiane, kai ki tadrusa aneane ku pilrisu 25ku lri ubalrithi ku kipuawngane kikai ki nisikawlane. Kikai awngane ku Yuda wacilringa, si katwase mwa kudra ki lrika amwaneini.” 26Sa maka iyanga kikai, kwi lalasu la pilri ara pakiau, ikai kwini ki nagane ki tadrusa lakamani ku Mathiase ku kiapacengecenge; kwi lasu la mwanga kipaelre ki ta 11 ka lanisikawlane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017