Takatwasane Izipiti 3
3
Ku Twaumase wadawlu ki Musi
1Yakai saka minakavalane, ku Musi la pagwagu ku lakiu ki Yetheru ka tama ki labaibaini ka barakalai ki swa Midiange; la mailuku ku twaredelane ku lakiu lribate ki aenaenai ka Sinai, la mwa kwidra lregelrege ki Twaumase ka Hurebe. 2Ikai kwini, ku sasiakawlu ki Tamatama la mia ki wakelrakelrakelrabe ka apwi, singikai ki cecenekane ka angatu athingalane ki Musi. Ku Musi la drele kwini cecenekane sakulama, la kai kawtutu. 3La kidremedreme, “Ala matiasamali kikai, kikai cecenekane ka angatu ani kulamalama la kai kawtutu? Anau mwa drele!”
4Ku Tamatama la drele sa kirimu nau aru adeethe sa iya ku Musi, la twalai ki cecenekane ka angatu tawtau iniane, “Musi! Musi!”
La tubalre ku Musi, “Unu, kawvadhaku!”
5Ku Twaumase la iya kai, “Madha aru adedethe. Mwalra kwini kecesu! Asi lwiyane kwini taikaiyanesu acegecege saniange ka kadaengane. 6Amaniaku ku Twaumase ki cucungulanesu ka Aberahame, Isake, Yakubu.” Ku Musi la paidringi ku lringauini, mwakuludru drele ki Twaumase.
7Ku Tamatama la iya kai, “Wadrelengaku ku takipakwalriane ki kawkawluli ikai Izipiti; kialalranga naku ku tubitubi lini ku akimukerengane ki akipakwalriane. Wathingalaku ku sakwalrialri lini, 8lakamani ku mulebeli, ku apatwaladhane ki alrima ki swa Izipiti malra palribulu liniane, sangiluku liniane mwa kwidra ki malrange swaadrau ka kadaengane, mwalwalwaludru ku mireke si valu ka kadaengane: Kavai amani ku taikaiyane ki swa Kanange, Hite, Amuri, Perizi, Hivi si Yebuse ka laumawmase. 9Pwadriadringadhaku kilalra kwini tubitubi ki kawkawluli, si drele ku tapangimiamiane ki swa Izipiti dredrepete liniane. 10Kikai lri sikawlaku muswane mwa ki talialalai ki swa Izipiti; lu mwa malra iluku ki kawkawluli ka swa Iseraylri katwase Izipiti.”
11Ai ku Musi amia kai ki Twaumase, “Manemanaku? Anaku makatumane mwa Izipiti kwini ki talialalai, si malra ililuku ki swa Iseraylri mulatadre?”
12La tubalre ku Twaumase, “Lri tapalraku muswane. Lu ililukungasu ki swa Iseraylri mulatadre Izipiti, kunumi ikaiya kai sukubu nakwane. Kikai ala amani ku sapatuthingalane ku tasikawlaneli muswane.”
13Ku Musi la iya kai, “Lu mwaku pelaela ki swa Iseraylri, ‘Ku Twaumase ki cucungulane numi siakawlu nakwane kela kai numiane,’ lri iya kai kivaga, ‘Sia aneane ku naganeini?’ Kwini la lri tumanaiyaku pelaela liniane?”
14Ku Twaumase la iya kai, “Amaniaku kudra pathagilane si satwalrepenge ka magagemegeme#3.14 “Amaniaku kudra pathagilane si satwalrepenge ka magagemegeme” ku wahunyake madu iya kai “sakwaikai si kapalralrawthu ikai”, kikai si nagane ki Twaumase ki Hiburu “Yahwi” nau mangangimia amia ku lingau, kikai “Yahwi” ikai kai ki nihunyakane kai ki hungu kai “Tamatama” amia madu hunyake. Drela ki 3.15; 15.3.. Lu mwa pelaela liniane, ‘Kwidra sia pathagilane si satwalrepenge ka magagemegeme siakawlu nakwane kela kai.’ 15Tamatamaku, ka Twaumase ki cucungulane lini, ka Twaumase ki Aberahame, Isake, Yakubu. Siakawlaku muswane mwa liniane kavai, amani kikai ku naganeli, pakeela lumamilringi, ku lamwabaibalrithi lri makitu iya kai sunagane nakwane. 16Lu mwa sarubu ki kiacapili ki swa Iseraylri, pelaela liniane: Kunaku ka yabelenge ka Tamatama, ka Twaumase ki cucungulane lini, Twaumase ki Aberahame, Isake, Yakubu, naadrelanaku muswane. Ku apelaelane liniane, wakelaku liniane, la drelengaku ku tapangimiamiane ki swa Izipiti pakwalri liniane. 17Lri tara sangilukaku liniane katwase Izipiti. Makakelretenga ku takipakwalriane lini; lri ilukaku liniane mwa kwidra mwalwalwaludru ku mireke si valu ka kadaengane, ka amani ku taikaikaiyane ki swa Kanange, swa Hite, swa Amuri, swa Perizi, swa Hivi si swa Yebuse ka laumawmase.
