Tabekacane 33
33
Madradrele ku Yakubu si Isau
1Ku Yakubu wadrele sa kelakela ku Isau mailuku ku ta 400 ku umawmase, la malra pawvagai ki lalalakeini, si baai ki Lria si Rakile, si tadrusa ka labaibaini. 2Kwini lasu la malra ki tadrusa ka labaibaini si lalalake lini pakaswalala katwase, ala ka Lria si lalalakeini kabibilrili, ku Rakile si Yusepe laka abibiilrilinga. 3Ku Yakubu ngiakakamaani aswala liniane; sa deethenga ki takaini yai, la sangupitulu edeede guruthungane idaedae. 4Ku Isau la lailai kidredresenge iniane, si kebere iniane, uma iniane; kwini tadrusa la tubi. 5Ku Isau la pangithalringulu drele, la drele kwini ki laababai si lalalake, la kivaga, “Kikai redelanesu kai laumawmase laka laneane?”
Ku Yakubu la tubalre, “Kikai lalalake yai sakialibake ki Twaumase la baai nakwane ka sasiakawlusu.” 6Kwini tadrusa ka labaibaini la ililuku ki lalalake lini mucucubungu, papia ki Isau sukubu, 7la pacungulu ku Lria si lalalakeini, ala ka bibiilrilinga ku Yusepe si Rakile mialri mucucubungu makanaelre sukubu.
8Ku Isau la kivaaganga, “Kwidra aswalalanga ku kipadradresengeli ka twaredelane laka satumanane?”
Ku Yakubu la iya kai, “Kikwini yai saceacebe!”
9La iya kai ku Isau, “Agili! Yakainga ku sanaka manemaneli; ngipapikaiyanga kwini lamanemanesu!”
10Ku Yakubu la iya kai, “Ini, alaiyasi ka kiaragaisu nakwane, tara malra kikai acebeli. Kikai tapianesu kai kilibake nakwane, sa drelaku ki lringausu, miaku ki wadrele ku lringau ki Twaumase. 11Ala malra kikai ilukuli kai saceacebe, asi lwiyane ku Twaumase mathalrai nakwane, la baai ku murikaili patuelre.” Ku Yakubu la apapelaeela tarumara iya ki Isau kwini niacebane, kwini lasu ala tarumara.
12Ku Isau la iya kai, “Ila takatwasenga, nau aswala muswane.”
13Ku Yakubu la tubalre, “Wathingalesu lavavalakeana kai lalalake; la mialriaku kakalithi kikai wathuthuthuana kai lwange, kiu. Luiyasi dadavaceana nai makavaale, alau lri kidulru kai lalwange si kiu si pacai. 14Ila aswalala! Nau abilrili ngiabababalai, lu karidare dadavace kai lwange si kiu si lavavalake, lri karidare nai. Tamadredresengenga ikai ka Idume.”
15Ku Isau la iya kai, “Lumia kwini, ala nau paasuru ku umawmase lani sirapale muswane.”
Ai ku Yakubu twabalre, “Luiyasi kaisu lri tumanaiya, palrainga#33.15 “Luiyasi kaisu lri tumanaiya, palrainga” ku wahunyake madu iya kai “palrainga, sana maalraku ku migemisu makakeelrete”.!” 16Ku Isau la katwase kwini ki vai siwlri mwa ka Idume. 17Ai ku Yakubu papialringa kavai Sukuthe, ikai kwini ngitatudaane, la tudaane ki lanilapulapwane ku balrawbau. Lakamani kwini pasi Sukuthe#33.17 “Sukuthe” ku pacugane “balrawbau ka talakanga” amia..
18Ku Yakubu masuliivate twalai Mesuputamia siwlri mwa kavai Kanange ka cekele Sekeme, la ikai lrilringulu ki cekele tusasuladhane. 19Arakai ku idai ka gingi langai ki mwabaibalrithi ki tama ki Sekeme ka Hamure kwini kadaengane. 20Kwi lasu yakai kwini cegecege ku vaeva ku tapatarumaramarane, la sunagane pasi “Ilri Iru Iseraylri#33.20 “Ilri Iru Iseraylri” ku pacugane yai “Twaumase, ka Twaumase ki Iseraylri” amia.”.
Currently Selected:
Tabekacane 33: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
