Tabekacane 46
46
Ku Yakubu mailuku ki lawacekecekeleini mwa Izipiti
1Ku Yakubu swaragele ku lamanemane demedeme la kela ka Bereseba, kwi lasu la ikai kwini patarumara ki Twaumase ki tamaini ka Isake. 2Sakamaungu, ku Twaumase la ikai ki maburusi kawriva iniane, ku Twaumase watawtau iniane, “Yakubu, Yakubu!”
Kwi lasu la tubalre, “Kawvadhaku!”
3Ku Twaumase amia kai, “Twaumasaku, ka Twaumase ki tamasu. Madha mukulukuludru mwa ka Izipiti. Lri tuadravaku ku mwabaibalrithi muswane, ikai kavai ka amani ku maadrau ka kuni. 4Lri ngikakamaniaku tupalra muswane mwa Izipiti, si lalri ngikakamaniaku sangiluku ki lamwabaibalrithi muswane siwlri mwa kai ki kadaengane. Lu pacaisu, ku Yusepe lri ithili muswane si kamani ka wadralreke.”
5Ku Yakubu la singikai kwini Bereseba katwase. Ku lalalakeini la malra ki tama lini, ki lalalake si taelrelre lini makanaelre mubelenge ki palridingi ka pakainganai ki talialalai ki swa Izipiti. 6Kwi lalasu la iluku ku malra lini ikai Kanange ku lanilapulapwane si tacekecekelane mwa ka Izipiti. Ku Yakubu la sangiluku ki lagaganeini mwa Izipiti, 7matala: Lalalake, lagagane ka sawvalai, lalalake ka labaibai si lagagane ka labaibai.
8Ku twapapalra ki Yakubu mwa Izipiti ka swa Iseraylri ku nagane lini: Lalake ki Yakubu ka Riwbingi si 9lalalakeini ka Hanuke, Palu, Hezerunge, Karemi. 10Simiune si lalalakeini ka Yemuele, Yamingi, Uhade, Yakingi, Zuhare, si tulalake ki alisu ka swa Kanange ka Saule. 11Lrivi si lalalakeini ka Geresune, Kuhathe si Mirari. 12Yuda si lalalakeini ka Sela, Pereze, Zera (ku Yuda yakaiyana ku tadrusa ku lalake ka Ire si Unange tara wapacai ikai Kanange). Lalalake ki Pereze amani kai Hezerunge si Hamure. 13Isakare si lalalakeini ka Tula, Pua, Yasube si Simerunge. 14Zibulungu si lalalakeini ka Serede, Ilune si Yahele. 15Kikai amani ku lamwabaibalrithi ki Yakubu ka tulalake ki Lria ikai Mesuputamia, la ikaiyana ku druma ku ababai ka Dina. Ku lalake si lamwabaibalrithi ki Yakubu ngukai ki Lria ta 33.
16Gade si lalalakeini ka Zepunu, Hagi, Suni, Izebune, Ilri, Arude si Areli. 17Asere si lalalakeini ka Imena, Iseva, Isevi, Beriahe si agini ka ababai ka Sera. Beria si lalalakeini ka Hebere si Malekile. 18Kikai amani ku lamwabaibalrithi ki Yakubu ngukai ki Zilepa ka duri ki lalake ki Labange ka Lria ta 16.
19Ku taelrelre ki Yakubu ka Rakile la tadrusa ku lalake, amani kai Yusepe si Biniyamingi. 20Kai Yusepe sa ikai Izipiti twalalake ngukai ki Asenathe ka lalake ki Putipira ka barakalai ki swa Heliupulise amani kai Manase si Iparaime. 21Ku lalalake ki Biniyamingi yai, Bila, Bekere, Asebele, Gira, Naimange, Ihi, Ruse, Mupime, Hupime si Arede. 22Kikai amani ku lamwabaibalrithi ki Yakubu ngukai ki Rakile ta 14.
23Dange si lalakeini ka Husime. 24Napetali si lalalakeini ka Yahezele, Guni, Yezere, Seleme. 25Kikai amani ku lamwabaibalrithi ki Yakubu ngukai ki Bila ka duri ki Rakile ka lalake ki Labange, tapitu.
26Ku twapalra ki Yakubu mwa Izipiti ku kalagagananeini, kai pasipi ki lakiathareve, ikaai ku ta 66. 27Lu padrimaneana ku tadrusa ku tulalake ki Yusepe ikai Izipiti, ku wacekecekele ki Yakubu ikai Izipiti tamapitulu.
Ku Yakubu si wacekecekeleini wadaruru ka Izipiti
28Ku Yakubu la sikawlu ki Yuda aswalaala mwa ki Yusepe, pelaela ku vai ku aikaiyane Gusenge madredresenge. Kwi lalasu sa darurunga Gusenge, 29ku Yusepe la ngukai ki palridingi mwa kavai kidredresenge ki tamaini. Sa madradrele, ku Yusepe la kebere ki tamaini, si tubi kaulai. 30Ku Yakubu la iya kai ki Yusepe, “Anau ka wadreleana muswane ka panianianiakeanasu, kikainga adravane pacaingaku kai lri katumane.”
31Sakabilrilinga ku Yusepe la iya kai ki labetakaneini si kwini laumawmase ki tamaini, “Lri tara pelaelaku ki talialalai, ku labetakaneli si laumawmase ki ama twalai Kanange wakelanga kai iya. 32Lri pelaelaku ki talialalai, kunumi taraagwagu ki kiu, ka kiara nilapulapwane cekecekele panianiake; la iluku numi kai lakiu si lwange si lamanemane kela kai. 33Ku talialalai lu dawlu kikawriva numiane, la kivavaga ku taratumatumane numi iya, 34la pelaela madu iniane, mararaamau numi ki cucungulane numi, singika lavavalake pakela kaiasasane ka wacekecekecekele panianiake ara nilapulapwane. Lu mia kikai, kwi lasu lri paikai numiane kavai talikai Gusenge.” Ku taiyane ki Yusepe kai, amani sa kai mangulatatatadre kai swa Izipiti ki taraagwagu ki kiu.
Currently Selected:
Tabekacane 46: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
