Tabekacane 47
47
1Ku Yusepe la ililuku ku talrima ku betakaneini mwa kikawriva ki talialalai. La iya kai ki talialalai, “Ku ama si labetakaneli twalai Kanange mailuku ku lwange kiu si tacekecekelane lini patuelre kelanga kai; kikai laka yakai kavai tali Gusenge.” 2La pacungulu ililuku ki labetakaneini kikawriva ki talialalai. 3Ku talialalai la kivaga liniane, “Taratumatumane ku awngane numi?”
Kwini lalasu la tubalre, “Talialalai, mararaamau nai ki cucungulane nai, tarapagwagu nai ki kiu. 4Ngwalai kavai tali Kanange pakialringau ku kalasilravane, kadrwa ku tapwane pagwagu ki lakiu, lakamani ku taluela nai papia kai. Kiatubi nai muswane ka talialalai palrainga naiane ikai kavai tali Gusenge.” 5Ku talialalai la iya kai ki Yusepe, “Kikai ku tamasu si labetakanesu wakelanga makanaelre. 6Yacucubungu liniane kai kadaengane ki swa Izipiti, aningisasingikaai pilri; lri dulru ikaikai ki mathaithaariringa ki kadaengane ki swa Izipiti ka Gusenge. Luiyasi ikai ku magarange liniane, sikawlanga liniane lani kamani ku marasiakai ki lapulapuli.”
7Ku Yusepe la iluku ki tamaini ka Yakubu mwa ki daane ki talialalai kikawriva ki talialalai ki swa Izipiti. Ku Yakubu la subulrubulru ki talialalai. 8Ku talialalai la kivaga iniane, “Thaininunga ku cailisu?”
9Ku Yakubu la tubalre, “Kunaku ku taacaicalianeli ikai kawmasane tara 130 ka caili. Kikai caili edrekane si laka akwalriiane, kai kadali kiramau ki cucungulaneli.” 10Salri katwase, ku Yakubu la subulrubulru ki talialalai, ala katwase. 11Ku Yusepe la pangimia ku tadrekasane ki talialalai malra ki tamaini si labetakaneini pasutelrai ikai Izipiti; la malra kwini adeethe cekele Ramese, pasikadaengane liniane kwini mathaithaariringa ki kadaengane ki swa Izipiti, 12la tudrulru ku taleke baai ki tamaini si labetakaneini, si wacekecekele ki tamaini, adravane ka lrwalrulainga kiapaasipi.
Kalasilravane
13Twakalasilravane pakilringau turamuru, kawrame ku taleke ki inunga; ku swa Izipiti si swa Kanange la kakadrwanga ku puku lini ki silravane. 14Kwini lalasu lu kela kibungu, ku Yusepe la malra ku paisu lini, si satedre pwa ki daane ki talialalai. 15Sa sakaelemenga ka kadrwanga ku paisu ku swa talikai Izipiti si Kanange, ku mapapangale ki swa Izipiti la kela kikawriva ki Yusepe, kitubi iniane, iya kai, “Pakaelrenga nai ku paisu nai, ala kidremedrema si baai naiane ku taleke, amani lu kiara silravane nai si pacai.”
16Ku Yusepe la tubalre, “Luiyasi pakaelrenga numi ku paisu, ikatumane iluku numi ku lalapulapu numi kibalrithi ku taleke.” 17Lakamani kwi lalasu wamalra iluku ku nilapulapwane mwa ki Yusepe, ku Yusepe la arakai ku taleke kibalrithi ku rigi, lwange, kiu, ruba lini. Ikai kwini ki caili, arakai kwini seketeini ku taleke kibalrithi kwini lanilapulapwane ki mapapangale.
18Sakadrusa ka caili, kwi lalasu la keelanga kitubi, “Tamatamali, kai nai lri maka draedrangelre muswane, pakaelrenga nai ku paisu nai, ku nilapulapwane la baainga nai muswane patuelre. Kikai, kathanenga kai kinawmasane nai si kadaengane nai, kadruanga kanamaneemanenga. 19Ala kidremedrema ku apangimiane nai, amani lu pacai nai, lu aubulane ku kadaengane nai. Kiatubi nai muswane arakaiya ku taleke kibalrithi naiane si kadaengane nai. Ku talialalai wamalranga ku kadaengane nai; palraingi nai aduri ki talialalai, pasikai iniane kaungu. Ala baadha naiane ku taleke, la nai panianiake; baadha ku sapaivai naiane, la nai paivai ki umawma.”
