Luka 24

PENE XXIV - 24

To tuakaouanga: te aerenga ki Emausa: kua ora akaou a Iesu, kua tuatua e kua ako i te au pipi, e kua aere atura ki runga i te rangi.

1E #Mata 28:1; Mare 16:1; Ioa 20:1TAE akera ki te rā mua o te ebedoma ra, aere atura ratou e, ko e tokotai puke vaine ke oki, ki te tanumanga ra, i te akirata, #Luka 23:36ma te rakau kakara ta ratou i tangaakaputu ra. 2#Mata 28:2; Mare 16:4Rokoia atu e ratou, kua uri keia te toka i te tanumanga ra. 3#Mare 16:5; Luka 24:23E tei to ratou tomo anga ki roto ra, kare ua te kopapa o te Atu ra o Iesu. 4E te eumiumi ua ra ratou i taua mea ra, #Ioa 20:12; Anga 1:10i na, te tu ua maira e toko rua puke tangata i vaitata ia ratou ma te kakau kakā. 5E te mataku ua ra taua au vaine ra, piko iora to ratou mata ki raro i te one, kua tuatua maira raua kia ratou, Eaa kotou i kimi ei i tei ora, i te vairanga o tei mate? 6Kare aia i ko nei, kua tu akenei ki runga: #Mata 16:21; 17:23; Mare 8:31; 9:31; Luka 9:22e akamaara i tana i tuatua mai kia kotou ra, iaia i noo i Galilea ra, 7Ka na ko mai ei ra e, E tukuia atu te Tamaiti a te tangata nei ki te rima o te aronga rave ara e tikaʼi, e e akasatauroia, e ka tu akaou ki te po toru ra. 8#Ioa 2:22Kua manako iora ratou i taua au tuatua nana ra. 9#Mata 28:8; Mare 16:10E oki maira ratou mei te tanumanga maira, akakite maira i taua au tuatua katoa ra ki te tino ngauru ma tai ra, e tetai pae tangata katoa oki. 10Ko Maria i Magadala, e ko #Luka 8:3Ioana, e ko Maria te metua vaine no Iakobo, e aua puke vaine ke katoa ra, ko tei akakite mai ïa ki te au aposetolo i taua au tuatua ra. 11#Mare 16:11; Luka 24:25Kare ra ratou i akarongo mai, mei te tuatua taeke ua ra te reira tuatua, i to ratou manako anga. 12#Ioa 20:3,6Kua tu akerā Petero, e oro atura ki te tanumanga ra; e piko iora aia ki raro, kite atura i te kakau i te vai ua anga; oki maira ma te akaeatu i roto iaia uaorai i taua mea i tupu ra.

13 # Mare 16:12 E i na, aere atura e toko rua o ratou i taua rā ra ki tetai vila, ko Emausa te ingoa, e ono ngauru setadia te roa mei Ierusalema. 14Tuatua ua iora raua i taua au mea katoa i kitea ra. 15E te tuatua ua ra raua ma te akaeatu raua raua uaorai, #Mata 18:20; Luka 24:26kua kapiti ua mairā Iesu i reirao, e aere katoa atura ratou. 16#Ioa 20:14; 21:4Kua akakoreia ra te kite i to raua mata, kare atura raua i kite iaia. 17Kua tuatua maira aia kia raua, Eaa tenana tuatua ta korua e tuatua aere ua ana, ma te iriea? 18Kua karanga atura tetai, #Ioa 19:25ko Keleopa te ingoa, na ko atura kiaia, Ko koe anake ana paa te tangata ke i Ierusalema nei, kare i kite i te au mea i tupu i reira i eianei puke rā? 19Kua tuatua maira aia kia raua, Eaa ïa au mea? Kua karanga atura raua kiaia, Ia Iesu i Nazareta ra, #Mata 21:11; Luka 7:16; Ioa 3:2; 4:19; 6:14; Anga 2:22e peroveta #Anga 7:22mana ïa, i te tuatua e te ravenga, i mua i te aroaro o te Atua e te tangata katoa oki: 20#Luka 23:1; Anga 13:27,28E to tatou kau taunga nunui ra, e te au akava, i te tuku anga atu iaia kia akautungaia kia mate, e kua akasatauro oki iaia. 21#Luka 1:68; 2:38; Anga 1:6Kareka ko matou nei, i manako oki matou e, ko te tangata teia e oraʼi Iseraela nei: kare ra te reira anake ra, ko te toru oki teia o te rā i raveiaʼi taua mea ra. 22#Mata 28:8; Mare 16:10; Luka 24:9,10; Ioa 20:18I poitirere ra matou i etai puke vaine i o matou nei, ko tei aere ïa i te akirata ki te tanumanga ra: 23E akara atura kare ra te kopapa o te Atu, kua oki maira ratou, tuatua maira e, e puke angela ta ratou i kite, e na ratou i akakite mai kia ratou e, kua ora akenei aia. 24#Luka 24:17Aere atura e tokotai puke tangata no matou rai ki te tanumanga ra, rokoia atura, koia tika rai tei tuatuaia mai e te au vaine: kare ra i kite iaia. 25Kua na ko maira aia kia raua, Aue ïa puke tangata manako kore e, e te ngakau akarongo ngata i te au mea katoa ta te au peroveta i tuatua maira: 26#Luka 24:46; Anga 17:3; 1 Pete 1:11Kare aina kia peraia to te Mesia mate e tikaʼi, ka aere atu ei aia ki tona basileia? 27#Luka 24:45Akakite maira aia kia raua i te au tuatua katoa nona, i tataia ra, #Gene 3:15; 22:18; 26:4; 49:10; Nume 21:9; Deu 18:15mei ia Mose e tae rava akera #Sala 16:9,10; 22; 132:11; Isa 7:14; 9:6; 40:10,11; 50:6; 53; Iere 23:5; 33:14,15; Eze 34:23; 37:25; Dani 9:24; Mika 7:20; Mala 3:1; 4:2; Ioa 1:45ki te au peroveta katoa. 28E vaitata atura ratou ki te vila ta ratou i aere ra, #Gene 32:25; 42:7; Mare 6:48kua akaaere ke atura aia. 29#Gene 19:3; Anga 16:15Kua māro atura raua iaia, na ko atura, E noo anake tatou; kua aiai oki, kua parepare te rā. Tapae atura aia i te are, noo katoa iora ratou. 30E taua noo anga no ratou ra i te kaingakai, #Mata 14:19kua rave akera aia i te manga, e akameitaki iora, vavaʼi iora, e tuku atura kia raua ra. 31Akapueraia akera to raua mata, kite atura raua iaia; e ngaro ke atura aia ia raua. 32Kua tuatua iora raua raua uaorai, Kare aina i maana rava to taua ngakau, ka tuatua mai ei aia kia taua i te arataa ra, ka akataka mai ei aia i te tuatua i tataia ra? 33Kua tu akera raua ki runga i reira, oki atura ki Ierusalema, rokoia atu te ngauru ma tai ra, te putuputu ra, e to ratou katoa, 34E te tuatua anake ra, Kua ora tika rai te Atu, e #1 Kori 15:5kua akakite mai kia Simona. 35Akakite katoa atura raua i te tuatua ta raua i kite i te arataa ra, e to raua kite anga iaia i te vavaʼi anga i te manga ra.

