Judith 8
8
CAB. 8
1Nish ec y traa shen cheayll Judith jeh, v’ee inneen Merari, mac Ox [mac Yoseph,] mac Osiel, mac Elcia, mac Ananaias, mac Ghedeon, mac Raphaim, mac Acitho, mac Eliu, mac Eliab, mac Nathanael, mac Samael, mac Salasadai, mac Israel.
2As Manasses va’n dooinney poost eck, jeh’n tribe as y kynney eck-hene, quoi hooar baase ayns imbagh y fouyr-oarn.
3Son myr v’eh ny hassoo jeeaghyn harroosyn va kiangley bunneeyn ’sy vagher, haink y chiass er e chione, as lhie eh er e lhiabbee, as hooar eh baase ayns ard-valley Vethulia: as doanluck ad eh marish e ayraghyn ayns y vagher eddyr Dothaim as Balamo.
4Myr shen dy row Judith ny ben-treoghe ec e thie three bleeaney as kiare meeaghyn.
5As hrog e[e] cabbane er mullagh e thie as hug ee aanrit-sack er e meeghyn, as cheau ee [e] coamrey ben-treoghe.
6As hrosht ee ooilley laghyn e treoghys, er-lhimmey jeh ny oieghyn doonee, as ny dooneeyn, as oieghyn ny eaystyn noa, as y eaystyn noa as ny feaillaghyn as laghyn casherick thie Israel.
7V’ee myrgeddin lesh neeal bwaagh as feer aalin gys y thooill: as daag e sheshey Manasses airh as argid j’ee, as sharvaantyn-fyrryn, as sharvaantyn-bwoirryn, as maase, as ynnydyn thallooin; as duirree ee ayndoo.
8As cha row unnane dy dug drogh ockle j’ee; son v’ee dy mooar ayns aggle Yee.
9Nish tra v’ee er chlashtyn drogh hengey yn sleih noi’n kiannoort, son dy row ad annoon laccal ushtey (son va Judith er chlashtyn jeh ooilley ny goan va Osias er loayrt roo, as dy row eh er loo dy livrey yn ard-valley gys ny Assyrianee lurg queig laa):
10Eisht hug ee yn ven ren tendeil urree, as va jeeaghyn harrish dy chooilley nhee v’eck, dy eamagh er Osias, as Chabris, as Charmis, shanstyryn yn ard-valley.
11As haink ad huic, as dooyrt ee roo, O shiuish ta reill cummaltee Vethulia: son ny goan ta shiuish er loayrt kiongoyrt rish y pobble yn laa shoh cha vel ad cairagh, bentyn gys y loo shoh ta shiu er n’yannoo, as er n’ockley-magh eddyr Jee as shiu hene, as er yialdyn dy livrey yn ard-valley gys nyn noidyn, ny-slooid ny nee’n Chiarn cheusthie jeh ny laghyn shoh chyndaa dy chooney lhieu.
12As nish quoi shiuish t’er n’yannoo daanys er Jee yn laa shoh, as ta shassoo ayns leih Yee mastey cloan gheiney?
13As nish prow-jee yn Chiarn Ooilley-Niartal, agh cha vow shiu dy bragh fys er nhee erbee.
14Son cha vod shiu geddyn magh diunid cree dooinney, chamoo s’lheear diu ny reddyn t’eh dy smooinaghtyn: kys eisht oddys shiu Jee y ronsaghey magh, t’er n’yannoo ooilley ny reddyn shoh, as yn aigney echeysyn y hoiggal, ny ve tushtagh eh e chiarailys? dy jarroo, my vraaraghyn, nagh brasnee-jee yn Chiarn y Jee ain gys corree.
15Son mannagh goon eh lhien cheu-sthie jeh ny queig laa shoh, ta pooar echey dy endeil shin tra saillish, eer dy chooilley laa, ny dy stroie shin roish nyn noidyn.
16Nagh sole-ee caglagh gys creenaght y Chiarn y Jee ain: son cha vel Jee myr dooinney, dy vod eh ve er ny vaggyrt; chamoo t’eh goll-rish mac dooinney dy jinnagh eh leaystey.
17Shen-y-fa lhig dooin farkiaght son saualtys voishyn, as eamagh er dy chooney lhian, as clynnee eh nyn goraa, my s’cooidsave lesh.
