Tabekacane 48
48
Ku Yakubu swabulrubulru ki Iparaime si Manase
1Sangilribatenga maikawlawlai, yakai ku umawmase ku peaelaela ki Yusepe, macaeme ku tamasu iya. Ku Yusepe la iluku ki tadrusa ka lalakeini ka Manase si Iparaime, mwa lrikape ki tamaini. 2Ku Yakubu la kilalra ka wakela ku lalakeini ka Yusepe lrikape iniane, la kiadili nene ikai tapeapecane. 3Ku Yakubu la pelaela ki Yusepe, “Ku wadulru sanaka manemane ka Twaumase nayakai Kanange kadalranane ka Luze adrelane nakwane, subulrubulru nakwane. 4Ku Twaumase amia kai nakwane, ‘Lri baadhaku ku takaalra ku lalalake si lagaganesu, lri twadravaku mau kaalra ka lakuni ki mwabaibalrithi muswane; la lri baadhaku kikai kadaengane ki mwabaibalrithi muswane, apalralrawthu ka tacekecekelane lini.’ ”
5Ku Yakubu la iyanga kai, “Yusepe! Sa kainaku kelana kai Izipiti, kai tadrusa kai lalakesu kiatulalake ikai kai, mialri ka nakwane; kai Iparaime si Manase si Riwbingi, Simiune thadaalrane ka nakwane. 6Ku drumane ku lalakesu kai lri paasipi ka nakwane; ai kwini lalasu lri patwalai ki Iparaime si Manase kivala ku tacekecekelane lini. 7Kai piali kikai ngwaladhaku ki tinasu ka Rakile. Sa singikaiyaku Mesuputamia siwlri yai, ku tinasu yakai tali Kanange, adeethe ka Iparathe ikai kwini pacai, la tubiaku turamuru. La malraku dralreke iniane pikai kwini ki sapapia Iparathe pithili ki kadalranane.” (Kai Iparathe kikainga sia Bithelrihime.)
8Ku Yakubu sa drele ki lalalake ki Yusepe, la kivaga, “Kikai lalalake yai aneane?”
9Ku Yusepe la tubalre, “Lalalakeli, amani ku takelanengali kai Izipiti, Twaumase ka wabaai nakwane.”
Ku Yakubu la iya kai, “Iluka mwakai, la nau subulrubulru liniane.” 10Ku Yakubu pasuludrunga, kai cegenga drele. Ku Yusepe la malra kwini ki lalalakeini pucucubungu iniane, kwi lasu la kebere liniane, tubarengerane uma liniane. 11Ku Yakubu la iya kai ki Yusepe, “Lai lri thingathiingalaku ka lri dreleanaku muswane; kikai ku Twaumase la padreleana nakwane ki lalalakesu.” 12Ku Yusepe la malra kebere kwini ki tadrusa ka lalake patwalai ki vagisi ki Yakubu, la pidruru guruthungane icucubungu ki tamaini.
13Ku Yusepe la pasakai ki tali viri ki Yakubu kwini ki Iparaime, la pasakai ki vanale ki Manase. 14Ai ku Yakubu apakakalrivatha ku alrimaini, ku vanale piakai ki awlru ki agiagi ka Iparaime, ku viri la pikai ki awlru ki takataka ka Manase. 15Kwi lasu la subulrubulru ki Yusepe#48.15 “Yusepe” ku Yakubu sa subulrubulru ki Iparaime si Manase maru swabulrubulrunga ki “Yusepe”. iya kai:
Kudra Twaumase ka marasikaikai ki cucungulaneli ka Aberahame si Isake ani subulrubulru kikai ki tadrusa ka lalake!
Kudra pakeela kaikameane lapulapu nakwane ka Twaumase ani subulrubulru liniane!
16Kudra palribulu nakwane kidaili ki sanaka sapapacai ka sasiakawlu subelebelenge ani subulrubulru liniane!
