Tabekacane 34
34
Kiakabebetethe ku Dina
1Yakai saka minakavalane, kwini lalake ki Yakubu si Lria ka Dina sa katwase ngulatatadre ki swakai kwini ki labaibai. 2Kwini talialalai ki swakai kwini ka swa Hivi ka Hamure yakai ku lalakeini ka sia Sekeme; kwi lasu sadrele ki Dina, la ruthuku bilibili iniane, si kabebetethe iniane. 3Ku Sekeme ngwalai ku tharirane ki Dina, la ngucawane ku dalamaneini ki alisu, la nau kikiragai ki alisu#34.3 “nau kikiragai ki alisu” ku wahunyake madu “sasa iniane” iya. la iya kidremedreme. 4La kitubi ki tamaini iya kai, “Ala kidremedrema ku apangimianeli si sitaelrelre kai ki tawvailekete.”
5Ku Yakubu la kilalra ku takikabebetethane ki lalakeini ka Dina ki Sekeme. Kwidra ku lalalakeini yakai ubulane pagwagwagu ki lanilapulapwane, la kai avavagavaga, mwakalavalava liniane ku akelane lini. 6Ku tama ki Sekeme ka Hamure sa kela kikawriva ki Yakubu, pasikai ki lalakeini kikawriva ku akarudrangane. 7Ku lalalake ki Yakubu sakilalra kikai, la twalai ubulane mubalriu. Kwi lalasu la kalisi turaamuru, asi lwiyane ku tapiane ki Sekeme kabebetethe ki lalake ki tai Yakubu yai, taingeane ka twasinalreme ki swa Iseraylri ka kiarubwane turamuru, ka kaika nipalrailraingane. 8Ku Hamure amia kai liniane, “Ku lalakeli ka Sekeme madalame ki lalake numi, ala tarumara si palraingi ki lalakeli lani mwa karudrange ki alisu. 9Ala tamapalrailraingi mathaethareve ka taidrusa ka zuku, kunai nai mwa karudrange ki labaibai numi; kunumi la mwa karudrange ki labaibai nai. 10Luka ngimiyaiya kai, kai lri katumane lu ikaikai numi ki kadaengane nai, si ngisasingikaai silape ku amwane ikaikai, la ngilralraingi thathakai, langai pikai ku tacekecekelane.”
11La pacungulu, ku Sekeme la ngikakamaani papia ki tama ki Dina si labetakaneini kitubi, “Kiatubiaku kakuruaili; sana kitubi numi ku manemane, lri palraaingaku. 12Sana palraingi numi nakwane mwa ki lalake numi karudrange, ku taiyane numi ku sabadhane si saceacebe, lri palraingaku pangimia.”
13Ku lalalake ki Yakubu ngwalai kwini takabebetethane ki Sekeme ki agi lini ka Dina, la draedrangelre tubalre ki Sekeme si tamaini ka Hamure. 14Kwini lalasu la iya kai, “Kai nai lri maka pamwa ki agi nai ku kai kiagelregelre tulrisi ka umawmase; ku miyaiya kikai taingeane ka twasinalreme naiane. 15Luiyasi palraingi numi ku puvaga nai, lri palraaingi nai ku kitubi numi: Lri ngimia numi naiane, sanaka sawvalai lri kigelregelre tulrisi makanaelre. 16Luka ngimiyaiya kai, lri palraingi nai mathaethareve numiane, si ikaikai ki kadaengane numi, kavaevanga ka zuku. 17Alaiyasi kai numi tarumara kai puvaga nai si kigelregelre tulrisi, lri iluku nai ki agi nai katwase kai.”
18Ku Hamure si lalakeini ka Sekeme lu kidremedreme kwini latakitubiane mamamwa ki kakudhane. 19Kwini langukathabarane mialri ka nikiwsakenane ikai ki tacekecekelane lini, la icengecenge ngucawane ki dalamane ki lalake ki Yakubu, la makakaai katwase pangimia kwini niyane ka vaga.
