Tabekacane 50
50
1Ku Yusepe la mwa guruthungane ki kinawmasane ki tamaini tubitubi, uma ki lringauini. 2Ala kirimu, ku Yusepe la drekase ki tarasulrasulrau arakai ku sasulravane palakebe ki kinawmasane ki tamaini ku kaika akaburavane, la pangimia ku tarasulrasulrau. 3Kwi lalasu la singikai ku takelretanenga ku vai, makamasupatele ala tulrepenge kikai tapalakebane ki kinawmasane. Ku swa Izipiti la makamapitulu kalreme iniane.
4Sangilribatenga ku takalremeane, ku Yusepe la iya kai ki kiacapili ki talialalai, “Pelaela kikai vaga ki talialalai, 5‘Ku ama sa lri kaedrepe pakiaketekete nakwane, ku lrika apasiwlrianeli iniane dralreke pwa Kanange kwini ngipapadulrungaini ku balriu. Lakamani, kiatubiaku palraingaili nau katwase mwa dralreke ki ama; sana tulrepenge, lri siwlriaku!’ ”
6Ku talialalai la tubalre, “Lu mwa, singikai kwini takiketeketanesu katwase dralreke ki tamasu.”
7Ku Yusepe la katwase dralreke ki tamaini. Ku lakiacapili ki talialalai makanaelre, ku latabebelenge ikai ki talialalai si lakiamatikaikai ki swa Izipiti la makitu tupalra ki Yusepe. 8Ku wacekecekele ki Yusepe makanaelre, labetakaneini si wacekecekele ki tamaini, la mialri makitu karedele iniane; kathane ku lalalake lini si lwange kiu ku asuru ikai Gusenge. 9Ku maredele iniane yakaiyana ku lapalridingi, tarangurigi ka kwapingi, matiasamali turamuru ka sakaredele.
10La kela tali talrawane ka kadravane Yuredange kavai tavelavelatane ki mugi kavai Atade, ikai kwini karaleale tubitubi; ku Yusepe la ikai kwini pasikai ki tamaini kalreme makapitulu. 11Ku swa Kanange sa drele kwini takalra ku yasarubu ku umawmase ikai Atade ki tavelavelatane kalremelreme, la iya kai, “Kai swa Izipiti lu kalreme ala matiapapedrenge turamuru!” Lakamani kwini kadaengane ku kipasi Abele Mizeraime#50.11 “Abele Mizeraime” ku pacugane “tatubiane ki swa Izipiti” amia..
12Ku lalalake ki Yakubu la paluludu ku cunu ki tama lini, 13satedre kwini kinawmasaneini pua Kanange, dralreke pikai tali talrawane Mamere kwini barungulu ka Makepela; kikai barungulu yakai kwini ki takauawngane ka langai ki Aberahame patwalai ki Iperungu ka swa Hite si tutadralredralrekane. 14Ku Yusepe sa maka dralrekenga ki tamaini la karededele ki labetakaneini si sanaka kiapaelre dralreke siwlri mu Izipiti.
Ku Yusepe wasasa ki labetakaneini
15Sa pacainga ku tama lini, ku labetakane ki Yusepe kiadremedreme, “Luiyasi kai Yusepe la kalisiliisiana ku kidremedremeini, pangimia kudra natapangimianeta iniane bilri mitane, lai lri tumaneta?” 16La sikawlu ki umawmase ku peaelaela ki Yusepe, iya kai, “Salri pacai ku tamaita 17wacunu naiane pelaelanga kai niakuvaalane ka vaga, ‘Ku lataka pasalriu muswane, pacepa kwini pasalrivane lini.’ Kunai sasiakawlu nai ki Twaumase ki tamasu; lakamani kwidra, kiatubi nai muswane pacepa ku tapasalrivane nai.” Ku Yusepe sa kilalra kikai vaga la tubi.