Kai naganeli, si nagane ki cucungulaneli ka Aberahame si Isake, ani pangukai liniane parwakaikaai pacungulu!
Kwi lalasu ani edhale ku lalalake si lagagane lini, ngiradhekane ikai kawmasane!
17Ku Yusepe sa drele ki tamaini malra kwini vanale pwa ki awlru ki Iparaime, la kai kiragai ku kidremedremeini. La malra kwini vanale ka alrima ki tamaini, nau pataluela patwalai ki awlru ki Iparaime pwa ki awlru ki Manase amia. 18Kwi lasu la iya kai ki tamaini, “Ama, pasamalisu, amani kai ku takataka, kwini vanalesu pwa ki awlruini.”
19Ku tamaini la kai tarumara, la iya kai, “Lalakeli, wathingalaku, wathingalaku, ku mwabaibalrithi ki Manase mialri ka lrika maadrau ka zuku; ai kai agini lrika madradrau iniane, ku mwabaibalrithi ki agini lrika amani ku maadrau si ngiaradhekane ka minzuku.”
20Ikai kwini ki vai, ku Yakubu swabulrubulru liniane, la iya kai, “Kai swa Iseraylri lri arakai ku nagane numi subulrubulru ki umawmase. Kwi lalasu lri iya kai, ‘Ku Twaumase ani pangimia numiane ki Iparaime si Manase.’ ” La ngimia kikai, ku Yakubu la malra ki Iparaime pasacucubungu ki Manase.
21Sakabilrilinga, ku Yakubu amia kai ki Yusepe, “Wathingalesu lri padaalrungaku si pacai! Ai ku Twaumase lri tara tapalra numiane, mailuku numiane siwlri mwa ki kadaengane ki cucungulane numi. 22Wabaadhaku muswane kwini takakaraumane kavai Sekeme, kai baai ki labetakanesu; kikwini arakaili ku lraili ku dramu patwalai ki swa Amuri ravase.”
Currently Selected:
Tabekacane 48: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 48
48
Ku Yakubu swabulrubulru ki Iparaime si Manase
1Sangilribatenga maikawlawlai, yakai ku umawmase ku peaelaela ki Yusepe, macaeme ku tamasu iya. Ku Yusepe la iluku ki tadrusa ka lalakeini ka Manase si Iparaime, mwa lrikape ki tamaini. 2Ku Yakubu la kilalra ka wakela ku lalakeini ka Yusepe lrikape iniane, la kiadili nene ikai tapeapecane. 3Ku Yakubu la pelaela ki Yusepe, “Ku wadulru sanaka manemane ka Twaumase nayakai Kanange kadalranane ka Luze adrelane nakwane, subulrubulru nakwane. 4Ku Twaumase amia kai nakwane, ‘Lri baadhaku ku takaalra ku lalalake si lagaganesu, lri twadravaku mau kaalra ka lakuni ki mwabaibalrithi muswane; la lri baadhaku kikai kadaengane ki mwabaibalrithi muswane, apalralrawthu ka tacekecekelane lini.’ ”
5Ku Yakubu la iyanga kai, “Yusepe! Sa kainaku kelana kai Izipiti, kai tadrusa kai lalakesu kiatulalake ikai kai, mialri ka nakwane; kai Iparaime si Manase si Riwbingi, Simiune thadaalrane ka nakwane. 6Ku drumane ku lalakesu kai lri paasipi ka nakwane; ai kwini lalasu lri patwalai ki Iparaime si Manase kivala ku tacekecekelane lini. 7Kai piali kikai ngwaladhaku ki tinasu ka Rakile. Sa singikaiyaku Mesuputamia siwlri yai, ku tinasu yakai tali Kanange, adeethe ka Iparathe ikai kwini pacai, la tubiaku turamuru. La malraku dralreke iniane pikai kwini ki sapapia Iparathe pithili ki kadalranane.” (Kai Iparathe kikainga sia Bithelrihime.)
