Enzũko 10

Esyondengo sya Noa

1Neryo esyondengo syʼabagala ba Noa syesĩ, esya Semũ, Hamũ, na Yafetĩ, neryo mobabuta abagala enyũma wʼerigunga lyʼamagetsi.

2Abagala ba Yafetĩ nĩ Gomerĩ, Magogĩ, Madaĩ, Yawanĩ, Tũbalĩ, Masekĩ, na Tĩrasĩ. 3Abagala ba Gomerĩ nĩ Askenazĩ, Rĩfatĩ, na Togama. 4Abagala ba Yawanĩ babya Elĩsa, Tarsĩsĩ, Kĩtĩmũ, na Dodanĩmũ. 5Ukwʼaba ebitsira byʼebihanda mobyagabirwa omo bihugo byabo, obuli muguma ngʼomũbũge wuwe, ngʼebĩtũnga byabo, omo bihanda byabo.

6Neryo abagala ba Hamũ nĩ Kũsĩ, Mĩsraĩmũ, Pũtĩ, na Kanana. 7Abagala ba Kũsĩ ni Seba, Havĩla, Sabũta, Raama, na Sabũteka. Abagala ba Raama ni Seba, na Dedanĩ. 8Neryo Kũsĩ mwabuta Nĩmũrodĩ. Naye mwatsũka eribya mundu wʼamaka omo kihugo. 9Kandi abya muhiyi wʼamaka embere syʼOmwami Mukulu kikaleka ĩkyabũgwa ambu, Nga Nĩmũrodĩ omuhiyi wʼamaka embere syʼOmwami Mukulu. 10Erĩtsũka lyʼobwami buwe lyabya eBabelĩ na Erekũ, na Akadĩ, na Kalne, omo kihugo kyʼeSĩnarĩ. 11Neryo mwalũa omo kihugo ekyo mwaya eAsũrĩa, neryo mwahĩmba eNĩnawĩ, Rehobotĩrĩ, Kala, 12Resenĩ, omo katĩkatĩ kʼeNĩnawĩ nʼeKala, go mũyĩ munene-nene. 13Neryo Mĩsĩraĩmũ mwabuta Lũdĩmũ, Anamĩmũ, Lehabĩmũ, Nafũtũhĩmũ, 14Patĩrũsĩmũ, Kasĩlũhĩmũ (eyo Bafĩlĩstĩnĩ balũa) na Kafũtorĩmũ.

15Neryo Kanana mwabuta Sĩdonĩ, akambere kuwe, na Hetĩ, 16nʼOmũyebũsĩ, nʼOmũamorĩ, nʼOmũgĩrgasĩ, 17nʼOmũhĩvĩ, nʼOmũarkĩ, nʼOmũsĩnĩ; 18nʼOmũarwadĩ, nʼOmũzemarĩ, nʼOmũhamatĩ. Enyũma wʼaho ebĩtũnga byʼOmukanana mobyapanza-panzirwa ehosĩ. 19Omutano wʼOmunya Kanana abya atsũkĩre eSĩdonĩ erilola eGerarĩ erĩhĩka, eGaza, erilola eSodomo nʼeGomora, nʼeAdama, nʼeSeboĩmũ, erĩhĩka eLasa. 20Aba ni bagala ba Hamũ oko bĩtũnga byabo, nʼoko mĩbũge yabo, omo bihugo byabo, nʼomo bihanda byabo.

21Neryo Semũ oyũ abya ĩse wʼabana bosĩ ba Eberĩ, nʼakandi iyo mukulu wa Yafetĩ, mwabuta bana. 22Abagala ba Semũ nĩ Elamũ, na Asũrũ, na Arfakasadĩ, na Lũdĩ, na Aramũ. 23Abagala ba Aramũ nĩ Ũsĩ, na Hũlĩ, na Geterĩ, na Masĩ. 24Neryo Arfakasadĩ mwabuta Sela, neryo Sela mwabuta Eberĩ. 25Neryo Eberĩ mwabuta abagala babiri, erĩna lyʼomuguma nĩ Pelegĩ, kusangwa omo biro biwe ekihugo mokyagabana, nʼerĩna lyʼomugala wabo lyabya Yokĩtanĩ. 26Neryo Yokĩtanĩ mwabuta Almodadĩ, na Selefũ, na Hazaramawetĩ, na Yera, 27na Hadoramũ, na Ũzalĩ, na Dĩkela, 28na Obalĩ, na Abĩmaelĩ, na Seba, 29na Ofĩrĩ, na Havĩla, na Yobabĩ. Abosĩ aba babya bagala ba Yokĩtanĩ. 30Erĩĩkala lyabo lyabya lĩtsũkĩre eMesa, omugulu ukagenda erilola eSefarĩ, ekitwa kyʼeyo eryuba likahuluka. 31Abagala ba Semũ bʼabʼoko bĩtũnga byabo, nʼoko mĩbũge yabo, omo bihugo byabo, nʼoko bihanda byabo.

32Ebĩ nĩ bĩtũnga byʼabagala ba Noa, ngʼesyondengo syabo, omo bihanda byabo, Nĩkwa ebihanda mobyagabirwa omo kihugo enyũma wʼerigunga.

Currently Selected:

Enzũko 10: KB80

Highlight

Copy