18“Ku lakawkawluli lri kilalra ku takawrivanesu liniane. Ala lri ilukusu ki kiacapili ki swa Iseraylri mwa kikawriva ki talialalai ki swa Izipiti, iya kai iniane, ‘Ku yabelenge ka Tamatama ka Twaumase ki swa Hiburu naadrelane nakwane. Kikai la palrainga naiane ku amakatulrulane ku kadalranane, mwa kavai calragulragu, papia ki yabelenge ka Tamatama ka Twaumase nai si patarumara.’ 19Wathingalaku, kathaane lu rututaku iniane tara pangimia kwini iya, ku talialalai ki swa Izipiti kai lri palraingi numiane pakatwase. 20Ai lri arakaiyaku ku pukuli padredrele ku palrealrebane ku kakudhane si pathavungu ki swa Izipiti. Lukabilrilinga lri palraingi numiane pakatwase.
21“Lri pakiusakenaku numiane ki swa Izipiti; lakamani kwidra, lu katwasenga kavai ku kawkawluli, kai lri paliwnaunai katwase. 22Ku labaibai ki swa Iseraylri lri mwa ki lapasiagiagisi lini, si mwa ki la swa Izipiti kwini ki labaibai malra ku kingi gingi, silu si laimai. Ku swa Iseraylri lalri baai ki lalake lini pangiragelane, lu pia kai lalri malra kwini lamanemane ki swa Izipiti katwase iluku.”
Currently Selected:
Takatwasane Izipiti 3: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Takatwasane Izipiti 3
3
Ku Twaumase wadawlu ki Musi
1Yakai saka minakavalane, ku Musi la pagwagu ku lakiu ki Yetheru ka tama ki labaibaini ka barakalai ki swa Midiange; la mailuku ku twaredelane ku lakiu lribate ki aenaenai ka Sinai, la mwa kwidra lregelrege ki Twaumase ka Hurebe. 2Ikai kwini, ku sasiakawlu ki Tamatama la mia ki wakelrakelrakelrabe ka apwi, singikai ki cecenekane ka angatu athingalane ki Musi. Ku Musi la drele kwini cecenekane sakulama, la kai kawtutu. 3La kidremedreme, “Ala matiasamali kikai, kikai cecenekane ka angatu ani kulamalama la kai kawtutu? Anau mwa drele!”
4Ku Tamatama la drele sa kirimu nau aru adeethe sa iya ku Musi, la twalai ki cecenekane ka angatu tawtau iniane, “Musi! Musi!”
La tubalre ku Musi, “Unu, kawvadhaku!”
5Ku Twaumase la iya kai, “Madha aru adedethe. Mwalra kwini kecesu! Asi lwiyane kwini taikaiyanesu acegecege saniange ka kadaengane. 6Amaniaku ku Twaumase ki cucungulanesu ka Aberahame, Isake, Yakubu.” Ku Musi la paidringi ku lringauini, mwakuludru drele ki Twaumase.
7Ku Tamatama la iya kai, “Wadrelengaku ku takipakwalriane ki kawkawluli ikai Izipiti; kialalranga naku ku tubitubi lini ku akimukerengane ki akipakwalriane. Wathingalaku ku sakwalrialri lini, 8lakamani ku mulebeli, ku apatwaladhane ki alrima ki swa Izipiti malra palribulu liniane, sangiluku liniane mwa kwidra ki malrange swaadrau ka kadaengane, mwalwalwaludru ku mireke si valu ka kadaengane: Kavai amani ku taikaiyane ki swa Kanange, Hite, Amuri, Perizi, Hivi si Yebuse ka laumawmase. 9Pwadriadringadhaku kilalra kwini tubitubi ki kawkawluli, si drele ku tapangimiamiane ki swa Izipiti dredrepete liniane. 10Kikai lri sikawlaku muswane mwa ki talialalai ki swa Izipiti; lu mwa malra iluku ki kawkawluli ka swa Iseraylri katwase Izipiti.”
