Yuhani 15
15
Ku Yesu amani ku kabudwane
1“Amaniaku ku kabudwane, ku Ama laka tarakauawngu. 2Sanaka kiaparaisi nakwane ku ricingi la kai pumadru, lai lri kaciane; ku wadulru pumadru ku ricingi, lai lri pudriadringai kaciane, ku lrika arupumadrwaneini. 3Kai bulrubulruli numiane kai vaga, pakabulanga numiane. 4Kunumi takiparaisana nakwane, lanau ka takiparaisane numiane. Alaiyasi kai numi kiparaisi nakwane, lri kai numi maka dulru pumadru, mararamau ki ricingi lu kai kiparaisi ki tangadrane ki budu, lri kai maka dulru pumadru.
5“Amaniaku ku cebe ka budu, laka ricingi numi. Kudra takiparaisane nakwane, la lri mialriaku ka takiparaisane iniane, lri tara tukaalra pumadru, asi lwiyane sana kidaili nakwane, kunumi kadrwa ku adulrwane numi tumane ki maneemanenga. 6Kudra kai kiaparairaisi nakwane ku umawmase lri kicilri, mararaamau ki marudame ka ricingi ka kiacilri, la kisiludu ki umawmase si cilri pwa ki apwi. 7Alaiyasi ka takiparaisane numi nakwane, ku vagali laka taikaiyane adringi numiane, adravane ka manemane ku urikai numi, ku kitubi numi, lri maka tarumara numi. 8Ku Ama lri ngwalai ku tatukalrane numi pumadru si malra ku lrigu, la lri ngwalai numi kai si kaamaninga ku situli. 9Mararaamau ku takilibakane nakwane ki Ama, kialibakaku numiane; kunumi la ka taikaiyane panianianiake adringi ki sakialibakeli. 10Alaiyasi paluludu numi kai drekaseli, lri dulru numi ka taikaiyane ki sakialibakeli panianianiake, mararaamau ku tapaluludaneli ku drekase ki Ama, si ka taikaiyane ki sakialibakeini.
11“Kudra pelaelali numiane kilakikai, pakaiyaku ku amalrane numi kai sakiaragaili, ani suete ku sakiaragai numi. 12Kunumi makilibalibaka, mia ku takilibaakaneli numiane; kikai yai drekaseli. 13Ku pasiakai ki talragini ngicacilri ku niake, ku kilibakane kai kawmasane kadrwa ku sanianiange kikai. 14Alaiyasi paluludu numi ku drekaseli, amaninga kudra talragili. 15Lri kainaku tusasiakawlunga numiane, asi lwiyane kai sasiakawlu kai wathingale ku tapiapiane ki tawki. Ku tatutalragianeli numiane, amani sa pelaelanga naku patuelre numiane ku kilalrali patwalai ki Ama. 16Kai numi ka amani ku wapilri nakwane, amaniaku ku wapilri numiane, si sikawlu numiane katwase pumadru kudra lrika taikaiyane ka madru. Lu pangukai numi ku naganeli, adravane papia numi ki Ama kitubi ku manemane, lri tara baai numiane. 17Kunumi yai makilibalibaka, amani kai ku baaili numiane ka padradrekase.”
Lisiane ki yakawmasane
18“Alaiyasi kalisi numiane kai yakawmasane, nai thingale numi, kai lalasu paswalanga kalisi nakwane. 19Alaiyasi ka swakai numi kikai kawmasane, kai yakawmasane lri tara kilibake ku swakai iniane ku umawmase. Ai, patwaladhaku kikai kawmasane pilri numiane; kai numi ka swakai kikai kawmasane, lakamani ku kalisi numiane kai yakawmasane. 20Pulringava kudra iyangali numiane kawriva, ‘Ku sasiakawlu kai lrika madradrau ki tawki.’ Kwini lalasu alaiyasi ka natwalilisinga nakwane, lri mialri tulilisi numiane; kwi lalasu alaiyasi paluludu ku vagali, lri mialri paluludu ku vaga numi. 21Ngwalai nakwane, kwini lalasu lri pia kikai patuelre, asi lwiyane kwi lalasu kai wathingale kudra ki amani ku siakawlu nakwane. 22Alaiyasi kainaku kainganai, la kainaku bulru liniane, lrika kadrwa ku pasalrivane lini; kaiasasane, kudra pasalrivane lini kadrwanga ku lrika vaga lini. 23Ku malisi nakwane, mialri kalisi ki Ama. 24Alaiyasi ana kainaku ikai liniane pia kudra kaiyana ka pia ki umawmase, naika kadrwa ku pasalrivane lini. Ku patengatengane, kai lalasu wadrelenga kudra piali, ai maliisiana nakwane, la kaliisiana ki Ama. 25Ai, kikai ngiamia kudra tapacasane ki hulrice lini iya kai, ‘Kai lalasu wavuthavutha kalisi nakwane!’
26“Ai, kudra twalai ki Ama ka tarasasasa paralubu lri kainganai, amani kwidra Ri ki patengane ka sabulrwane. Sa patwaladhaku ki Ama sikawlu pakainganai iniane yai, lri pasikai nakwane kawriva. 27Lakamiyaiya numi, lri pasikai numi nakwane pelaela, asi lwiyane singipathagili numi ikai taelre nakwane.”
