Enaidurra 20
20
Inkitanapat Tomon
(Enkig 5.1-21)
1Neiro Olaitoriani kulo rorei pooki ajo, 2“Ara nanu Olaitoriani Enkai ino, ilo likiyau aitung'uaa enkop e Misiri, aitung'uaa enkaji e sinkaisho. 3Miaata ake kulie aitin te dukuya nanu. 4#Ena 34.17; Ilaw 19.4, 26.1; Enkig 4.15-18, 27.15 Mintobiraki kewan enkitanyaanyukoto nagueta, arashu ae nanyaanyukie ae toki te shumata te keper arashu enatii abori enkop, arashu enatii atua tiabori enkop. 5#Ena 34.6-7; Enki 14.18; Enkig 7.9-10 Mirrugokino ninche arashu isiaai ninche; amu ore nanu Olaitoriani Enkai ino ara Enkai olom, naitusuj nkera nkitarruorrot oo loo menye o metabaiki eishoi e uni o eni ong'uan e lelo laaiba nanu, 6kake kaitodolu enyorrata nauno too nkalifuni e lelo laanyor nanu neibung nkitanapat aainei.
7 #
Ilaw 19.12
“Mimpot aasishore enkarna o Laitoriani Enkai ino pesho amu meikenaa Olaitoriani ajo meeta enkitarruoroto ilo oipot enkarna enye pesho.
8 #
Ena 16.23-30, 31.12-14 “Tadamu enkolong e Sabato, inchoo eaku sinyati. 9#Ena 23.12, 31.15, 34.21, 35.2; Ilaw 23.3 Too nkolong'i ile taasisho, nias isiaaitin inono pooki; 10kake ore te nkolong e naapishana naa sabato to Laitoriani Enkai ino; ore te ina olong nimiaas hoo ae siaai, iyie arashu olayioni lino, arashu entito ino, o sinka lino lee, arashu esinka ino, arashu inkishu inono, arashu olomoni otii atua enkang ino. 11#Enk 2.1-3; Ena 31.17 Amu too nkolong'i ile eitobira Olaitoriani shumata o enkop, o enaiposha, o nena pooki naatii atua ninche, neyeng'iyeng'a te nkolong e naapishana. Metaa etamayiana Olaitoriani enkolong e naapishana neitaa sinyati.
12 #
Enkig 27.16; Mat 15.4, 19.19; Mk 7.10, 10.19; Lk 18.20; Efe 6.2,3 “Iyanyita minyi o ng'utunyi pee eaku inkolong'i inono kumok te ina kop nikincho Olaitoriani Enkai ino.
13 #
Enk 9.6; Ilaw 24.17; Mat 5.21, 19.18; Mk 10.19; Lk 18.20; Irm 13.9; Yko 2.11 “Miar metua.
14 #
Ilaw 20.10; Mat 5.27, 19.18; Mk 10.19; Lk 18.20; Irm 13.9; Yko 2.11 “Miloloito.
15 #
Ilaw 19.11; Mat 19.18; Mk 10.19; Lk 18.20; Irm 13.9 “Mipurrisho.
16 #
Ena 23.1; Mat 19.18; Mk 10.19; Lk 18.20 “Minteeniki ilo le latia ino elejare.
17 #
Irm 7.7, 13.9 “Ming'uar enkaji e ilo le latia ino; ming'uar enkitok e ilo le latia ino, arashu osinka lenye, arashu esinka enye, arashu olkiteng lenye, arashu osikiria lenye, arashu hoo ae toki ole latia ino.”
Olkirutoto loo ltung'ana
(Enkig 5.22-33)
18 #
Ilh 12.18-19
Ore ake pee ening iltung'ana pooki ndarat nedol inkiwuang'at, o embuakunoto e ntarumpeta o empuruo to ldoinyo, neirut iltung'ana neikirikira, nelamari aaitashe tenelakua. 19Nejoki ninche Musa, “Irorie iyie iyiook, amu eikining; kake nchoo metaa mme Enkai nairorie iyiook, mikiye ake.” 20Nejoki Musa iltung'ana, “Emiureshoyu, amu keewuo ake Enkai atem intae, pee aa ore euriata enye nelotu dukuya nkonyek inyi, pee miasiasa ake ing'ok.” 21Nelamari iltung'ana aaitashe te nelakua, etaa kenyikaki Musa ina aimin nairrusha te ine netii Enkai.
Inkitanapat naaipirta ilperereni loo lasarri
22Nejoki Olaitoriani Musa, “Ena tiaaki iltung'ana loo Siraeli: ‘Itoduaakita ntae ate nchere airorie nanu intae atii keper. 23Mintayuyu nkaitin e nkosholai pee eaku te nebo nanu, nimintaikiki sii ate nkaitin e sahabu. 24Olperere le nkulupuoni ninye kintaikiki nanu nikipolosakiki te nchumata enye ilasarri linyi oo pejori o lasarri linyi le seriani; enker inyi o lkiteng linyi. Ore pooki wueji nagelu metadamunyeki enkarna ai naa kalotu enitii namayian intae. 25#Enkig 27.5-7; Yosh 8.31 Naa ti nikintaikiki intae nanu olperere lo lasar loo soito, mishetutu too soito oogueta, amu ti niguetiguete te ntolu nisarkionienie. 26Nimikedikede too nkedeta olperere lai lo lasar, pee mimbalayuyu nchere michopopo.’
Currently Selected:
Enaidurra 20: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.
