Enaidurra 21
21
Inkitaasat oo rrindiki
(Enkig 15.12-18)
1“Kuna ninche nkitanapat nipik dukuya ninche. 2#Ilaw 25.39-46 Ti ninyiang'u orrindik loo Lhebrania, neasisho ninye ilarin ile, ore to lari liopishana neipang ninye alo elakuno, nemelak toki. 3Tenaa keewuo apa aa ninye ake, nelo ninye aa ninye ake; te neewuo apa eyamishe nelo enkitok enye te nebo ninye. 4Te neishoo apa olkitok lenye enkitok neiki ninye ilayiok arashu ntoyie, neaku enkitok o nkera enyena ino lkitok lenye nelo ninye openy. 5Kake te neibalunye orrindik ajo, ‘Kanyor olkitok lai, o enkitok ai, o nkera aainei; malo nanu alakunoyu,’ 6neyau olkitok lenye enetii Enkai, neyau ninye kutuk aji arashu ntaloishin e kutuk aji neud olkitok lenye enkiok enye to ltidu; neisiaai ninye te nkishui pooki.
7“Te nemir oltung'ani entito enye aitaa errindik nemelo ae kata anaa enapuo irrindiki lewa. 8Te nemeitiship olkitok lenye, laa ninye otisiraka kewan, neisho ninye meinyiang'uni ninye, meeta ninye esipata namirakinye iltung'ana loo loreren amu etonyorra apa ninye te sunkureisho. 9Te nesiraki oltung'ani olayioni lenye entito rrindik neiko ninye anaa entito enye. 10Te neyamaki kewan enkitok e are nemeitong'or endaa enye, o nkilani enyena o enjung'ore e ina kitok botor. 11Naa te nemeitaas olee ninye kuna pokira uni, nelo ninye aing'uaa ninye pesho, metii elaata oo mpisai.
Inkitanapat naaipirta iasat e nkinyala
12 #
Ilaw 24.17
“Ore pooki ng'ae oosh oltung'ani near metua, neari metua. 13#Enki 35.10-34; Enkig 19.1-13; Yosh 20.1-9 Kake te neitu eirrag arreshu ninye, kake Enkai ake natorikoyie metabatatakinoyu inkaik enyena, naa kegelaki intae ewueji naa ninye eisikaki. 14Kake te neotiki oltung'ani aitirraki olikae pee ear metua, ewaita intae ninye aaitung'uaa olperere lai pee eye.
15“Ore pooki ng'ae oosh menye arashu ng'otonye neari metua.
16 #
Enkig 24.7
“Ore pooki ng'ae opurroo oltung'ani, pee emir arashu etumi ninye ti atua imasaa enyena, neari metua.
17 #
Ilaw 20.9; Mat 15.4; Mk 7.10 “Ore pooki ng'ae odek menye arashu ng'otonye neari metua.
18“Te neishankarra iltung'ana neosh obo olikae to soit arashu te nkaina neitu eye oltung'ani eirraga te rruat, 19ore pee edumunye ilo nelo te ntirma#21.19 ntirma enchata naibung oltung'ani airishakino elo, ore ilo otoosho ninye nelakuni; kake elak ina kata naiturrayie neing'or ninye o meishiu alaari.
20“Te nedumu oltung'ani eng'udi neosh orrindik lenye, aa olee arashu enkitok, neye orrindik te ine, neitamei ilo tung'ani. 21Kake te neitu eye orrindik te nkolong nabo arashu too nkolong'i are, nemeitamei amu ore orrindik naa impisai enyena.
22“Te neara iltung'ana nepik entuaa#21.22 entua enkitok nanuta olbae o metapololoyu, nemetii ae torroni natusuja, ore ilo otipika ninye olbae neitalaki te risioroto e nkitalakunoto naitalak ninye olpayian le ina kitok; nelak anaa enanyorraa iladung'ok le nkiguana. 23Te nesuju ae torroni neitalakuni enkishui te nkishui, 24#Ilaw 24.19-20; Enkig 19.21; Mat 5.38 enkong'u te nkong'u, olalae to lalae, enkaina te nkaina, enkeju te nkeju, 25enkinosata e nkima te nkinosata e nkima, olbae to lbae, olkordata to lkordata.