8Ku Yakubu sa drele ki lalalake ki Yusepe, la kivaga, “Kikai lalalake yai aneane?”
9Ku Yusepe la tubalre, “Lalalakeli, amani ku takelanengali kai Izipiti, Twaumase ka wabaai nakwane.”
Ku Yakubu la iya kai, “Iluka mwakai, la nau subulrubulru liniane.” 10Ku Yakubu pasuludrunga, kai cegenga drele. Ku Yusepe la malra kwini ki lalalakeini pucucubungu iniane, kwi lasu la kebere liniane, tubarengerane uma liniane. 11Ku Yakubu la iya kai ki Yusepe, “Lai lri thingathiingalaku ka lri dreleanaku muswane; kikai ku Twaumase la padreleana nakwane ki lalalakesu.” 12Ku Yusepe la malra kebere kwini ki tadrusa ka lalake patwalai ki vagisi ki Yakubu, la pidruru guruthungane icucubungu ki tamaini.
13Ku Yusepe la pasakai ki tali viri ki Yakubu kwini ki Iparaime, la pasakai ki vanale ki Manase. 14Ai ku Yakubu apakakalrivatha ku alrimaini, ku vanale piakai ki awlru ki agiagi ka Iparaime, ku viri la pikai ki awlru ki takataka ka Manase. 15Kwi lasu la subulrubulru ki Yusepe#48.15 “Yusepe” ku Yakubu sa subulrubulru ki Iparaime si Manase maru swabulrubulrunga ki “Yusepe”. iya kai:
Kudra Twaumase ka marasikaikai ki cucungulaneli ka Aberahame si Isake ani subulrubulru kikai ki tadrusa ka lalake!
Kudra pakeela kaikameane lapulapu nakwane ka Twaumase ani subulrubulru liniane!
16Kudra palribulu nakwane kidaili ki sanaka sapapacai ka sasiakawlu subelebelenge ani subulrubulru liniane!
Kai naganeli, si nagane ki cucungulaneli ka Aberahame si Isake, ani pangukai liniane parwakaikaai pacungulu!
Kwi lalasu ani edhale ku lalalake si lagagane lini, ngiradhekane ikai kawmasane!
17Ku Yusepe sa drele ki tamaini malra kwini vanale pwa ki awlru ki Iparaime, la kai kiragai ku kidremedremeini. La malra kwini vanale ka alrima ki tamaini, nau pataluela patwalai ki awlru ki Iparaime pwa ki awlru ki Manase amia. 18Kwi lasu la iya kai ki tamaini, “Ama, pasamalisu, amani kai ku takataka, kwini vanalesu pwa ki awlruini.”
19Ku tamaini la kai tarumara, la iya kai, “Lalakeli, wathingalaku, wathingalaku, ku mwabaibalrithi ki Manase mialri ka lrika maadrau ka zuku; ai kai agini lrika madradrau iniane, ku mwabaibalrithi ki agini lrika amani ku maadrau si ngiaradhekane ka minzuku.”
20Ikai kwini ki vai, ku Yakubu swabulrubulru liniane, la iya kai, “Kai swa Iseraylri lri arakai ku nagane numi subulrubulru ki umawmase. Kwi lalasu lri iya kai, ‘Ku Twaumase ani pangimia numiane ki Iparaime si Manase.’ ” La ngimia kikai, ku Yakubu la malra ki Iparaime pasacucubungu ki Manase.
21Sakabilrilinga, ku Yakubu amia kai ki Yusepe, “Wathingalesu lri padaalrungaku si pacai! Ai ku Twaumase lri tara tapalra numiane, mailuku numiane siwlri mwa ki kadaengane ki cucungulane numi. 22Wabaadhaku muswane kwini takakaraumane kavai Sekeme, kai baai ki labetakanesu; kikwini arakaili ku lraili ku dramu patwalai ki swa Amuri ravase.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017