Jɔɔnn 14
14
Yisa nba yaa a ŋɔɔe tee sɔnu biaŋinba
1Li yoo na ki Yisa betib a “I daa mɔk parbiiri. Teent Yennu yada, ki mun teenin yada. 2Diit bonchiann be n Baa Yennu ŋaak ni, ki n kun ma n sa teen i diit siir. Li-i bo-i kii tee barmɔnii, n bo kan betiini. 3Ki mi-i kun ki sa teen i diit na siir ki gbenn, n bia sa jenna ki tan jii-i, ki i mun tan sii be siaminba ki n tan sii be na. 4Ki bia jenna, i poŋ mi ma saa siaminba, ki bia mi sɔnu nba ki i sa saan leŋ.” 5Ki Tomas boiɔ, “N Yomdaanɔ, ti ki mi fa saa siami. Nlee ki ti sa bann sɔnu nba ki ti sa saan leŋi?” 6Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi. 7Li-i bo-i tee ki i min, i bia bo sii mi n Baa nawa; ŋaan mɔtana ki jikit saa, i ji miu ki bia laatɔ.”
8Ki Filip yetɔ a “N Yomdaanɔ, wantit a Baa maŋ, ki ti numm-n gboo.” 9Ki Yisa jiin a “Filip, n poŋ be nani ki li yukira, ŋaan ki a daa ki mimii? Wunba lan, u set la n Baa maŋe na. Ki bee ki a yaa a n wanni n Baa maŋi? 10N be n Baa nie, ki n Baa mun be n ni; i ki teen linba na yada-aa? Maan nba ki n pak ki turi na, li ki nyii n ni kaa, ŋaan li nyii n Baa Yennu boore. Ŋɔɔe be n ni ki tuun u toona maŋ. 11Li paak, teentin yada nan n be n Baa Yennu ni, ki n Baa Yennu mun be n ni. Li-i kii tee nna biaki, yin teen bakitnauŋ toonjaana nba ki n tuu tuun na yada.
12“Barmɔniie ki n beeri na, daanɔ nba teenin yada, u sii tuun toonjaana kaman nan ma tuun biaŋinba na, ki u toonjaana maŋ gbaa sa gar n yara, kimaan n saa n Baa Yennu boore. 13Ki linba kur ki i sii meiɔ li po nan n sann ni, n sa tuma, ki ŋɔɔ Yennu-n la dontir n paak. 14Ki li-i tee ki i meiɔ linba kur po nan n sann ni, n sa tuma.
Yennu Seyeeŋ baaru labaar
15“Li-i tee ki i loonin, i sii saak n mɔb, 16ki n sa miar n Baa Yennu, ki u sa turi Sommtɔlɔɔ. Ŋɔɔe tee u Seyeeŋ nba want barmɔnii wannu, ki sii be nani yoo nba kaa gbennu. 17Ki tingbouŋ na ŋaateeb kan fit gaarɔ, kimaan bi ki miu, ki bia ki mi nan u be. Ŋaan yimm ŋarin miu, kimaan u be nani, ki bia sii yɔɔ be i ni.
18“Mi-i tei yaat saan, ŋaan n kan nyiki yann ki sɔɔ ki goriini, kimaan n sa jen i peŋ na. 19Ki li-i yann waaminna, tingbouŋ na ŋaateeb ji kan lami, ŋaan yimm ŋarin bia sa lama. Tɔn, ma tan sa jen n manfoor ni na, i mun tan sa jen i manfoa niwa. 20Ki bia jenna, mi-i tei jen n manfoor ni yoonba, i tan sa bann nan n be n Baa Yennu nie, ki i mun bia be n ni, ki n mun be i ni.
21“Daanɔ nba bant n sennii ki bia saakir, li daanɔe loonin. N Baa Yennu sii loon ŋɔɔe, ki n mun sii loonɔ, ki sa fiit n mɔŋ ki wannɔ ma tee wunba.” 22Ki Judas, (wunba ki tee Judas Iskariot na) boiɔ a “N Yomdaanɔ, bee teen ki a sa fiit a mɔŋ ki wannit, ŋaan kan fiit a mɔŋ ki tur tingbouŋ na ŋaateebi?” 23Ki Yisa jiin betɔ a “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu sa baar u boor ki sii yɔɔ be u ni. 24Ki jenna, daanɔ nba ki loonimi, u ki saak n maami, ki ya gbat maan nba na, li ki tee n yar kaa, ŋaan li tee n Baa Yennu nba tumin na yare.
25“Ma daa be nani na, n beeri maan nba na. 26Ŋaan ki n Baa Yennu sa tun Sommtɔɔ i boor, n sann ni. Li Sommtɔɔe tee u Seyeeŋ na; ŋɔɔe sa wanni barii kur, ki bia sa tiari linba kur ki n poŋ beti.
27“Mi-i yaa n saan, n sa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii. 28I poŋ gbat ki n yeti a ‘N nyikitie, ŋaan n bia sa jen i boor ni na.’ Ki li-i tee ki i loonimie, i sii mɔk parpeenn nan ma saa n Baa Yennu boor ni na, kimaan u cheen.
29“N daa beeri linba tan sa teene, ki yoo nba ki li tan sa teenewa, ki yin teen yada. 30N kan pak nani ki yukiri, kimaan tingbouŋ na yudaanɔ Sintaanii baat, ŋaan u ki mɔk n yaaki. 31N loon tingbouŋ na teeb-n bann nan n loon n Baa Yennu nan mɔnii; li paake teen ki n tuu tuun linba ki u tuu betin a n tun.
“Ŋaant man ki tin fiir ki yaat.”