26“Te neosh oltung'ani enkong'u o rrindik lenye, olee arashu enkitok, neitarruoo, neisho ninye ilo rrindik meshomo te nkaraki enkong'u. 27Te neitayu olalae lo rrindik lenye, olee arashu enkitok, nelo ilo rrindik te nkaraki olalae.
Imbaa naaipirta eramatare oo loopeny
28“Te near olkiteng oltung'ani lee arashu enkitok metua, neari ilo kiteng too soito metua; nemenyae inkiri enyena; ore olopeny ilo kiteng nelakuni. 29Kake te netamoo ilo kiteng ear iltung'ana, neikooki olopeny neany ening, near ilo kiteng metua olee arashu enkitok, neari ilo kiteng too soito metua, neari sii olopeny metua. 30Naa te neigeroki metawalu enkishui enye nelak ninye meitajeu enkishui enye esiana pooki naba anaa enatudung'okoki. 31Te near olkiteng olayioni le likae tung'ani arashu entito, neiguanareki olopeny te risioroto ena kitanapata nabo.
32“Te near olkiteng orrindik metua, olee arashu enkitok, neisho olopeny olkitok le ilo rrindiki shekeli tomoni uni e nkosholai. Neari ilo kiteng too soito metua.
33“Te neing'uaa oltung'ani engumoto menuka arashu te netur oltung'ani engumoto nemenuk, nedoiki olkiteng arashu osikiria atua, 34neitobir olopeny ina gumoto neisho impisai olopeny o lkiteng o sikiria neaku ina natua enenye.
35“Te near olkiteng le likae tung'ani olkiteng le likae metua nemir ninche ilo kiteng oishu neor impisai enyena. Neor sii ina ng'ues natua. 36Naa te neyioloi aajo etamoo oshi ilo kiteng earisho neitu eing'or olopeny, nelak ninye olkiteng to lkiteng neaku ina ng'ues natua enenye.
Currently Selected:
Enaidurra 21: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.
Enaidurra 21
21
Inkitaasat oo rrindiki
(Enkig 15.12-18)
1“Kuna ninche nkitanapat nipik dukuya ninche. 2#Ilaw 25.39-46 Ti ninyiang'u orrindik loo Lhebrania, neasisho ninye ilarin ile, ore to lari liopishana neipang ninye alo elakuno, nemelak toki. 3Tenaa keewuo apa aa ninye ake, nelo ninye aa ninye ake; te neewuo apa eyamishe nelo enkitok enye te nebo ninye. 4Te neishoo apa olkitok lenye enkitok neiki ninye ilayiok arashu ntoyie, neaku enkitok o nkera enyena ino lkitok lenye nelo ninye openy. 5Kake te neibalunye orrindik ajo, ‘Kanyor olkitok lai, o enkitok ai, o nkera aainei; malo nanu alakunoyu,’ 6neyau olkitok lenye enetii Enkai, neyau ninye kutuk aji arashu ntaloishin e kutuk aji neud olkitok lenye enkiok enye to ltidu; neisiaai ninye te nkishui pooki.
7“Te nemir oltung'ani entito enye aitaa errindik nemelo ae kata anaa enapuo irrindiki lewa. 8Te nemeitiship olkitok lenye, laa ninye otisiraka kewan, neisho ninye meinyiang'uni ninye, meeta ninye esipata namirakinye iltung'ana loo loreren amu etonyorra apa ninye te sunkureisho. 9Te nesiraki oltung'ani olayioni lenye entito rrindik neiko ninye anaa entito enye. 10Te neyamaki kewan enkitok e are nemeitong'or endaa enye, o nkilani enyena o enjung'ore e ina kitok botor. 11Naa te nemeitaas olee ninye kuna pokira uni, nelo ninye aing'uaa ninye pesho, metii elaata oo mpisai.
