Enaidurra 30
30
Olperere lo lasar opejieki enkorropil
(Ena 37.25-28)
1“Intobira olperere lo lasar pee ipejorie enkorropil enchumata enye. Too nkeek o lerai intobira. 2Entemata nabo enkadoro naa entemata nabo endapasho. Nerisioroyu nkaloli pooki, naa intemat are enkilepata; ore mowuarak enyena naa entoki nabo o lperere. 3Tumura te sahabu nasila enkoriong enye o matuan o mouarak enyena. Nipik enkamanaa e sahabu aitaman. 4Nintobiraki ilgiso oare le sahabu, ti abori enkamanaa, too nkaloli enyena pokira are, pee eibung nena bokishi naa ninche enapieki. 5Nintayu imbokishi o lerai nimur ninche te sahabu. 6Nipik ninye dukuya ilo liatua otii embata o sanduku le nchakenisho, otii dukuya olorika lo lng'ur, te nchumata shakenisho, te ine natumore nanu ntae. 7Nepej Aron enkorropil naisonkoyo oleng te nchumata enye, anaake tadekenya te neitobir iltaai nepej. 8Naa ore te neinok Aron iltaai teipa nepej, enkorropil oo nkolong'i pooki te dukuya Olaitoriani ti atua iishoritin inyi pooki. 9Mintayuyu ake enkorropil nemesinya te nchumata te ine, arashu olasar opejori, arashu olasar le nkurma naidong'o nimibukokiki olasar opikuni. 10Neitobir Aron olning'o lo sotua too mowuarak enyena kata nabo to lari; teilo sarge lo lasar loo ng'ok lo lning'o lo sotua eitobir ninye olning'o lo sotua nabo kata to lari ti atua iishoritin inyi pooki. Kesinya oleng to Laitoriani.”
Kodi o lng'obor le manyisho o Laitoriani
11Nejoki Olaitoriani Musa, 12“Teninkenikene ltung'ana loo Siraeli, aayiolou esiana neishoru ake pooki ng'ae elakunoto te nkaraki enkorrok enye to Laitoriani te ninken iyie ninche, pee mejing ake olmeitai atua ninche te ninken iyie ninche. 13#Ena 38.25-26; Mat 17.24 Ore pooki ng'ae oikenayioki te nkikenare neishoru ena: olpisiai loo mpisai naaji shekeli te risioroto e shekeli eine wueji sinyati. Neitayu olpisiai le shekeli anaa olasar to Laitoriani. 14Ore pooki ng'ae oikenayioki te nkikena, ebaiki ilarin tikitam neilep, neishoru olasar to Laitoriani. 15Meishoru olkarsis inkumok nemeishoru olaisinani inkuti, to lpisiai le shekeli, te ninchoru olasar lo Laitoriani aitaiyu olning'o lo sotua te nkaraki kewan ino. 16Niya iyie impisai o lning'o lo sotua too ltung'ana loo Siraeli, nigelu aitaa ine nkisiaayiare o lng'obor le ntumo, pee eyau iltung'ana loo Siraeli metadamuni te dukuya Olaitoriani, pee intobiribiri olning'o lo sotua te nkaraki intae maate.”
Embesen o suyai
17Nejoki Olaitoriani Musa, 18#Ena 38.8 “Intobira olmoti lo suyai oitukuoreki; ore eneitotonieki enye naa eno suyai, pee eitukuoreki. Nipik erishata o lng'obor le ntumo o lperere lo lasar, nipik enkare atua, 19pee aa ninye eitukuyie Aron o layiok lenyena inkaik enye o nkejek enye. 20Te nepuo atua olng'obor le ntumo, arashu te nepuonu embata o lperere lo lasar aaisiaisho, aapejoki Olaitoriani olasar te nkima, neitukuo ninche te nkare, meye ake. 21Neituku ninche inkaik enye o nkejek enye, meye ake. Neaku ena enkitanapata ntarasi te ninche, o te ninye o too ishoritin enyena ti atua ishoritin enye pooki.”
