Enkiterunoto 25
25
Enkae ishoi e Abraham
(1 Int 1.32-33)
1Neyam Abraham ae kitok naji enkarna enye Ketura. 2Neiki ninye Simran, o Yokshan, o Medan, o Midian, o Ishbak, o Shua, 3ore apa Tokshan naa ninye menye le Sheba, o Dedon. Ore ilayiok le Dedan, naa Asshurim, o Letushim, o Leumim. 4Ore ilayiok le Midian naa Epa, o Eper, o Hanok o Abida, o Eldaa. Ore apa kulo naa nkera e ketura. 5Neisho Abraham pooki toki naata Isaak. 6Kake eishoo Abraham ilayiok loo nkapiak enyena inkishorot, ore eton eishu, neidurrie ninche aitung'uaa olayioni lenye Isaak meshomo enkop oloosaen.
Keeya o enukaroto e Abraham
7Kuna inkolong'i oo larin le nkishui e Abraham, ilarin iip o ntomoni naapishana o imiet, 8neye Abraham etaa olpayian kitok etamorua amitunye, nepiki ninye eneiturrurrorre olorere lenye. 9nenukaa ninye ilayiok lenyena Isaak o Ishmael te nkapune e Makpela te nkurma e Efron olayioni le Soha loo Lhiti. 10#Enk 23.3-16 To loo saen le Mamre, te nkurma nainyiang'ua apa Abraham too Lhiti. Metaa te ine apa etunukayioki Abraham tenebo enkitok enye Sara. 11Ore peyie eidip Abraham atua, etamayiana Enkai Isaak olayioni lenye. Nebik Isaak te Beelarahoi.
Eishoi e Ishmael
(1 Int 1.28-31)
12Kulo ninche ile ishoi e Ishmael olayioni le Abraham otoikio ninye Hagar e Misiri naa enkaisiaayiani apa e Sara. 13Kuna ninche nkarn oo layiok le Ishmael anaa enaikunakino te inoto enye: Nebaiot aa ninye olkikau le Ishmael o Kedar, o Adbeel, o Mibsam, 14Mishma, o Duma, o Masa, 15o Hadad, o Tema, o Yetur, o Napish, o Kedema. 16Kulo ninche ilayiok le Ishmael naa kuna inkarn enye, too nkangitie enye o too lngoborri lenye. Ilkituaak tomon o are anaa iloshon lenye. 17(Kulo ninche ilarin le nkishui e Ishmael ilarin iip o tomoni uni o naapishana, neitianya aye, neiturrurrokino ninye olorere lenye.) 18Nemany ebaiki Hafila o meshomo Shur, natii enkalo o loosaen le Misiri te nkalo e Asiria. Etamanya apa ninye enetalakinore olikae orere pooki lenye.
Einoto e Esau o Yakobo
19Kulo ninche ile ishoi e Isaak olayioni le Abraham: ore apa Abraham naa ninye menye le Isaak. 20Ore apa Isaak naa oloo larin artam peyie eyam enkitok enye Rebeka, ina tito e Betuel le Aramean te Padan-aram, ina anashe e Laban le Aramean. 21Neomon Isaak Olaitoriani tenkaraki enkitok enye, amu koolupi apa ninye, newal Enkai enkomono enye, neiroshiu Rebeka enkitok enye. 22Nepupung'a nkera tiatua enkoshoke enye, nejo ninye, “Amaa tenaa inji etiu, ainyoo doi peyie aishu? Nelo ninye aikilikuan Olaitoriani ina bae.” 23#Irm 9.12 Nejoki Olaitoriani ninye,
“Etii iloshon aare atua enkoshoke ino,
naa ore lelo tung'ana pookira liiu, naa ekeori; ekegolu obo aalang olikae,
ore olbotor naa keisiaai oloti.”
