Tabekacane 35
35
Ku Twaumase swabulrubulru ki Yakubu ikai Bithele
1Ku Twaumase amia kai ki Yakubu, “Lri mwasu ka Bithele, la ikaikai kavai. Lri ikaisu kavai cegecege ku vaeva ku tapatarumaramarane. Amaniaku kwidra sa mubeberesu ki taka ka Isau ka adrelane muswane ka Twaumase.”
2Ku Yakubu la iya kai kwini ki wacekecekeleini si sanaka twapapalra iniane, “Kwini mailuku numi kwini lasamiamiange ki maelane ka zuku cilria verevere; ngibabula, kipabalrithi ku mabula ku laimai. 3Lri katwaseta kikai mwa ka Bithele, ikai kavai lri pasikaiyaku ki Twaumase cegecege ku tapatarumaramarane. Sa kipadradresedresengaku ku akwalriane, ku Twaumase paralubu nakwane; sa acaicaicaliaku mwa kidruanga yai, watapalra nakwane.” 4Kwi lalasu la makitu malra kwini sanaka lasamiamiange ki maelane ka zuku si lridingi lini baai ki Yakubu; ku Yakubu la dralreke kikai lamanemane pikai tailebeane ki tharialupu ka angatu ka adeethe kavai Sekeme.
5Ku Yakubu si lalalakeini sa katwatwasenga yai, ku Twaumase la pakathathiburu ki swakai kwini ki laumawmase, si kai lreme saladha liniane. 6Ku Yakubu si wacekecekele makanaelre wakelanga ka Luze ki swa Kanange, kikainga sia Bithele. 7Kwi lasu yakai kwini cegecege ku vaeva ku tapatarumaramarane, la sunagane kwini pasi Ile Bithele#35.7 “Ile Bithele” ku pacugane yai “Twaumase ki swa Bethele” amia., asi lwiyane sa mubebere ki takaini yai, ku Twaumase yakai kwini papia iniane adrelane. 8Kudra siarapale pathuthu ki Rebeka ka Dibura wapacai, la dralreke pikai tali lrawdru Bithele ki tailebe ki tharialupu ka angatu, lakamani kwini angatu kipasi “Watubi ka tharialupu ka angatu”.
9Ku Yakubu sa twalai Mesuputamia kela yai, ku Twaumase la peelanga papia iniane adrelane, si subulrubulru iniane. 10Ku Twaumase la iya kai iniane, “Ku naganesu yai Yakubu, ai twalainga kai, lri si Iseraylringasu.” Ku Twaumase la pabalrithi ku naganeini pasi Iseraylri. 11Ku Twaumase amia kai iniane, “Amaniaku ku wadulru sanaka manemane ka Twaumase; lri baadhaku muswane ku mapapapangale ku lamwabaibalrithi. Lrika taikaalra ku kuni ku lri twalai ki lamwabaibalrithi muswane ngiradhekane; lri kamanisu ku tatwaladhane ki latalialalai. 12Lri baadhaku muswane si lamwabaibalrithi muswane kudra kadaengane ku subulrubulruli si baai ki Aberahame si Isake ku kadaengane.” 13Sa maka kawriva kikai vaga, ku Twaumase la katwase iniane. 14Ku Yakubu la ikai kwini ki takikawrivaneini ki Twaumase cegecege ku vaeva ku sangulringalringavane ka lrenege, la pibelenge paralikiliki ku bava si lawlau ki ulrive. 15Kwi lasu swanagane kikwini pasi Bithele.
Ku Rakile wapacai sa tulalalake
16Ku Yakubu si wacekecekeleini twalai Bithele katwase. Kwi lalasu la kela kwini ai wadaailiana kavai Iparathe, laka satulalalakenga ki Rakile. Kai alisu kiapakwalri tulalake, 17sa kai beserenga ki sakiangeange, kwini tarapatulalalake la iya kai iniane, “Madha mukuludru, sawvaalainga.” 18Sa ateateatekenga manianiake ku Rakile, lri padaalrunga si nguniakane yai, la sunagane ki lalake pasi Benuni#35.18 “Benuni” ku pacugane yai “pakwalri ki kidremedreme ka lalake ka sawvalai” amia.; ai ku tamaini swanagane pasi Biniyamingi#35.18 “Biniyamingi” ku pacugane yai “sasisipiane ka lalake ka sawvalai” amia..
