Takatwasane Izipiti 1
1
Ku swa Iseraylri yakai Izipiti kisidrekase
1Ku lalake ki Yakubu#1.1 “Yakubu” ikai ki pacase ki swa Hiburu arakainga ku “Iseraylri”, mialri ka nagane ki Yakubu. makitwa iluku ki wacekecekele lini, tupapalra ki Yakubu mwa Izipiti. Ku nagane lini amani kai: 2Riwbingi, Simiune, Lrivi, Yuda, 3Isakare, Zibulungu, Biniyamingi, 4Dange, Napetali, Gade, Asere. 5Kikai laumawmase amanilringa ku ngwakai ki Yakubu ku lamwabaibalrithi iniane, paelreelrenga tamapitulu. Ku drumane ku tangea ku lalakeini ka Yusepe la aswalanga mwa Izipiti. 6Sakabilrilanenga, la pacainga ku Yusepe, ku labetakaneini si lasilasilanganeini mialri makitu pacainga. 7Ai, kudra lamwabaibalrithi liniane, ka amani kwini swa Iseraylri, la padalru si arudrima ku takaalra ku umawmase, tapangale la sapukwane, ikai Izipiti inukidruanga madwai madu si drele liniane.
8Sakabilrilanenga, ikai Izipiti la ikai ku bavane ku talialalai ku acegecege, kwini lasu kadrwa ku tathingalaneini ku tangimiane ki Yusepe. 9La iya kai ki swa Izipiti, “Kikai la swa Iseraylri takalra la kagarange, papia mitane taingeane ka maparamuru ka sapapacai. 10Sana ikai ku makaruruburu, kai lalasu lau lri kirimu maelre ki badha si kikaruburu mitane, la katwase mubere#1.10 “mubere” ku wahunyake madu iya kai “waruthuku”. ki kunita. Tatara silape ku apangimiane si ruthuku ku adrimane ku umawmase lini.” 11Ku swa Izipiti la sikawlu ku tarakadrenge ki takaungane, vutha ki swa Iseraylri pakwalrialri ku laawngane, arakai kikai si pakalrupi ki gathimi lini. Ku swa Iseraylri twacekele ka Pithume si Ramese, tutapatwaladhane ku saarakaikaiyane ki talialalai. 12Ai ku swa Izipiti la aru tudreadrekase ki swa Iseraylri, ku swa Iseraylri la arwa tulaalakelringa ka takaakalra ku umawmase, ku umawmase la aru masivagavagai paswadrau, lakamani ku swa Izipiti aru kirimu mukuludru ki swa Iseraylri. 13Ku swa Izipiti la drekase ki swa Iseraylri pakwalri pakaungu, la pakwalri turamuru liniane. 14Pakwalri liniane, pathalrethalre liniane ku dae si lringiga, pakauawngu ki laumawma, pakwalri liniane turamuru.
15Ku talialalai ki swa Izipiti la dawlunga ki tarapatulalalake ka swa Hiburu, ku tangea sia Sipera, ku tangea sia Pua; kwi lasu amia kai liniane, 16“Lu patulalake numi ki labaibai ki swa Hiburu, lwiyasi tulalake ku sawvalai, papacadha, luka ababai, la papanianiaka.” 17Ai kikai tadrusa ka tarapatulalalake mwakuludru musakene ki Twaumase, lakai kilalra kwini tadrekasane ki talialalai; la pawdripi ki sawvalai. 18Ku talialalai la dawlunga liniane si kivavaga iya kai, “Watumatumane numi? Anu kirimu pawdripi ki lasawvalai ka daini?”
19Kwini lalisu la tubalre, “Ku labaibai ki swa Hiburu makakaela ki labaibai ki swa Izipiti; magarange, lu kai nai darurwana, ngipapatulalakeenga.” 20-21Amani sa mukuludru musakene ki Twaumase kikai tarapatulalalake, ku Twaumase la pawkalrivili sirapale liniane, si baai ku tacekecekelane. Ku umawmase ki swa Iseraylri la aru drimadrima, la aru kakeecenge. 22Sakabilrilinga, ku talialalai ki swa Izipiti la pakatwase ku drekaseini pelaela ki kuni palraelre ki mapapangale, “Kwini tawkitulalake kwini lasawvalai ka daini ki swa Hiburu tara cilria pwa kadravane Nile, kathane ku ababai ka daini ku apaudripane.”
