Enaidurra 24

Etimishiraki osotua

1Nejoki ninye Musa, “Ilepu wou enetii Olaitoriani, iyie o Aron, o Nadabu, o Abihu o lpayiani ntomoni naapishana loo Siraeli, enteserem te nelakua. 2Musa ake olotu ataaniki Olaitoriani, kake mepuonu ilkulikae aanyiku, nemeilepu iltung'ana te nebo ninye.”

3Nelotu Musa, neliki iltung'ana irorei pooki lo Laitoriani o nkitanapat pooki; newalu iltung'ana pooki to ltoilo obo nejo, “Ore irorei pooki ooiroro Olaitoriani naa eikiaas.” 4Neiger Musa irorei pooki lo Laitoriani. Nedumunye ayooki tadekenya neshet olperere lo lasar te ntonata o ldoinyo, o ng'apeta tomon o are aitorisioki iloshon tomon o are loo Siraeli. 5Neirriwaa ilbarnot loo ltung'ana loo Siraeli, ooitaituo nkishorot oo ilasarri oopejori nepolosaki Olaitoriani nkishorot, ilasarri le seriani oo lmong'i. 6Nedumu Musa olpisiai lo sarge nepik ingirran, ore olikae pisiai lo sarge nebukoki olperere. 7Neitoki adumu embuku osotua neisomaki iltung'ana metoning'o; nejo ninche, “Ore nena pooki naatejo Olaitoriani naa eikiaas, naa eikining'ishoyu iyiook.” 8#Mat 26.28; Mk 14.24; Lk 22.20; 1 Ilkor 11.25; Ilh 9.19-20, 10.29 Nedumu Musa osarge neisuaaki iltung'ana nejo, “Eng'ura osarge lo sotua oitobira Olaitoriani o ntae te risioroto e kulo rorei pooki.”

9Neitoki Musa o Aron, o Nadabu o Abihu o lpayiani ntomoni naapishana loo Siraeli aailep, 10nedol ninche Enkai oo Siraeli, netii abori nkejek enyena entoki neeijo oltiren oitobiraki too soito sidain, ooikununo anaa keper te mua. 11Neitu ninye eiteleiki enkaina enye lelo arikok loo ltung'ana loo Siraeli; nedol ninche Enkai, neokisho nedaa.

Musa to Idoinyo le Sinai

12Nejoki Olaitoriani Musa, “Ilepu wou enatii to ldoinyo, nianyisho te ine; naa kaaisho nanu isoito dapashi, te nebo nkitanapat, naigero nanu te nkaraki enkiteng'enare enye.” 13Nedumunye Musa te nebo osinka lenye Yoshua, neilep Musa alo atua oldoinyo le Nkai. 14Nejoki ninye ilpayiani, “Entaanyu iyiook tene o metaba anaa nikintoki aapuonu enitii, naa ng'ura, etii Aron o Huri te nebo intae; ore pooki ng'ae oata enyamali nchoo elo enetii ninche.”

15Neilep Musa alo oldoinyo, neitoip enkatampoi oldoinyo, 16neton enkitoo e Nkai to ldoinyo le Sinai neitoip enkatampoi inkolong'i ile; ore te nkolong e naapishana neipot ninye Musa ti atua ina atampoi. 17Ore eloito e nkitoo o Laitoriani neikununo anaa enkima nayupuyup te nchumata o ldoinyo te dukuya iltung'ana loo Siraeli. 18#Enkig 9.9 Nejing Musa atua enkatampoi neilepaki oldoinyo. Netii apa Musa oldoinyo nkolong'i artam o nkewaritin artam.

Currently Selected:

Enaidurra 24: MBS

Highlight

Copy