19La pacai ku Rakile, la kidralreke pikai thili ki kadalranane ki sapapia ka Iparathe; kai Iparathe sia Bithelrihimenga kaiasasane. 20Ku Yakubu wacegecege ku pacase ka lrenege ki takidralrekane, pakelanga kaikameane kwi nicegecegane ka pacase yakaiyana belenge ki takidralrekane ki Rakile. 21Ku Yakubu la pacungulu katwase ku kadalrananeini, la ikai kwini tali lrawdru ka Idere tusasuladhane.
Lalalake ki Yakubu
(1 Lacaili 2.1-2)
22Ku Yakubu sa ikaikaiyana talikai kwini yai, ku takatakanga ku lalakeini ka Riwbingi la tadrusa apece ki labaibai ki tamaini ka Bila. Ku Yakubu kialalra kikai miyaiya kikai, la kalisi turamuru.
Ku Yakubu ta 12 ku lalalakeini. 23Ku tulalake ki Lria amani kai: Takatakanga ka lalake ki Yakubu ka Riwbingi, ala ka Simiune, Lrivi, Yuda, Isakare si Zibulungu. 24Ku tulalake ki Rakile amani kai: Yusepe, Biniyamingi. 25Ku tulalake ki duri ki Rakile ka Bila amani kai: Dange si Napetali. 26Ku tulalake ki duri ki Lria ka Zilepa amani kai: Gade si Asere. Kikai lalalake ki Yakubu makanaelre kiatulalake ikai kavai Mesuputamia.
Tapacadhane ki Isake
27Ku Yakubu la kela ka Mamere ki tamaini ka Isake; kwini Mamere yai amani ka Hiburungu, ka nataikaikaiyane ki Aberahame si Isake. 28Ku Isake tara 180 ku caili. 29Kai lasu pasuludrunga turamuru la mutukwinga pacai; ku lalakeini ka Isau si Yakubu la dralreke iniane.
Currently Selected:
Tabekacane 35: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 35
35
Ku Twaumase swabulrubulru ki Yakubu ikai Bithele
1Ku Twaumase amia kai ki Yakubu, “Lri mwasu ka Bithele, la ikaikai kavai. Lri ikaisu kavai cegecege ku vaeva ku tapatarumaramarane. Amaniaku kwidra sa mubeberesu ki taka ka Isau ka adrelane muswane ka Twaumase.”
2Ku Yakubu la iya kai kwini ki wacekecekeleini si sanaka twapapalra iniane, “Kwini mailuku numi kwini lasamiamiange ki maelane ka zuku cilria verevere; ngibabula, kipabalrithi ku mabula ku laimai. 3Lri katwaseta kikai mwa ka Bithele, ikai kavai lri pasikaiyaku ki Twaumase cegecege ku tapatarumaramarane. Sa kipadradresedresengaku ku akwalriane, ku Twaumase paralubu nakwane; sa acaicaicaliaku mwa kidruanga yai, watapalra nakwane.” 4Kwi lalasu la makitu malra kwini sanaka lasamiamiange ki maelane ka zuku si lridingi lini baai ki Yakubu; ku Yakubu la dralreke kikai lamanemane pikai tailebeane ki tharialupu ka angatu ka adeethe kavai Sekeme.
5Ku Yakubu si lalalakeini sa katwatwasenga yai, ku Twaumase la pakathathiburu ki swakai kwini ki laumawmase, si kai lreme saladha liniane. 6Ku Yakubu si wacekecekele makanaelre wakelanga ka Luze ki swa Kanange, kikainga sia Bithele. 7Kwi lasu yakai kwini cegecege ku vaeva ku tapatarumaramarane, la sunagane kwini pasi Ile Bithele#35.7 “Ile Bithele” ku pacugane yai “Twaumase ki swa Bethele” amia., asi lwiyane sa mubebere ki takaini yai, ku Twaumase yakai kwini papia iniane adrelane. 8Kudra siarapale pathuthu ki Rebeka ka Dibura wapacai, la dralreke pikai tali lrawdru Bithele ki tailebe ki tharialupu ka angatu, lakamani kwini angatu kipasi “Watubi ka tharialupu ka angatu”.