Currently Selected:
Takatwasane Izipiti 1: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Takatwasane Izipiti 1
1
Ku swa Iseraylri yakai Izipiti kisidrekase
1Ku lalake ki Yakubu#1.1 “Yakubu” ikai ki pacase ki swa Hiburu arakainga ku “Iseraylri”, mialri ka nagane ki Yakubu. makitwa iluku ki wacekecekele lini, tupapalra ki Yakubu mwa Izipiti. Ku nagane lini amani kai: 2Riwbingi, Simiune, Lrivi, Yuda, 3Isakare, Zibulungu, Biniyamingi, 4Dange, Napetali, Gade, Asere. 5Kikai laumawmase amanilringa ku ngwakai ki Yakubu ku lamwabaibalrithi iniane, paelreelrenga tamapitulu. Ku drumane ku tangea ku lalakeini ka Yusepe la aswalanga mwa Izipiti. 6Sakabilrilanenga, la pacainga ku Yusepe, ku labetakaneini si lasilasilanganeini mialri makitu pacainga. 7Ai, kudra lamwabaibalrithi liniane, ka amani kwini swa Iseraylri, la padalru si arudrima ku takaalra ku umawmase, tapangale la sapukwane, ikai Izipiti inukidruanga madwai madu si drele liniane.
8Sakabilrilanenga, ikai Izipiti la ikai ku bavane ku talialalai ku acegecege, kwini lasu kadrwa ku tathingalaneini ku tangimiane ki Yusepe. 9La iya kai ki swa Izipiti, “Kikai la swa Iseraylri takalra la kagarange, papia mitane taingeane ka maparamuru ka sapapacai. 10Sana ikai ku makaruruburu, kai lalasu lau lri kirimu maelre ki badha si kikaruburu mitane, la katwase mubere#1.10 “mubere” ku wahunyake madu iya kai “waruthuku”. ki kunita. Tatara silape ku apangimiane si ruthuku ku adrimane ku umawmase lini.” 11Ku swa Izipiti la sikawlu ku tarakadrenge ki takaungane, vutha ki swa Iseraylri pakwalrialri ku laawngane, arakai kikai si pakalrupi ki gathimi lini. Ku swa Iseraylri twacekele ka Pithume si Ramese, tutapatwaladhane ku saarakaikaiyane ki talialalai. 12Ai ku swa Izipiti la aru tudreadrekase ki swa Iseraylri, ku swa Iseraylri la arwa tulaalakelringa ka takaakalra ku umawmase, ku umawmase la aru masivagavagai paswadrau, lakamani ku swa Izipiti aru kirimu mukuludru ki swa Iseraylri. 13Ku swa Izipiti la drekase ki swa Iseraylri pakwalri pakaungu, la pakwalri turamuru liniane. 14Pakwalri liniane, pathalrethalre liniane ku dae si lringiga, pakauawngu ki laumawma, pakwalri liniane turamuru.
15Ku talialalai ki swa Izipiti la dawlunga ki tarapatulalalake ka swa Hiburu, ku tangea sia Sipera, ku tangea sia Pua; kwi lasu amia kai liniane, 16“Lu patulalake numi ki labaibai ki swa Hiburu, lwiyasi tulalake ku sawvalai, papacadha, luka ababai, la papanianiaka.” 17Ai kikai tadrusa ka tarapatulalalake mwakuludru musakene ki Twaumase, lakai kilalra kwini tadrekasane ki talialalai; la pawdripi ki sawvalai. 18Ku talialalai la dawlunga liniane si kivavaga iya kai, “Watumatumane numi? Anu kirimu pawdripi ki lasawvalai ka daini?”
19Kwini lalisu la tubalre, “Ku labaibai ki swa Hiburu makakaela ki labaibai ki swa Izipiti; magarange, lu kai nai darurwana, ngipapatulalakeenga.” 20-21Amani sa mukuludru musakene ki Twaumase kikai tarapatulalalake, ku Twaumase la pawkalrivili sirapale liniane, si baai ku tacekecekelane. Ku umawmase ki swa Iseraylri la aru drimadrima, la aru kakeecenge. 22Sakabilrilinga, ku talialalai ki swa Izipiti la pakatwase ku drekaseini pelaela ki kuni palraelre ki mapapangale, “Kwini tawkitulalake kwini lasawvalai ka daini ki swa Hiburu tara cilria pwa kadravane Nile, kathane ku ababai ka daini ku apaudripane.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017