Inkitanapat naaipirta iasat e nkinyala
12 #
Ilaw 24.17
“Ore pooki ng'ae oosh oltung'ani near metua, neari metua. 13#Enki 35.10-34; Enkig 19.1-13; Yosh 20.1-9 Kake te neitu eirrag arreshu ninye, kake Enkai ake natorikoyie metabatatakinoyu inkaik enyena, naa kegelaki intae ewueji naa ninye eisikaki. 14Kake te neotiki oltung'ani aitirraki olikae pee ear metua, ewaita intae ninye aaitung'uaa olperere lai pee eye.
15“Ore pooki ng'ae oosh menye arashu ng'otonye neari metua.
16 #
Enkig 24.7
“Ore pooki ng'ae opurroo oltung'ani, pee emir arashu etumi ninye ti atua imasaa enyena, neari metua.
17 #
Ilaw 20.9; Mat 15.4; Mk 7.10 “Ore pooki ng'ae odek menye arashu ng'otonye neari metua.
18“Te neishankarra iltung'ana neosh obo olikae to soit arashu te nkaina neitu eye oltung'ani eirraga te rruat, 19ore pee edumunye ilo nelo te ntirma#21.19 ntirma enchata naibung oltung'ani airishakino elo, ore ilo otoosho ninye nelakuni; kake elak ina kata naiturrayie neing'or ninye o meishiu alaari.
20“Te nedumu oltung'ani eng'udi neosh orrindik lenye, aa olee arashu enkitok, neye orrindik te ine, neitamei ilo tung'ani. 21Kake te neitu eye orrindik te nkolong nabo arashu too nkolong'i are, nemeitamei amu ore orrindik naa impisai enyena.
22“Te neara iltung'ana nepik entuaa#21.22 entua enkitok nanuta olbae o metapololoyu, nemetii ae torroni natusuja, ore ilo otipika ninye olbae neitalaki te risioroto e nkitalakunoto naitalak ninye olpayian le ina kitok; nelak anaa enanyorraa iladung'ok le nkiguana. 23Te nesuju ae torroni neitalakuni enkishui te nkishui, 24#Ilaw 24.19-20; Enkig 19.21; Mat 5.38 enkong'u te nkong'u, olalae to lalae, enkaina te nkaina, enkeju te nkeju, 25enkinosata e nkima te nkinosata e nkima, olbae to lbae, olkordata to lkordata.
26“Te neosh oltung'ani enkong'u o rrindik lenye, olee arashu enkitok, neitarruoo, neisho ninye ilo rrindik meshomo te nkaraki enkong'u. 27Te neitayu olalae lo rrindik lenye, olee arashu enkitok, nelo ilo rrindik te nkaraki olalae.
Imbaa naaipirta eramatare oo loopeny
28“Te near olkiteng oltung'ani lee arashu enkitok metua, neari ilo kiteng too soito metua; nemenyae inkiri enyena; ore olopeny ilo kiteng nelakuni. 29Kake te netamoo ilo kiteng ear iltung'ana, neikooki olopeny neany ening, near ilo kiteng metua olee arashu enkitok, neari ilo kiteng too soito metua, neari sii olopeny metua. 30Naa te neigeroki metawalu enkishui enye nelak ninye meitajeu enkishui enye esiana pooki naba anaa enatudung'okoki. 31Te near olkiteng olayioni le likae tung'ani arashu entito, neiguanareki olopeny te risioroto ena kitanapata nabo.
32“Te near olkiteng orrindik metua, olee arashu enkitok, neisho olopeny olkitok le ilo rrindiki shekeli tomoni uni e nkosholai. Neari ilo kiteng too soito metua.
33“Te neing'uaa oltung'ani engumoto menuka arashu te netur oltung'ani engumoto nemenuk, nedoiki olkiteng arashu osikiria atua, 34neitobir olopeny ina gumoto neisho impisai olopeny o lkiteng o sikiria neaku ina natua enenye.
35“Te near olkiteng le likae tung'ani olkiteng le likae metua nemir ninche ilo kiteng oishu neor impisai enyena. Neor sii ina ng'ues natua. 36Naa te neyioloi aajo etamoo oshi ilo kiteng earisho neitu eing'or olopeny, nelak ninye olkiteng to lkiteng neaku ina ng'ues natua enenye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.