Utendi 6
6
Kwiĩĩkua mumulĩmo naamupũngati
1Pantondo zaasio pĩna ĩamanigua alĩ iongeeleka iyalo liao, ĩAyahũdi a kĩGiliki alĩ akuang'ung'untĩlia ĩAebũlania, kunsooko mumeelele alĩ aagumanĩlĩĩlie ĩakiĩlua aao muoomoelua. 2Naikyumi naabĩlĩ naamĩlundĩĩla ĩnkaami ya amanigua naaũga, “Sika yukũjĩpĩĩle ishie kuleke kwitanantia uLukaani lwa kĩNzua nukukĩtuma umulĩmo pandia. 3Luulo gua anũna ĩĩtu, muasaagule antu mupũngatĩ pakatĩ yaani, ĩa lukũmo naluuza, naijulue nuMuau nĩmasala, kuaĩĩke mumulĩmo uu. 4Ishie gua kukakĩkamatĩkia muulompi nukukulutanantia uLukaani.” 5uLukaani ulu nalualoeelia ĩanamulundo, naamusaagula uSitepano, muntu naalĩ wijuile uusuĩĩli nuMuau Muelu, nuPilipo, nuPolokolo, nuNikanoli, nuTimoni, nuPalimena, nuNikolao naalĩ mutiati wa wĩtekeli wa kĩYahũdi, nupũnile kuAntiokia. 6Awa naaĩĩmĩkia ntongela ya atumua, naalompa, naaĩĩka ĩmĩkono yaao mumuao.
7uLukaani lwa kĩNzua nalusapatĩla, niyalo lya amanigua naliongeeleka zigi-zigi mũYelusalemũ, nĩapolia iingĩ naaugombia uUsuĩĩli.
Kwiguĩlua kwa kĩSitepano
8NuSitefano namwijulue nuukende ningũlũ, alukutendaa ĩmakula namakulu niilĩngasĩĩlio pakatĩ ya antu. 9Paapo ityũmpĩ lya aasio naalĩ ishũnagogi naalĩ lyukuĩtaguaa lya Akolelua nĩlya Akilene nĩlya Alekizandelia, nĩaasio kwipũna kuKilikia nĩAsia, naĩĩmĩka kukĩkunguma nuSitepano. 10Ĩpa sika naasũũma kukĩkunguma nĩmasala muna uMuau alukumupambĩla. 11Paapo naaasisikĩĩlia ĩantu, naalĩ aũgile, “Kwamũgyũlagiaa umuntu uyu witambula inkaani za kumutukĩla uMusa nuNzua.” 12Naaalũangĩla ĩantu nĩanampala nĩalangi; naamuagaana, naamuguĩla, naaamutuala kuntongela ilindĩ, 13naĩĩmĩkia ĩakuĩli a ulongo, naalĩ aũgile, “uMuntu uyu sikukulekaa kwitambula iinkaani za kusiita Pana yeelu nuUlagĩĩlio; 14kuitĩ kwamũigagiaa witambula ya kĩna uyo ũYesu Munazaleti ukitaula ĩpa nukwikaĩla intendo naalĩ kuapeegue nuMusa.” 15Tũlũ ensi naalĩ ikyalansile pilindĩ naamutuupĩĩla naamuona uusiu waakue zĩ usiu wa kĩmalaĩka.
Currently Selected:
Utendi 6: KNT09
Highlight
Share
Copy
Want to have your highlights saved across all your devices? Sign up or sign in
The New Testament in Kinyiramba © Bible Society of Tanzania, 2009.