18Son cha hrog unnane ’sy traa ainyn, chamoo ta veg nish ayns ny laghyn shoh, edyr tribe, ny lught-thie, ny pobble, ny ard-valley, ny mast’ ain ta cur ooashley da jeeghyn jeant lesh laueyn, myr t’er ny ve roish nish.
19Son yn oyr cheddin va nyn ayraghyn livreit gys y chliwe, as son spooilley, as v’oc lhieggey mooar roish nyn noidyn.
20Agh cha nhione dooinyn Jee erbee elley; shen-y-fa ta shin treishteil nagh soie eh beg jin, ny jeh veg jeh’n ashoon ain.
21Son my vees mayd er nyn ghoaill myr shen, bee ooilley Judea ny hraartys, as yn ynnyd casherick ain vees er ny spooilley; as nee eh geearree son anchasherickey yn chooid cheddin ec y veeal ainyn.
22As baase nyn mraaraghyn, as cappeeys ny cheerey, as traartys nyn eiraght, nee eh chyndaa er ny king ain mastey ny Ashoonee, cre erbee’n raad vees mayd ayns bondiaght; as bee mayd scammylt as oltooan dauesyn ooilley s’lhieu shin.
23Son cha bee’n vondiaght ain er ny leeideil gys foayr: agh nee’n Chiarn nyn Yee eh y hyndaa gys mee-ooashley.
24Nish er-y-fa shen, O vraaraghyn, lhig dooinyn sampleyr y yeeaghyn da nyn mraaraghyn, er-yn-oyr as dy vel ny creeghyn oc coyrt nyn marrant orrin, as ta’n ynnyd casherick, as y thie, as yn altar lhie orrin.
25Ny sodjey na shoh, lhig dooin booise y choyrt da’n Chiarn nyn Yee, ta prowal shin, eer myr ren eh nyn ayraghyn.
26Cooinee-jee cre ny reddyn ren eh rish Abraham, as kys phrow eh Isaac, as cre haghyr da Jacob ayns Misopotamia ayns Syria, tra dreill eh kirree Laban braar e vayrey.
27Son cha vel eh er phrowal shin ’syn aile, myr ren eh adsyn, dy ronsagh ny creeghyn oc, chamoo t’eh er ghoaill kerraghey orrin: agh ta’n Chiarn smaghtey adsyn ta tayrn er-gerrey da, son dy chur ayns kiarail ad.
28Eisht dooyrt Osias ree, Ooilley ny t’ou er ghra, t’ou er ghra lesh cree mie, son cha vel unnane oddys loayrt noi dty ghoan.
29Son cha nee shoh yn chied laa ayn ta dty chreenaght er ny akin; agh voish toshiaght dty laghyn bione da ooilley’n pobble dty cheeayl, er-y-fa dy vel yn eearree-cree ayd mie.
30Agh va’n pobble feer phaa as deignee ad shin y yannoo daue myr ta shin er loayrt, as dy ghoaill orrin-hene loo, cooid nagh jean mayd y vrishey.
31Shen-y-fa nish, guee uss er-nyn-son, er-yn-oyr as dy vel oo ben crauee, as ver y Chiarn fliaghey hooin dy lhieeney ny siyn ain, as cha jean mayd arragh failleil.
32Eisht dooyrt Judith roo, Eaisht-jee rhym’s, as neem’s red y yannoo, hed trooid-magh dy chooilley heeloghe gys cloan yn ashoon ain.
33Nee shiuish shassoo noght ’sy yiat, as hem’s magh marish my inney-veyl: as cheu-sthie jeh ny laghyn ta shiuish er yialdyn dy livrey yn ard-valley gys nyn noidyn ver y Chiarn couyr da Israel liorish y laue aym’s.
34Agh nagh brie shiuish veg mychione cre nee’m: son cha ninsh-ym diu, derrey vees ny reddyn ta mee dy yannoo cooilleenit.
35Eisht dooyrt Osias as ny princeyn ree, Immee ayns shee, as y Chiarn Jee dy Israel dy row mayrt, dy ghoaill kerraghey er ny noidyn ain.
36Myr shen hyndaa ad reesht veih’n chabbane, as jimmee ad gys nyn gurrym.
