Enaidurra 31
31
Ilashetak arriyiak lo lng'obor le manyisho o Laitoriani
(Ena 35.30–36.1)
1Nejoki Olaitoriani Musa, 2“Ng'ura, aipoto nanu te nkarna e Besalel olayioni le Uri, olayioni le Huri, lo losho le Yuda: 3naiputa nanu ninye Enkiyang'et e Nkai, te nkidimata o te nkalamasisho, o te ng'eno o te nkarriyiano pooki. 4Pee eipiru mbaa e nkarriyiano, neasisho te sahabu, o te nkosholai o to suyai, 5te ndung'oto oo soito oopiki iwuejitin, o te nguetata oo nkeek, te siaai e nkarriyiano pooki. 6Naa ng'ura, ategelua nanu te nebo ninye Oholiab olayioni le Ahisamak, lo losho le Dan; naishoo nanu iltung'ana pooki oodupa enkidimata, pee etum aaitobira nena pooki naaitanapa nanu iyie: 7ilo ng'obor le ntumo, o ilo sanduku le nchakenisho, o ilo orika lo lng'ur otii enchumata enye, o masaa pooki e ilo ng'obor, 8emesa o ntokitin enyena, o ina kitashet o ltaa e sahabu nasila te nebo ntokitin enyena pooki, olperere le nkorropil, 9o ilo perere lo lasar opejori te nebo ntokitin, enyena pooki, o lmoti oitukuoreki o eneitotonieki enye, 10o lelo kilani ootiripuaki aaikod le Aron olapolosani, o lkilani loo layiok lenyena, te nkisiaayiare enye anaa ilapolosak, 11o ina ilata naputishoreki o enkorropil naisonkoyo e ine wueji sinyati. Anaa nena pooki naaitanapa iyie. Neas ninche.”
Sabato, enkolong e nkiyeng'iyeng
12Nejoki Olaitoriani Musa, 13“Tiaaki iltung'ana loo Siraeli ‘Embung'a Sabatoni aainei amu olmonekie ele te rishata ai o ntae ti atua iishoritin inyi pooki, pee itumutumu aatayiolo nchere, nanu Olaitoriani oitisiny intae. 14Embung'a sabato amu eisinyati te ntae; ore pooki ng'ae oisarkionie neari metua; ore oltung'ani oasisho te ina olong neiwuang'ieki ninye ti atua iltung'ana lenyena. 15#Ena 20.8-11, 23.12, 34.21, 35.2; Ilaw 23.3; Enkig 5.12-14 Too nkolong'i ile easi esiaai kake ore enkolong e naapishana naa sabato e nkiyeng'iyeng naitisinyi, sinyati to Laitoriani; ore oltung'ani oas pooki siaai te nkolong e sabato neari metua. 16Metaa keibung iltung'ana loo Siraeli sabato, neing'or sabato ti atua iishoritin enye pooki, anaa osotua loo ntarasi. 17#Ena 20.11 Olmonekie ele intarasi te rishata ai o ltung'ana loo Siraeli nchere too nkolong'i ile eitobira Olaitoriani keper o enkop; ore te nkolong e naapishana neidip esiaai neyeng'iyeng'a.’ ”
18Neisho ninye Musa, ina kata pee eidip airorie te nchumata o ldoinyo le Sinai nena baoi are e nchakenisho, imbaoi o soit, naaigero tolkimojino le Nkai.
Currently Selected:
Enaidurra 31: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.
Enaidurra 31
31
Ilashetak arriyiak lo lng'obor le manyisho o Laitoriani
(Ena 35.30–36.1)
1Nejoki Olaitoriani Musa, 2“Ng'ura, aipoto nanu te nkarna e Besalel olayioni le Uri, olayioni le Huri, lo losho le Yuda: 3naiputa nanu ninye Enkiyang'et e Nkai, te nkidimata o te nkalamasisho, o te ng'eno o te nkarriyiano pooki. 4Pee eipiru mbaa e nkarriyiano, neasisho te sahabu, o te nkosholai o to suyai, 5te ndung'oto oo soito oopiki iwuejitin, o te nguetata oo nkeek, te siaai e nkarriyiano pooki. 6Naa ng'ura, ategelua nanu te nebo ninye Oholiab olayioni le Ahisamak, lo losho le Dan; naishoo nanu iltung'ana pooki oodupa enkidimata, pee etum aaitobira nena pooki naaitanapa nanu iyie: 7ilo ng'obor le ntumo, o ilo sanduku le nchakenisho, o ilo orika lo lng'ur otii enchumata enye, o masaa pooki e ilo ng'obor, 8emesa o ntokitin enyena, o ina kitashet o ltaa e sahabu nasila te nebo ntokitin enyena pooki, olperere le nkorropil, 9o ilo perere lo lasar opejori te nebo ntokitin, enyena pooki, o lmoti oitukuoreki o eneitotonieki enye, 10o lelo kilani ootiripuaki aaikod le Aron olapolosani, o lkilani loo layiok lenyena, te nkisiaayiare enye anaa ilapolosak, 11o ina ilata naputishoreki o enkorropil naisonkoyo e ine wueji sinyati. Anaa nena pooki naaitanapa iyie. Neas ninche.”
Sabato, enkolong e nkiyeng'iyeng
12Nejoki Olaitoriani Musa, 13“Tiaaki iltung'ana loo Siraeli ‘Embung'a Sabatoni aainei amu olmonekie ele te rishata ai o ntae ti atua iishoritin inyi pooki, pee itumutumu aatayiolo nchere, nanu Olaitoriani oitisiny intae. 14Embung'a sabato amu eisinyati te ntae; ore pooki ng'ae oisarkionie neari metua; ore oltung'ani oasisho te ina olong neiwuang'ieki ninye ti atua iltung'ana lenyena. 15#Ena 20.8-11, 23.12, 34.21, 35.2; Ilaw 23.3; Enkig 5.12-14 Too nkolong'i ile easi esiaai kake ore enkolong e naapishana naa sabato e nkiyeng'iyeng naitisinyi, sinyati to Laitoriani; ore oltung'ani oas pooki siaai te nkolong e sabato neari metua. 16Metaa keibung iltung'ana loo Siraeli sabato, neing'or sabato ti atua iishoritin enye pooki, anaa osotua loo ntarasi. 17#Ena 20.11 Olmonekie ele intarasi te rishata ai o ltung'ana loo Siraeli nchere too nkolong'i ile eitobira Olaitoriani keper o enkop; ore te nkolong e naapishana neidip esiaai neyeng'iyeng'a.’ ”
18Neisho ninye Musa, ina kata pee eidip airorie te nchumata o ldoinyo le Sinai nena baoi are e nchakenisho, imbaoi o soit, naaigero tolkimojino le Nkai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.