Yuhani 16
16
1“Peaelaelaku numiane kilakikai, pakai ku kaika amanuelane ku salrwane numi. 2Kwi lalasu lri pakatwase ki rarubwane ki swa Yuda numiane; si lai kelanga kudra vai, kudra papacai numiane lu pia kwini pasiakaikaita ki Twaumase lri iyalringa. 3Ku tengatengane, kai lalasu kudra pia lini kai yai, amani sa kai thingale ki Ama, la kai thingale nakwane. 4Kudra pelaelali numiane kilakikai, pakaiyaku lu kelanga kudra vai ku lrika apulringavane numi ala ka peaelaelanga naku numiane.”
Awngane ki Siri
“Sakapathagilane ku kaika pelaelali numiane kilakikai, amani sa ikaiyaku taelre numiane. 5Kaiasasane lri siwlringa naku mwa kudra ki amani ku siakawlu nakwane kainganai, ikai numiane kadrwa ku kiavaga nakwane ‘Lri muinusu iya?’ 6Ai, amani sapelaelanga naku numiane ki kikai, la suetelringa kamani kwi sakwalrialri ki kidremedreme numi. 7Ai, nau pudriadriingai pelaela numiane, lu katwasaku, lrika amuesadhane numi. Lu kainaku katwase, kudra tarasasasa paralubu lri kai kainganai mwa numiane kikai; lu katwasaku, lri pakainganai iniane. 8Lu kainganai yai, lri pelaela ki yakawmasane, kwi lalasu ku takidremedremane papia ki pasalrivane, papia ki dringelresane, papia ki asaibangane ki Twaumase pasamali patuelre. 9Ku takidremedremane lini papia ki pasalrivane pasamali patuelre, asi lwiyane kai masalru nakwane; 10ku takidremedremane lini papia ki dringelresane pasamali, asi lwiyane lu papiaku ki Ama, lri kai numi maka drelenga nakwane; 11ku takidremedremane lini papia ki akisaibangane pasamali, asi lwiyane kikai talialalai ki yakawmasane kiasaibangenga.
12“Makaalrana kai apelaelaneli numiane, ai kaiasasane lri kai numi maka siamece. 13Lu kelanga kudra wabaai ku patengane ka sabulrwane ka Siri, amani ku lri arake numiane mwa ki patengane ka sabulrwane patuelre. Lri kai ngisasingikai kawriva, lri pelaela numiane kudra kilalraini, si lai lri iya ku angimiane lukabibilrili. 14Lri lrigu nakwane, asi lwiyane amani ku lri pelaela numiane kudra aiyaneli. 15Ku lamanemane ki Ama patuelre nakwane, lakamani ku iyali, ku Siri kudra aiyaneli lri pelaela numiane.”
Ku telregane ku kidremedreme aakiragadhane
16“Lri kai tarathainunga, lai kai numi maka drelenga nakwane; ai, lai kai tarathainu, lai lri dreeleana numi nakwane.”
17Ku lasituini la ikai kudra tapiya ku maiyaiyaiya kai, “Peaelaela mitane ‘Lri kai tarathainunga, lai kai numi maka drelenga nakwane; ai, lai lri kai tarathainu lai lri dreeleana numi nakwane’; la iyana kai, ‘Asi lwiyane lri mwaku kavai ki Ama’, kilakikai vaga yai manemane ku pacugane?” 18La ikai ku amia kai, “Ku taiyaneini ‘Lri kai tarathainu iya’ amani ki manemane? Kaita wathingale lukamanemane kai la iyaiyaini!”
19Ku Yesu wathingale ku lrika akivagane lini, la iya kai liniane, “Kudra iyali, ‘Kai lri tarathainunga, lai kai numi maka drelanga nakwane; ai, lai kai tarathainu, lai lri dreeleana numi nakwane’, mapeaelaelaela numi kikai vaga kai? 20Lri pudriadriingadhaku pelaela numiane, lri tubi numi si karaleale, kai yakawmasane lai lri kiraraagai; lri kwalri kwi kidremedreme numi, ai kwi sakwalrialri ki kidremedreme numi lri akabalrithi asakiaragai. 21Lulri tulalakenga kai ababai mateelrege ku kidremedreme, asi lwiyane wakelanga ku akwalrianeini; ai lu lrabuthunga ku daini marimuru ku sakwalrialri, asi lwiyane kiaragainga ku tautaluvaivadhane ki daini mwa kai kawmasane. 22Laka mialri numi ka miyaiya kai; Kaiasasane kwalri kwi kidremedreme numi, ai lri kikawrivanaku numiane, kwi kidremedreme numi lalri suete ku sakiararagai; kwi sakiararagai numi kadrwa ku umawmase ku lri dulru ribici.