18Sakabilrilinga, ala ngikakela ku latakaini kikawriva iniane, pidruru guruthungane icucubungu iniane, si iya kai, “Kunai makanaelre duri nai muswane.”
19Ku Yusepe la pelaela liniane, “Asingithanga mukuludru, kainaku lri maka atalingikaiyane ki Twaumase. 20Napasana kabebetethe numi nakwane, ai ku Twaumase wamalra kwini ngilisiane paakabalrithi tuthariri, pakai ku apalakebane ki niake ki takaalra ka umawmase; ngwalai kwini tangimiane ku paswalaala, kaikameane ala ikai kai takaalra ku waudripiana. 21Kunumi madha mukuludru, lri tara sirapalaku numiane si lalalake numi.” Ku Yusepe arakai ku sulrapelane ku vaga sasa liniane, pakasarwate kwi kidremedreme lini.
Tapacadhane ki Yusepe
22Ku Yusepe si wacekecekele ki tamaini la pacungulu ikaikai Izipiti. Kai lasu sa pacai tara 110 ku cailini. 23Kai lasu wadreleana ki agane ki Iparaime, mialri kebereana ku agane ki Manase ka lalalake ki Makire pikai ki vagisini. 24Ku Yusepe la iya kai ki labetakaneini, “Lri padaalrungaku si pacai, ai ku Twaumase lri tara sirapale numiane, mailuku numiane katwase kai, mwa kwidra pukawnungaini ki Aberahame si Isake si Yakubu kwini ki kadaengane.” 25Ku Yusepe la kiketekete ki swa Iseraylri; kwi lasu amia kai, “Lu iluku ku Twaumase numiane papia kwini ki kadaengane yai, lri iluku numi kai culraleli.” 26Wapacai ku Yusepe satara 110 ku cailini. Kwi lalasu la arakai ku sapalakebane ka sasulravane padelreme ki kinawmasaneini, la pudringai pwa ki varukuru si pikaai Izipiti.
Currently Selected:
Tabekacane 50: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 50
50
1Ku Yusepe la mwa guruthungane ki kinawmasane ki tamaini tubitubi, uma ki lringauini. 2Ala kirimu, ku Yusepe la drekase ki tarasulrasulrau arakai ku sasulravane palakebe ki kinawmasane ki tamaini ku kaika akaburavane, la pangimia ku tarasulrasulrau. 3Kwi lalasu la singikai ku takelretanenga ku vai, makamasupatele ala tulrepenge kikai tapalakebane ki kinawmasane. Ku swa Izipiti la makamapitulu kalreme iniane.
4Sangilribatenga ku takalremeane, ku Yusepe la iya kai ki kiacapili ki talialalai, “Pelaela kikai vaga ki talialalai, 5‘Ku ama sa lri kaedrepe pakiaketekete nakwane, ku lrika apasiwlrianeli iniane dralreke pwa Kanange kwini ngipapadulrungaini ku balriu. Lakamani, kiatubiaku palraingaili nau katwase mwa dralreke ki ama; sana tulrepenge, lri siwlriaku!’ ”
6Ku talialalai la tubalre, “Lu mwa, singikai kwini takiketeketanesu katwase dralreke ki tamasu.”
7Ku Yusepe la katwase dralreke ki tamaini. Ku lakiacapili ki talialalai makanaelre, ku latabebelenge ikai ki talialalai si lakiamatikaikai ki swa Izipiti la makitu tupalra ki Yusepe. 8Ku wacekecekele ki Yusepe makanaelre, labetakaneini si wacekecekele ki tamaini, la mialri makitu karedele iniane; kathane ku lalalake lini si lwange kiu ku asuru ikai Gusenge. 9Ku maredele iniane yakaiyana ku lapalridingi, tarangurigi ka kwapingi, matiasamali turamuru ka sakaredele.
