Judith 9
9
CAB. 9
1Eisht huitt Judith er e heddin, as hug ee leoie er e kione, as rooisht ee jee yn aanrit-sack lesh v’ee coamrit; as mysh traa va oural-millish yn fastyr shen er ny hebbal ayns Jerusalem, ayns thie’n Chiarn, deie Judith lesh ard-choraa, as dooyrt ee,
2O Hiarn Yee dy m’ayr Simeon, da hug oo cliwe dy ghoaill kerraghey er ny joarreeyn, ren cryss ben aeg y eaysley dy ghoaill er egin ee, as yn cleeaysid y roostey gys y nearey eck, as vhill yn voidynys eck dy hayrn scammylt urree; son dooyrt uss, Cha negin da ve myr shen, (as foast shen myr ren ad:)
3Shen-y-fa hug oo ny reiltee oc dy ve currit gy baase, myr shen dy ren ad nyn lhiabbee y ghaaghey ayns fuill, kyndagh rish nyn molteyrys, as va ny sharvaantyn stroit marish nyn jiarnyn, as ny chiarnyn er nyn stuill-reeoil;
4As t’ou er choyrt ny mraane oc son cragh, as ny inneenyn oc son cappee, as ooilley ny spooillaghyn oc dy ve rheynnit mastey dty chloan ennoil; quoi va gleashit lesh y ghraih jeean ayds, as va dwoaie oc er mhilley nyn uilliaght, as deie orts son cooney: O Yee, O my Yee, cur clashtyn dooys myrgeddin ta my ven-treoghe.
5Son t’ou uss er n’yannoo cha nee ny-lomarcan ny reddyn shoh, agh myrgeddin ny reddyn haink gy kione roie, as ny reddyn haink ny lurg shen; t’ou er n’ghoaill baght jeh ny reddyn ta nish ayn, as shen ny ta ry-heet.
6Dy jarroo, ny reddyn chiare oo v’ad aarloo ec laue, as dooyrt ad, Cur-my-ner, ta shin ayns shoh: son ta ooilley dty raaidyn hannah jeant aarloo, as ta dty vriwnysyn ayds ayns dty ysseree.
7Son cur-my-ner, ta ny Assyrianee er vishaghey ayns nyn booar; t’ad er vooadaghey lesh cabbil as deiney; t’ad gloyraghey ayns niart nyn gheiney-coshee; t’ad treishteil ayns scape, as shleiy, as bow, as shling; as cha nhione daue dy nee uss y Chiarn ta brishey ny caggaghyn: yn Chiarn yn ennym ayd.
8Ceau sheese y niart oc ayns dty phooar, as cur lhiat sheese y tranlaase oc ayns dty eulys: son t’ad kiarit dy yannoo neu-ghlen jeh dty ynnyd casherick, as dy vhilley dty chabbane-agglish raad ta dt’ennym gloyroil goaill fea, as dy hilgey sheese lesh y chliwe eairk dt’altar.
9Jeeagh er y voyrn oc, as cur magh jeh dt’eulys er ny king oc: cur ayns my laue’s, ta my ven-treoghe, yn phooar shen ta mee er n’ghoaill ayns m’aigney.
10Bwoaill liorish miol my veillyn’s yn charvaant marish y prince, as y prince marish y charvaant: brish sheese yn staydoillys oc liorish laue ben.
11Son cha vel yn phooar ayds shassoo ayns ymmodee, ny dty niart ayns deiney lajer: son t’ou yn Jee ocsyn t’ayns seaghyn, fer-coonee dauesyn ta tranlaasit, cummal seose ny annoonee, yn coadey ocsyn ta treigit, yn saualtagh ocsyn ta gyn treishteil.
12Ta mee guee ort, ta mee guee ort, O Yee m’ayrey, as Yee jeh’n eiraght dy Israel, Chiarn jeh niau as thalloo, Fer-croo ny ushtaghyn, Ree dy chooilley chretoor, cur uss clashtyn da my phadjer:
13As jean my ghlare croutagh dy ve lhott as custhey dauesyn, t’er chiarail reddyn dewil noi dty chonaant, as dty hie casherick, as noi mullagh Sion, as noi thie cummal dty chloan.
14As cur er dy chooilley ashoon as tribe dy ghoaill rish dy nee oo yn Jee jeh dy chooilleyphooar as niart, as nagh vel unnane erbee elley ta coadey Israel agh uss.