23“Lu kelanga kwini ki vai, kai numi lri papianga nakwane kitubi ku manemane. Lri pudriadriingadhaku pelaela numiane, lu pangukai numi ki naganeli, adravane papia numi ki Ama kitubi ku manemane, lri tara baai numiane#16.23 “lu pangukai numi ki naganeli, adravane papia numi ki Ama kitubi ku manemane, lri tara baai numiane”. Yakai ku lasidrumane ka hungu ka amia kai “alaiyasi papia numi ki Ama kitubi, lri ngwalai ki naganeli si baai numiane”.. 24Pakela kaiasasane, kadrwana ku pangukai numi ki naganeli si kitubi ku manemane. Lu kitubi numi, lri tarumara numi, ku lrika asueteane ku sakiaragai numi.”
Sabelenge ki yakawmasane
25“Peaelaelanga naku kilakikai numiane arakai ku pathalrilriku. Ai lri kelanga ku vai, lai kainaku arakainga ku sapathalrilrikwane, lri cungucungunga naku pelaela numiane ku pangukai ki Ama. 26Lu kelanga kwini ki vai, lri pangukai numi ku naganeli kitubi. Lri atalingikaiyanaku numiane kitubi ki Ama kainaku ka amia, 27asi lwiyane ku Ama amanini ka kialibake numiane. Ku kilibakeini numiane, amani sa kilibake numi nakwane, si kasalru nakwane ka twaladhaku ki Twaumase kainganai. 28Twaladhaku ki Ama kainganai mwa kai kawmasane; kaiasasane lai lri katwasaku kai kawmasane, siwlri mwa kavai ki Ama.”
29Ku lasitu la iya kai iniane, “Drela, kaiasasane wacungucungungasu matikai, kai arakainga ku sapathalrilrikwane. 30Wathingalenga nai, kadrwa ku kaika thiingalesu, mialri ka kadrwanga ku umawmase ku lri kela kivaga muswane. Ngwalai kai, masalru nai muswane ka twalaisu ki Twaumase kainganai.”
31Ku Yesu la iya kai, “Masalrunga numi kaiasasane? 32Wakelanga kai vai, kikaiasasane amaninga, lri mawvagavagai numi makanaelre, siwlri mwa ki taikaiyane numi, si lai suru numi nakwane patangeangeanga. Ai ku patengatengane, kainaku ka tangeangea, yakai ku Ama ku tapalra nakwane. 33Kai pelaelali numiane kilakikai, pakaiyaku ku akielreane numi nakwane si ikai ku sulivatane. Ikai kai kawmasane, yakai ku akwalriane numi; ai kagaranga, sabelengenga naku kikai kawmasane!”
Currently Selected:
Yuhani 16: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Yuhani 16
16
1“Peaelaelaku numiane kilakikai, pakai ku kaika amanuelane ku salrwane numi. 2Kwi lalasu lri pakatwase ki rarubwane ki swa Yuda numiane; si lai kelanga kudra vai, kudra papacai numiane lu pia kwini pasiakaikaita ki Twaumase lri iyalringa. 3Ku tengatengane, kai lalasu kudra pia lini kai yai, amani sa kai thingale ki Ama, la kai thingale nakwane. 4Kudra pelaelali numiane kilakikai, pakaiyaku lu kelanga kudra vai ku lrika apulringavane numi ala ka peaelaelanga naku numiane.”
Awngane ki Siri
“Sakapathagilane ku kaika pelaelali numiane kilakikai, amani sa ikaiyaku taelre numiane. 5Kaiasasane lri siwlringa naku mwa kudra ki amani ku siakawlu nakwane kainganai, ikai numiane kadrwa ku kiavaga nakwane ‘Lri muinusu iya?’ 6Ai, amani sapelaelanga naku numiane ki kikai, la suetelringa kamani kwi sakwalrialri ki kidremedreme numi. 7Ai, nau pudriadriingai pelaela numiane, lu katwasaku, lrika amuesadhane numi. Lu kainaku katwase, kudra tarasasasa paralubu lri kai kainganai mwa numiane kikai; lu katwasaku, lri pakainganai iniane. 8Lu kainganai yai, lri pelaela ki yakawmasane, kwi lalasu ku takidremedremane papia ki pasalrivane, papia ki dringelresane, papia ki asaibangane ki Twaumase pasamali patuelre. 9Ku takidremedremane lini papia ki pasalrivane pasamali patuelre, asi lwiyane kai masalru nakwane; 10ku takidremedremane lini papia ki dringelresane pasamali, asi lwiyane lu papiaku ki Ama, lri kai numi maka drelenga nakwane; 11ku takidremedremane lini papia ki akisaibangane pasamali, asi lwiyane kikai talialalai ki yakawmasane kiasaibangenga.
12“Makaalrana kai apelaelaneli numiane, ai kaiasasane lri kai numi maka siamece. 13Lu kelanga kudra wabaai ku patengane ka sabulrwane ka Siri, amani ku lri arake numiane mwa ki patengane ka sabulrwane patuelre. Lri kai ngisasingikai kawriva, lri pelaela numiane kudra kilalraini, si lai lri iya ku angimiane lukabibilrili. 14Lri lrigu nakwane, asi lwiyane amani ku lri pelaela numiane kudra aiyaneli. 15Ku lamanemane ki Ama patuelre nakwane, lakamani ku iyali, ku Siri kudra aiyaneli lri pelaela numiane.”
