Jɔɔnn 13
13
Sikininmɔŋ labaar
1Yoo nba ki yukitgar tiaru jaamm daa ki piin na, ki Yisa din mi nan yoo nee ki u sa nyi tingbouŋ na ni, ki ŋmat u Baa peŋ. U din loon u tiauŋ poorpoweiteeb nba be tingbouŋ na ni, ki ji yaa wun wannib biaŋinba ki u mantik loomm.
2Li yoo na ki ŋɔɔ nan u poorpoweiteeb din di jeet; ki Sintaanii poŋ din dɔŋ ki te ki Judas Iskariot wunba tee Simon bik na dukin a u sa nyi Yisa poor. 3Ŋaan Yisa ŋarin din mi nan u Baa Yennu turɔ bont kur u nuu niwa, ki bia din mi nan u nyii u Baa Yennu peŋe, ki bia sa ŋmat u peŋa. 4Ŋanne ki u fiir jeet paak, ki liat u liatir ki bir, ŋaan jii nunfiaŋ, ki gbab u siak ni, 5ŋaan jii nyun ki wat teen tatilaauk ni, ki piin fobitir u poorpoweiteeb taa, ŋaan tuu soor nunfiaŋ nba ki u gbab na ki fiar bi taa, 6ki tan baar Simon Piita peŋ. Ki Piita boiɔ, “N Yomdaanɔ, a yaa a fobit n taae munii?” 7Ki Yisa betɔ, “Mɔtana, a daa ki bann ma tuun linba na paaki, ŋaan li-i yann waaminna, a sa banna.” 8Ki Piita betɔ, “Min ŋarin poŋ, a kan mi ki fobit n taa fabaa.” Ki Yisa betɔ a “Mi-i kii fobit a taa, a ji kan mi ki teen n yɔɔ.” 9Ŋanne jik ki Simon Piita betɔ a “N Yomdaanɔ, daa fobitir n taa kuukɔɔ kaa, ŋaan fobitir n nii nan n yur kura.” 10Ki Yisa betɔ, “Daanɔ nba poŋ wur nyun, li yɔɔ ji ki mɔk jakinti. Li paak, li ki kpaa talas nan wun ŋamm ki wur biaki, see ki wun fobit u taae. I kura ji ki mɔk jakinti, ŋaan yenɔ kuukɔɔe mɔk jakint.” 11Yisa poŋ din mi wunba sa nyi u poor na. Li paake te ki u din yet yaa a “Yenɔ kuukɔɔe mɔk jakint.”
12Yisa nba fobit bi taa ki gbenn yoonba na, ki u ji jii u liatir na ki lia, ŋaan jen kar jeet na boor, ŋaan boib a “I mi ma tun linba ki turi na paakii? 13I yin a n tee i Wanntɔɔe, a nan i Yomdaanɔ. Li set ŋan nan ya yin biaŋinba na, kimaan n set tee nnee. 14Tɔn, ki min nba tee i Yomdaanɔ nan i Wanntɔɔ, ŋaan tan fobit i taa na, li mun ŋan ki yii fobitir i leeb taa; 15kimaan n wanni nyinne na, ki yii mun-ii tuun nna man kaman nan ma tun biaŋinba ki turi na. 16Barmɔniie ki n beeri na, daabir ki chee u daanɔ, ki toomu mun ki chee wunba tumɔ na. 17Mɔtana i ji mi linba na, ki li-i tee ki i tuun nna, parpeenn tee i yare.
Biaŋinba ki Yisa yet a sɔɔ yaa wun nyi u poor
(Matiu 26.20-25; Mak 14.17-21; Luk 22.21-23)
18“N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe yaa wun nyi n poor.’ See ki sɔbu na fabir teen mɔnii ki gbeen. 19N beeri labaar maŋ mɔtana na, ki li set tan sa teen, ki li-i tei teen gbenn yoonba, ki yin teen yada nan n set tee ma tee wunbae.
20“Barmɔniie ki n beeri na, daanɔ nba gaar n toomu, u gaar mine; ki wunba gaar min na, u gaar Yennu wunba tumin na mune.”
21Yisa nba din yet nna poorpoe, ki parbiir baarɔ bonchiann; ki u betib a “Barmɔniie ki n beeri na, i ni yenɔ yaa wun nyi n poore.” 22Ki li ŋmat bi yan nan wa yeen wunbaie; ki bi jiantir gorii bi leeb. 23Bi ni yenɔ nba ki Yisa mantik din loonɔ na kar kpiau. 24Ki Simon Piita kabintɔ, ki betɔ a “Boimɔ ki laan u yeen ŋmapoe.” 25Ki u poorpoweitɔɔ maŋ dɔnn nakinɔ, ki boiɔ, “N Yomdaanɔ, li tee ŋmee?” 26Ki Yisa jiin a “Mi-i tei ŋmit boroboro ki tun suk kpint ni ki tur wunba, yin bann nan li yɔɔe na.” Ŋanne ki u ŋmit boroboro na ki suk kpint ni, ki jii ki tur Judas wunba tee Simon Iskariot bik na.