Currently Selected:
Yuhani 15: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Yuhani 15
15
Ku Yesu amani ku kabudwane
1“Amaniaku ku kabudwane, ku Ama laka tarakauawngu. 2Sanaka kiaparaisi nakwane ku ricingi la kai pumadru, lai lri kaciane; ku wadulru pumadru ku ricingi, lai lri pudriadringai kaciane, ku lrika arupumadrwaneini. 3Kai bulrubulruli numiane kai vaga, pakabulanga numiane. 4Kunumi takiparaisana nakwane, lanau ka takiparaisane numiane. Alaiyasi kai numi kiparaisi nakwane, lri kai numi maka dulru pumadru, mararamau ki ricingi lu kai kiparaisi ki tangadrane ki budu, lri kai maka dulru pumadru.
5“Amaniaku ku cebe ka budu, laka ricingi numi. Kudra takiparaisane nakwane, la lri mialriaku ka takiparaisane iniane, lri tara tukaalra pumadru, asi lwiyane sana kidaili nakwane, kunumi kadrwa ku adulrwane numi tumane ki maneemanenga. 6Kudra kai kiaparairaisi nakwane ku umawmase lri kicilri, mararaamau ki marudame ka ricingi ka kiacilri, la kisiludu ki umawmase si cilri pwa ki apwi. 7Alaiyasi ka takiparaisane numi nakwane, ku vagali laka taikaiyane adringi numiane, adravane ka manemane ku urikai numi, ku kitubi numi, lri maka tarumara numi. 8Ku Ama lri ngwalai ku tatukalrane numi pumadru si malra ku lrigu, la lri ngwalai numi kai si kaamaninga ku situli. 9Mararaamau ku takilibakane nakwane ki Ama, kialibakaku numiane; kunumi la ka taikaiyane panianianiake adringi ki sakialibakeli. 10Alaiyasi paluludu numi kai drekaseli, lri dulru numi ka taikaiyane ki sakialibakeli panianianiake, mararaamau ku tapaluludaneli ku drekase ki Ama, si ka taikaiyane ki sakialibakeini.
11“Kudra pelaelali numiane kilakikai, pakaiyaku ku amalrane numi kai sakiaragaili, ani suete ku sakiaragai numi. 12Kunumi makilibalibaka, mia ku takilibaakaneli numiane; kikai yai drekaseli. 13Ku pasiakai ki talragini ngicacilri ku niake, ku kilibakane kai kawmasane kadrwa ku sanianiange kikai. 14Alaiyasi paluludu numi ku drekaseli, amaninga kudra talragili. 15Lri kainaku tusasiakawlunga numiane, asi lwiyane kai sasiakawlu kai wathingale ku tapiapiane ki tawki. Ku tatutalragianeli numiane, amani sa pelaelanga naku patuelre numiane ku kilalrali patwalai ki Ama. 16Kai numi ka amani ku wapilri nakwane, amaniaku ku wapilri numiane, si sikawlu numiane katwase pumadru kudra lrika taikaiyane ka madru. Lu pangukai numi ku naganeli, adravane papia numi ki Ama kitubi ku manemane, lri tara baai numiane. 17Kunumi yai makilibalibaka, amani kai ku baaili numiane ka padradrekase.”
Lisiane ki yakawmasane
18“Alaiyasi kalisi numiane kai yakawmasane, nai thingale numi, kai lalasu paswalanga kalisi nakwane. 19Alaiyasi ka swakai numi kikai kawmasane, kai yakawmasane lri tara kilibake ku swakai iniane ku umawmase. Ai, patwaladhaku kikai kawmasane pilri numiane; kai numi ka swakai kikai kawmasane, lakamani ku kalisi numiane kai yakawmasane. 20Pulringava kudra iyangali numiane kawriva, ‘Ku sasiakawlu kai lrika madradrau ki tawki.’ Kwini lalasu alaiyasi ka natwalilisinga nakwane, lri mialri tulilisi numiane; kwi lalasu alaiyasi paluludu ku vagali, lri mialri paluludu ku vaga numi. 21Ngwalai nakwane, kwini lalasu lri pia kikai patuelre, asi lwiyane kwi lalasu kai wathingale kudra ki amani ku siakawlu nakwane. 22Alaiyasi kainaku kainganai, la kainaku bulru liniane, lrika kadrwa ku pasalrivane lini; kaiasasane, kudra pasalrivane lini kadrwanga ku lrika vaga lini. 23Ku malisi nakwane, mialri kalisi ki Ama. 24Alaiyasi ana kainaku ikai liniane pia kudra kaiyana ka pia ki umawmase, naika kadrwa ku pasalrivane lini. Ku patengatengane, kai lalasu wadrelenga kudra piali, ai maliisiana nakwane, la kaliisiana ki Ama. 25Ai, kikai ngiamia kudra tapacasane ki hulrice lini iya kai, ‘Kai lalasu wavuthavutha kalisi nakwane!’
26“Ai, kudra twalai ki Ama ka tarasasasa paralubu lri kainganai, amani kwidra Ri ki patengane ka sabulrwane. Sa patwaladhaku ki Ama sikawlu pakainganai iniane yai, lri pasikai nakwane kawriva. 27Lakamiyaiya numi, lri pasikai numi nakwane pelaela, asi lwiyane singipathagili numi ikai taelre nakwane.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017