Ku telregane ku kidremedreme aakiragadhane
16“Lri kai tarathainunga, lai kai numi maka drelenga nakwane; ai, lai kai tarathainu, lai lri dreeleana numi nakwane.”
17Ku lasituini la ikai kudra tapiya ku maiyaiyaiya kai, “Peaelaela mitane ‘Lri kai tarathainunga, lai kai numi maka drelenga nakwane; ai, lai lri kai tarathainu lai lri dreeleana numi nakwane’; la iyana kai, ‘Asi lwiyane lri mwaku kavai ki Ama’, kilakikai vaga yai manemane ku pacugane?” 18La ikai ku amia kai, “Ku taiyaneini ‘Lri kai tarathainu iya’ amani ki manemane? Kaita wathingale lukamanemane kai la iyaiyaini!”
19Ku Yesu wathingale ku lrika akivagane lini, la iya kai liniane, “Kudra iyali, ‘Kai lri tarathainunga, lai kai numi maka drelanga nakwane; ai, lai kai tarathainu, lai lri dreeleana numi nakwane’, mapeaelaelaela numi kikai vaga kai? 20Lri pudriadriingadhaku pelaela numiane, lri tubi numi si karaleale, kai yakawmasane lai lri kiraraagai; lri kwalri kwi kidremedreme numi, ai kwi sakwalrialri ki kidremedreme numi lri akabalrithi asakiaragai. 21Lulri tulalakenga kai ababai mateelrege ku kidremedreme, asi lwiyane wakelanga ku akwalrianeini; ai lu lrabuthunga ku daini marimuru ku sakwalrialri, asi lwiyane kiaragainga ku tautaluvaivadhane ki daini mwa kai kawmasane. 22Laka mialri numi ka miyaiya kai; Kaiasasane kwalri kwi kidremedreme numi, ai lri kikawrivanaku numiane, kwi kidremedreme numi lalri suete ku sakiararagai; kwi sakiararagai numi kadrwa ku umawmase ku lri dulru ribici.
23“Lu kelanga kwini ki vai, kai numi lri papianga nakwane kitubi ku manemane. Lri pudriadriingadhaku pelaela numiane, lu pangukai numi ki naganeli, adravane papia numi ki Ama kitubi ku manemane, lri tara baai numiane#16.23 “lu pangukai numi ki naganeli, adravane papia numi ki Ama kitubi ku manemane, lri tara baai numiane”. Yakai ku lasidrumane ka hungu ka amia kai “alaiyasi papia numi ki Ama kitubi, lri ngwalai ki naganeli si baai numiane”.. 24Pakela kaiasasane, kadrwana ku pangukai numi ki naganeli si kitubi ku manemane. Lu kitubi numi, lri tarumara numi, ku lrika asueteane ku sakiaragai numi.”
Sabelenge ki yakawmasane
25“Peaelaelanga naku kilakikai numiane arakai ku pathalrilriku. Ai lri kelanga ku vai, lai kainaku arakainga ku sapathalrilrikwane, lri cungucungunga naku pelaela numiane ku pangukai ki Ama. 26Lu kelanga kwini ki vai, lri pangukai numi ku naganeli kitubi. Lri atalingikaiyanaku numiane kitubi ki Ama kainaku ka amia, 27asi lwiyane ku Ama amanini ka kialibake numiane. Ku kilibakeini numiane, amani sa kilibake numi nakwane, si kasalru nakwane ka twaladhaku ki Twaumase kainganai. 28Twaladhaku ki Ama kainganai mwa kai kawmasane; kaiasasane lai lri katwasaku kai kawmasane, siwlri mwa kavai ki Ama.”
29Ku lasitu la iya kai iniane, “Drela, kaiasasane wacungucungungasu matikai, kai arakainga ku sapathalrilrikwane. 30Wathingalenga nai, kadrwa ku kaika thiingalesu, mialri ka kadrwanga ku umawmase ku lri kela kivaga muswane. Ngwalai kai, masalru nai muswane ka twalaisu ki Twaumase kainganai.”
31Ku Yesu la iya kai, “Masalrunga numi kaiasasane? 32Wakelanga kai vai, kikaiasasane amaninga, lri mawvagavagai numi makanaelre, siwlri mwa ki taikaiyane numi, si lai suru numi nakwane patangeangeanga. Ai ku patengatengane, kainaku ka tangeangea, yakai ku Ama ku tapalra nakwane. 33Kai pelaelali numiane kilakikai, pakaiyaku ku akielreane numi nakwane si ikai ku sulivatane. Ikai kai kawmasane, yakai ku akwalriane numi; ai kagaranga, sabelengenga naku kikai kawmasane!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017