27Judas nba din gaar boroboro maŋ yoonba na, ki Sintaanii kɔɔ u ni. Ki Yisa ji betɔ, “Teent fa yaa a teen linba yian yian.” 28Ŋaan bi sɔɔ din ki bann linba ki Yisa pakɔ na paaki. 29Kimaan Judas nba din tuu dia likirii pakir na, bi siab din dukii mia a Yisa tumɔ a wun saan saa daa jaamm na jeete, amii u betɔ a wun saan tur talasdamme likirii. 30Judas nba din gaar boroboro na yoonba, li tonton na ki u fiir nyii. Li mun din tee nyiɔko.
Yisa dontir labaar
31Judas nba din nyii na poorpo, ki Yisa bet u poorpoweiteeb a “Mɔtanae ki min nisaarik Bik sa la dontir, ki n nie Yennu mun sa la dontir biak. 32Li-i tee ki Yennu la dontir n ni, li kan yukiri ki u mun sa te ki min nisaarik Bik-n la dontir u ni.
33“N waas, n ji kan yukir nani bonchianni. I tan sa lomin, ŋaan kan lami, kaman nan ma bet Juu teeb yudamm biaŋinba na, n bia beeri ŋanne na, a i kan fit baar siaminba ki n saa na.
Yisa sennpaanu labaar
34“Mɔtana n teenii sennpaanue; a yii loon i leeb man. Ma looni biaŋinba na, yii mun-ii loon i leeb nna. 35Li-i tee ki i loon i leeb, sɔɔ kur sa bann nan i tee n poorpoweiteebe.”
Yisa nba yet a Piita sa nɔi a u ki miu biaŋinba
(Matiu 26.31-35; Mak 14.27-31; Luk 22.31-34)
36Ŋanne ki Simon Piita boiɔ a “N Yomdaanɔ, a yaa a tan saan lee?” Ki Yisa jiin betɔ a “Ma tan sa saan siaminba, i kan fit wei mɔtana, ŋaan li poorpo i sa weina.” 37Ki Piita bia boiɔ, “N Yomdaanɔ, bee teen ki n kan fit weia mɔtana? Min ŋarin poŋ teen siir nan ki n gaar a paak ki kpo.” 38Ki Yisa boiɔ a “A set teen siir nan mɔnii nan ki a gaar n paak ki kpo-oo? Barmɔniie ki n beera na, kojouk daa tan kan bui daanni, ki a tan sa nɔi taar munntaa a a ki mimi.”
Currently Selected:
Jɔɔnn 13: BIM
Highlight
Share
Copy
Want to have your highlights saved across all your devices? Sign up or sign in
Jɔɔnn 13
13
Sikininmɔŋ labaar
1Yoo nba ki yukitgar tiaru jaamm daa ki piin na, ki Yisa din mi nan yoo nee ki u sa nyi tingbouŋ na ni, ki ŋmat u Baa peŋ. U din loon u tiauŋ poorpoweiteeb nba be tingbouŋ na ni, ki ji yaa wun wannib biaŋinba ki u mantik loomm.
2Li yoo na ki ŋɔɔ nan u poorpoweiteeb din di jeet; ki Sintaanii poŋ din dɔŋ ki te ki Judas Iskariot wunba tee Simon bik na dukin a u sa nyi Yisa poor. 3Ŋaan Yisa ŋarin din mi nan u Baa Yennu turɔ bont kur u nuu niwa, ki bia din mi nan u nyii u Baa Yennu peŋe, ki bia sa ŋmat u peŋa. 4Ŋanne ki u fiir jeet paak, ki liat u liatir ki bir, ŋaan jii nunfiaŋ, ki gbab u siak ni, 5ŋaan jii nyun ki wat teen tatilaauk ni, ki piin fobitir u poorpoweiteeb taa, ŋaan tuu soor nunfiaŋ nba ki u gbab na ki fiar bi taa, 6ki tan baar Simon Piita peŋ. Ki Piita boiɔ, “N Yomdaanɔ, a yaa a fobit n taae munii?” 7Ki Yisa betɔ, “Mɔtana, a daa ki bann ma tuun linba na paaki, ŋaan li-i yann waaminna, a sa banna.” 8Ki Piita betɔ, “Min ŋarin poŋ, a kan mi ki fobit n taa fabaa.” Ki Yisa betɔ a “Mi-i kii fobit a taa, a ji kan mi ki teen n yɔɔ.” 9Ŋanne jik ki Simon Piita betɔ a “N Yomdaanɔ, daa fobitir n taa kuukɔɔ kaa, ŋaan fobitir n nii nan n yur kura.” 10Ki Yisa betɔ, “Daanɔ nba poŋ wur nyun, li yɔɔ ji ki mɔk jakinti. Li paak, li ki kpaa talas nan wun ŋamm ki wur biaki, see ki wun fobit u taae. I kura ji ki mɔk jakinti, ŋaan yenɔ kuukɔɔe mɔk jakint.” 11Yisa poŋ din mi wunba sa nyi u poor na. Li paake te ki u din yet yaa a “Yenɔ kuukɔɔe mɔk jakint.”