Eilata naputieki ilapolosak
22 #
Ena 37.29
Ore tenebo nena neitoki Olaitoriani ajoki Musa, 23“Ntayu isonkoyoni sidain oleng; shekeli iip imiet e manoo, naruko, o lpisiai le nena loo nkabobok o sinantei naarropil oleng, aa taa shekeli iip are o onom, 24o shekeli iip imiet o sinantei oojuno, te risioroto e ntemata e wueji sinyati, o eilata oo loirienito mboreitin imiet e mpirbil. 25Nintayu iyie te kuna eilata nasinya naputishoreki. 26Nibukoki aitisiny ilo ng'obor le ntumo o ilo sanduku le nchakenisho, 27o emesa o ntokitin enyena pooki, o enkitashet oo ltaai o ntokitin enyena pooki, o lperere le nkorropil, 28o lperere lo lasar opejorieki ilasarri tenebo ntokitin enyena, o eng'irra naitukuoreki o enkitotonet enye. 29Nintisiny iyie ninche pee etum aataa sinyat tukul. Ore pooki naiseyie ninye neaku sinyati. 30Nibukoki Aron o layiok lenyena aitisiny ninche, pee aatum aaisiaayia anaa ilapolosak. 31Nijoki iyie iltung'ana loo Siraeli, ‘Keaku ena eilata ai sinyati naputishoreki ti atua ishoritin inyi. 32Nemebukokini iseseni ake le pooki ng'ae, nimintayu ae nanyaanyukie te nkitobirunoto; kesinya ninye, naa keton esinya te iyie. 33Ore pooki tung'ani oitobira aitushulu ae nanyaanyukie, arashu pooki ng'ae opik ae te ninye oltung'ani le boo neiwuang'ieki ti atua iltung'ana lenyena.’ ”
Enkorropil
34Nejoki Olaitoriani Musa, “Intayu intokitin naarropil, naaji natafi, o shekeli o kelbena; o ntokitin naarropil te nebo olbani osila nerisioroyu pooki. 35Intobira enkorropil naitushulaki te nkarriyiano, olaitobirani loo sonkoyoni natipikaki emunyan aasil neitisinyi; 36nindong iyie embata enye kiti oleng, nipik embata enye dukuya enchakenisho tiatua ilo ng'obor le ntumo te ine naatumore nanu iyie; neaku ninye te iyie sinyati oleng. 37Ore enkorropil nintayu te risioroto e enkitushulata enye, nimintayu te nkaraki intae maate, keaku ninye te ntae sinyati to Laitoriani. 38Ore pooki ng'ae oitayu ae nanyaanyukie pee easishore anaa esonkoyo neiwuang'ieki ti atua iltung'ana lenyena.”
Currently Selected:
Enaidurra 30: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.
Enaidurra 30
30
Olperere lo lasar opejieki enkorropil
(Ena 37.25-28)
1“Intobira olperere lo lasar pee ipejorie enkorropil enchumata enye. Too nkeek o lerai intobira. 2Entemata nabo enkadoro naa entemata nabo endapasho. Nerisioroyu nkaloli pooki, naa intemat are enkilepata; ore mowuarak enyena naa entoki nabo o lperere. 3Tumura te sahabu nasila enkoriong enye o matuan o mouarak enyena. Nipik enkamanaa e sahabu aitaman. 4Nintobiraki ilgiso oare le sahabu, ti abori enkamanaa, too nkaloli enyena pokira are, pee eibung nena bokishi naa ninche enapieki. 5Nintayu imbokishi o lerai nimur ninche te sahabu. 6Nipik ninye dukuya ilo liatua otii embata o sanduku le nchakenisho, otii dukuya olorika lo lng'ur, te nchumata shakenisho, te ine natumore nanu ntae. 7Nepej Aron enkorropil naisonkoyo oleng te nchumata enye, anaake tadekenya te neitobir iltaai nepej. 8Naa ore te neinok Aron iltaai teipa nepej, enkorropil oo nkolong'i pooki te dukuya Olaitoriani ti atua iishoritin inyi pooki. 9Mintayuyu ake enkorropil nemesinya te nchumata te ine, arashu olasar opejori, arashu olasar le nkurma naidong'o nimibukokiki olasar opikuni. 10Neitobir Aron olning'o lo sotua too mowuarak enyena kata nabo to lari; teilo sarge lo lasar loo ng'ok lo lning'o lo sotua eitobir ninye olning'o lo sotua nabo kata to lari ti atua iishoritin inyi pooki. Kesinya oleng to Laitoriani.”