Currently Selected:
Jɔɔnn 14: BIM
Highlight
Share
Copy
Want to have your highlights saved across all your devices? Sign up or sign in
Jɔɔnn 14
14
Yisa nba yaa a ŋɔɔe tee sɔnu biaŋinba
1Li yoo na ki Yisa betib a “I daa mɔk parbiiri. Teent Yennu yada, ki mun teenin yada. 2Diit bonchiann be n Baa Yennu ŋaak ni, ki n kun ma n sa teen i diit siir. Li-i bo-i kii tee barmɔnii, n bo kan betiini. 3Ki mi-i kun ki sa teen i diit na siir ki gbenn, n bia sa jenna ki tan jii-i, ki i mun tan sii be siaminba ki n tan sii be na. 4Ki bia jenna, i poŋ mi ma saa siaminba, ki bia mi sɔnu nba ki i sa saan leŋ.” 5Ki Tomas boiɔ, “N Yomdaanɔ, ti ki mi fa saa siami. Nlee ki ti sa bann sɔnu nba ki ti sa saan leŋi?” 6Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi. 7Li-i bo-i tee ki i min, i bia bo sii mi n Baa nawa; ŋaan mɔtana ki jikit saa, i ji miu ki bia laatɔ.”
8Ki Filip yetɔ a “N Yomdaanɔ, wantit a Baa maŋ, ki ti numm-n gboo.” 9Ki Yisa jiin a “Filip, n poŋ be nani ki li yukira, ŋaan ki a daa ki mimii? Wunba lan, u set la n Baa maŋe na. Ki bee ki a yaa a n wanni n Baa maŋi? 10N be n Baa nie, ki n Baa mun be n ni; i ki teen linba na yada-aa? Maan nba ki n pak ki turi na, li ki nyii n ni kaa, ŋaan li nyii n Baa Yennu boore. Ŋɔɔe be n ni ki tuun u toona maŋ. 11Li paak, teentin yada nan n be n Baa Yennu ni, ki n Baa Yennu mun be n ni. Li-i kii tee nna biaki, yin teen bakitnauŋ toonjaana nba ki n tuu tuun na yada.
12“Barmɔniie ki n beeri na, daanɔ nba teenin yada, u sii tuun toonjaana kaman nan ma tuun biaŋinba na, ki u toonjaana maŋ gbaa sa gar n yara, kimaan n saa n Baa Yennu boore. 13Ki linba kur ki i sii meiɔ li po nan n sann ni, n sa tuma, ki ŋɔɔ Yennu-n la dontir n paak. 14Ki li-i tee ki i meiɔ linba kur po nan n sann ni, n sa tuma.
Yennu Seyeeŋ baaru labaar
15“Li-i tee ki i loonin, i sii saak n mɔb, 16ki n sa miar n Baa Yennu, ki u sa turi Sommtɔlɔɔ. Ŋɔɔe tee u Seyeeŋ nba want barmɔnii wannu, ki sii be nani yoo nba kaa gbennu. 17Ki tingbouŋ na ŋaateeb kan fit gaarɔ, kimaan bi ki miu, ki bia ki mi nan u be. Ŋaan yimm ŋarin miu, kimaan u be nani, ki bia sii yɔɔ be i ni.
18“Mi-i tei yaat saan, ŋaan n kan nyiki yann ki sɔɔ ki goriini, kimaan n sa jen i peŋ na. 19Ki li-i yann waaminna, tingbouŋ na ŋaateeb ji kan lami, ŋaan yimm ŋarin bia sa lama. Tɔn, ma tan sa jen n manfoor ni na, i mun tan sa jen i manfoa niwa. 20Ki bia jenna, mi-i tei jen n manfoor ni yoonba, i tan sa bann nan n be n Baa Yennu nie, ki i mun bia be n ni, ki n mun be i ni.
21“Daanɔ nba bant n sennii ki bia saakir, li daanɔe loonin. N Baa Yennu sii loon ŋɔɔe, ki n mun sii loonɔ, ki sa fiit n mɔŋ ki wannɔ ma tee wunba.” 22Ki Judas, (wunba ki tee Judas Iskariot na) boiɔ a “N Yomdaanɔ, bee teen ki a sa fiit a mɔŋ ki wannit, ŋaan kan fiit a mɔŋ ki tur tingbouŋ na ŋaateebi?” 23Ki Yisa jiin betɔ a “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu sa baar u boor ki sii yɔɔ be u ni. 24Ki jenna, daanɔ nba ki loonimi, u ki saak n maami, ki ya gbat maan nba na, li ki tee n yar kaa, ŋaan li tee n Baa Yennu nba tumin na yare.
25“Ma daa be nani na, n beeri maan nba na. 26Ŋaan ki n Baa Yennu sa tun Sommtɔɔ i boor, n sann ni. Li Sommtɔɔe tee u Seyeeŋ na; ŋɔɔe sa wanni barii kur, ki bia sa tiari linba kur ki n poŋ beti.
27“Mi-i yaa n saan, n sa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii. 28I poŋ gbat ki n yeti a ‘N nyikitie, ŋaan n bia sa jen i boor ni na.’ Ki li-i tee ki i loonimie, i sii mɔk parpeenn nan ma saa n Baa Yennu boor ni na, kimaan u cheen.
29“N daa beeri linba tan sa teene, ki yoo nba ki li tan sa teenewa, ki yin teen yada. 30N kan pak nani ki yukiri, kimaan tingbouŋ na yudaanɔ Sintaanii baat, ŋaan u ki mɔk n yaaki. 31N loon tingbouŋ na teeb-n bann nan n loon n Baa Yennu nan mɔnii; li paake teen ki n tuu tuun linba ki u tuu betin a n tun.
“Ŋaant man ki tin fiir ki yaat.”
Currently Selected:
:
Highlight
Share
Copy
Want to have your highlights saved across all your devices? Sign up or sign in