12Yisa nba fobit bi taa ki gbenn yoonba na, ki u ji jii u liatir na ki lia, ŋaan jen kar jeet na boor, ŋaan boib a “I mi ma tun linba ki turi na paakii? 13I yin a n tee i Wanntɔɔe, a nan i Yomdaanɔ. Li set ŋan nan ya yin biaŋinba na, kimaan n set tee nnee. 14Tɔn, ki min nba tee i Yomdaanɔ nan i Wanntɔɔ, ŋaan tan fobit i taa na, li mun ŋan ki yii fobitir i leeb taa; 15kimaan n wanni nyinne na, ki yii mun-ii tuun nna man kaman nan ma tun biaŋinba ki turi na. 16Barmɔniie ki n beeri na, daabir ki chee u daanɔ, ki toomu mun ki chee wunba tumɔ na. 17Mɔtana i ji mi linba na, ki li-i tee ki i tuun nna, parpeenn tee i yare.
Biaŋinba ki Yisa yet a sɔɔ yaa wun nyi u poor
(Matiu 26.20-25; Mak 14.17-21; Luk 22.21-23)
18“N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe yaa wun nyi n poor.’ See ki sɔbu na fabir teen mɔnii ki gbeen. 19N beeri labaar maŋ mɔtana na, ki li set tan sa teen, ki li-i tei teen gbenn yoonba, ki yin teen yada nan n set tee ma tee wunbae.
20“Barmɔniie ki n beeri na, daanɔ nba gaar n toomu, u gaar mine; ki wunba gaar min na, u gaar Yennu wunba tumin na mune.”
21Yisa nba din yet nna poorpoe, ki parbiir baarɔ bonchiann; ki u betib a “Barmɔniie ki n beeri na, i ni yenɔ yaa wun nyi n poore.” 22Ki li ŋmat bi yan nan wa yeen wunbaie; ki bi jiantir gorii bi leeb. 23Bi ni yenɔ nba ki Yisa mantik din loonɔ na kar kpiau. 24Ki Simon Piita kabintɔ, ki betɔ a “Boimɔ ki laan u yeen ŋmapoe.” 25Ki u poorpoweitɔɔ maŋ dɔnn nakinɔ, ki boiɔ, “N Yomdaanɔ, li tee ŋmee?” 26Ki Yisa jiin a “Mi-i tei ŋmit boroboro ki tun suk kpint ni ki tur wunba, yin bann nan li yɔɔe na.” Ŋanne ki u ŋmit boroboro na ki suk kpint ni, ki jii ki tur Judas wunba tee Simon Iskariot bik na.
27Judas nba din gaar boroboro maŋ yoonba na, ki Sintaanii kɔɔ u ni. Ki Yisa ji betɔ, “Teent fa yaa a teen linba yian yian.” 28Ŋaan bi sɔɔ din ki bann linba ki Yisa pakɔ na paaki. 29Kimaan Judas nba din tuu dia likirii pakir na, bi siab din dukii mia a Yisa tumɔ a wun saan saa daa jaamm na jeete, amii u betɔ a wun saan tur talasdamme likirii. 30Judas nba din gaar boroboro na yoonba, li tonton na ki u fiir nyii. Li mun din tee nyiɔko.
Yisa dontir labaar
31Judas nba din nyii na poorpo, ki Yisa bet u poorpoweiteeb a “Mɔtanae ki min nisaarik Bik sa la dontir, ki n nie Yennu mun sa la dontir biak. 32Li-i tee ki Yennu la dontir n ni, li kan yukiri ki u mun sa te ki min nisaarik Bik-n la dontir u ni.
33“N waas, n ji kan yukir nani bonchianni. I tan sa lomin, ŋaan kan lami, kaman nan ma bet Juu teeb yudamm biaŋinba na, n bia beeri ŋanne na, a i kan fit baar siaminba ki n saa na.
Yisa sennpaanu labaar
34“Mɔtana n teenii sennpaanue; a yii loon i leeb man. Ma looni biaŋinba na, yii mun-ii loon i leeb nna. 35Li-i tee ki i loon i leeb, sɔɔ kur sa bann nan i tee n poorpoweiteebe.”
Yisa nba yet a Piita sa nɔi a u ki miu biaŋinba
(Matiu 26.31-35; Mak 14.27-31; Luk 22.31-34)
36Ŋanne ki Simon Piita boiɔ a “N Yomdaanɔ, a yaa a tan saan lee?” Ki Yisa jiin betɔ a “Ma tan sa saan siaminba, i kan fit wei mɔtana, ŋaan li poorpo i sa weina.” 37Ki Piita bia boiɔ, “N Yomdaanɔ, bee teen ki n kan fit weia mɔtana? Min ŋarin poŋ teen siir nan ki n gaar a paak ki kpo.” 38Ki Yisa boiɔ a “A set teen siir nan mɔnii nan ki a gaar n paak ki kpo-oo? Barmɔniie ki n beera na, kojouk daa tan kan bui daanni, ki a tan sa nɔi taar munntaa a a ki mimi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in