Currently Selected:
Judith 9: YNAPBR
Highlight
Share
Copy
Want to have your highlights saved across all your devices? Sign up or sign in
© Yn Cheshaght Ghailckagh 1979, 2017
© Manx Gaelic Society 1979, 2017
Judith 9
9
CAB. 9
1Eisht huitt Judith er e heddin, as hug ee leoie er e kione, as rooisht ee jee yn aanrit-sack lesh v’ee coamrit; as mysh traa va oural-millish yn fastyr shen er ny hebbal ayns Jerusalem, ayns thie’n Chiarn, deie Judith lesh ard-choraa, as dooyrt ee,
2O Hiarn Yee dy m’ayr Simeon, da hug oo cliwe dy ghoaill kerraghey er ny joarreeyn, ren cryss ben aeg y eaysley dy ghoaill er egin ee, as yn cleeaysid y roostey gys y nearey eck, as vhill yn voidynys eck dy hayrn scammylt urree; son dooyrt uss, Cha negin da ve myr shen, (as foast shen myr ren ad:)
3Shen-y-fa hug oo ny reiltee oc dy ve currit gy baase, myr shen dy ren ad nyn lhiabbee y ghaaghey ayns fuill, kyndagh rish nyn molteyrys, as va ny sharvaantyn stroit marish nyn jiarnyn, as ny chiarnyn er nyn stuill-reeoil;
4As t’ou er choyrt ny mraane oc son cragh, as ny inneenyn oc son cappee, as ooilley ny spooillaghyn oc dy ve rheynnit mastey dty chloan ennoil; quoi va gleashit lesh y ghraih jeean ayds, as va dwoaie oc er mhilley nyn uilliaght, as deie orts son cooney: O Yee, O my Yee, cur clashtyn dooys myrgeddin ta my ven-treoghe.
5Son t’ou uss er n’yannoo cha nee ny-lomarcan ny reddyn shoh, agh myrgeddin ny reddyn haink gy kione roie, as ny reddyn haink ny lurg shen; t’ou er n’ghoaill baght jeh ny reddyn ta nish ayn, as shen ny ta ry-heet.
6Dy jarroo, ny reddyn chiare oo v’ad aarloo ec laue, as dooyrt ad, Cur-my-ner, ta shin ayns shoh: son ta ooilley dty raaidyn hannah jeant aarloo, as ta dty vriwnysyn ayds ayns dty ysseree.
7Son cur-my-ner, ta ny Assyrianee er vishaghey ayns nyn booar; t’ad er vooadaghey lesh cabbil as deiney; t’ad gloyraghey ayns niart nyn gheiney-coshee; t’ad treishteil ayns scape, as shleiy, as bow, as shling; as cha nhione daue dy nee uss y Chiarn ta brishey ny caggaghyn: yn Chiarn yn ennym ayd.
8Ceau sheese y niart oc ayns dty phooar, as cur lhiat sheese y tranlaase oc ayns dty eulys: son t’ad kiarit dy yannoo neu-ghlen jeh dty ynnyd casherick, as dy vhilley dty chabbane-agglish raad ta dt’ennym gloyroil goaill fea, as dy hilgey sheese lesh y chliwe eairk dt’altar.
9Jeeagh er y voyrn oc, as cur magh jeh dt’eulys er ny king oc: cur ayns my laue’s, ta my ven-treoghe, yn phooar shen ta mee er n’ghoaill ayns m’aigney.
10Bwoaill liorish miol my veillyn’s yn charvaant marish y prince, as y prince marish y charvaant: brish sheese yn staydoillys oc liorish laue ben.
11Son cha vel yn phooar ayds shassoo ayns ymmodee, ny dty niart ayns deiney lajer: son t’ou yn Jee ocsyn t’ayns seaghyn, fer-coonee dauesyn ta tranlaasit, cummal seose ny annoonee, yn coadey ocsyn ta treigit, yn saualtagh ocsyn ta gyn treishteil.
12Ta mee guee ort, ta mee guee ort, O Yee m’ayrey, as Yee jeh’n eiraght dy Israel, Chiarn jeh niau as thalloo, Fer-croo ny ushtaghyn, Ree dy chooilley chretoor, cur uss clashtyn da my phadjer:
13As jean my ghlare croutagh dy ve lhott as custhey dauesyn, t’er chiarail reddyn dewil noi dty chonaant, as dty hie casherick, as noi mullagh Sion, as noi thie cummal dty chloan.
14As cur er dy chooilley ashoon as tribe dy ghoaill rish dy nee oo yn Jee jeh dy chooilleyphooar as niart, as nagh vel unnane erbee elley ta coadey Israel agh uss.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Yn Cheshaght Ghailckagh 1979, 2017
© Manx Gaelic Society 1979, 2017