9Ku Yakubu sa twalai Mesuputamia kela yai, ku Twaumase la peelanga papia iniane adrelane, si subulrubulru iniane. 10Ku Twaumase la iya kai iniane, “Ku naganesu yai Yakubu, ai twalainga kai, lri si Iseraylringasu.” Ku Twaumase la pabalrithi ku naganeini pasi Iseraylri. 11Ku Twaumase amia kai iniane, “Amaniaku ku wadulru sanaka manemane ka Twaumase; lri baadhaku muswane ku mapapapangale ku lamwabaibalrithi. Lrika taikaalra ku kuni ku lri twalai ki lamwabaibalrithi muswane ngiradhekane; lri kamanisu ku tatwaladhane ki latalialalai. 12Lri baadhaku muswane si lamwabaibalrithi muswane kudra kadaengane ku subulrubulruli si baai ki Aberahame si Isake ku kadaengane.” 13Sa maka kawriva kikai vaga, ku Twaumase la katwase iniane. 14Ku Yakubu la ikai kwini ki takikawrivaneini ki Twaumase cegecege ku vaeva ku sangulringalringavane ka lrenege, la pibelenge paralikiliki ku bava si lawlau ki ulrive. 15Kwi lasu swanagane kikwini pasi Bithele.
Ku Rakile wapacai sa tulalalake
16Ku Yakubu si wacekecekeleini twalai Bithele katwase. Kwi lalasu la kela kwini ai wadaailiana kavai Iparathe, laka satulalalakenga ki Rakile. Kai alisu kiapakwalri tulalake, 17sa kai beserenga ki sakiangeange, kwini tarapatulalalake la iya kai iniane, “Madha mukuludru, sawvaalainga.” 18Sa ateateatekenga manianiake ku Rakile, lri padaalrunga si nguniakane yai, la sunagane ki lalake pasi Benuni#35.18 “Benuni” ku pacugane yai “pakwalri ki kidremedreme ka lalake ka sawvalai” amia.; ai ku tamaini swanagane pasi Biniyamingi#35.18 “Biniyamingi” ku pacugane yai “sasisipiane ka lalake ka sawvalai” amia..
19La pacai ku Rakile, la kidralreke pikai thili ki kadalranane ki sapapia ka Iparathe; kai Iparathe sia Bithelrihimenga kaiasasane. 20Ku Yakubu wacegecege ku pacase ka lrenege ki takidralrekane, pakelanga kaikameane kwi nicegecegane ka pacase yakaiyana belenge ki takidralrekane ki Rakile. 21Ku Yakubu la pacungulu katwase ku kadalrananeini, la ikai kwini tali lrawdru ka Idere tusasuladhane.
Lalalake ki Yakubu
(1 Lacaili 2.1-2)
22Ku Yakubu sa ikaikaiyana talikai kwini yai, ku takatakanga ku lalakeini ka Riwbingi la tadrusa apece ki labaibai ki tamaini ka Bila. Ku Yakubu kialalra kikai miyaiya kikai, la kalisi turamuru.
Ku Yakubu ta 12 ku lalalakeini. 23Ku tulalake ki Lria amani kai: Takatakanga ka lalake ki Yakubu ka Riwbingi, ala ka Simiune, Lrivi, Yuda, Isakare si Zibulungu. 24Ku tulalake ki Rakile amani kai: Yusepe, Biniyamingi. 25Ku tulalake ki duri ki Rakile ka Bila amani kai: Dange si Napetali. 26Ku tulalake ki duri ki Lria ka Zilepa amani kai: Gade si Asere. Kikai lalalake ki Yakubu makanaelre kiatulalake ikai kavai Mesuputamia.
Tapacadhane ki Isake
27Ku Yakubu la kela ka Mamere ki tamaini ka Isake; kwini Mamere yai amani ka Hiburungu, ka nataikaikaiyane ki Aberahame si Isake. 28Ku Isake tara 180 ku caili. 29Kai lasu pasuludrunga turamuru la mutukwinga pacai; ku lalakeini ka Isau si Yakubu la dralreke iniane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017