24Ore peyie ebau inkolong'i enyena peyie ejing aji, ng'ura! eeta ilmao te nkoshoke enye. 25Ore olotang'asunye naa kenyokie, naa keju osesen lenye pooki anaa ilpapit le nkila, neipot ninye aajo enkarna Esau. 26Neitoki olalashe lenye asuju, ore enkaina enye eibung'ita entutunyo e Esau, neipot ninye aajo Yakobo#25.26 Yakobo Ore te nkutuk oo Lhebrania neutu “entutunyo” ore apa Isaak naa oloo larin ntomoni ile peyie eiki Rebeka ninye lelo mao.
Etimira esipata enye e kikausho
27Ore peyie ebulu lelo ayiok, neaku Esau olang'oroni padan naa oltung'ani sii liong'ota. Ore Yakobo, naa oltung'ani obor ogira aton too lng'oborri. 28Kenyor apa Isaak Esau tenkaraki nkiri oo ng'uesi naayaki ninye. Ore Rebeka nenyor Yakobo.
29Ore nabo olong egira Yakobo ayier imotori oo nkaitubulu enkurma enye, nebau Esau eing'uaa ong'ota neeta esumash oleng. 30Nejoki Esau Yakobo; “Etaa kaye te sumash, inchooki mainosa ina toki nayiera natii emoti. Ore enkaraki ina, neji enkarna enye Edom#25.30 Edom Ore te nkutuk oo Lhebrania neutu “enyokieni”.” 31Newaliki Yakobo ninye ajoki “Tang'asa timirakaki esipata e kikauisho ino.” 32Nejo Esau, “Etaa kaye, kenenyoo tipat naata esipata e kikausho te nanu?” 33#Ilh 12.16 Nejoki Yakobo, “Tang'asa inosakaki olmumai.” Neinos ninye olmumai, nemiraki ninye Yakobo esipata enye e kikausho. 34Neaku neisho Yakobo Esau emukate tenebo nena motori, nenya neok sii, neinyototo alo. Neaku etemenayie Esau esipata enye e kikausho.
Currently Selected:
Enkiterunoto 25: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.
Enkiterunoto 25
25
Enkae ishoi e Abraham
(1 Int 1.32-33)
1Neyam Abraham ae kitok naji enkarna enye Ketura. 2Neiki ninye Simran, o Yokshan, o Medan, o Midian, o Ishbak, o Shua, 3ore apa Tokshan naa ninye menye le Sheba, o Dedon. Ore ilayiok le Dedan, naa Asshurim, o Letushim, o Leumim. 4Ore ilayiok le Midian naa Epa, o Eper, o Hanok o Abida, o Eldaa. Ore apa kulo naa nkera e ketura. 5Neisho Abraham pooki toki naata Isaak. 6Kake eishoo Abraham ilayiok loo nkapiak enyena inkishorot, ore eton eishu, neidurrie ninche aitung'uaa olayioni lenye Isaak meshomo enkop oloosaen.
Keeya o enukaroto e Abraham
7Kuna inkolong'i oo larin le nkishui e Abraham, ilarin iip o ntomoni naapishana o imiet, 8neye Abraham etaa olpayian kitok etamorua amitunye, nepiki ninye eneiturrurrorre olorere lenye. 9nenukaa ninye ilayiok lenyena Isaak o Ishmael te nkapune e Makpela te nkurma e Efron olayioni le Soha loo Lhiti. 10#Enk 23.3-16 To loo saen le Mamre, te nkurma nainyiang'ua apa Abraham too Lhiti. Metaa te ine apa etunukayioki Abraham tenebo enkitok enye Sara. 11Ore peyie eidip Abraham atua, etamayiana Enkai Isaak olayioni lenye. Nebik Isaak te Beelarahoi.