Enaidurra 20
20
Inkitanapat Tomon
(Enkig 5.1-21)
1Neiro Olaitoriani kulo rorei pooki ajo, 2“Ara nanu Olaitoriani Enkai ino, ilo likiyau aitung'uaa enkop e Misiri, aitung'uaa enkaji e sinkaisho. 3Miaata ake kulie aitin te dukuya nanu. 4#Ena 34.17; Ilaw 19.4, 26.1; Enkig 4.15-18, 27.15 Mintobiraki kewan enkitanyaanyukoto nagueta, arashu ae nanyaanyukie ae toki te shumata te keper arashu enatii abori enkop, arashu enatii atua tiabori enkop. 5#Ena 34.6-7; Enki 14.18; Enkig 7.9-10 Mirrugokino ninche arashu isiaai ninche; amu ore nanu Olaitoriani Enkai ino ara Enkai olom, naitusuj nkera nkitarruorrot oo loo menye o metabaiki eishoi e uni o eni ong'uan e lelo laaiba nanu, 6kake kaitodolu enyorrata nauno too nkalifuni e lelo laanyor nanu neibung nkitanapat aainei.
7 #
Ilaw 19.12
“Mimpot aasishore enkarna o Laitoriani Enkai ino pesho amu meikenaa Olaitoriani ajo meeta enkitarruoroto ilo oipot enkarna enye pesho.
8 #
Ena 16.23-30, 31.12-14 “Tadamu enkolong e Sabato, inchoo eaku sinyati. 9#Ena 23.12, 31.15, 34.21, 35.2; Ilaw 23.3 Too nkolong'i ile taasisho, nias isiaaitin inono pooki; 10kake ore te nkolong e naapishana naa sabato to Laitoriani Enkai ino; ore te ina olong nimiaas hoo ae siaai, iyie arashu olayioni lino, arashu entito ino, o sinka lino lee, arashu esinka ino, arashu inkishu inono, arashu olomoni otii atua enkang ino. 11#Enk 2.1-3; Ena 31.17 Amu too nkolong'i ile eitobira Olaitoriani shumata o enkop, o enaiposha, o nena pooki naatii atua ninche, neyeng'iyeng'a te nkolong e naapishana. Metaa etamayiana Olaitoriani enkolong e naapishana neitaa sinyati.
12 #
Enkig 27.16; Mat 15.4, 19.19; Mk 7.10, 10.19; Lk 18.20; Efe 6.2,3 “Iyanyita minyi o ng'utunyi pee eaku inkolong'i inono kumok te ina kop nikincho Olaitoriani Enkai ino.
13 #
Enk 9.6; Ilaw 24.17; Mat 5.21, 19.18; Mk 10.19; Lk 18.20; Irm 13.9; Yko 2.11 “Miar metua.
14 #
Ilaw 20.10; Mat 5.27, 19.18; Mk 10.19; Lk 18.20; Irm 13.9; Yko 2.11 “Miloloito.
15 #
Ilaw 19.11; Mat 19.18; Mk 10.19; Lk 18.20; Irm 13.9 “Mipurrisho.
16 #
Ena 23.1; Mat 19.18; Mk 10.19; Lk 18.20 “Minteeniki ilo le latia ino elejare.
17 #
Irm 7.7, 13.9 “Ming'uar enkaji e ilo le latia ino; ming'uar enkitok e ilo le latia ino, arashu osinka lenye, arashu esinka enye, arashu olkiteng lenye, arashu osikiria lenye, arashu hoo ae toki ole latia ino.”
Olkirutoto loo ltung'ana
(Enkig 5.22-33)
18 #
Ilh 12.18-19
Ore ake pee ening iltung'ana pooki ndarat nedol inkiwuang'at, o embuakunoto e ntarumpeta o empuruo to ldoinyo, neirut iltung'ana neikirikira, nelamari aaitashe tenelakua. 19Nejoki ninche Musa, “Irorie iyie iyiook, amu eikining; kake nchoo metaa mme Enkai nairorie iyiook, mikiye ake.” 20Nejoki Musa iltung'ana, “Emiureshoyu, amu keewuo ake Enkai atem intae, pee aa ore euriata enye nelotu dukuya nkonyek inyi, pee miasiasa ake ing'ok.” 21Nelamari iltung'ana aaitashe te nelakua, etaa kenyikaki Musa ina aimin nairrusha te ine netii Enkai.
Inkitanapat naaipirta ilperereni loo lasarri
22Nejoki Olaitoriani Musa, “Ena tiaaki iltung'ana loo Siraeli: ‘Itoduaakita ntae ate nchere airorie nanu intae atii keper. 23Mintayuyu nkaitin e nkosholai pee eaku te nebo nanu, nimintaikiki sii ate nkaitin e sahabu. 24Olperere le nkulupuoni ninye kintaikiki nanu nikipolosakiki te nchumata enye ilasarri linyi oo pejori o lasarri linyi le seriani; enker inyi o lkiteng linyi. Ore pooki wueji nagelu metadamunyeki enkarna ai naa kalotu enitii namayian intae. 25#Enkig 27.5-7; Yosh 8.31 Naa ti nikintaikiki intae nanu olperere lo lasar loo soito, mishetutu too soito oogueta, amu ti niguetiguete te ntolu nisarkionienie. 26Nimikedikede too nkedeta olperere lai lo lasar, pee mimbalayuyu nchere michopopo.’
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.