20Ku Hamure si lalakeini ka Sekeme la mwa lrawlrawdru ki cekele ka rarubwane pelaela ki swakai kwini, 21“Kikai laumawmase twathaithariri mitane, kai matumane paikai liniane kai ki kadaenganeta, thathakai; kikai swaadrau kai kadaengane, lri makakelrete mwa ikai. Lai lri dulruta mwa ki labaibai lini karudrange, la mia lini maka mwa ki labaibaita karudrange. 22Ai kikai laumawmase yakai ku vaeva ku puvaga lini: Kuta kikai sanaka sawvalai lri tara ngialrawta ki sawvalai lini kigelregelre tulrisi, lwiyasi la tarumarata kikai nipuvagane, ala lri palraingi taelrenga mitane, kavaevanga ka minzuku. 23Alata palraingi, lani ikaikai mitane. Lumia kai, kikavai lanilapulapwane si lamanemane lini kaika lrika mitanenga?” 24Ku sakatucekelane ku umawmase la palraingi kwini taiyane ki Hamure si Sekeme; ala kigelregelre tulrisi kwini yakai ki cekele kwi lasawvalalai.
25Sa makatulrulunga, kwini ki cekele kwi lasawvalalai sakaiyana kabasau ku takigelregelrane lini tulrisi, ku tadrusa ka lalake ki Yakubu, ka betakane ki Dina ka Simiune si Lrivi, lakakadrua ku tapathingalane lini mailuku ku dramu mucekele. Kwi lalasu la pwa papacai demedeme sanaka sawvalai ki swakai kwini, 26adravane ka Hamure si Sekeme paelre papacai, la iluku ki Dina patwalai ki daane ki Sekeme. 27Sa maka papacainga, kwini drumane ku lalalake ki Yakubu la ravase kwini ki cekele, bilri ku takikabebetethane ki agi lini. 28Kwi lalasu waravase ku lakiu, lalwange, ruba si kwini yacekele si yalrilringulu sanaka maneemane. 29Kwi lalasu waribici sanaka takuciacingalre ka lamanemane, salri kwini yadaane ku palrapalrane ku lawbubulu, la ravase sanaka labaibai si lavavalake.
30Ku Yakubu amia kai ki Simiune si Lrivi, “Pamatiakuru numi nakwane; twalainga kaikameane, kai swa Kanange, swa Perizi si swa kai kikai ka laminzuku lri makitu kagirimucu nakwane. Kikai kaita tathainu ku umawmase, luiyasi ngielre kwi lalasu si kela kikaruburu mitane, kikai tacekecekelaneta lri kamudu.”
31Ai kwini lalasu amia kai tubalre, “Kai nai lri palraingi ki palrapalra lu malra ki betakane nai tupairairange!”
Currently Selected:
Tabekacane 34: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 34
34
Kiakabebetethe ku Dina
1Yakai saka minakavalane, kwini lalake ki Yakubu si Lria ka Dina sa katwase ngulatatadre ki swakai kwini ki labaibai. 2Kwini talialalai ki swakai kwini ka swa Hivi ka Hamure yakai ku lalakeini ka sia Sekeme; kwi lasu sadrele ki Dina, la ruthuku bilibili iniane, si kabebetethe iniane. 3Ku Sekeme ngwalai ku tharirane ki Dina, la ngucawane ku dalamaneini ki alisu, la nau kikiragai ki alisu#34.3 “nau kikiragai ki alisu” ku wahunyake madu “sasa iniane” iya. la iya kidremedreme. 4La kitubi ki tamaini iya kai, “Ala kidremedrema ku apangimianeli si sitaelrelre kai ki tawvailekete.”
5Ku Yakubu la kilalra ku takikabebetethane ki lalakeini ka Dina ki Sekeme. Kwidra ku lalalakeini yakai ubulane pagwagwagu ki lanilapulapwane, la kai avavagavaga, mwakalavalava liniane ku akelane lini. 6Ku tama ki Sekeme ka Hamure sa kela kikawriva ki Yakubu, pasikai ki lalakeini kikawriva ku akarudrangane. 7Ku lalalake ki Yakubu sakilalra kikai, la twalai ubulane mubalriu. Kwi lalasu la kalisi turaamuru, asi lwiyane ku tapiane ki Sekeme kabebetethe ki lalake ki tai Yakubu yai, taingeane ka twasinalreme ki swa Iseraylri ka kiarubwane turamuru, ka kaika nipalrailraingane. 8Ku Hamure amia kai liniane, “Ku lalakeli ka Sekeme madalame ki lalake numi, ala tarumara si palraingi ki lalakeli lani mwa karudrange ki alisu. 9Ala tamapalrailraingi mathaethareve ka taidrusa ka zuku, kunai nai mwa karudrange ki labaibai numi; kunumi la mwa karudrange ki labaibai nai. 10Luka ngimiyaiya kai, kai lri katumane lu ikaikai numi ki kadaengane nai, si ngisasingikaai silape ku amwane ikaikai, la ngilralraingi thathakai, langai pikai ku tacekecekelane.”
