Takatwasane Izipiti 2
2
Takitulalakane ki Musi
1Ikai kwini yakai ku tangea ku swa Lrivi la karudrange mwa ki thadalrane ka zuku lini, 2la tulalake ku vaeva ku sawvalai. La drele kwini ki daini ngiesadhane ku tatulringavaneini, la balai iniane taratulru ka dramare. 3Sakai maka dulrunga apatumatumane babalai kwini ki lalake, la malra ku tirivu tuniwku, la arakai ku keretange icici, ku kaika angukaiyane ki acilai, ala malra kwini ki daini puniwkane, la malra kwini niwku balai puadringi ki mawtiririvu. 4Ku takaini ka ababai kai ki daini la sadaili acegecege, lri dredrele lu ikai ku tangimiamiane.
5Ku lalake ka ababai ki talialalai la kela mudrakerale mubanau sikelre; kudra lasasiakawluini la makitu ibabiabila ki drakerale dadadavace. Kwini alisu la kirimu drele ikai adringi ki mawtiririvu ku vaeva ku niwku, la pamwa ki sasiakawluini malra. 6Kwini alisu la mucaebe la drele ikai ku tangea ku wagelregelrethe ka sawvalai ka daini, la kakuru iniane, la iya kai, “Kikai lri tara ka daini ki swa Hiburu.”
7Ikai kwini, la kela kwini takaini la iya kai ki lalake ki talialalai, “Matumanaini anau mwa si silape ku swa Hiburu ka ababai lani kamani ku siarapale pathuthu iniane?”
8Kwini lalake ki talialalai la iya kai, “Mathariri!” Kwini ababai la katwase dawlu kwini tina ki daini. 9Kwini lalake ki talialalai la kawriva kwini ki ababai, “Iluka kai ki daini la pasikai nakwane lapu iniane, lri tara baadhaku ku tamulrawlravanesu.” Kwini alisu la iluku kwini ki daini, la sirapale lapu iniane. 10Sa kadrawnga kikai vavalake, la iluku iniane pwa ki lalake ki talialalai, kwini lalake ki talialalai ala tukavaga silalake iniane. La iya kai, “Patwaladhaku ki aciacilai malra kai ki vavalake, la tapasi Musi#2.10 “Musi” si vaga ki Hiburu “wamalra bilibili” iya, nau mangangimia amia ku lingau. iniane!”
Ku Musi mwabere mu Midiange
11Maadrawnga ku Musi, laka tangulatalatadrane lrikape ki sakacekeleini ka swa Hiburu; la drele liniane kipakwalrialri. La ikai ku kingivaalane, la drele ku tangea ku swa Izipiti papacai ki tangea ka sakacekeleini ka swa Hiburu. 12Ku Musi la masiasirare drele, tali kakadrwa ku umawmase ku wadredredrele la iya, la papacai kwini ki swa Izipiti, si malra kwini kinawmasane dralreke pikai enaenai. 13Sakakaiyane, ku Musi la mwanga kwini, la drele ku tara swa Hiburu ku malralrumalrumai, la iya kai kwini ki mapasaisalriu, “Asu kirimu tusinalrelreme ki sakacekelesu?”
14Kwini lasu la tubalre, “Aneane ku siakawlu muswane atamatama naiane, kamani ku kiavavaga naiane? Papacaisu kwidra ki swa Izipiti, lalri mialrisu papacai nakwane?” Sa kilalra ku Musi kikai vaga, la kathathiburu turamuru, la iya kai kidremedreme, “Lri tara ka takalranga ku wathingale kwini tapangimianeli.” 15-16Ku talialalai la kilalra kikai, lalri papacai ki Musi, ku Musi la mubere mu Midiange, la ikaikai kwini.
