Genese 23
23
PENE XXIII - 23
To Sara ra matenga; okoia tetai ngai ei tanumanga, e kua tanumiā Sara i reira.
1 # 23:1 Ou i te Mesia 1860. Kua tae to Sara au mataiti i te ora anga nei, ki te okotai anere, e rua ngauru ma itu; ko to Sara ïa au mataiti i te ora anga nei. 2E mate iorā Sara i #Iosu 14:15; Aka 1:10Kiriata-araba, (koia #Gene 13:18; 23:19Heberona nei,) i te enua ra i Kanaana. Kua aere mairā Aberahama i te mii ia Sara, e aue iaia.
3E kua tu akerā Aberahama ki runga i taua aue nona i tana vaine i mate ra, kua karanga atura ki te ngati Heta ra, na ko atura, 4#Gene 17:8; 1 Para 29:15; Sala 105:12; Ebe 11:9,13E tangata ke au nei, e te tuitarere ua i roto ia kotou na; #Anga 7:5e o mai ana i tetai ngai tanumanga tangata noku i roto ia kotou na, kia tanu au i taku vaine i mate nei, kia ngaro atu i toku mata nei. 5E kua tuatua maira te ngati Heta kia Aberahama, na ko maira kiaia, 6Ka akarongo mai ana ia matou nei, e to matou rangatira e; #Gene 13:2; 14:14; 24:35e tangata maata roa oki koe i roto ia matou nei: ei roto i tetai menema meitaki i o matou nei, tanu atu ei koe i taau vaine i mate ra; kare rava tetai o matou nei karapii i tona uaorai menema, kia tanu ake koe i taau vaine i mate ra ki roto. 7Kua tu akerā Aberahama ki runga, kua tupou iora aia ki raro ki mua i te au tangata o te enua, ki te ngati Heta ra, 8E kua karanga atura aia kia ratou, na ko atura, Kia tika ia kotou kia tanu atu au i taku vaine i mate nei kia ngaro atu i toku mata nei; ka akarongo mai kotou iaku, e tuatua meitaki atu kotou ia Epherona, te tamaiti a Zohara, iaku, 9Kia tuku mai aia i te ana nona i Makapela, i te openga mai o te kainga nona ra, noku; e o mai aia i tei reira ei oko i te moni e kia oko na marie, ei ngai tanumanga tangata noku i o kotou nei. 10Te noo rā Epherona i roto i taua ngati Heta ra; e kua tu atua mairā Epherona ngati Heta kia Aberahama, e te akarongo katoa maira te ngati Heta katoa #Gene 34:20,24; Ruta 4:4i tomo na te ngutupa oire nona ra, na ko maira, 11#2 Samu 24:21-24Auraka ana, e taku rangatira e, e akarongo mai ana iaku; i na taua kainga nei, e te ana katoa i roto ra, te oronga atu nei au noou; i mua i te aroaro o toku iti-tangata nei, e oronga atu au noou; ka tanu i taau vaine i mate na. 12Kua tupou iorā Aberahama ki raro ki mua i te aroaro o te tangata i taua enua ra: 13E kua karanga atura aia kia Epherona, kua rongo katoa te au tangata o te enua ra na ko atura, Kia tika ia koe, teia taku tuatua, e akarongo mai ana koe; e apai atu au i te moni naau i taua kainga ra; e rave mai oki koe, e ka tanu atu au i taku vaine i mate nei i reira. 14Kua tuatua mairā Epherona kia Aberahama, na ko maira kiaia, 15E taku rangatira, ka akarongo mai ana iaku: te oko tikai i teianei kainga e #Exo 30:13; Eze 45:12a ïa anere sekela ario; eaa ra oki te reira ia taua nei? ka tanu i taau vaine i mate na. 16E kua akarongo aturā Aberahama ia Epherona; #Iere 32:9kua aiteite aturā Aberahama i te ario na Epherona, tana i akakite maira, e kua kite katoa te au ngati Heta ra, e a anere sekela ario, i te moni raveia e te aronga oko ra.
17Akamou tikaia iora taua #Gene 25:9; 49:30,31,32; 50:13; Anga 7:16kainga o Epherona i Makapela ra, i tei anga tika ki Mamera ra; ko te kainga, e te ana i roto ra, e te au rakau katoa i roto ra, tei te pae katoa e pini ua ake, 18Ei apinga no Aberahama, i mua i te aroaro o te ngati Heta, i roto i te aronga katoa i tomo na te ngutupa oire nona ra.
19E i muri ake i te reira, kua tanu iorā Aberahama i tana vaine ia Sara i roto i te ana i te kainga i Makapela, tei anga tika ki Mamera ra, koia oki Heberona, i te enua ra i Kanaana. 20Kua #Ruta 4:7,8,9,10; Iere 32:10,11akamou tikaia iora oki e te ngati Heta taua kainga ra, e te ana i roto ra, ei tanumanga tangata no Aberahama.
Currently Selected:
Genese 23: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