20Ku Yusepe pasiakai ki talialalai langainga ngulre sanaka kadaengane ki swa Izipiti. Kwini ku silravane arwa pakilringalringau, ku swa Izipiti kiavuthanga kilangai ku kadaengane lini, sanaka kadaengane atalialalaadhanenga. 21Ala kwini laumawmase, ku Yusepe kwini ki swakai Izipiti ka laumawmase la patarakauawngu ka duri; 22kathaane ku kadaengane ki labarakalai ku kai wamalra langai, asi lwiyane kwini lalasu patwalai ki talialalai kibaai ku sacekecekelane lini, kai lri kilangai ku kadaengane lini. 23Ku Yusepe la iya kai ki mapapangale, “Kikai pasiakaiyaku ki talialalai langai numiane si kai lakadaengane numi, nau baai kai sapaivai lanu paivai. 24Lu kitalekenga, lri malra numi ku taingeane ki tailrimane si baai ki talialalai, ku drumane la nika talekenga numi si lawacekecekele numi, la mialri tusapaivai.”
25Kwini lalasu la tubalre, “Tamatama nai, palribulusu ki niake nai, kilibake naiane, palraingi nai aduri ki talialalai.” 26Ku Yusepe pasiakai ki kadaengane ki swa Izipiti cegecege ku hulrice: Sanaka nikitalekane, ku taingeane ki tailrimane lrika talialaladhane. Kikai hulrice pakela kaikameane yakaiyana ku suswane, kathane ku kadaengane ki labarakalai ka kai lrika talialaladhane.
Bibiilrilinga ka kitubi ki Yakubu
27Ku swa Iseraylri yakai Izipiti ka talikai Gusenge. Kwi lalasu yakai kwini ngiradhekane, edhale ku umawmase. 28Ku Yakubu yakai Izipiti tara 17 ka caili, sa darurunga ki tara 147 ka caili. 29Kwi lasu salri pacainga, siakawlu ki umawmase dawlu ki Yusepe, la iya kai iniane, “Pwa ki kabicelrakane ki vagisili kwi alrimasu kiketekete, la papia nakwane arakai ku thalradhane si tukapatengatengane ka kidremedreme kiketekete nakwane, kaisu lri dralreke nakwane pikai kai Izipiti. 30Lu pacadhaku, kusu malraili iluku katwase Izipiti, si dralreke nakwane pikai ki takidralrekane ki cucungulaneli.”
Ku Yusepe la iya kai, “Lri tara pangimiaku ku tacunanesu.”
31Ku Yakubu amia kai, “Papiaili kiketekete!” Ku Yusepe la papia iniane kiketekete; ku Yakubu la ikai ki tapeapecane kiaseasene ki Twaumase.
Currently Selected:
Tabekacane 47: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 47
47
1Ku Yusepe la ililuku ku talrima ku betakaneini mwa kikawriva ki talialalai. La iya kai ki talialalai, “Ku ama si labetakaneli twalai Kanange mailuku ku lwange kiu si tacekecekelane lini patuelre kelanga kai; kikai laka yakai kavai tali Gusenge.” 2La pacungulu ililuku ki labetakaneini kikawriva ki talialalai. 3Ku talialalai la kivaga liniane, “Taratumatumane ku awngane numi?”
Kwini lalasu la tubalre, “Talialalai, mararaamau nai ki cucungulane nai, tarapagwagu nai ki kiu. 4Ngwalai kavai tali Kanange pakialringau ku kalasilravane, kadrwa ku tapwane pagwagu ki lakiu, lakamani ku taluela nai papia kai. Kiatubi nai muswane ka talialalai palrainga naiane ikai kavai tali Gusenge.” 5Ku talialalai la iya kai ki Yusepe, “Kikai ku tamasu si labetakanesu wakelanga makanaelre. 6Yacucubungu liniane kai kadaengane ki swa Izipiti, aningisasingikaai pilri; lri dulru ikaikai ki mathaithaariringa ki kadaengane ki swa Izipiti ka Gusenge. Luiyasi ikai ku magarange liniane, sikawlanga liniane lani kamani ku marasiakai ki lapulapuli.”
7Ku Yusepe la iluku ki tamaini ka Yakubu mwa ki daane ki talialalai kikawriva ki talialalai ki swa Izipiti. Ku Yakubu la subulrubulru ki talialalai. 8Ku talialalai la kivaga iniane, “Thaininunga ku cailisu?”
9Ku Yakubu la tubalre, “Kunaku ku taacaicalianeli ikai kawmasane tara 130 ka caili. Kikai caili edrekane si laka akwalriiane, kai kadali kiramau ki cucungulaneli.” 10Salri katwase, ku Yakubu la subulrubulru ki talialalai, ala katwase. 11Ku Yusepe la pangimia ku tadrekasane ki talialalai malra ki tamaini si labetakaneini pasutelrai ikai Izipiti; la malra kwini adeethe cekele Ramese, pasikadaengane liniane kwini mathaithaariringa ki kadaengane ki swa Izipiti, 12la tudrulru ku taleke baai ki tamaini si labetakaneini, si wacekecekele ki tamaini, adravane ka lrwalrulainga kiapaasipi.