Currently Selected:
Judith 8: YNAPBR
Highlight
Share
Copy
Want to have your highlights saved across all your devices? Sign up or sign in
© Yn Cheshaght Ghailckagh 1979, 2017
© Manx Gaelic Society 1979, 2017
Judith 8
8
CAB. 8
1Nish ec y traa shen cheayll Judith jeh, v’ee inneen Merari, mac Ox [mac Yoseph,] mac Osiel, mac Elcia, mac Ananaias, mac Ghedeon, mac Raphaim, mac Acitho, mac Eliu, mac Eliab, mac Nathanael, mac Samael, mac Salasadai, mac Israel.
2As Manasses va’n dooinney poost eck, jeh’n tribe as y kynney eck-hene, quoi hooar baase ayns imbagh y fouyr-oarn.
3Son myr v’eh ny hassoo jeeaghyn harroosyn va kiangley bunneeyn ’sy vagher, haink y chiass er e chione, as lhie eh er e lhiabbee, as hooar eh baase ayns ard-valley Vethulia: as doanluck ad eh marish e ayraghyn ayns y vagher eddyr Dothaim as Balamo.
4Myr shen dy row Judith ny ben-treoghe ec e thie three bleeaney as kiare meeaghyn.
5As hrog e[e] cabbane er mullagh e thie as hug ee aanrit-sack er e meeghyn, as cheau ee [e] coamrey ben-treoghe.
6As hrosht ee ooilley laghyn e treoghys, er-lhimmey jeh ny oieghyn doonee, as ny dooneeyn, as oieghyn ny eaystyn noa, as y eaystyn noa as ny feaillaghyn as laghyn casherick thie Israel.
7V’ee myrgeddin lesh neeal bwaagh as feer aalin gys y thooill: as daag e sheshey Manasses airh as argid j’ee, as sharvaantyn-fyrryn, as sharvaantyn-bwoirryn, as maase, as ynnydyn thallooin; as duirree ee ayndoo.
8As cha row unnane dy dug drogh ockle j’ee; son v’ee dy mooar ayns aggle Yee.
9Nish tra v’ee er chlashtyn drogh hengey yn sleih noi’n kiannoort, son dy row ad annoon laccal ushtey (son va Judith er chlashtyn jeh ooilley ny goan va Osias er loayrt roo, as dy row eh er loo dy livrey yn ard-valley gys ny Assyrianee lurg queig laa):
10Eisht hug ee yn ven ren tendeil urree, as va jeeaghyn harrish dy chooilley nhee v’eck, dy eamagh er Osias, as Chabris, as Charmis, shanstyryn yn ard-valley.
11As haink ad huic, as dooyrt ee roo, O shiuish ta reill cummaltee Vethulia: son ny goan ta shiuish er loayrt kiongoyrt rish y pobble yn laa shoh cha vel ad cairagh, bentyn gys y loo shoh ta shiu er n’yannoo, as er n’ockley-magh eddyr Jee as shiu hene, as er yialdyn dy livrey yn ard-valley gys nyn noidyn, ny-slooid ny nee’n Chiarn cheusthie jeh ny laghyn shoh chyndaa dy chooney lhieu.
12As nish quoi shiuish t’er n’yannoo daanys er Jee yn laa shoh, as ta shassoo ayns leih Yee mastey cloan gheiney?
13As nish prow-jee yn Chiarn Ooilley-Niartal, agh cha vow shiu dy bragh fys er nhee erbee.
14Son cha vod shiu geddyn magh diunid cree dooinney, chamoo s’lheear diu ny reddyn t’eh dy smooinaghtyn: kys eisht oddys shiu Jee y ronsaghey magh, t’er n’yannoo ooilley ny reddyn shoh, as yn aigney echeysyn y hoiggal, ny ve tushtagh eh e chiarailys? dy jarroo, my vraaraghyn, nagh brasnee-jee yn Chiarn y Jee ain gys corree.
15Son mannagh goon eh lhien cheu-sthie jeh ny queig laa shoh, ta pooar echey dy endeil shin tra saillish, eer dy chooilley laa, ny dy stroie shin roish nyn noidyn.
16Nagh sole-ee caglagh gys creenaght y Chiarn y Jee ain: son cha vel Jee myr dooinney, dy vod eh ve er ny vaggyrt; chamoo t’eh goll-rish mac dooinney dy jinnagh eh leaystey.
17Shen-y-fa lhig dooin farkiaght son saualtys voishyn, as eamagh er dy chooney lhian, as clynnee eh nyn goraa, my s’cooidsave lesh.