Yakai saka minakavalane, ku Musi la nene ikai thili ki taaciladhane; kudra lalake ki barakalai ka Yetheru ku tapitu ka labaibai la kela kwini mwalru, lri pasuete ki taaciladhane, lri pawngulu ki lakiu ki tama lini. 17La ikai ku la taralapulapu ki kiu, la pakatwase liniane. Ku Musi la palakebe liniane, la paralubu liniane mwalru si pawngulu ki lakiu. 18Sa siwlri mwa ki tama lini, la kivaga ku tama lini, “Anu sara mubalriu kaikameane?”
19La tubalre, “Yakai ku tangea ku swa Izipiti ku paralubu naiane, la pakatwase kudra ki twasinalreme naiane ku taralapulapu ki lakiu, la paralubu naiane vau ku acilai si pawngulu ki lakiu.”
20Kwini tatama la kivaga ki lalalakeini, “La ikainu kwini lasu? Anu suru iniane pikai thili ki taaciladhane? Lu dawla lani kibalrulu mitane.”
21Ku Musi la palraingi ikaikaainga kwini linianane; ku Yetheru la pasitaelrelre kwini lalakeini ka Zipura; 22ku Zipura la tulalake ku sawvalai. Ku Musi la iya kai, “Kunaku saliakaikaiyaku badhabadhane ka badhabadha, la sunagane ki lalake pasi Geresume#2.22 “Geresume” ku vaga ki Hiburu “yakaikai kisalrualru” iya, nau mangangimia ku lingau.!”
23La kawlainga ku tangilribatane, la pacainga ku talialalai ki swa Izipiti, ku swa Iseraylri laka thadalraneana ku kipakwalrialri lini. Kwini lalasu la kitubi ki Twaumase ku apalribulane, kiatubi iniane ku akiparalubane lini kidaili ki kipakwalrialri lini. 24Ku Twaumase la kilalra ku tadangane lini, si ngulringau ku nakiketeketeini ki cucungulane lini ka Aberahame, Isake si Yakubu, 25Wadrele ku tangimiamiane ki swa Iseraylri kituduri, la kakalithi liniane turamuru.
Currently Selected:
Takatwasane Izipiti 2: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Takatwasane Izipiti 2
2
Takitulalakane ki Musi
1Ikai kwini yakai ku tangea ku swa Lrivi la karudrange mwa ki thadalrane ka zuku lini, 2la tulalake ku vaeva ku sawvalai. La drele kwini ki daini ngiesadhane ku tatulringavaneini, la balai iniane taratulru ka dramare. 3Sakai maka dulrunga apatumatumane babalai kwini ki lalake, la malra ku tirivu tuniwku, la arakai ku keretange icici, ku kaika angukaiyane ki acilai, ala malra kwini ki daini puniwkane, la malra kwini niwku balai puadringi ki mawtiririvu. 4Ku takaini ka ababai kai ki daini la sadaili acegecege, lri dredrele lu ikai ku tangimiamiane.
5Ku lalake ka ababai ki talialalai la kela mudrakerale mubanau sikelre; kudra lasasiakawluini la makitu ibabiabila ki drakerale dadadavace. Kwini alisu la kirimu drele ikai adringi ki mawtiririvu ku vaeva ku niwku, la pamwa ki sasiakawluini malra. 6Kwini alisu la mucaebe la drele ikai ku tangea ku wagelregelrethe ka sawvalai ka daini, la kakuru iniane, la iya kai, “Kikai lri tara ka daini ki swa Hiburu.”
7Ikai kwini, la kela kwini takaini la iya kai ki lalake ki talialalai, “Matumanaini anau mwa si silape ku swa Hiburu ka ababai lani kamani ku siarapale pathuthu iniane?”