Kalasilravane
13Twakalasilravane pakilringau turamuru, kawrame ku taleke ki inunga; ku swa Izipiti si swa Kanange la kakadrwanga ku puku lini ki silravane. 14Kwini lalasu lu kela kibungu, ku Yusepe la malra ku paisu lini, si satedre pwa ki daane ki talialalai. 15Sa sakaelemenga ka kadrwanga ku paisu ku swa talikai Izipiti si Kanange, ku mapapangale ki swa Izipiti la kela kikawriva ki Yusepe, kitubi iniane, iya kai, “Pakaelrenga nai ku paisu nai, ala kidremedrema si baai naiane ku taleke, amani lu kiara silravane nai si pacai.”
16Ku Yusepe la tubalre, “Luiyasi pakaelrenga numi ku paisu, ikatumane iluku numi ku lalapulapu numi kibalrithi ku taleke.” 17Lakamani kwi lalasu wamalra iluku ku nilapulapwane mwa ki Yusepe, ku Yusepe la arakai ku taleke kibalrithi ku rigi, lwange, kiu, ruba lini. Ikai kwini ki caili, arakai kwini seketeini ku taleke kibalrithi kwini lanilapulapwane ki mapapangale.
18Sakadrusa ka caili, kwi lalasu la keelanga kitubi, “Tamatamali, kai nai lri maka draedrangelre muswane, pakaelrenga nai ku paisu nai, ku nilapulapwane la baainga nai muswane patuelre. Kikai, kathanenga kai kinawmasane nai si kadaengane nai, kadruanga kanamaneemanenga. 19Ala kidremedrema ku apangimiane nai, amani lu pacai nai, lu aubulane ku kadaengane nai. Kiatubi nai muswane arakaiya ku taleke kibalrithi naiane si kadaengane nai. Ku talialalai wamalranga ku kadaengane nai; palraingi nai aduri ki talialalai, pasikai iniane kaungu. Ala baadha naiane ku taleke, la nai panianiake; baadha ku sapaivai naiane, la nai paivai ki umawma.”
20Ku Yusepe pasiakai ki talialalai langainga ngulre sanaka kadaengane ki swa Izipiti. Kwini ku silravane arwa pakilringalringau, ku swa Izipiti kiavuthanga kilangai ku kadaengane lini, sanaka kadaengane atalialalaadhanenga. 21Ala kwini laumawmase, ku Yusepe kwini ki swakai Izipiti ka laumawmase la patarakauawngu ka duri; 22kathaane ku kadaengane ki labarakalai ku kai wamalra langai, asi lwiyane kwini lalasu patwalai ki talialalai kibaai ku sacekecekelane lini, kai lri kilangai ku kadaengane lini. 23Ku Yusepe la iya kai ki mapapangale, “Kikai pasiakaiyaku ki talialalai langai numiane si kai lakadaengane numi, nau baai kai sapaivai lanu paivai. 24Lu kitalekenga, lri malra numi ku taingeane ki tailrimane si baai ki talialalai, ku drumane la nika talekenga numi si lawacekecekele numi, la mialri tusapaivai.”
25Kwini lalasu la tubalre, “Tamatama nai, palribulusu ki niake nai, kilibake naiane, palraingi nai aduri ki talialalai.” 26Ku Yusepe pasiakai ki kadaengane ki swa Izipiti cegecege ku hulrice: Sanaka nikitalekane, ku taingeane ki tailrimane lrika talialaladhane. Kikai hulrice pakela kaikameane yakaiyana ku suswane, kathane ku kadaengane ki labarakalai ka kai lrika talialaladhane.
Bibiilrilinga ka kitubi ki Yakubu
27Ku swa Iseraylri yakai Izipiti ka talikai Gusenge. Kwi lalasu yakai kwini ngiradhekane, edhale ku umawmase. 28Ku Yakubu yakai Izipiti tara 17 ka caili, sa darurunga ki tara 147 ka caili. 29Kwi lasu salri pacainga, siakawlu ki umawmase dawlu ki Yusepe, la iya kai iniane, “Pwa ki kabicelrakane ki vagisili kwi alrimasu kiketekete, la papia nakwane arakai ku thalradhane si tukapatengatengane ka kidremedreme kiketekete nakwane, kaisu lri dralreke nakwane pikai kai Izipiti. 30Lu pacadhaku, kusu malraili iluku katwase Izipiti, si dralreke nakwane pikai ki takidralrekane ki cucungulaneli.”
Ku Yusepe la iya kai, “Lri tara pangimiaku ku tacunanesu.”
31Ku Yakubu amia kai, “Papiaili kiketekete!” Ku Yusepe la papia iniane kiketekete; ku Yakubu la ikai ki tapeapecane kiaseasene ki Twaumase.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017