18Son cha hrog unnane ’sy traa ainyn, chamoo ta veg nish ayns ny laghyn shoh, edyr tribe, ny lught-thie, ny pobble, ny ard-valley, ny mast’ ain ta cur ooashley da jeeghyn jeant lesh laueyn, myr t’er ny ve roish nish.
19Son yn oyr cheddin va nyn ayraghyn livreit gys y chliwe, as son spooilley, as v’oc lhieggey mooar roish nyn noidyn.
20Agh cha nhione dooinyn Jee erbee elley; shen-y-fa ta shin treishteil nagh soie eh beg jin, ny jeh veg jeh’n ashoon ain.
21Son my vees mayd er nyn ghoaill myr shen, bee ooilley Judea ny hraartys, as yn ynnyd casherick ain vees er ny spooilley; as nee eh geearree son anchasherickey yn chooid cheddin ec y veeal ainyn.
22As baase nyn mraaraghyn, as cappeeys ny cheerey, as traartys nyn eiraght, nee eh chyndaa er ny king ain mastey ny Ashoonee, cre erbee’n raad vees mayd ayns bondiaght; as bee mayd scammylt as oltooan dauesyn ooilley s’lhieu shin.
23Son cha bee’n vondiaght ain er ny leeideil gys foayr: agh nee’n Chiarn nyn Yee eh y hyndaa gys mee-ooashley.
24Nish er-y-fa shen, O vraaraghyn, lhig dooinyn sampleyr y yeeaghyn da nyn mraaraghyn, er-yn-oyr as dy vel ny creeghyn oc coyrt nyn marrant orrin, as ta’n ynnyd casherick, as y thie, as yn altar lhie orrin.
25Ny sodjey na shoh, lhig dooin booise y choyrt da’n Chiarn nyn Yee, ta prowal shin, eer myr ren eh nyn ayraghyn.
26Cooinee-jee cre ny reddyn ren eh rish Abraham, as kys phrow eh Isaac, as cre haghyr da Jacob ayns Misopotamia ayns Syria, tra dreill eh kirree Laban braar e vayrey.
27Son cha vel eh er phrowal shin ’syn aile, myr ren eh adsyn, dy ronsagh ny creeghyn oc, chamoo t’eh er ghoaill kerraghey orrin: agh ta’n Chiarn smaghtey adsyn ta tayrn er-gerrey da, son dy chur ayns kiarail ad.
28Eisht dooyrt Osias ree, Ooilley ny t’ou er ghra, t’ou er ghra lesh cree mie, son cha vel unnane oddys loayrt noi dty ghoan.
29Son cha nee shoh yn chied laa ayn ta dty chreenaght er ny akin; agh voish toshiaght dty laghyn bione da ooilley’n pobble dty cheeayl, er-y-fa dy vel yn eearree-cree ayd mie.
30Agh va’n pobble feer phaa as deignee ad shin y yannoo daue myr ta shin er loayrt, as dy ghoaill orrin-hene loo, cooid nagh jean mayd y vrishey.
31Shen-y-fa nish, guee uss er-nyn-son, er-yn-oyr as dy vel oo ben crauee, as ver y Chiarn fliaghey hooin dy lhieeney ny siyn ain, as cha jean mayd arragh failleil.
32Eisht dooyrt Judith roo, Eaisht-jee rhym’s, as neem’s red y yannoo, hed trooid-magh dy chooilley heeloghe gys cloan yn ashoon ain.
33Nee shiuish shassoo noght ’sy yiat, as hem’s magh marish my inney-veyl: as cheu-sthie jeh ny laghyn ta shiuish er yialdyn dy livrey yn ard-valley gys nyn noidyn ver y Chiarn couyr da Israel liorish y laue aym’s.
34Agh nagh brie shiuish veg mychione cre nee’m: son cha ninsh-ym diu, derrey vees ny reddyn ta mee dy yannoo cooilleenit.
35Eisht dooyrt Osias as ny princeyn ree, Immee ayns shee, as y Chiarn Jee dy Israel dy row mayrt, dy ghoaill kerraghey er ny noidyn ain.
36Myr shen hyndaa ad reesht veih’n chabbane, as jimmee ad gys nyn gurrym.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Yn Cheshaght Ghailckagh 1979, 2017
© Manx Gaelic Society 1979, 2017