Eishoi e Ishmael
(1 Int 1.28-31)
12Kulo ninche ile ishoi e Ishmael olayioni le Abraham otoikio ninye Hagar e Misiri naa enkaisiaayiani apa e Sara. 13Kuna ninche nkarn oo layiok le Ishmael anaa enaikunakino te inoto enye: Nebaiot aa ninye olkikau le Ishmael o Kedar, o Adbeel, o Mibsam, 14Mishma, o Duma, o Masa, 15o Hadad, o Tema, o Yetur, o Napish, o Kedema. 16Kulo ninche ilayiok le Ishmael naa kuna inkarn enye, too nkangitie enye o too lngoborri lenye. Ilkituaak tomon o are anaa iloshon lenye. 17(Kulo ninche ilarin le nkishui e Ishmael ilarin iip o tomoni uni o naapishana, neitianya aye, neiturrurrokino ninye olorere lenye.) 18Nemany ebaiki Hafila o meshomo Shur, natii enkalo o loosaen le Misiri te nkalo e Asiria. Etamanya apa ninye enetalakinore olikae orere pooki lenye.
Einoto e Esau o Yakobo
19Kulo ninche ile ishoi e Isaak olayioni le Abraham: ore apa Abraham naa ninye menye le Isaak. 20Ore apa Isaak naa oloo larin artam peyie eyam enkitok enye Rebeka, ina tito e Betuel le Aramean te Padan-aram, ina anashe e Laban le Aramean. 21Neomon Isaak Olaitoriani tenkaraki enkitok enye, amu koolupi apa ninye, newal Enkai enkomono enye, neiroshiu Rebeka enkitok enye. 22Nepupung'a nkera tiatua enkoshoke enye, nejo ninye, “Amaa tenaa inji etiu, ainyoo doi peyie aishu? Nelo ninye aikilikuan Olaitoriani ina bae.” 23#Irm 9.12 Nejoki Olaitoriani ninye,
“Etii iloshon aare atua enkoshoke ino,
naa ore lelo tung'ana pookira liiu, naa ekeori; ekegolu obo aalang olikae,
ore olbotor naa keisiaai oloti.”
24Ore peyie ebau inkolong'i enyena peyie ejing aji, ng'ura! eeta ilmao te nkoshoke enye. 25Ore olotang'asunye naa kenyokie, naa keju osesen lenye pooki anaa ilpapit le nkila, neipot ninye aajo enkarna Esau. 26Neitoki olalashe lenye asuju, ore enkaina enye eibung'ita entutunyo e Esau, neipot ninye aajo Yakobo#25.26 Yakobo Ore te nkutuk oo Lhebrania neutu “entutunyo” ore apa Isaak naa oloo larin ntomoni ile peyie eiki Rebeka ninye lelo mao.
Etimira esipata enye e kikausho
27Ore peyie ebulu lelo ayiok, neaku Esau olang'oroni padan naa oltung'ani sii liong'ota. Ore Yakobo, naa oltung'ani obor ogira aton too lng'oborri. 28Kenyor apa Isaak Esau tenkaraki nkiri oo ng'uesi naayaki ninye. Ore Rebeka nenyor Yakobo.
29Ore nabo olong egira Yakobo ayier imotori oo nkaitubulu enkurma enye, nebau Esau eing'uaa ong'ota neeta esumash oleng. 30Nejoki Esau Yakobo; “Etaa kaye te sumash, inchooki mainosa ina toki nayiera natii emoti. Ore enkaraki ina, neji enkarna enye Edom#25.30 Edom Ore te nkutuk oo Lhebrania neutu “enyokieni”.” 31Newaliki Yakobo ninye ajoki “Tang'asa timirakaki esipata e kikauisho ino.” 32Nejo Esau, “Etaa kaye, kenenyoo tipat naata esipata e kikausho te nanu?” 33#Ilh 12.16 Nejoki Yakobo, “Tang'asa inosakaki olmumai.” Neinos ninye olmumai, nemiraki ninye Yakobo esipata enye e kikausho. 34Neaku neisho Yakobo Esau emukate tenebo nena motori, nenya neok sii, neinyototo alo. Neaku etemenayie Esau esipata enye e kikausho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.