Kodi o lng'obor le manyisho o Laitoriani
11Nejoki Olaitoriani Musa, 12“Teninkenikene ltung'ana loo Siraeli, aayiolou esiana neishoru ake pooki ng'ae elakunoto te nkaraki enkorrok enye to Laitoriani te ninken iyie ninche, pee mejing ake olmeitai atua ninche te ninken iyie ninche. 13#Ena 38.25-26; Mat 17.24 Ore pooki ng'ae oikenayioki te nkikenare neishoru ena: olpisiai loo mpisai naaji shekeli te risioroto e shekeli eine wueji sinyati. Neitayu olpisiai le shekeli anaa olasar to Laitoriani. 14Ore pooki ng'ae oikenayioki te nkikena, ebaiki ilarin tikitam neilep, neishoru olasar to Laitoriani. 15Meishoru olkarsis inkumok nemeishoru olaisinani inkuti, to lpisiai le shekeli, te ninchoru olasar lo Laitoriani aitaiyu olning'o lo sotua te nkaraki kewan ino. 16Niya iyie impisai o lning'o lo sotua too ltung'ana loo Siraeli, nigelu aitaa ine nkisiaayiare o lng'obor le ntumo, pee eyau iltung'ana loo Siraeli metadamuni te dukuya Olaitoriani, pee intobiribiri olning'o lo sotua te nkaraki intae maate.”
Embesen o suyai
17Nejoki Olaitoriani Musa, 18#Ena 38.8 “Intobira olmoti lo suyai oitukuoreki; ore eneitotonieki enye naa eno suyai, pee eitukuoreki. Nipik erishata o lng'obor le ntumo o lperere lo lasar, nipik enkare atua, 19pee aa ninye eitukuyie Aron o layiok lenyena inkaik enye o nkejek enye. 20Te nepuo atua olng'obor le ntumo, arashu te nepuonu embata o lperere lo lasar aaisiaisho, aapejoki Olaitoriani olasar te nkima, neitukuo ninche te nkare, meye ake. 21Neituku ninche inkaik enye o nkejek enye, meye ake. Neaku ena enkitanapata ntarasi te ninche, o te ninye o too ishoritin enyena ti atua ishoritin enye pooki.”
Eilata naputieki ilapolosak
22 #
Ena 37.29
Ore tenebo nena neitoki Olaitoriani ajoki Musa, 23“Ntayu isonkoyoni sidain oleng; shekeli iip imiet e manoo, naruko, o lpisiai le nena loo nkabobok o sinantei naarropil oleng, aa taa shekeli iip are o onom, 24o shekeli iip imiet o sinantei oojuno, te risioroto e ntemata e wueji sinyati, o eilata oo loirienito mboreitin imiet e mpirbil. 25Nintayu iyie te kuna eilata nasinya naputishoreki. 26Nibukoki aitisiny ilo ng'obor le ntumo o ilo sanduku le nchakenisho, 27o emesa o ntokitin enyena pooki, o enkitashet oo ltaai o ntokitin enyena pooki, o lperere le nkorropil, 28o lperere lo lasar opejorieki ilasarri tenebo ntokitin enyena, o eng'irra naitukuoreki o enkitotonet enye. 29Nintisiny iyie ninche pee etum aataa sinyat tukul. Ore pooki naiseyie ninye neaku sinyati. 30Nibukoki Aron o layiok lenyena aitisiny ninche, pee aatum aaisiaayia anaa ilapolosak. 31Nijoki iyie iltung'ana loo Siraeli, ‘Keaku ena eilata ai sinyati naputishoreki ti atua ishoritin inyi. 32Nemebukokini iseseni ake le pooki ng'ae, nimintayu ae nanyaanyukie te nkitobirunoto; kesinya ninye, naa keton esinya te iyie. 33Ore pooki tung'ani oitobira aitushulu ae nanyaanyukie, arashu pooki ng'ae opik ae te ninye oltung'ani le boo neiwuang'ieki ti atua iltung'ana lenyena.’ ”
Enkorropil
34Nejoki Olaitoriani Musa, “Intayu intokitin naarropil, naaji natafi, o shekeli o kelbena; o ntokitin naarropil te nebo olbani osila nerisioroyu pooki. 35Intobira enkorropil naitushulaki te nkarriyiano, olaitobirani loo sonkoyoni natipikaki emunyan aasil neitisinyi; 36nindong iyie embata enye kiti oleng, nipik embata enye dukuya enchakenisho tiatua ilo ng'obor le ntumo te ine naatumore nanu iyie; neaku ninye te iyie sinyati oleng. 37Ore enkorropil nintayu te risioroto e enkitushulata enye, nimintayu te nkaraki intae maate, keaku ninye te ntae sinyati to Laitoriani. 38Ore pooki ng'ae oitayu ae nanyaanyukie pee easishore anaa esonkoyo neiwuang'ieki ti atua iltung'ana lenyena.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.