36 # Mare 16:14; Ioa 20:19; 1 Kori 15:5 E te akatika ua ra raua i taua tuatua ra, ko Iesu katoa iora i rotopu ia ratou, kua tuatua maira, Kia ora na kotou. 37Poitirere rikarika atura ratou e maranga atura te ii, manako akera, #Mare 6:49e vaerua tei kitea e ratou. 38Kua tuatua maira aia kia ratou, Eaa kotou i mataku ei? eaa tena manako i akatupuiaʼi i to kotou ngakau? 39Ka akara mai ana i toku rima e toku vaevae, ko au uaorai oki teia: #Ioa 20:20,27ka aa ua mai ana, kia kite kotou; kare ïa o te vaerua e te ivi, e kare oki e kiko, mei ta kotou i kite iaku nei. 40Pera atura aia i te tuatua anga ra, e kua akakite atura kia ratou i tona rima e tona vaevae. 41E kare rai oki ratou i akarongo tikai #Gene 45:26i te rekareka ma te umere, kua tuatua maira aia kia ratou, #Ioa 21:5E manga kai ainei ta kotou e vai nei? 42Tuku atura ratou i te manga ika tunu nana, e tetai manga melikerio. 43#Anga 10:41Rave iora aia, kai iora i mua ia ratou ra.

44Kua tuatua maira aia kia ratou, #Mata 16:21; 17:22; 20:18; Mare 8:31; Luka 9:22; 18:31; 24:6Taku teia i karanga atu kia kotou, ka noo katoaʼi tatou ra e, e tupu rai noku nei te au tuatua i tataia ki roto i te ture a Mose ra, e te au peroveta ra, e i te Salamo ra. 45#Anga 16:14Akamārama atura aia i to ratou ngakau, kia kite ratou i te tuatua i tataia ra. 46Kua tuatua maira aia kia ratou, #Luka 24:26; Sala 22; Isa 50:6; 53:2&c; Anga 17:3I peraia te tata anga i taua tuatua ra, e kia peraia to te Mesia mate e tikaʼi, e kia tu akaou mai aia i te po toru ra mei te mate mai: 47E kia tutu aereia te tuatua no te tataraara, e #Dani 9:24; Anga 13:38,46; 1 Ioa 2:12no te akakore anga i te ara, i tona ingoa, mei Ierusalema atu nei, #Gene 12:3; Sala 22:27; Isa 49:6,22; Iere 31:34; Hose 2:23; Mika 4:2; Mala 1:11e kia pini te pa enua ravarai. 48#Ioa 15:27; Anga 1:8,22; 2:32; 3:15Ko kotou anake oki te kite i teianei tuatua. 49#Isa 44:3; Ioela 2:28; Ioa 14:16,26; 15:26; 16:7; Anga 1:4; 2:1&cE i na, naku oki e tono mai kia kotou ta taku Metua i tuatua maira; e noo ra kotou i te oire i Ierusalema nei, e kia rauka to kotou maroiroi no runga mai.

50Kua arataki atura aia ia ratou ki vao ra #Anga 1:12e tae ua atura ki Betania; apai akera aia i tona rima ki runga, kua akaora maira ia ratou. 51#2 Ari 2:11; Mare 16:19; Ioa 20:17; Anga 1:9; Ephe 4:8Iaia i akaora mai ia ratou ra, i raveia mai ei aia, e apaiia atura ki runga i te rangi. 52#Mata 28:9,17Akamori atura ratou iaia, oki anake atura ki Ierusalema, ma te rekareka maata; 53E tika anake rai ki roto #Anga 2:46; 5:42i te iero ra, kare e rā e tukua, i te akameitaki anga, e te akapaapaa anga, i te Atua. #24:53 E tika ïa.Amene.

Currently Selected:

Luka 24: CIMB

Highlight

Copy