Warumi 9
9
Mungu ateua Israeli
1Nasema kweli katika Kristo, sisemi uongo, dhamiri yangu ikinishuhudia katika Roho Mtakatifu, 2ya kwamba nina huzuni nyingi na maumivu yasiyoisha moyoni mwangu. 3#Kut 32:32 Kwa maana ningeweza kuomba mimi mwenyewe niharimishwe na kutengwa na Kristo kwa ajili ya ndugu zangu, jamaa zangu kwa jinsi ya mwili; 4#Kut 9:4; Kut 4:22; Kum 7:6; 14:1,2 ambao ni Waisraeli, wenye kule kufanywa wana, na ule utukufu, na maagano, na kupewa torati, na ibada ya Mungu, na ahadi zake; 5#Rum 1:25; Mt 1:1; Lk 3:23; Yn 1:1 ambao mababu ni wao, na katika hao alitoka Kristo kwa jinsi ya mwili. Ndiye aliye juu ya mambo yote, Mungu, mwenye kuhimidiwa milele. Amina. 6#Rum 2:28; Hes 23:19 Si kana kwamba neno la Mungu limetanguka. Maana hawawi wote Waisraeli walio wa uzao wa Israeli. 7#Mwa 21:12 Wala hawawi wote wana kwa kuwa wazawa wa Abrahamu, bali, Katika Isaka wazawa wako wataitwa; 8#Gal 4:23 yaani, si watoto wa mwili walio watoto wa Mungu, bali watoto wa ile ahadi wanahesabiwa kuwa wazawa. 9#Mwa 18:10 Kwa maana neno la ahadi ni hili, Panapo wakati huu nitakuja, na Sara atapata mtoto wa kiume. 10#Mwa 25:21 Wala si hivyo tu, lakini Rebeka naye, akiisha kuchukua mimba kwa mume mmoja, naye ni Isaka, baba yetu, 11(kwa maana kabla hawajazaliwa wale watoto, wala hawajatenda neno jema wala baya, ili lisimame kusudi la Mungu la kuchagua, si kwa sababu ya matendo, bali kwa sababu ya nia yake aitaye), 12#Mwa 25:23 aliambiwa hivi, Mkubwa atamtumikia mdogo. 13#Mal 1:2-3 Kama ilivyoandikwa, Nimempenda Yakobo, bali Esau nimemchukia.
14 #
Kum 32:4
Tuseme nini basi? Kuna udhalimu kwa Mungu? La hasha! 15#Kut 33:19 Maana amwambia Musa, Nitamrehemu yeye nimrehemuye, nitamhurumia yeye nimhurumiaye. 16#Efe 2:8 Basi, kama ni hivyo, si katika uwezo wa yule atakaye, wala wa yule apigaye mbio; bali wa yule arehemuye, yaani, Mungu. 17#Kut 9:16 Kwa maana Maandiko yasema juu ya Farao, ya kwamba, Nilikusimamisha kwa kusudi hili, ili nioneshe nguvu zangu kwako, jina langu likatangazwe katika nchi yote. 18#Kut 4:21; 7:3; 9:12; 14:4,17 Basi, kama ni hivyo, atakaye kumrehemu humrehemu, na atakaye kumfanya mgumu humfanya mgumu.
Ghadhabu na neema ya Mungu
19Basi, utaniambia, Mbona angali akilaumu? Kwa maana ni nani ashindanaye na kusudi lake? 20#Isa 29:16; 45:9 La! Sivyo, Ee binadamu; wewe u nani umjibuye Mungu? Je! Kitu kilichoumbwa kimwambie yeye aliyekiumba, Kwa nini umeniumba hivi? 21#Yer 18:6 Au mfinyanzi je! Hana amri juu ya udongo, kwa fungu moja la udongo kuumba chombo kimoja kiwe cha heshima, na kimoja kiwe hakina heshima? 22#Yer 50:25 Ni nini basi, ikiwa Mungu kwa kutaka kuonesha ghadhabu yake, na kuudhihirisha uweza wake, kwa uvumilivu mwingi, alichukuliana na vile vyombo vya ghadhabu vilivyokuwa karibu kuharibiwa; 23#Efe 1:3-12; Rum 2:4; 8:29 tena, ili audhihirishe wingi wa utukufu wake katika vile vyombo vya rehema, alivyovitengeneza tangu zamani vipate utukufu; 24ndio sisi aliotuita, si watu wa Wayahudi tu, ila na watu wa Mataifa pia? 25#Hos 2:23 Ni kama vile alivyosema katika Hosea,
Nitawaita watu wangu wale wasiokuwa watu wangu,
Na kumwita mpenzi wangu yeye asiyekuwa mpenzi wangu.
26 #
Hos 1:10
Tena itakuwa mahali pale walipoambiwa,
Ninyi si watu wangu,
Hapo wataitwa wana wa Mungu aliye hai.
27 #
Isa 10:22-23; Rum 11:5 Isaya naye atoa sauti yake juu ya Israeli, kusema,
Hesabu ya wana wa Israeli, ijapokuwa ni kama mchanga wa bahari, ni mabaki yao tu watakaookolewa.
28Kwa maana Bwana atalitekeleza neno lake juu ya nchi, akilimaliza na kulikata.
29 #
Isa 1:9
Tena kama Isaya alivyotangulia kunena,
Kama Bwana wa majeshi asingalituachia uzao,
Tungalikuwa kama Sodoma, tungalifananishwa na Gomora.
Kutoamini kwa Israeli
30 #
Rum 10:20
Tuseme nini, basi? Ya kwamba watu wa Mataifa, wasioifuata haki, walipata haki; lakini ni ile haki iliyo ya imani; 31#Rum 10:2,3 bali Israeli wakiifuata sheria ya haki hawakuifikia ile sheria. 32#Isa 8:14 Kwa sababu gani? Kwa sababu hawakuifuata kwa njia ya imani, bali kana kwamba kwa njia ya matendo. Wakajikwaa juu ya jiwe lile likwazalo, 33#Isa 28:16; Mt 21:42; 1 Pet 2:6 kama ilivyoandikwa,
Tazama, naweka katika Sayuni jiwe likwazalo, na mwamba uangushao;
Na kila amwaminiye hatatahayarika.
Currently Selected:
Warumi 9: SRUV
Highlight
Share
Copy
Want to have your highlights saved across all your devices? Sign up or sign in
Swahili Revised Union Version Bible © Bible Society of Kenya, and Bible Society of Tanzania, 2005.