11La pacungulu, ku Sekeme la ngikakamaani papia ki tama ki Dina si labetakaneini kitubi, “Kiatubiaku kakuruaili; sana kitubi numi ku manemane, lri palraaingaku. 12Sana palraingi numi nakwane mwa ki lalake numi karudrange, ku taiyane numi ku sabadhane si saceacebe, lri palraingaku pangimia.”
13Ku lalalake ki Yakubu ngwalai kwini takabebetethane ki Sekeme ki agi lini ka Dina, la draedrangelre tubalre ki Sekeme si tamaini ka Hamure. 14Kwini lalasu la iya kai, “Kai nai lri maka pamwa ki agi nai ku kai kiagelregelre tulrisi ka umawmase; ku miyaiya kikai taingeane ka twasinalreme naiane. 15Luiyasi palraingi numi ku puvaga nai, lri palraaingi nai ku kitubi numi: Lri ngimia numi naiane, sanaka sawvalai lri kigelregelre tulrisi makanaelre. 16Luka ngimiyaiya kai, lri palraingi nai mathaethareve numiane, si ikaikai ki kadaengane numi, kavaevanga ka zuku. 17Alaiyasi kai numi tarumara kai puvaga nai si kigelregelre tulrisi, lri iluku nai ki agi nai katwase kai.”
18Ku Hamure si lalakeini ka Sekeme lu kidremedreme kwini latakitubiane mamamwa ki kakudhane. 19Kwini langukathabarane mialri ka nikiwsakenane ikai ki tacekecekelane lini, la icengecenge ngucawane ki dalamane ki lalake ki Yakubu, la makakaai katwase pangimia kwini niyane ka vaga.
20Ku Hamure si lalakeini ka Sekeme la mwa lrawlrawdru ki cekele ka rarubwane pelaela ki swakai kwini, 21“Kikai laumawmase twathaithariri mitane, kai matumane paikai liniane kai ki kadaenganeta, thathakai; kikai swaadrau kai kadaengane, lri makakelrete mwa ikai. Lai lri dulruta mwa ki labaibai lini karudrange, la mia lini maka mwa ki labaibaita karudrange. 22Ai kikai laumawmase yakai ku vaeva ku puvaga lini: Kuta kikai sanaka sawvalai lri tara ngialrawta ki sawvalai lini kigelregelre tulrisi, lwiyasi la tarumarata kikai nipuvagane, ala lri palraingi taelrenga mitane, kavaevanga ka minzuku. 23Alata palraingi, lani ikaikai mitane. Lumia kai, kikavai lanilapulapwane si lamanemane lini kaika lrika mitanenga?” 24Ku sakatucekelane ku umawmase la palraingi kwini taiyane ki Hamure si Sekeme; ala kigelregelre tulrisi kwini yakai ki cekele kwi lasawvalalai.
25Sa makatulrulunga, kwini ki cekele kwi lasawvalalai sakaiyana kabasau ku takigelregelrane lini tulrisi, ku tadrusa ka lalake ki Yakubu, ka betakane ki Dina ka Simiune si Lrivi, lakakadrua ku tapathingalane lini mailuku ku dramu mucekele. Kwi lalasu la pwa papacai demedeme sanaka sawvalai ki swakai kwini, 26adravane ka Hamure si Sekeme paelre papacai, la iluku ki Dina patwalai ki daane ki Sekeme. 27Sa maka papacainga, kwini drumane ku lalalake ki Yakubu la ravase kwini ki cekele, bilri ku takikabebetethane ki agi lini. 28Kwi lalasu waravase ku lakiu, lalwange, ruba si kwini yacekele si yalrilringulu sanaka maneemane. 29Kwi lalasu waribici sanaka takuciacingalre ka lamanemane, salri kwini yadaane ku palrapalrane ku lawbubulu, la ravase sanaka labaibai si lavavalake.
30Ku Yakubu amia kai ki Simiune si Lrivi, “Pamatiakuru numi nakwane; twalainga kaikameane, kai swa Kanange, swa Perizi si swa kai kikai ka laminzuku lri makitu kagirimucu nakwane. Kikai kaita tathainu ku umawmase, luiyasi ngielre kwi lalasu si kela kikaruburu mitane, kikai tacekecekelaneta lri kamudu.”
31Ai kwini lalasu amia kai tubalre, “Kai nai lri palraingi ki palrapalra lu malra ki betakane nai tupairairange!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017