8Kwini lalake ki talialalai la iya kai, “Mathariri!” Kwini ababai la katwase dawlu kwini tina ki daini. 9Kwini lalake ki talialalai la kawriva kwini ki ababai, “Iluka kai ki daini la pasikai nakwane lapu iniane, lri tara baadhaku ku tamulrawlravanesu.” Kwini alisu la iluku kwini ki daini, la sirapale lapu iniane. 10Sa kadrawnga kikai vavalake, la iluku iniane pwa ki lalake ki talialalai, kwini lalake ki talialalai ala tukavaga silalake iniane. La iya kai, “Patwaladhaku ki aciacilai malra kai ki vavalake, la tapasi Musi#2.10 “Musi” si vaga ki Hiburu “wamalra bilibili” iya, nau mangangimia amia ku lingau. iniane!”
Ku Musi mwabere mu Midiange
11Maadrawnga ku Musi, laka tangulatalatadrane lrikape ki sakacekeleini ka swa Hiburu; la drele liniane kipakwalrialri. La ikai ku kingivaalane, la drele ku tangea ku swa Izipiti papacai ki tangea ka sakacekeleini ka swa Hiburu. 12Ku Musi la masiasirare drele, tali kakadrwa ku umawmase ku wadredredrele la iya, la papacai kwini ki swa Izipiti, si malra kwini kinawmasane dralreke pikai enaenai. 13Sakakaiyane, ku Musi la mwanga kwini, la drele ku tara swa Hiburu ku malralrumalrumai, la iya kai kwini ki mapasaisalriu, “Asu kirimu tusinalrelreme ki sakacekelesu?”
14Kwini lasu la tubalre, “Aneane ku siakawlu muswane atamatama naiane, kamani ku kiavavaga naiane? Papacaisu kwidra ki swa Izipiti, lalri mialrisu papacai nakwane?” Sa kilalra ku Musi kikai vaga, la kathathiburu turamuru, la iya kai kidremedreme, “Lri tara ka takalranga ku wathingale kwini tapangimianeli.” 15-16Ku talialalai la kilalra kikai, lalri papacai ki Musi, ku Musi la mubere mu Midiange, la ikaikai kwini.
Yakai saka minakavalane, ku Musi la nene ikai thili ki taaciladhane; kudra lalake ki barakalai ka Yetheru ku tapitu ka labaibai la kela kwini mwalru, lri pasuete ki taaciladhane, lri pawngulu ki lakiu ki tama lini. 17La ikai ku la taralapulapu ki kiu, la pakatwase liniane. Ku Musi la palakebe liniane, la paralubu liniane mwalru si pawngulu ki lakiu. 18Sa siwlri mwa ki tama lini, la kivaga ku tama lini, “Anu sara mubalriu kaikameane?”
19La tubalre, “Yakai ku tangea ku swa Izipiti ku paralubu naiane, la pakatwase kudra ki twasinalreme naiane ku taralapulapu ki lakiu, la paralubu naiane vau ku acilai si pawngulu ki lakiu.”
20Kwini tatama la kivaga ki lalalakeini, “La ikainu kwini lasu? Anu suru iniane pikai thili ki taaciladhane? Lu dawla lani kibalrulu mitane.”
21Ku Musi la palraingi ikaikaainga kwini linianane; ku Yetheru la pasitaelrelre kwini lalakeini ka Zipura; 22ku Zipura la tulalake ku sawvalai. Ku Musi la iya kai, “Kunaku saliakaikaiyaku badhabadhane ka badhabadha, la sunagane ki lalake pasi Geresume#2.22 “Geresume” ku vaga ki Hiburu “yakaikai kisalrualru” iya, nau mangangimia ku lingau.!”
23La kawlainga ku tangilribatane, la pacainga ku talialalai ki swa Izipiti, ku swa Iseraylri laka thadalraneana ku kipakwalrialri lini. Kwini lalasu la kitubi ki Twaumase ku apalribulane, kiatubi iniane ku akiparalubane lini kidaili ki kipakwalrialri lini. 24Ku Twaumase la kilalra ku tadangane lini, si ngulringau ku nakiketeketeini ki cucungulane lini ka Aberahame, Isake si Yakubu, 25Wadrele ku tangimiamiane ki swa Iseraylri kituduri, la kakalithi liniane turamuru.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017