11Ai ku Musi amia kai ki Twaumase, “Manemanaku? Anaku makatumane mwa Izipiti kwini ki talialalai, si malra ililuku ki swa Iseraylri mulatadre?”
12La tubalre ku Twaumase, “Lri tapalraku muswane. Lu ililukungasu ki swa Iseraylri mulatadre Izipiti, kunumi ikaiya kai sukubu nakwane. Kikai ala amani ku sapatuthingalane ku tasikawlaneli muswane.”
13Ku Musi la iya kai, “Lu mwaku pelaela ki swa Iseraylri, ‘Ku Twaumase ki cucungulane numi siakawlu nakwane kela kai numiane,’ lri iya kai kivaga, ‘Sia aneane ku naganeini?’ Kwini la lri tumanaiyaku pelaela liniane?”
14Ku Twaumase la iya kai, “Amaniaku kudra pathagilane si satwalrepenge ka magagemegeme#3.14 “Amaniaku kudra pathagilane si satwalrepenge ka magagemegeme” ku wahunyake madu iya kai “sakwaikai si kapalralrawthu ikai”, kikai si nagane ki Twaumase ki Hiburu “Yahwi” nau mangangimia amia ku lingau, kikai “Yahwi” ikai kai ki nihunyakane kai ki hungu kai “Tamatama” amia madu hunyake. Drela ki 3.15; 15.3.. Lu mwa pelaela liniane, ‘Kwidra sia pathagilane si satwalrepenge ka magagemegeme siakawlu nakwane kela kai.’ 15Tamatamaku, ka Twaumase ki cucungulane lini, ka Twaumase ki Aberahame, Isake, Yakubu. Siakawlaku muswane mwa liniane kavai, amani kikai ku naganeli, pakeela lumamilringi, ku lamwabaibalrithi lri makitu iya kai sunagane nakwane. 16Lu mwa sarubu ki kiacapili ki swa Iseraylri, pelaela liniane: Kunaku ka yabelenge ka Tamatama, ka Twaumase ki cucungulane lini, Twaumase ki Aberahame, Isake, Yakubu, naadrelanaku muswane. Ku apelaelane liniane, wakelaku liniane, la drelengaku ku tapangimiamiane ki swa Izipiti pakwalri liniane. 17Lri tara sangilukaku liniane katwase Izipiti. Makakelretenga ku takipakwalriane lini; lri ilukaku liniane mwa kwidra mwalwalwaludru ku mireke si valu ka kadaengane, ka amani ku taikaikaiyane ki swa Kanange, swa Hite, swa Amuri, swa Perizi, swa Hivi si swa Yebuse ka laumawmase.
18“Ku lakawkawluli lri kilalra ku takawrivanesu liniane. Ala lri ilukusu ki kiacapili ki swa Iseraylri mwa kikawriva ki talialalai ki swa Izipiti, iya kai iniane, ‘Ku yabelenge ka Tamatama ka Twaumase ki swa Hiburu naadrelane nakwane. Kikai la palrainga naiane ku amakatulrulane ku kadalranane, mwa kavai calragulragu, papia ki yabelenge ka Tamatama ka Twaumase nai si patarumara.’ 19Wathingalaku, kathaane lu rututaku iniane tara pangimia kwini iya, ku talialalai ki swa Izipiti kai lri palraingi numiane pakatwase. 20Ai lri arakaiyaku ku pukuli padredrele ku palrealrebane ku kakudhane si pathavungu ki swa Izipiti. Lukabilrilinga lri palraingi numiane pakatwase.
21“Lri pakiusakenaku numiane ki swa Izipiti; lakamani kwidra, lu katwasenga kavai ku kawkawluli, kai lri paliwnaunai katwase. 22Ku labaibai ki swa Iseraylri lri mwa ki lapasiagiagisi lini, si mwa ki la swa Izipiti kwini ki labaibai malra ku kingi gingi, silu si laimai. Ku swa Iseraylri lalri baai ki lalake lini pangiragelane, lu pia kai lalri malra kwini lamanemane ki swa Izipiti katwase iluku.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017