10La kela tali talrawane ka kadravane Yuredange kavai tavelavelatane ki mugi kavai Atade, ikai kwini karaleale tubitubi; ku Yusepe la ikai kwini pasikai ki tamaini kalreme makapitulu. 11Ku swa Kanange sa drele kwini takalra ku yasarubu ku umawmase ikai Atade ki tavelavelatane kalremelreme, la iya kai, “Kai swa Izipiti lu kalreme ala matiapapedrenge turamuru!” Lakamani kwini kadaengane ku kipasi Abele Mizeraime#50.11 “Abele Mizeraime” ku pacugane “tatubiane ki swa Izipiti” amia..
12Ku lalalake ki Yakubu la paluludu ku cunu ki tama lini, 13satedre kwini kinawmasaneini pua Kanange, dralreke pikai tali talrawane Mamere kwini barungulu ka Makepela; kikai barungulu yakai kwini ki takauawngane ka langai ki Aberahame patwalai ki Iperungu ka swa Hite si tutadralredralrekane. 14Ku Yusepe sa maka dralrekenga ki tamaini la karededele ki labetakaneini si sanaka kiapaelre dralreke siwlri mu Izipiti.
Ku Yusepe wasasa ki labetakaneini
15Sa pacainga ku tama lini, ku labetakane ki Yusepe kiadremedreme, “Luiyasi kai Yusepe la kalisiliisiana ku kidremedremeini, pangimia kudra natapangimianeta iniane bilri mitane, lai lri tumaneta?” 16La sikawlu ki umawmase ku peaelaela ki Yusepe, iya kai, “Salri pacai ku tamaita 17wacunu naiane pelaelanga kai niakuvaalane ka vaga, ‘Ku lataka pasalriu muswane, pacepa kwini pasalrivane lini.’ Kunai sasiakawlu nai ki Twaumase ki tamasu; lakamani kwidra, kiatubi nai muswane pacepa ku tapasalrivane nai.” Ku Yusepe sa kilalra kikai vaga la tubi.
18Sakabilrilinga, ala ngikakela ku latakaini kikawriva iniane, pidruru guruthungane icucubungu iniane, si iya kai, “Kunai makanaelre duri nai muswane.”
19Ku Yusepe la pelaela liniane, “Asingithanga mukuludru, kainaku lri maka atalingikaiyane ki Twaumase. 20Napasana kabebetethe numi nakwane, ai ku Twaumase wamalra kwini ngilisiane paakabalrithi tuthariri, pakai ku apalakebane ki niake ki takaalra ka umawmase; ngwalai kwini tangimiane ku paswalaala, kaikameane ala ikai kai takaalra ku waudripiana. 21Kunumi madha mukuludru, lri tara sirapalaku numiane si lalalake numi.” Ku Yusepe arakai ku sulrapelane ku vaga sasa liniane, pakasarwate kwi kidremedreme lini.
Tapacadhane ki Yusepe
22Ku Yusepe si wacekecekele ki tamaini la pacungulu ikaikai Izipiti. Kai lasu sa pacai tara 110 ku cailini. 23Kai lasu wadreleana ki agane ki Iparaime, mialri kebereana ku agane ki Manase ka lalalake ki Makire pikai ki vagisini. 24Ku Yusepe la iya kai ki labetakaneini, “Lri padaalrungaku si pacai, ai ku Twaumase lri tara sirapale numiane, mailuku numiane katwase kai, mwa kwidra pukawnungaini ki Aberahame si Isake si Yakubu kwini ki kadaengane.” 25Ku Yusepe la kiketekete ki swa Iseraylri; kwi lasu amia kai, “Lu iluku ku Twaumase numiane papia kwini ki kadaengane yai, lri iluku numi kai culraleli.” 26Wapacai ku Yusepe satara 110 ku cailini. Kwi lalasu la arakai ku sapalakebane ka sasulravane padelreme ki kinawmasaneini, la pudringai pwa ki varukuru si pikaai Izipiti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017